上海榮華川菜館

营业中

休息中

一間不起眼的店, 沒甚麼裝修, 不過絕對不能以貌取人咋看下以為係一般茶餐廳看了食評後試一試叫左個二人餐2 個主菜 - 獅子頭: 肉甜, 香; 唯一不足係外層唔夠脆 - 花雕醉雞: 正! 酒咪清香, 濃郁; 雞肉軟滑, 必試之選青菜豆腐湯: - 一個好清, 簡單得來好好味既湯. 青菜豆腐原來可以咁正八寶茶: - 唔試數邊八寶, 不過D菊花好香, 飲完真係好似健康左, 哈哈自己另加小籠包 - 肉質新鮮, 湯甜以$150有呢個質素同食得飽真係唔錯, 值得一再推介!

同事既客飯同擔擔麵都好似ok小籠包: 冇汁, 皮厚左dd, 味道ok抄手: 少少辣, 都不錯排骨: 好dry我叫左雞煨麵, 等左半個鐘, 催左好多次都未黎, 差d想cancel走人了麵黎到, 食得好急, 都已經唔知好唔好味lu, 記憶中好似ok啦冇乜特別如果下次唔係lunch, 或者佢d野黎得快d既可以再食~

做法幾得意~各人都有一隻杯,預早已經將一粒茶放入杯內,店員一倒熱水.立即花開富貴,感覺好清新自然.我地叫左酸辣湯,上海粗炒,窩貼,樣樣都好熱好熱,好好味呀~另外,想講一樣特別野,就係佢有十蚊五隻花卷,好好味架~

唉~美食當前, 睇黎都係做唔到慳得一蚊得一蚊架喇~今次係帶咗阿媽同妹出街食飯~小籠包$25八隻 / 煎窩貼$25五隻 個人比較喜歡有湯汁嘅小籠包 / 窩貼, 呢度嘅就欠奉喇, 而且個餡比較鬆散, 個皮亦唔見得薄 / 煙韌, 煎得多油又唔係好夠香脆排骨擔擔麵$35 排骨炸得稍為過火而且乾咗d, but食落唔會感覺落太多鬆肉粉淋晒嗰種, 最讚係個麵底, Good~阿媽就較鐘意呢種唔太杰嘅湯底, 而且都幾多花生下~yummy~三鮮煨麵$30 有勁多雞肉, 火腿, 蝦&菜, 好豐富!!!一樣勁鐘意個麵底呀~個湯夠清又冇油, 想淸淸地解下膩都係一個唔錯嘅選擇!!!豆沙窩餅$26 餡多!!!!唔油!!!!!軟熟~少少脆~都唔錯吖~不過略嫌size唔夠大, 唔係好夠喉~P.S. 待應姐姐好好服侍, 不停斟茶又執枱, 真係難得~如果唔係因為想食嘅唔係三人餐內, 我一定會叫三人餐~$158三個餸三個飯三個八寶湯+一個湯同一個小食, 頂爛市啦~唔得!!!為左冇加一, 為左呢個三人餐同為左呢度既service, 我一定要再黎!!!!三人埋單$144

本來想去豆漿大王餈飯吃上海菜,原來已經結業,所以就試下附近的榮華川, 因為喉嚨有些痛,我們二人看了好久都揀唔到食咩好,先點了小龍包&三鮮炒年糕再慢慢揀其他.還看緊餐牌時,三鮮炒年糕已上枱,我見到碟餸仲話我哋冇order到此餸, 因為碟餸只見紹菜, 唔見其他材料; 味道方面係冇任何味道可言, 賣相.味道同分量都好差小龍包也不見吸引,肉的味道ok, 但皮硬又冇汁, 唔掂..好彩冇見到多啲餸, 寧願留肚去第二間再吃

中午同同事一齊去食飯，大家一路行一路想，突然想起這間老店鋪，所以拉大隊去食。來到門口等左一陣，就坐左落卡位。開始時，丫姐遞給每人一個空杯，內藏一顆似茶粒的東西。之後就沖熱水下去，等左一兩分鐘，這粒茶突然變成一朵「花」！Very surprise!!~~~問丫姐這是什麼，她說是新產品，中午食飯先有，每人一杯。我們被這杯茶俘虜左個心!!!!!真係好得意！一邊睇「茶」，一邊叫菜，落左小籠飽、回鍋肉、醉雞、擔擔麵同酸辣湯。先講小籠飽，大家唔好期望它好似灌湯小籠飽，這裡的會較少汁，不過舊肉幾鮮味！回鍋肉，以這家庭式既上海鋪來說已經超左班，味濃鍋氣夠；我都食過上海仿等，暫時未有一間ok 過。醉雞，酒味濃、唔溜，雞就一般啦！擔擔麵，睇落去同出面既無咩分別，不過食過先知道幾足料。酸辣湯，足料、味夠，辣度幾ok~

個小籠包好特別, 無汁嘅!!! 個老闆娘話, 佢哋唔好似其他店舖咁用味精或加油喎. 不過, 我就覺得無咩味喇.

連續通了唔知幾晚頂，是日繼續開工，吃完雲南風味後，路過探探舊朋友，又來喝碗下了胖大海的八寶茶。家庭式經營，來的都是街坊熟客，老闆娘忙完飯市也愛跟客人傾下計，裝潢與認識之初沒多大分別，杯碗等配套就換上了較靚仔的陶碗同雞公碗。要了碟銀絲卷及八寶茶，桔梗、胖大海、杞子幾款藥料泡的茶，小口茶盅焗出清香「八寶味」，喝著茶閒聊一番，精神回復過來了，與從前一樣真材實料，飲得過。銀絲卷是自家製的，配一碗仔麻醬，惜蒸得腍了一點，口感只是一般，但伴碟麻醬帶著濃濃芝麻、微甜，下回來定要叫個雞絲粉皮喪撈芝麻汁吃！同太子爺傾了兩句，原來裕民坊重建工程未波及到小店，不然街坊又少了間有誠意的手作上海小店了。

兩個人要左一個兩餸餐再另加小籠飽一客豆沙窩餅。酸辣湯足唔足料我就唔知，反正我真係唔知正宗酦辣湯有乜野料响入面。不過我食既時候有我喜歡既豬肚、豬皮、木耳同蛋，即管當佢夠料啦。味道偏酸，都容易入口。唔鍾意食辣野既我唔知點解卻鍾意食回鍋肉。呢間既回鍋肉夠熱夠辣，肉片切得薄薄的，不過老闆唔寒，份量都頗多，唔駛就住就住驚唔夠食。雞絲粉皮上佈滿芝麻，加埋麻醬，滑得黎香。不過如果能夠加番D青瓜同埋多番ｄ雞肉就好勒小籠飽細細粒，入面有湯有肉汁；豆沙窩餅熱辣辣，D豆沙尚算叫做多到必出黎，最好係佢個皮唔算硬，幾好食。加埋個八寶茶，都幾滿足。

在官塘想揾一間食物有保証的餐廳, 首推這一間!要了雞絲粉皮和腰果肉丁, 加上酸辣湯, 酸辣湯醒胃足料 , 食物做得不錯, 雞絲粉皮和腰果肉丁都有水準,送飯一流, 吃得飽飽的送上八寶茶, 好清香, 没有私人茶壺, 要時不時請人添茶,有點不便

好耐無來這裡幫襯, 計一計都有幾年了!今晚同家姐睇完戲, 就重回舊地, 內裡裝修一點也沒變, 真係十年如一日喎!入到去, 侍應亞叔送上餐牌, 介紹我們吃兩人套餐, 但我們想吃些飽點, 所以沒有接受他的推介, 似乎這位亞叔有點不悅就行開了, 隔無一分鐘他又行過來要求我們落單, 我們只點了四個菜, 他就當我們點完, 態度麻麻! 我們想要菜肉飽, 因為在門外見到10元五個, 但原來只限外賣, 沒有堂食, 又會咁o既!!我們叫了以下食物:小籠飽8隻 ($28) -- 唔似小籠飽的小籠飽, 形狀有點怪, 有點像雲呑的樣子, 而味道方面有點似餃子, 無肉汁。排骨麵 ($28) -- 唔夠熱, 好普通。三鮮炒飯 ($35) -- 材料很普通的炒飯, 似乎細碟了一點。豆沙煱餅 ($26) -- 好貴呀, 細細件切成六小件, 內裡很少豆沙, 空空的!! 我覺得好唔抵!加上只得一杯茶, 沒有給我們添茶, 服務真係唔得! 埋單要$117元。

本人對上海菜情有獨鐘..幾乎可以餐餐唔嫌咁食上海菜;係觀塘行左陣,見到呢間川菜館.於是即管試下..點知好失望噃..點左小籠包,四川擔擔麵,紅油抄手.小籠包好快就乾晒水,味道唔得咯..都係CRYSTAL JADE好食百倍.四川擔擔麵唔辣.湯底又唔算好得,好普通..一D都唔係四川擔擔麵款式咯..紅油抄手似乎最似樣...太皮太厚..餡料質素一般之後點左支啤酒.當然啤酒無問題啦..一定無下次.

老實，小弟唔識分正唔正宗 (未去過上海食上海菜)有日放工係觀塘周圍行，行到街市尾女友認得呢間係openrice有推介，咁就入左去試下啦(如果無睇一定唔會無啦啦入去，因鋪面極之普通...)兩個人食一個套餐，2x小菜+湯+菜飯+八寶茶點了花鵰醉雞、宮保雞丁諗住兩樣都有特色嘛一食... 嘩，好勁酒味，宮保雞丁又係好辣食慣平時餐廳d普通味，一下子接受唔到女友直頭食唔落醉雞 (佢平時唔飲酒的)有點辛苦下食完，老闆上八寶茶，好好飲~好舒服平心論，呢間既味道係幾好，又夠味同其他鋪既港式口味上海菜有分別我會再去，但一定會點正常口味d既~

兩個月前與愛人路經此店內進一試，點了小籠包、酸辣湯和花雕醉雞。小籠包的肉味很特別，在他家未曾有相同口感，不知是否有獨特秘方醃肉。湯汁很豐富，但此店的小籠包的皮偏厚，講究皮薄的人會有點兒失望。酸辣湯用料很足，但總是覺得它不夠酸又不夠辣，這也是酸辣湯很難做得好的原因：食客對酸辣的要求不一致。花雕醉雞甚具水準，值得一試。此店屬於老香港裝修，可是出奇地乾淨。雖無富麗堂皇的裝修，卻有一份香港老店情懷。

週末下午四時多路過，在此小食，兩個人叫了：擔擔麵$25 - 麵滑彈牙，有蛋香，很多蔥花在面，湯底濃，應該是用花生醬煮，微辣，加上小少碎花生，食落有咬頭。掂！酸辣湯$35 - 即叫即上，微辣，有很多食材，數到的有：甘筍、豆腐、木耳、豬皮、豬肚、瘦肉、蛋碎等等，味道算好，但有很多味精。小籠包$28/8隻- 迷你版小籠飽，即叫即蒸，肉汁不多，尚算鮮甜，趁熱食，OK！鍋貼$25/5隻- 即叫即煎，但時間頗耐，皮很薄，整隻窩貼都是肉，比一般的窩貼多了一半肉以上，豬肉新鮮，再加蔥絲和薑絲煎，不油，醮上醋和豆瓣醬很好味，如豆瓣醬辣些就更佳！侍應阿叔的服務態度很好，埋單$113，不便宜！