上海榮華川菜館

营业中

休息中

3月24日同男朋友食o左個二人套餐：酸辣湯(一窩)：每人有三碗，多料又夠味，幾好回鍋肉：都幾大碟！味道一流，好正宗！肉又唔會太肥，o岩o岩好三層肉(由肥至瘦好均勻)！糖醋魚塊：魚塊有魚味，又爽口！不過個汁o既味道就唔似正宗o既糖醋魚塊味，似京都骨味！菜飯：個餐包兩個白飯，加$5轉菜飯！都幾好，用回鍋肉o既汁拌o黎食，真係極品八寶茶：送o既，每人一杯，好清香，為一個完美o既晚餐劃上句號！o的o野食真係好美味，唔怪得成十點鐘都仲咁多人啦！不過唔係所講咁經濟，視乎你叫咩啦，散叫都幾貴架！菜牌上有好多o野食都點唔到，下次一定會再光顧！

初4中午去吃午飯發現客飯已經偷偷的加了價原本只要$26的上漲成$28原本$28的就變成$30但食物水平並沒有跟價錢成正比...擔擔麵：是齋的，很多花生碎但沒有香味。三鮮炒年糕：用火腿(Ham)、蝦仁、雞肉就叫三鮮？！？鮮甜味欠奉，味精就有，年糕不彈牙，比我自己炒的還難吃。鍋貼：皮厚餡少，吃入口發現原來跟菜肉包裡的餡，是一模一樣的，但價格就差天共地，菜肉包$10有6個，鍋貼$28只有8件！只能說沒下次啦~>____________<

心血來潮去完圖書館後去o的間野食返餐叫左個改良擔擔麵我覺得一般啦不算特別好‧又唔會話特別差試過就算下次試過第二間先~

(31/12)　　天下之大，無奇不有，尤其在於那一夜之後深信不疑。記得那晚在露台觀星，有一隻微小的螢火蟲飛行，心想這小昆蟲仍能生存於石屎森林？它，越飛越近，正當驚惶失措之間，欲速回房間時，他已站立於面前，我曾經懷疑自已是否做夢，幻化成一位相貌酷似Edison的男子。　　「大…哥...，你想…點呀？」但他笑著回應：「你好！我是來自diupfujf，我的名字叫xxx9 xx5x x2xx 7xxx。」可是從來沒有聽過他提及的地方，惟能聽懂他的名字有四個數字，我便答：「我叫你做9527，好嗎？」其後9527詳細解釋此行的目的，我忍不住反問：「為何你會選擇認識我？」他急不及待說：「認識你之前，已認識了很多地方的朋友，全個歐洲的每一個國家我也去了。這些朋友都曾問過你這問題，只因你們於那一刻的腦電波頻率與我接通了。」　　9527對於地球上的事物並非陌生，而且他懂多國語言。他特別欣賞人類對於食物的烹調方法，我提議一嚐上海菜。不要奇怪，他也會進食，只是份量較少，那我便選了蒜泥白肉、醉雞、小籠包、擔擔麵。不久蒜泥白肉上場，每片白肉薄切，肥膏白肉平均，入口的微辛蒜泥，與白肉一起而吃，美味非常，油分不少，但

28-1-2007香煎窩貼, 雖然係返煎, 不過D皮和肉都幾好食。青菜煨麵: 都OK, 如果用上海麵會仲好。春卷: 點解上海春卷會變左做越式春卷?菜飯一碗: 老細話要十分鐘, 因為即炒, 唔講由自可一講就好有期望, $15一碗即炒都OK呀, 點知上檯一望, 真係...X@#%!家常豆腐: 好濃味, 都算好味!

咸得無道理住了觀塘這麼久，也不知道原來這裡有間在Openrice上獲頗高評價的上海菜館。是日星期六約了朋友在觀塘晚飯，與朋友相量下，不約而同想來這裡試試。七時半到達，小店巳擠滿客人，勤快的侍應馬上為我們在餐廳角落加開一張圓檯，雖是比較陝窄，但來得這裡都預了不是吃環境的，故亦欣然坐下。因為朋友趕著9時半到界限街踢球賽，為了省時就乾脆點個108元二人餐，自選兩一湯，包白飯兩碗，並奉送八寶茶兩盎。朋友十分遷就，點菜全交我發辦，但我也盡量點二人都喜歡吃的。最後選了酸辣湯、醉雞、王鱔餬(加二十元)，白飯則每碗多付五元轉菜飯，另再自加小籠包一客。先來酸辣湯，對我們來說是相當的夠酸夠辣，料亦下得足，還可。醉雞酒味過於濃烈，雞味全給淹蓋，並帶點苦澀，應是紹酒質素的問題吧。雞身偏乾偏瘦，肉質鞋口，且醃得過咸。我和友人皆酷愛醉雞，但是晚這道菜，屬三流之作，令人失望，是怎樣努力也無法把它幹掉。另一我本來甚是喜歡的王鱔糊，同樣做得毫無水準。鱔份量頗多，亦炒得爽口；敗筆之處在於咸得死勁，咸得差點不能下嚥。不想浪費食物，唯有多點一碗陽春麵撈著吃；陽春麵麵身頗彈牙，不錯。可惜鱔糊實在咸得過份，最終麵和鱔都剩下大半。

擔擔面: 味道一般, 唔夠花生味, 又唔夠辣, 但係啲面都幾好味, 唔會太腍, 唔覺意食到少少花生都覺得幾脆, 同埋有好多蔥花係個面到粉絲枝春卷: 熱辣辣好好味, 啲料有啲芋絲, 唔知係咪有啲五香粉, 所以好香口, 可以一試小籠飽: 見到食友話係傳統, 都無抱好大期望, 但係試過之後又覺得都唔差, 可能係新鮮即蒸, 所以都有啲肉汁, 唔會又硬又實, 但係得一個size, 2個人食就太多招呼唔錯,幾有禮貌

家庭式經營，服務好好，對客人細心，反應快，依家出街食飯好難搵到間服務好既餐廳。酸辣湯酸辣味道適中，但太少料。雖然知道此店不會刻意注湯給小籠包，但還是覺得若肉汁更多會更好味。三鮮炒津白的蝦不夠鮮，應該是急凍蝦吧！街坊生意，沒有加一，價錢合理。

我叫左四樣野:1. 小龍包(冇汁, 冇肉味)2. 醉雞(雞太鞋, 不凍, 冇刀法)3. 擔擔麵(OK)4. 豆漿(OK)服務很好Total $92

睇到openrice食評有咁多好評今日去完親戚屋企送月餅就諗住叫阿媽唔好咁辛苦煮飯o黎依度試下啦但係食完真係好失望食物太鹹同太重味精，食完餐飯四個鐘仲覺得好口渴我地點o左三人餐三餸一湯，包括獅子頭、粟米斑塊同宮保雞丁，仲加錢轉o左個砂鍋雲吞雞砂鍋雲吞雞‧湯都ok，不過雲吞唔夠鮮勁重味精粟米斑塊‧所謂既斑塊其實係超市既雪藏魚柳獅子頭‧d肉唔夠鮮同好重味精宮保雞丁‧d蝦都好食唔似雪藏蝦，味道都係偏鹹唯一一樣好就係八寶茶真係好正我諗都唔會幫襯第二次啦

選了2人餐，吃了醉雞+獅子頭，醉雞可能雞有用鹽醃味道偏鹹，獅子頭亦未見出色，是普通家常便飯，但八寶茶真係幾好飲，但之後真係勁口渴；如方便就腳可一試，需要遠道而來就無謂。

難得舅父放假，便跟他和婆婆一齊黎食飯。叫左一個套餐\，三人餐\，可以揀3個+ 一個湯or 2+ 一個湯+ 一款小食。叫左一個素菜粉絲煲，糖醋魚塊，花雕醉雞，醱辣湯，另外叫多個小籠包。首先來的是醱辣湯，夠酸夠辣，料亦多。素菜粉絲煲，內有冬菇、草菇、小棠菜、津白and粉絲。味道好清，我個人好鍾意。糖醋魚塊，個汁幾好味，但係個魚塊，似係m記魚柳飽個d魚，只係將佢\開四，好油，唔係我杯茶，我都知上海菜普遍偏油，但係呢個真係太油啦。花雕醉雞，好重酒味，可惜雞肉較鞋，but都唔錯的。小籠包，絕對唔係而家d人要求皮薄多汁個種，但係佢\好鮮味。之後因為婆婆覺得太少蔬菜，所以叫多個奶油津白，鋪面有粒粒既火腿，仲有好濃既奶油味，婆婆覺得呢個菜好好味，但係我覺得味道第一啖真係幾好味，食多啖好漏，因為我比較喜歡清淡。最後係八寶茶，好甜，但係佢\呢個甜係好清個種，仲飲到淡淡既菊花味，飲完呢個茶感覺上都覺得頭先d油走左一部分(自欺欺人中)。服務家庭式，老闆好nice，全餐\都係笑面以對，食物都唔錯，食左咁多野都好似around 220，抵食!!下次會黎試下其他。

一個人食飯, 近近地小試人人都讚既小店啦! 叫左個擔擔麵, 有蔥花, 有花生粒, 有麻醬, 有辣味, 麵條都粗幼得宜...不過只有驅殼, 全冇靈魂! 蔥花用全條去cut, 有好多老蔥花沉起麵上; 有花生粒, 幾大粒, 不過同碗麵一o的都唔夾, 有辣味, 不過唔香, 係好夾硬撞上既味, 好奇怪; 有麻醬, 不過又係同個辣唔夾, 仲有係黐住底部既麵條!!! 唔反上黎, 完全唔知有麻醬響底。再加個雞絲粉皮, 好普通, 冇青瓜絲, 雞絲仲有雞皮, 又唔係一絲絲.....唉.60大元, 小店格局, 味道差勁, 大店收費, 一定唔會encore...P.S. 店內仲有兩隻大cat .... 有冇搞錯?

服務係好，價錢係合理,但食物可以簡單地用一個"差"字來形容,小籠飽皮又厚又林,豆沙wor餅皮又係厚同質感有問題,d豆沙又唔好味. 真係邊有人用腿蛋治d火腿做上海棻架,不能接受,係杯送既八寶茶可算幾好,真唔明點會有這樣多好評.

感謝各位的意見，本店將繼續努力，務求制作出滿意的美食。關於貴客「小羊羊」提出的意見，本店已找出問題所在，並加以改善。而這只屬於個別事件，請各位放心享用