上海榮華川菜館

营业中

休息中

今日自已單拖去榮華，去到時已經好旺場…好彩老闆都可以立即彈個位比我！唔使我大熱天時等死我，哈哈！ 我比較對味道有要求，所以好喜歡食一D較濃味的食物。正正觀塘無邊幾間可以夠膽做到這濃鬱的味道…所以幾鐘意過去食野。 可以因為係家庭式生意吧！所以感覺比較親切。 講到環境，舊式上海鋪模樣。P.s: 如果大家有留意的話，舊式上海鋪的外牆是紅磚色，而地板就是像榮華那樣；以我所知香港餘下不多了… 平時食回鍋肉多，今次到試食酸辣粉；之前食過某間知店的酸辣粉，但係好麻麻…本著敢死隊的精神，就去食啦！ 叫左過中辣。 出到黎，聞落都feel到好辣~~!!但係好香~湯底黑黑地，飲落甘甘地、酸酸地、辣辣辣！ 雖然辣，但係好開胃！ 最後，食到噤上下，員工都自動幫你添茶，唔錯！

觀塘雖然有唔少上海菜館，不過我覺得呢間就最正，一來野好食，全部新鮮整，唔會凍冰冰，二來價錢平，二個人食個都係一百蚊，仲有好多選擇，成日食都唔會悶。同老婆去, 先叫小籠飽, 跟住見人地d 鍋貼同酸辣湯好似幾好味 跟住最後加多個醉雞小籠包 , 好多湯，唔太油膩，唔錯，不過比唔上鼎泰x個醉雞,酒香味唔濃個肉好滑而且呢隻雞幾肥美因有少少嘅啫喱狀透明小黃油膏變得好滑鍋貼嘩!!煎得好靚呀,仲包得好靚tim呀,睇見流晒口水木耳、筍絲、肉絲泡在黏糊糊的漿粉水裡，些許辣椒油辣分明就是廉價街坊貨色，沒有想到老婆居然胃口大開，吃了一大碗飯不過地方就細d ，成日要搭台，但係抵食就抵番晒。

這裡多款好味上海麵食, 價錢合理阿姐仲會話俾你知邊樣o野抵食同好味添擔擔麵 個湯真係好有花生味, 夠濃, 夠香, 麵質都ok雞絲粉皮加左d花生粒,非常好吃,但是粉皮份量小左D伙計做野快手,抵讚在.侍應們幾年輕&NICE見你飲完杯菊花茶會自動同你加水美中不足的是這裡裝修非常舊

我又再幫襯了!坐落去，就有杯”波波” 茶，好得意的！等一下它就會在水中開花，勁靚！自已一個人只能負擔得起一個回鍋肉客飯……算吧回鍋肉食落唔會好肥(外邊通常好肥)，又幾野味^_^店需無裝修﹐少少迫...老闆同亞姐勁好﹐食物味道勁掂一邊食，一邊聽著這裡播著kenny G的音樂，又品嘗這杯可愛的茶，好relex!!!!

成日食茶記,今次換下口味食上海野這間榮華都係少少偏僻，但勝在食物質數同老字號，加上特制八寶茶……掂！一家四口叫左個四個餐，小菜為回鍋肉、醉雞、九王鱔鰗、糖醋排骨；湯為雲吞雞，小食為豆沙窩餅，另加窩貼八大隻。 一來就是回窩肉，回窩肉辣中帶甜，令人有食過番尋味的感覺^O^二是醉雞，平時雖然少食上海野，但係睇得出榮華落左好多心機在此！D雞唔會好鞋，但係好入味，入既係濃鬱的花雕酒味，真係好正^O^之後來了酸辣湯，唔會好辣，但係好開胃，夠料。九王鱔鰗，同出邊的差不多，但係無噤油…………..糖醋排骨，都係唔錯。鍋貼，煎得好，肉味濃！小食同八寶茶一齊上，八寶茶一人一盅，同人地講既一樣，食完上海野再飲一杯八寶茶簡直是完美、有頭有尾的一餐。整餐飯都好滿意！P.s.: 其實現在反家食飯仲貴過落街食，真係…想講粗口！ @@@@@@@@@@@@@@@@@@@@@@@@@@@@@@@@@@@@@@

兩個女人去食，天氣又熱，結果去到叫左個兩人餐食！雞絲粉皮、口水雞、酸辣湯雞絲粉皮D粉皮好滑，D雞跟麻醬D味超夾！口水雞，果然聞到D味都流口水酸同酸！正！食完重有八寶茶，真的想得好周到啊！

之前去過隔來的雲南鋪，味道一般…見到之前這間上海鋪噤多人等位，今日約女朋友去這裡橕台腳。比老闆的仔推介，叫左個二人餐食：口水雞，回鍋肉，雲吞雞湯，另加小籠飽。口水雞係冷盤，個味道好正：辣得來帶酸味，好開胃！回鍋肉，味道濃鬱，幾好味！雲吞雞，不過不失，濃雞湯味。小籠飽，比出面的少汁，但肉帶鮮味…都ok la食到最後，有八寶茶。入面超多料，「係一杯好有特色的茶」。講到環境，其實在香港開在三十幾年噤久的上海鋪算是不錯的了，幾整潔。另外，個感覺幾有舊香港既feel…好彩觀塘重建沒去到那邊，不然又少了一個「活古跡」了。

叫左個2人餐 1個湯(酸辣湯) 2個小菜(回鍋肉 , 口水雞) 改左1個菜飯(每客加5蚊) 及八寶茶兩盅個湯味道都唔錯 唔會辣度同酸度都適中 料好似就少左啦 我印象之中應該有豬紅 但佢就冇回鍋肉咸香冶味少辣 送飯岩晒 略嫌d五花腩切得太薄 冇乜口感口水雞就唔多得..唔香唔麻..可能醋太多..酸左少少 雞就當然冇期望過係新鮮雞 但尚算嫩滑菜飯真係最唔掂...菜太少飯太乾唔夠油潤 仲衰過白飯...另外服務尚算殷勤 但未夠醒目 唔識自動加茶水

這天在官塘街市工程，收工走來呢間試試﹗在官塘長大的我從未聽過呢間上海菜館，都係近期無意中在網上找到，見到好評竟然去到七十幾個，相便來試試﹗六點半就來到，時間尚早只有兩枱客，找個卡位坐下，老闆即遞上餐牌，正想拍照時佢同我講唔可以影餐牌..........唔影都無所謂，奇就奇在佢餐牌第一頁是寫著叫大家上openrice比意見，寫得openrice都會拍下照吧，真奇怪為何餐牌唔影得呢，影唔影又有咩分別？﹗不算太肚餓，點了幾個簡單菜色，先來的是一個中辣的酸辣粉。酸辣粉近期香港大熱，旺角太子深水步都有幾間出名，我就試過深水步的傷心酸辣粉。酸辣粉一放在枱上已有酸味攻鼻，湯底暗紅，材料有花生、芝麻、芫茜及菜甫等。主角當然係個粉啦，一夾即斷已可知一二，不煙韌亦不彈牙，就只是粗身半透明的粉麵是了，是麻亦辣，惟在我心中佢幾辣幾麻都已經無用，粉的質素不好的話湯底已成徒勞。醉雞一份大約有半隻左右﹗好重花鵰香，肉身實淨夠入味，件件都係肉唔會得0的骨，好味推介﹗不過由於個酒太濃的關係，雞肉掂到酒的話會呈少少苦味，如果夠入味的話其實就咁上雞已很不錯，酒不用上枱以免吃時會帶苦澀味﹗沙窩津白是我次次食上海野都會叫的，津

男友以前住觀塘,為左懷緬過去,成日都會番黎榮華食飯~已經唔係第一次來呢度啦~ｄ野食水準都ｏｋ叫左２餸１湯的套餐($118)醉雞份量唔算多,勝在入味,雞又滑回鍋肉好惹味,個人略嫌辣過頭.有少少油,不過唔會話油得濟砂鍋雲舌雞(另加20蚊),湯濃,菜肉雲吞多肉少菜,但皮薄餡靚; 如果同金滿庭比當然差好遠啦,味道已算好好.1白飯+1菜飯(另加5蚊)再另外叫左小籠包同豆沙窩餅小籠包好味,不過呢度的小籠包無咩湯同肉汁豆沙窩餅,熱辣辣,好正.薄薄地,又會話太甜本人最鍾意就係呢度有得飲8寶茶.0係黎呢度之前其實我係未飲過/唔知咩係8寶茶d料都幾多.雖然數唔晒邊8寶..但就見到有菊花,杞杍,蜜棗,果皮,紅棗..味甘帶甜

我係睇openrice先去上海榮華川菜館食飯, 一去到...見到一大班青年企係門口, 就知佢地應該都係睇左openrice介紹去架啦, 因為個個位置, 除左街坊, 相信其他人都唔會識去, 等左一陣, 就有位喇, 入到去...發現...有八成客人都係後生仔女 (心想...老字號都無d老街坊幫親下...=.=)叫左個二人餐 (可選小菜兩款湯一款連白飯及八寶茶x2) 我地揀左醉雞, 回鍋肉, 沙鍋雲吞雞(要加$20)一黎個醉雞...見到已經覺得好"鞋", 食落...都係! 仲要好肥, 係皮厚肉薄個隻, 差!回鍋肉... 一般, 但有焦味...個雲吞雞...我覺得係一間正常有雲吞雞食既都應該有既水準, 唔算得上好好, 入得口啦算...總而言之...失望!

榮華在觀塘都有一定的名氣，我時時就聽D fd 話去那處食回鍋肉等之上海菜~~但自已一直無時間去試！好啦！自已同自已講一定要找個時間去試，就是昨天~本來一心去試他們招牌菜"回鍋肉"，但去到時就『驚見』突然出左個new item poster：勁辣酸辣粉！把心一橫，回鍋肉下次先試，今次點都要試左個酸辣粉先。個場細細，但勝在整潔！員工的服務也很好，難怪得獎及好評如潮。我就點左小籠飽同酸辣粉食，自已食得辣，所以叫最高級辣 (皇旗) 來挑戰下自已同榮華，因為我知道，酸辣粉雖然睇落做法簡單，但難就難在制作辣油，辣油要做到『辣』其實唔簡單，唔係話落多辣椒就會辣的。酸辣粉出場，聞落D香味真的好似la！勁香，食落去……死啦！辣到媽媽聲！我真的無想過香港食肆會噤夠膽噤辣！『麻』到個咀……振！雖然辣，但係D酸味真的好開胃！令我越來越有食慾。好，食完休息左一陣，等麻辣減弱後就食小籠飽，肉餡味道非常！正！榮華給我美好的回憶……辣到……哈哈！

父親節, 爸爸中意食中菜, 選左榮華~之前都食過幾次, 今次怕多人, 專登訂定位o係門口睇榮華d威水史, 原來都幾有料 @.@位唔多, 卡位4個人坐有小小逼, 枱唔算大僅僅夠放哂d餸環境普通, 但乾淨, 加上全程播住kenny G, 幾relax叫左個三人餐外加小籠包(1) 砂鍋雲吞雞好飲! 足料! 唔會好似一般o既鋪頭咁成層油o係面, 唔膩, 似乎無乜味精. 個湯飲落覺得好潤~(2) 家常豆腐好多辣椒, 所以我無食, 屋企人話其實唔辣, 仲好香.(3) 奶油津白必點菜式! 個奶油好特別, 好重芝士味, 夠香口, 喜歡香口餸"小朋友口味"o既朋友會食得好開心 而家諗起都流口水~好o岩送飯.(4) 蝦仁炒蛋以前食過一次好似好食d, 今次食d蝦有雪味, 怪怪的. 但我喜歡蔥夠多 (5) 小籠包(6) 八寶茶每次o黎都會飲, 好清甜, 仲可以無限添飲~ 老闆認真貼心...要食埋裡面d料, 澎大海潤喉, 紅棗又夠補 ~(7) 菜飯菜飯有冬菇同菜, 比白飯大碗. 多個選擇, 而且好食, 唔錯.老闆同侍者態度都好好~當然會再來! 好想食砂鍋雲吞雞啊~~

見有一排冇黎, 就去左食~ 仲有卡位~ 真開心~一坐底就奉上2杯茶~ (以前冇咁架, 以往只係2杯普通既茶) 有個球咁既浮住, 一路睇住, 佢就慢慢沉底, 仲有菊花添, 觀感好好~ <--讚~ 酸辣湯~ 好大鍋~回鍋肉~ 辣辣地好醒胃~沙o爹肉片粉絲煲~ 第一次叫, 上果陣見佢咁乾身咁,但食落又好香好好味喎~食完仲有2杯八寶茶~ 最愛~ 好清甜~ 初時仲以為有菊花茶就冇左八寶茶~ 原來仲有架~八寶茶同菊花茶店員都有幫我地加水~ 真係好好呀~

本身我自已同D friend都有去開榮華食飯，因為它是我在觀塘的 one of my favourite restaurants。見到menu第一頁同老闆噤緊張食客的意見，so等我來寫一次食評因為同爸及家人食父親節飯，so 之前book左位。去到門前，已經見到它們有新產品出 — 酸辣粉？？ 莫非就是我在大陸常常見到的「酸辣粉」？？入到去，叫左個八人餐：回鍋肉、獅子頭、九王鱔鰗、椒鹽排骨、醉雞、雞絲粉皮、奶油津白、糖醋排骨、酸辣湯、雲吞雞、豆沙鍋餅、小籠飽& the last is 酸辣粉。酸辣粉有五級辣，自問自已唔係噤食得辣，所以就叫左個九品官（小辣）來試。D野食出來了，味道依然keep到水準，因為出面街有D食肆一到繁忙時間D野食就走晒樣……先講D小菜，這裡的是比出面的上海鋪較濃味，但係又唔會食到喉嚨「確」，幾好！，話曬上海菜應該是濃味見稱ma~湯方面，酸辣湯夠濃、多料，酸同個酸都可以配合到，不會只辣不酸；而雲吞雞就清雞湯，個湯唔「濁」，幾好！好啦，重頭戲就是那個酸辣粉，出到來時那種香味真的令人醒神一陣！來到我面前，好有那種酸酸瀝瀝、而好刺激的感覺。因為聽老闆個仔講，這個粉的重點就是個