上海榮華川菜館

营业中

休息中

新搬去觀塘, 朋友到訪, 一傾傾到9點去openrice睇就發現了這間舊舊的上海店, 雖然是舊舊的老店, 但入面好乾淨的2個人, 叫了個2人餐, 再加小籠包, 酸辣粉和豆沙窩餅好豐富的一餐2人餐點了:酸辣湯, 好足料, 有埋豬肚, 我就好鐘意食, 比起酸辣粉, 這個唔係太辣, 應該大部分人都岩食, 我地每人食左3碗都仲有, 就知有好大窩醉雞好夠酒味, D雞唔鞋, 無雪味~ 這個真的做得不錯, 而且我們發現食醉雞可以解辣, 呵呵椒盬排骨炸得金黃色, 唔太油, 也沒有臭油味~ 味好夠, 肉唔硬, 炸得剛剛好~小籠包一籠有8粒, 2個人食真的有點多, 但都食晒~ 雖然唔及出面的多汁, 但也不錯, 反而覺得呢度D肉好食過出面~ 酸辣粉係樓面哥哥介紹我地試, 那就不訪一試, 叫了個小辣, 粉煮得剛好, 唔會太林, 但其實呢個真係好辣, 辣到個口都震呀…. 但也是不錯, 值得食的~豆沙窩餅Wowowooo….. 我未食過咁好食的豆沙餅, 一碟6件, 好多好多豆沙, 唔會好甜, 唔會”留”….真係超超超級好食, 我地都說叫多碟都一定食得晒呀, 哈哈最後, 送了2柸八寶茶這柸茶好特別, 用一個舊式柸飲

在觀塘長大的我, 總會對這地方有著一份情。(現在不止不在觀塘, 更常不在香港=_=)不過由細到大, 跟身邊的家人朋友都覺得觀塘無咩特別好食>_<幾可惜。所以一些味道中上的餐廳, 就是我們的開飯地點。無聊的呻完幾句, 入正題先。話說小妹真係一個擔擔麵怪, 我真係好鍾意食擔擔麵架!!!!!呢間榮華川菜館, 真係由細個食到而家, 記得當年我仲係學生妹的時候, 一碗擔擔麵先$18咋!幾年後既昨天去食, 已經要$29啦!不過貴左都唔緊要, 最緊要好味! 呢度既擔擔麵, 我敢講係觀塘最好食呀 (本身佢唔係我心目No.1)小妹本身是麻醬怪, 覺得麻醬越多越好, 但昨天的那一碗, 麻醬份量卻是恰到好處, 無論湯底, 麻醬, 辣, 酸, 花生我覺得都很配合, 層次分明。麵條是我愛的上海幼麵, 軟硬適中。所以食完唔會覺得滯, 還意猶未盡呢!另外, 這一次再來, 感覺好像變HIGH CLASS了(我真的很久沒來了) 因為未點菜已有一杯整朵的菊花茶~而一直最討厭的問題也改善了---因為我一直覺得店內有陣"酸餿味"!現在沒有了!在觀塘, 味道不錯的食肆好像真的不多, 榮華你要KEEP住呀!

出去外邊食飯就多，今晚從良，反去自己地頭開飯。住左觀塘禁多年，都無行開街市那邊，如果唔係區外friend話我聽，根本唔知有間禁既野…今晚食這間，講真係一間「隱世」的老店。今晚食左：九王鱔糊，椒鹽排骨，鍋貼，擔擔麵，同菜肉雲吞。擔擔麵，因為我走辣關系，所以無辣油。食落唔溜，開胃。九王鱔糊，油比想像中少，味道幾濃，d九王炒得幾好，唔會炒到淋晒。椒鹽排骨，豬扒炸得ok，豬扒表面同裡面都香，但係如果椒鹽多d會更好味。菜肉雲吞，不過不失，係個湯底ok，唔會好似外邊d味精湯之後要係禁飲水。鍋貼，煎得香，肉餡帶甜，不過如果做大隻d會更好。記得那時百花齊放的時代，各上海老店還在的時侯，那種風氣令人著迷，現在餘下的，是身經百戰，遇過各種災難而留下來的，只怪香港歲月不留人。

難得放假，自己又是鮮有在外用餐的宅孩，便約上兩位朋友到這家菜館用餐。兩年多前這裡給我的印象不錯，記的吃過很多不錯的小菜如回鍋肉，醉雞，還有八寶茶等。心想我給朋友推薦這裡也是信心選擇。但我期望比天高，低估了時間的威力，足以令一間老餐館完完全全地變了質。我也後悔沒有來看近來的食評便懵懂帶朋友去用餐，自己失望之餘，面子更是丟盡。好了，說回正題。大約晚上１０點左右我們便到了。一進門就見一個大腹便便的年輕人堵在門口，招呼不打，也不識相讓路（去過的一定知道那門口窄得幾乎只能容下一個人）完全就是無視我們。全店只有零星３，４個客人，你是不是忙得連我們都沒時間招呼呢？我朋友拿著可樂進來，有位阿嬸便立即非常粗魯地說：我地ｌｅｅ度唔俾飲出面Ｄ野飲架ｗｏｒ　奇怪我明明記得我以前一直都是拿可樂等其他飲料進來喝沒問題的，況且有食評還說老闆好人得給他遞可樂呢怕他吃那個酸辣粉受不了太辣　由於那位阿嬸實在過份沒禮貌，說甚麼：你鍾意咪係出面飲埋罐野先入黎ｌｏｒ／我地唔俾就唔俾架啦／咁你出去啦　我朋友立即氣得轉身想拉我們走。而我又覺得可能這裡改了制度，換了員工不懂招呼......我對食物還是有點期待，所以叫他把氣忍下來。結

一間久遺的餐廳，隨著觀塘大型商場的落成，飲食的取向已改變了很多。今次重遊舊店，嘗試尋找以往的滋味，但已是桃花依舊，人面全非。門外的設計及室內的裝修其實沒有多大變動，所以很容易便能找回這店舖，不會走失。反而門外多了一些雜誌或網上食評惟介的剪貼，令自己想像是否真的進步了不少。踏入餐廳，為免煩惱，點了一個九人套餐。先來一個蝦仁炒蛋又是物價上升之過？相信不全是，皆因這個九人餐連小吃、湯及甜品有超過十款食品，還有每人一個白飯，如果每一碟都是大份量的話，相信剩下來的食物就會過多了。說回味道，也不錯。滑滑的蛋加上厚肉的蝦仁，一向都是自己的喜愛。口水雞外型有些怪，頗深色的，跟以往食過是紅色的有點不同。吃下去便知道原來是因為這裡用了較多麻辣的成份，而不是辣椒，也帶一點點酸，頗開胃的食品。獅子球一味很有名的上海食品，不過又是賣相的問題，當這味餸送到檯上時，只以為是一味炒津白，要把菜翻開才可以見到兩個小小的肉球，有點攪笑。肉的表面略嫌乾身了少許，味道則尚可。回鍋肉外型沒其麼特別，但吃下去才發覺除了辣椒之外，師父也加了不少麻辣，不知是否近來實太盛行吃麻辣，以致師父也要改變，又或者這才是真正的上海滋味吧！宮保肉

去觀塘, 見此店有超過100人讚, 有信心保證... 搵左好耐,行左好耐, 終於找到... 充滿希望, 點知食後十分失望 上海店小籠包是必食的, 1籠8個-.散叫 沒汁, 皮差...差差差 叫套餐 粟米湯 -茨汁做的. 飲了小小便放棄 冬菇時菜 -茨汁做 銀芽炒鱔餬 -茨汁做 白飯 -硬 八寶茶 -唯一好味 沒有影相, 因不值影相 最初沒有想食評, 因不值推介.... 但不想其他人跟我一樣看到100人讚,便去 小心

從小在觀塘長大的我, 榮華川菜館也是從小就上的館子今天又回到觀塘, 一心要回味一下這裡的排骨湯粗麵只可惜......排骨薄了點兒, 口感也略嫌不夠酥軟; 麵條破破爛爛的, 不過醬油湯總算維持水準......也點了一客小籠包味道一般, 餡汁也不豐富, 而且也有"黏紙"的情況出現...... 也算"可以"吧, 可以做的好一點隨豆瓣醬附送的, 有兩位"特別嘉賓":不過還得說句公道的, 榮華的地方一向算整潔, 這次是這麼多年來首次見到"小動物", 而且也只是附隨在豆瓣醬的碗上桌......原來, 仍然熟悉的只是店舖的位置, 感覺卻是越來越陌生了......

上次同Joan,Gilbert同Barry黎呢間食.呢間野離地鐵站都幾遠,去到都要等位.間鋪頭唔係太大,同埋入面地板好有70年代feel.入到去,店員斟左杯好似係菊花茶嘅野,佢仲識開花架xd 杯茶清清淡淡,如果再濃少少會比較岩我.跟住我地每人叫左個餐,然後叫多籠店員極力推薦嘅小籠包.碗湯係跟個飯送.但味道好淡,同埋好水:S呢碟回窩肉真係好惹味,真係可以比我有辣嘅感覺,就算淨係要汁撈飯已經夠晒.但係青椒有d澀,而且豬肉片唔多,只係薄薄一片,同埋肥肉佔好大部份.呢間佢會比兩碗飯你食,不過d飯唔夠粒粒同太黏口.店員極力推薦咁應該好好味.送到黎係熱辣辣,好似唔錯咁.不過小籠包個皮好厚,而且有d硬,同埋裡面係冇湯汁咁制-_-呢間野一般啦.唔知下次同Joan又會去食咩呢xd ?

呢度既服務真係，唔單止有個魁梧的哥哥同呀姐，對d客好似犯咁成日黑口黑面，企門口用Mac落單好潮的老細，趕客好似唔志在，以後重會唔會光顧，真係唔知。事源有個阿伯在午飯一人入來，因客不多，有兩張卡位無人，阿伯想坐其中一張，魁梧的哥哥要阿伯在大枱搭枱。午飯時間可能多客，這安排亦算合理。阿伯站在卡位旁遲疑一會，坐了落卡位，但個個當佢透明，最終阿伯起身走人。街坊小店招呼的大都是街坊熟客，如此服務，如何留客。我當日吃的是五香牛肉麵，麵還可以，湯底極鹹，牛肉數片薄如紙，重好so味。建議老細去李純恩的大婆牛肉麵試下，就知自己水準幾差。

今晚同爸爸媽媽出街食飯本身唸住去apm食既最後又唔想行咁遠.但又想食上海野wor咁就尼左呢到食啦其實之前已經幫襯過嫁啦記得佢味道唔錯所以就再返尼呢到食今日我地就叫左一個3人套餐3人套餐有兩款第一款就係小菜3款加一個湯,價值188蚊而另一種就係兩款小菜加一個湯同一個小點,價值178蚊最後我地揀左178果個餐我本身想食雞絲粉皮但原來冇得即叫需要預訂因為粉皮唔可以放太耐食唔到真係有d失望嫁不過唔緊要我地叫左一籠小籠包,total有8粒襯熱食真係好好味=]個皮雖然唔係話好薄但係個味道都唔錯小菜我地就揀左時菜獅子頭同糖醋魚塊獅子頭個味道幾好,d汁唔會太濃d菜都幾淋,而家加埋大冬姑又唔會話有個好肥膩既感覺至於糖醋魚d魚係炸出尼既同m記既魚柳質感一樣我覺得呢個比較乾身差左d個湯我地選擇加多20蚊叫一個砂鍋雲吞雞呢個湯底係用金華火煺尼煮成的配合埋雞既鮮味就真係一流!不過咁樣食d雞就會比較鞋小點我地叫左豆沙窩餅我地冇襯熱食所以個口感同味道都冇咁好不過比較油左少少我都接受到=]最後就係8寶茶究竟係邊8寶我到而家都數唔齊就係知飲果陣味道好清香好甜我覺得係消滯首選哈哈下次我一定會記得訂台同預訂個雞絲粉皮哈哈=

看著之前的食友指出,這又是一間趕時間的店, (要食得好趕)所以趁今日各學校考試和早放,又專登早了出來, 去試試這間想試很久的食店.每次到門口,肯定見到裡面滿了人,最後也是過隔壁食米線,今日去到, 只是有兩枱人, 幻想可以慢慢地吃.入到去, 先上一杯龍珠茶茶中有一點甘草味, 有隱隱的花香味,不錯.叫了擔擔麵很久沒有吃過此味,因為沒有什麼地方做得好, 湯頭帶小許辣, 花生味也足夠, 碗底到最後有很多果仁碎(不只是花生)不期然想起紅磡那間, 對上一次吃是兩年前了.雖然湯底沒有那間的濃杰, 但也夠味了, 麵質偏腍,但不糊, 這也是一碗中上的擔擔麵.又叫了蒜泥白肉極多蒜泥, 肉也入味, 如果可以有新鮮青瓜平衡蒜泥的辣咪就好了.懷念在中山吃的那個.食完想坐多一陣, 聽到肥哥哥話有六位正前來,而我正坐在那張大枱,小店得幾張枱, 午飯要做多幾轉自己想客人食完即走,我也理解,識趣地埋單, 下次也是一人前來罷了.

肥老公睇完openrice食評之後，咁經過觀塘就試下，可能係母親節前夕既關係，一入去已經覺得佢好想你快D食完就快D走咁，食完一碟餸時亞姐就會即刻收咗隻碟，好快咁上晒所有餸菜連八寶茶，當飲緊八寶茶時亞姐就話即將有好多人黎緊，其實成餐飯我哋食咗大約35分鐘左右都算快係麻! 總括來講食物質數一般，招呼麻麻!

已有差不多10年沒有光顧，近兩星期幫襯兩次。上星期第一次重逢，唔記得影相，一坐下來奉上外表吸引的會開花的茶(龍珠茶?)，茶味清淡，朋友食排骨炒粗麵，我食酸辣湯粗麵，炒粗麵比較多油，不過都預咗，酸辣湯粗麵酸辣度足，材料足，朋友淺嚐一口都讚好，粗麵份量不多，且顏色帶啡，不是平時的白色麵條，整體味道很和諧，但相信味精下得不少，以往只會在飲宴後才出現的味精過敏症，食完不到20分鐘已開始出現，頸及背部乏力持續2小時多。朋友心癢，今次決定再幫襯，並獨享一碗酸辣湯幼麵，我就嚐試這店的菜肉雲吞。酸辣湯幼麵經朋友口述，麵條比較淋，口感似伊麵；酸辣湯依然好味，吃後朋友沒有出現頸及背部乏力的情況，只是心跳有輕微加速。菜肉雲吞一碗大約有8只，雲吞皮薄，肉多菜少，有肉味，佐以豆辦醬，味道很好。雖然價錢不算相宜，服務態度亦有進步的空間，但都值得下次再來試其他食品。

食物質素在一般以下，我點了小籠包（偏甜），窩貼（偏甜），沙窩雞，麻婆豆腐，（可能佢係正宗所以很辣），回鍋肉，糖醋排骨（好似就禁用水煮熟佢再係面淋汁一樣），我都係第一次食上海粗炒濕成噤，担担面加送橡筋，同個樓面講佢仲無反應，但佢個豆沙窩餅就唔錯。總括食物同服務都係水準以下。

之前寫過榮華的食評，前幾日又去吃了一直好鐘意食的雞絲粉皮要早一日打去訂先有得食，今次晏晝去打唔切電話嗌左每次必嗌的擔擔麵，呢度的擔擔麵係我食過最好食的另外碗鱔糊沙麵，男朋友大讚好呢度既小籠包不算最好食，但嗌得過，因為夠平兩個人食份量差不多～不過，呢度既服務真係，特別有個魁梧的哥哥同呀姐，對d客好似犯咁成日黑口黑面，果日隔離台有個爸爸拎起隻碟小小想麻煩佢收一收，魁梧哥哥見到即刻步操咁「你一陣先！同我放返低！！」搞到我茶都唔敢叫佢加我黎幫襯你，除左買你野食，仲買埋你既服務架喎，唔駛搞到班客好似你仇人咁丫。所以以前我成日黎，宜家都少黎喇。