影片
更多
2009-07-22
11 浏览
這天在官塘街市工程，收工走來呢間試試﹗在官塘長大的我從未聽過呢間上海菜館，都係近期無意中在網上找到，見到好評竟然去到七十幾個，相便來試試﹗六點半就來到，時間尚早只有兩枱客，找個卡位坐下，老闆即遞上餐牌，正想拍照時佢同我講唔可以影餐牌..........唔影都無所謂，奇就奇在佢餐牌第一頁是寫著叫大家上openrice比意見，寫得openrice都會拍下照吧，真奇怪為何餐牌唔影得呢，影唔影又有咩分別？﹗不算太肚餓，點了幾個簡單菜色，先來的是一個中辣的酸辣粉。酸辣粉近期香港大熱，旺角太子深水步都有幾間出名，我就試過深水步的傷心酸辣粉。酸辣粉一放在枱上已有酸味攻鼻，湯底暗紅，材料有花生、芝麻、芫茜及菜甫等。主角當然係個粉啦，一夾即斷已可知一二，不煙韌亦不彈牙，就只是粗身半透明的粉麵是了，是麻亦辣，惟在我心中佢幾辣幾麻都已經無用，粉的質素不好的話湯底已成徒勞。醉雞一份大約有半隻左右﹗好重花鵰香，肉身實淨夠入味，件件都係肉唔會得0的骨，好味推介﹗不過由於個酒太濃的關係，雞肉掂到酒的話會呈少少苦味，如果夠入味的話其實就咁上雞已很不錯，酒不用上枱以免吃時會帶苦澀味﹗沙窩津白是我次次食上海野都會叫的，津
在官塘長大的我從未聽過呢間上海菜館，都係近期無意中在網上找到，見到好評竟然去到七十幾個，相便來試試﹗
六點半就來到，時間尚早只有兩枱客，找個卡位坐下，老闆即遞上餐牌，正想拍照時佢同我講唔可以影餐牌..........
唔影都無所謂，奇就奇在佢餐牌第一頁是寫著叫大家上openrice比意見，寫得openrice都會拍下照吧，真奇怪為何餐牌唔影得呢，影唔影又有咩分別？﹗
不算太肚餓，點了幾個簡單菜色，先來的是一個中辣的酸辣粉。酸辣粉近期香港大熱，旺角太子深水步都有幾間出名，我就試過深水步的傷心酸辣粉。
酸辣粉一放在枱上已有酸味攻鼻，湯底暗紅，材料有花生、芝麻、芫茜及菜甫等。
主角當然係個粉啦，一夾即斷已可知一二，不煙韌亦不彈牙，就只是粗身半透明的粉麵是了，是麻亦辣，惟在我心中佢幾辣幾麻都已經無用，粉的質素不好的話湯底已成徒勞。
醉雞一份大約有半隻左右﹗好重花鵰香，肉身實淨夠入味，件件都係肉唔會得0的骨，好味推介﹗不過由於個酒太濃的關係，雞肉掂到酒的話會呈少少苦味，如果夠入味的話其實就咁上雞已很不錯，酒不用上枱以免吃時會帶苦澀味﹗
沙窩津白是我次次食上海野都會叫的，津白份量未算多，湯底有火腿、粉絲、肉片等滾出來，湯底淡身亦可知不會多味精，清清淡淡的一味菜色，奇就奇在佢放左0的魚蛋入去湯底，是為了調色的嗎？
最後是我最喜愛吃的鍋貼，$25五隻，窩貼是細隻的款式，即叫即煎可惜應是個皮不薄亦不厚的關係，未夠香脆，而睇成隻鍋貼個味道似是有點解凍不足，餡料較得過甜，油就有肉汁欠奉，麻麻地﹗
總括來說無咩特別驚喜，味道亦不是如咁多食評所說的出眾，給一個OK吧﹗
张贴
