上海榮華川菜館

营业中

休息中

星期六同女朋友到這吃晚餐，叫左個二人套餐食。D份幾足，叫左個回窩肉，九王鱔糊，酸辣湯同小籠飽。我同女朋友都話好味~~走時還落左個擔擔麵外賣。我同其他人都話，若在觀塘食上海菜，一定去這間，其他如APM 及上海坊就不必了，因為味道及價錢這間還要好!

我男朋友屋企食開, 佢帶我來食嘅。對於平時極唔鍾意上海菜的我, 我都會叫佢encore的菜館。醉雞真係好好食。好香花雕味。40蚊好大碟好抵食!回鍋肉都幾nice, 雖油, 但不致討厭。銀絲卷係男朋友必叫。都幾好食。小籠包好common, 不叫都罷。而八寶茶好得! 一個小菜有2碗飯, 同男朋友叫一個+醉雞+銀絲卷都係70蚊, 又好味喎, 仲有apm行, 仲想點!

試過同區那麼多間上海店，如上海彷般，各有各好，但星期三買了\"飲食男女\"睇後，原來先知有間三十年的上海菜館……食晚餐\，叫左個三人套餐\食。真係幾抵~~再加小籠飽、擔擔麵及一客窩貼，只係2XX元。而且小籠飽、及各小菜味道very good taste~~擔擔麵應該是全觀塘最好食。雖然地方細少，但係有種70年代風味。算不錯!

one of my mum's favourite shops...we went there very often before...but these few year, more and more new shops appear, so we gotta try the new one instead of this...the price is quite cheap and most of the dishes are above average...it's worth to try!!

雖然係話晚餐但都只係點左d炒麵小吃類, 共點左炸雲吞~ 睇賣相唔錯, 層皮炸得好脆, d餡有菜有肉又唔會過乾, 可惜係一咬落層皮到食得出有油味小籠飽~ d餡過得去, 最唔得係層皮, 結結實實又黏牙上海粗炒~ 睇樣立立令, 唔係油, 只因為係濕炒, 食落d麵質過腍, 麵同肉絲都冇里味道, 呢碟麵o既作用只係黎埋肚擔擔麵~ 呢個算係我最滿意o既, 雖然冇咩麵味, 但食落唔過腍, 好有麻醬味道, 麵面有好多花生醉同埋蔥花, 碗麵對我黎講都幾辣, 不過都食左半碗埋單總計$9x

5月1日，19:00因中風的友人，從QE 轉至聯合，探病前先來這裡醫肚。未翻開餐牌，便叫八寶辣醬湯麵，原來祇有八寶辣醬客飯。店員建議三鮮麵，我沒興趣，結果祇要了擔擔麵。湯底：帶酸辣，還有點點花生碎，味道可以。麵：幼麵，爽而不夠咬口。

因為近排工作忙的關係,久久沒有同女朋友出街食飯,昨晚幸可以早放(其實都係正常收工時間-6:00pm),所以拿拿淋上呢一個網址,睇下有什麼好介紹.(我女朋友like上海菜),見網友對此上海小店有不錯的評價,決定一試...看見門口的裝修,很有懷舊風味.(但係裹面枱椅的擺放同大排檔沒有什麼分別,最有風味的只是牆上的70年代香港畫照)本來想order抵食套餐,但沒有女朋友like的擔擔面,so決定散叫..... 我們order0左小籠包一籠,擔擔面一碗,跟住問個waitress姐姐有什麼好食,哈哈....佢介紹回窩肉(但係我0地都feel回窩肉好肥膩),ban0左佢介紹,佢又suggest我0地食獅子頭(ok),等了2,3分鐘餸到,brief describe一下先:1) 擔擔面- ok...最好係花生醬味唔會太濃,湯又唔太"傑".2) 獅子頭- above average.... 唔同一般上海店(一大個),係分開兩個蒸,入口即溶,個賣相都ok(可惜電話冇電,影唔到比大家睇),算係水準之作.3) 雞c粉皮- ok.... 粉皮切到可以話透明(good),仲拎埋成碗醬汁比我0地.但食落覺得只是一

諗住openrice D 食評寫到咁正．．　走去試下喇．．下午四點幾去食下午茶．．　只叫小寵包，同豆漿．豆漿唔錯，可惜細ＳＩＺＥ細左Ｄ．小寵包等左十分鐘先有，奇耐，唔知點解成間舖冇人都咁耐．小寵包上檯，好失望，見到個包個樣，先醒起原來同協和街百老匯隔離那間飽餃店是同一間，因為Ｄ小寵包個皮好鬼厚，Ｄ料又同Ｄ餃子一樣，有個感覺如果將Ｄ小寵包攞去放湯，同餃子冇乜分別．仲有，小寵包裡面乾曾曾．有點兒粗製濫造．ＭＡＹＢＥ下次可能會去試下Ｄ担担面．另外，Ｄ食物都唔平喎，一個菜平均４０－５０蚊，有Ｄ６０蚊添．

因為睇到終極先生既食評....令我蠢蠢欲試....於是約埋一個同事.....放工專程走左去食......(仲print 埋地圖慌死搵唔到路).....如果唔係oprn rice....我諗我點都唔會知道呢間野....即使行街經過....亦都唔會入去試....而家呢個世界...好就好在有internet.....兩個人....食左:改良擔擔麵($26):佢有一個擔擔麵($20)....問亞姐同改良左既有咩分別...佢話加左D肉醬喎.....話明改良...應該係好D既...所以就要左個改良版.....上檯時....即時比佢個賣相吸引住....忍唔住要同佢影幅相....果然如終極先生所言....真係好好味...除左佢講既肉醬之外....仲有花生碎....令成碗麵生色不少.....微辣....好彩頂得順......呢碗麵真係水準之作.....但係我食得出碗麵有醋味(我唔呷架)...所以個人都係鐘意京味居既擔擔麵多D.....紅油抄手($24 - 8隻):一見到D紅油就知佢唔野少....D菜肉雲吞好味....個紅油都辣...但係仲頂得住....只係師傅似乎鐘情於醋...呢個紅油入邊應該唔少...

本來去雲南風味餐廳，但咁好彩星期一休息，仲好彩的係仲有傍邊的上海鋪。咪睇小呢間門口戇居居的鋪頭仔，入面賣的，係我食過最滿意的擔擔麵。本來想收埋唔講，費是太多人去影響水準，但反正獨唔獨食都係咁肥，爆就爆啦。店內所有的包啊鮫啊都係自已猜麵粉整的，價錢又抵，唯一係地點比較難搵，不過，有咁正的擔擔麵，絕對要去。睇番呢度的資料，由99年尾到家下04年尾…我諗仲老資歷過呢度好多人。

食物ok啦! 如果嫌回鍋肉不夠辣, 可以在落單時叮囑加辣。小籠包就古怪了些少, 餡中居然有菜...價錢算平,都幾抵食, 不過不就腳, 可以去試下。

因為附近無得泊車, 我見到好多人甘願冒被抄牌都要試..那兒的食物真係好正宗, 而且即叫即整... 正~

觀塘雖然有唔少上海菜館，不過我覺得呢間就最正，一來野好食，全部新鮮整，唔會凍冰冰，二來價錢平，二個人食個都係一百蚊，仲有好多選擇，成日食都唔會悶。不過地方就細d ，成日要搭台，但係抵食就抵番晒。