影片
更多
2005-12-20
10 浏览
放工同男去左呢間小菜館食飯，間野位置都幾隱敝下架，唔係睇<<開飯喇>>網介紹都唔發現。間野門面雖然幾簡陋，衛生環境又差左少少。但d食物水準同服務態度真係唔錯啊，令人印象深刻。傳聞中既嬸嬸真係成日幫你斟茶加水，凍左仲俾過杯熱既你添，個個都好好禮貌。第一次黎，唔敢冒險敢亂點菜，所以嗌左人人都讚既酸辣湯($30)，哇!!!很足料!!! 根本唔係湯咁簡單，湯料足以食飽你。味道很濃，材料好豐富，豬肚豬皮豆付木耳絲，色澤好靚好吸引，天氣凍凍地黎一窩微辣既酸辣湯，感覺真係暖笠笠。我地又試左擔擔麵($20)，哇! 見到碗麵，第一感覺係，制作認真，好多花生粒葱花伴麵線，平時一般巿面食到既，都係汁稀伴料少。但呢度好唔同，正宗風味。麵線隨隨入口，陣陣花生香氣樸鼻湧上，再細細咀嚼花生粒，呢d先叫擔擔麵。不過，奉勸2人share一碗，始終花生醬伴麵，食多容易膩….都係少食多滋味好! 呢度咁多好菜式，留番quota試其他咪仲好^^事前知道<<開飯喇>>個個都話值得一試既銀絲卷($9)，試過都會同意大家睇法! 記住點都要試下!!! 最鐘意佢地提供既係自
第一次黎，唔敢冒險敢亂點菜，所以嗌左人人都讚既酸辣湯($30)，哇!!!很足料!!! 根本唔係湯咁簡單，湯料足以食飽你。味道很濃，材料好豐富，豬肚豬皮豆付木耳絲，色澤好靚好吸引，天氣凍凍地黎一窩微辣既酸辣湯，感覺真係暖笠笠。
我地又試左擔擔麵($20)，哇! 見到碗麵，第一感覺係，制作認真，好多花生粒葱花伴麵線，平時一般巿面食到既，都係汁稀伴料少。但呢度好唔同，正宗風味。麵線隨隨入口，陣陣花生香氣樸鼻湧上，再細細咀嚼花生粒，呢d先叫擔擔麵。不過，奉勸2人share一碗，始終花生醬伴麵，食多容易膩….都係少食多滋味好! 呢度咁多好菜式，留番quota試其他咪仲好^^
事前知道<<開飯喇>>個個都話值得一試既銀絲卷($9)，試過都會同意大家睇法! 記住點都要試下!!! 最鐘意佢地提供既係自制花生醬，少甜又夠花生香，比起一般用鍊奶，味道特別又有特色，金黃香脆既銀絲卷，帶有淡淡菜油香，食完心情會好開心，真係食到好野囉!
另外，嗌左碟菜，百葉炒小唐菜($3x)，老闆介紹，清清地….百葉即係豆付皮，無炸過，炒起上黎好入味! 中和番之前食過味道濃既菜式丫^^
埋單時，有個後生仔收錢，非常之好禮貌，雙手接錢加個45度鞠弓，再向我地一人一句多謝晒，哇….我就真係極之甜入心。加分不少!!!
今次食左咁多野...只係$108咋!飽到....很滿足!!!
平時男友好咀刁，同佢食野都好難聽到佢話正...估唔到呢間小菜館, 佢可以俾到80分添呀~
张贴