上海榮華川菜館

营业中

休息中

好一家今年被評選米芝蓮食府，相人呢位伙記態度超衰，本來唸住叫個嬾雞煨麵，問佢話冇，個死人樣超睇你唔起，可能佢睇吾起你淨叫碗麵，，都算，問佢有無麵，一句得落黎話咩麵都冇，都算，甘咪嗌二人餐囉，咁咪問佢兩個送同一個送有咩分別，頂佢牙，佢話你食幾多咪嗌幾多囉，D語氣超衰囉，但原來一送同两送只系差十蚊，佢完全吾講囉，我心唸，我比錢消费，掉轉要受你氣？！跟住有一個男入黎.，聽住佢叫三鮮湯麵，個伙記竟然話有，落到單囉，@&^@&&^~*，嘩，，D態度已經衰，我入黎叫碗麵就睇你吾起，跟住同佢理論佢仲惡過你，..呢D米米芝蓮食府囉，食到背脊骨落....！！！

一入去個個都黑口黑面，剛坐低未睇餐牌就已經催你落單，不停推銷二人餐，話唔叫二人餐就冇嘢食。所有嘢都係掉低喺枱，個餐講明送兩杯八寶茶，三催四請都唔俾你。期間有人客想幫襯，要搭枱坐落嚟，個阿姐一手將我哋嗰幾碟嘢食掃開，交代都冇句，唔好意思都冇聲，超級冇禮貌!! 有個男士想買外賣，個阿姐開口第一句就寸人識唔識睇餐牌呀?! 講嘢句句頂到行，超晦氣!! 食物一般，唔算有水準，雲吞雞湯得4粒雲吞，似雲吞水多過似湯。做街坊生意但價錢唔算實惠，仲要咁嘅服務態度，俾錢消費竟然要睇伙計面色受人氣，搞到好似嚟乞食咁，唔使錢請我去都一定唔會再幫襯! 唔該個老闆得閒播番劉德華待客之道嘅廣告俾佢D員工睇，成間舖D人都要再培訓!!

兩年前, 見到咁多食評已經想黎試一試, 但行過時成日見到都冇位, 今次終於「有幸」黎到 , 不過一入門口就見到個MK形金髮廚房裝束o既青年迎面而來仲要目怒凶光果隻, 咩乸野料呀? 殺左你全家呀?! 我望左一眼而已, 第一時候諗, 染到個頭咁金都好OUT o者, 而家咩年代呀?! 然後坐落睇下個餐牌俾D價錢打左個突, 睇門面就覺得唔值LEE個價, 唯有試一試, 希望一分錢一分貨啦, 就同女友兩人叫左一個三鮮炒飯, 一個小籠包, 一個淑鹽排骨, 落單個阿姐都唔知咩居心, 係咁叫人地叫二人套餐, 問左我兩次, 我唔鬼show佢, 繼續點送, 隔一陣, 三鮮炒飯, 其後椒鹽排骨都好快到,味道唔係差, 個炒飯算係落足料, d蝦仁(唔係俾蝦米你食), 雞配料算多, 食落尚算可口椒鹽排骨就一般, 乾左少少, 略嫌厚粉左d唔太值68蚊我地係度食食食, 但真係想安靜地食餐飯都唔得, 因為樓面有二個亞姐, 一個四眼後生仔, 一個MK廚房仔, 佢地成日行黎行去都算(都係做野O者), 最大問題係D阿姐把聲好尖, 周不時係度大叫, 間舖都唔係大O架啦, 駛唔駛講咁大聲o者, 又聽到佢地周不時同出面d客講就快有位

第一次黎. 一個人, 食個客飯. 係呢度見d人讚蝦仁炒蛋, 張相又幾好睇, 所以就試佢.食物未到, 姐姐送杯茶黎, 睇住朵"花"慢慢開, 朵花開一陣就開始聞到香片味, 令人有放鬆既感覺. 但係, 呢度都係犯左個通病, 就係用太滾既水黎沖綠茶, 令到茶葉入面的苦澀野都沖埋出黎. 搞到個口好鞋. 香片係綠茶, 應該用80度水溫黎沖, 先會又香又滑. 佢地明明用龍珠花茶咁好, 但用錯水溫而嘥左好茶, 可惜呢.食物到, 先食蛋, 的確唔錯, 好滑, 又有蛋味 (太多地方d炒蛋係無蛋味架喇). 不過如果齋食佢, 兩啖就會覺得太鹹. 送飯就ok.講到飯, 多左水少少, 所以有dd爛. 好細碗下. 大概只有一個網球左右大. 男人實唔夠食. 然後食蝦, 眼見佢透透地明, 就心知不妙. 放入口, 係爽口, 但完全無蝦味. 大概係為左去走d雪味, 用蜆水同啤水太耐, 所以連蝦味都整走埋. 咁多粒咁大粒既蝦仁, 只因為處理不當而令佢失味, 太可惜. 結論, 整體黎講, 係有d失望. 希望佢地會改善食材處理啦. 下次先去試小籠包同擔擔面.

對上海菜的濃郁味道，並不特別喜歡，但有時也要應該其他人而來吃一下．選了酸辣湯，感覺上沒有那麼油膩．這裡的菜色非常傳統正宗，酸辣湯材料豐富，豆腐，木耳等全切成細絲，入口順滑．而湯底酸辣度平衡，有些做得不好的一味只有酸．另外，亦不會加入大量生粉，以至吃得很糊口，是有水準的！

以前仲係老師傳嗰陣, 啲嘢食不知幾好味, 人又nice. 而家唔知嗰件"獅子頭"係咪下一代, 態度差到冇人有, 其他staff亦好似唔憂做, 黑口黑面. 今日再去, 地方細唔係問題, 但明明行多兩步有另一個鋪位, 點解要我一行10幾人喺條街呆等20分鐘呢? (抑或呢個鋪位唔可以經營食肆? 查下再告佢封佢鋪先!)Lunch時間我地12人叫了8碟嘢, 一碟都起碼60-70蚊啦, 仲加了小籠包又窩貼又湯......偏偏"獅子頭"規定我地一人要叫一個客飯 (仲要衰到包類唔計). 一個客飯30幾蚊, 叫夠12個都唔夠我地散叫啦, 萌塞!人衰不特止, 數又唔曉計, 遲早成間鋪敗喺佢手上!

最近常出沒觀塘,但崇仁街對我黎講絕對難搵,但因為好鐘意食上海野,所以都要黎一次.看門口都知係老館一類,都估到態度都唔會好得去邊,正如其他食評一樣,問題都係出於同一位阿姐,好在我就無俾人話,但眼看同場其他食客的確俾人開火.......一個人食關係,都只係點左小籠包, 有小小厚皮,但的確多汁,仲要幾熱,幾岩我口味,酸辣湯, 料就十足幾多下,可能我食得辣,如果再辣少少就更好.豆沙窩餅, 無咩特別, 眼見POST 其實都係鬧多,都有D唔明點解間野咁出名? 莫非又係上一代得,呢一代就唔得?!

2人行, 黎到這間老上海茱館, 格局裝修好有傳統風味 叫了個2人套餐, 2送一湯+白飯+八寶茶2個送叫了賽旁蟹 & 糖醋魚塊賽旁蟹:雖然明知賽旁蟹只是蛋白, 但可以整到有蟹味, 真係覺得好神奇, 所以食上海野我好鐘意叫這個送這裡的賽旁蟹煮得幾好, 無過火, 所以食落感覺真係好有蟹的味道:糖醋魚塊:一開始以為係魚柳, 但原來係mcdonald的魚塊, 幸好炸得唔loan, 食落口脆脆的, 都ok而且個汁好好味, 酸酸甜甜, 幾開胃, 如果可以換上魚柳, 這個送真係perfect湯要了酸辣湯, 只有上海鋪先有, 當然選這個這裡的酸辣湯係我食過的算數一數二的好, 好足料, 酸辣俱備有豬肚、火腿、筍、雞肉、木耳等等而且份量都幾多, 我地每人可以食到3碗 ^^最後2柸八寶茶, 食飽飲這個茶, 好舒服

想吃點好的，和姐妹特地跑到這川菜館一嚐，雖名字為川菜館，東西就跟一般的上海菜館沒分別，分別在所有店員都很兇，全部客人都被他們呼喝~只有三個卻點了排骨擔擔麵、小籠包、鍋貼、蒜泥白肉、獅子球、榨菜肉絲泡飯，排骨擔擔麵的排骨只有三片，擔擔麵的味道很奇異，很酸又很辣，刺激得來味道好，麵彈靭度足，覺得還不錯，泡飯的湯很夠味，飯也沒有泡得太諗，也不壞。小籠包和鍋貼的餡是一樣的，一樣的甜，有點噁~店員在點餐時跟我們說即時在 FACEBOOK LIKE他們的page，小籠包即時由六粒升至八粒，反正不需加錢就like囉~在點完大部份菜之後，我驚覺漏點了獅子球，麻煩其中一位店員加上獅子球，被大聲斥責！！！問我待會要否再加菜，說我一會又這個一會那個，她覺得很煩！！！我只是加個獅子球就被罵個狗血淋頭！！！蒜泥白肉沒什麼特別，肉好像有點太"鞋"，獅子球也算好吃，就是小籠包、鍋貼和整家店的氣氛倒胃口。除了那位罵人的大姐外，其他店員也像遭逢劫難一樣的嘴臉，全店只有我們三個客人說說笑笑，其他人也似乎很凝重的(可能因為每個人都被店員臭罵一頓吧~)好吃歸好吃，忍氣吞聲來一頓飯，我絕不會再來，這種負能量，就由別人來體會吧~

去完high tea....差不多9點先反觀塘食個飯high tea完食米之連餐廳, hahaha~ 9點都要等左陣位先入得, 不過都算快因為唔太肚餓, 所以只散叫了幾樣野1. 小籠包 - 一籠有6粒, 比出面的多2粒, 一蒸出黎熱辣辣, 超好食, 而且都有好多湯, 要小心d食2. 蝦仁炒蛋, 唔係周圍炒得好食, 呢間係其中一間好食的, 蛋好滑, 蝦夠新鮮同夠爽3. 回渦肉 - 肉唔厚, 入晒味, 配菜都好多, 但比較辣, 要送飯食先得見到好多人都有八寶茶, 原來叫套餐就有, 下次一定要試下走前, 有位哥哥比左張卡片我地, 見意我地下次黎前要book定位, 咁就唔洗等咁耐服務都ok, 整體唔錯, 有水準的

今日行遠d去左呢度食上海野一坐低就有一柸龍珠茶會開花的, 好靚同好特別, 淡淡的菊花味, 好好飲叫了個回窩肉客飯,有個例湯, ok la, 有少咸回窩肉好夠味夠辣, 有肉塊, 青椒同菜, 送飯一流值得一題, 周圍客飯都包兩個飯的, 這裡可以比你選擇一個定兩個飯如果一個飯會平反幾蚊, 為的是環保, 我幾贊成咁樣做, 對大家都好, 對環境又好最後加了個小龍包, 有6粒皮有少少厚, 肉就好好味, 入面都有d湯的雖然唔同出面的大店一樣, 但有另一番風味, 唔錯呢餐lunch食到好飽, 會再黎的, 好食 ^^

平時大長龍的上海店, 今日可能落雨, 唔洗點排隊。因為轉左工, 已差不多半年無黎了，突然諗起, 就同屋企人去食先黎個食上海野必食的小籠包，一籠6粒, 細細粒的, 每人一粒就食晒即encore多一籠雖然皮較厚, 少湯, 但肉好鮮, 有d薑味, 唔錯第二樣係酸辣湯呢個我食就覺得好好食, 足料，夠酸可以中和反少少辣 (雖然都好辣, 哈哈)一窩份量好足, 足夠4-5人食但我地其中有3個人唔食得辣, 所以叫多左個雲吞雞湯我諗應該有半隻雞的分量, 雞有少少鞋, 但都可接受, 雲吞無數有幾多隻, 過得去, 普普通通湯就唔錯, 唔知有無味精, 但起碼飲完唔會好口渴一個湯有咁多野, 都幾抵小棻叫了回窩肉, 銀牙鱔糊, 奶油津白- 回窩肉, 薄薄的, 半肥, 吸晒d汁, 好夠味, 絕對送飯一流, 仲有有菜和青椒- 銀牙鱔糊: 爸爸無魚不歡, 所以必叫給他, 一條條的切絲, 口感好爽, 唔腥, 牙菜吸晒味, good- 奶油津白: 我唔食奶油的, 所以無食過呢碟, 但賣相不錯，而且佢地都食晒, 我估應該都ok的最後叫了豆沙窩餅作為甜品, 一客6件, 我們剛剛好一人一件豆沙好滑, 唔鞋口, 又唔太甜, 本

我從來都未寫過食評，今天都忍不住要有第一次，盡一盡公民責任。我好懷疑為何這店有>100個好評。近日第一次去試過，永遠也不會再去。店小，坐得不舒服不要緊，但就差在沒有食店最重要的食物和服務。服務態度:阿姐十分惡，什有監獄風雲的氣勢，還不停趕你走做下一輪客。食物素質：套餐的小菜一上，我差點當了是旁邊人客吃剩的尾，少得可憐。時菜是冷的、黃的。 味道更不想提了。強烈推介不要去。

見到michelin guild 2012, kc, openrice好評過百, 搞到我又心思思想試下好老上街舖風味, 所以都嗌左d傳統菜色唔算落得多豆粉茨, 味道偏辣, 令我食其他野ge味覺下降鱔切成絲, 爽口, 味唔算好濃, 唔會食完口渴, 芽菜炒得爽, 唯一唔中意佢有薑絲夾雜係碟野入面呢個肉有d霉, 唔新鮮, 蒜泥食落口偏辣包較厚, 唔爆汁, 但肉餡香滑, 配以帶有酒香而唔算濃烈的醋, 好食很軟熟, 帶有麵粉香, 配以花生醬汁, 香滑可口八寶茶味似菊花茶, 飯後消滯不錯的, 豆沙鍋餅做得不油膩, 香口, 不錯

好日都唔去觀塘，今日難得約埋朋友在商場shopping完，唔想又係食那些連鎖式集團式食肆，於是投靠Openrice搵吓附近有咩好嘢，見呢間上海老店有超過150個讚，連米芝蓮都推介，一定要試試啦！店內細細，空間有點逼，但我只是兩個人，時間亦早，好彩地不用搭檯。點了上海食店必吃的小籠包，賣相唔得，味道尚可，甜味略重銀芽蟮糊，不錯，蟮肉夠粗大上海湯麵，味道淡，肉絲少，連麵質亦麻麻花雕醉雞，未夠入味，普通過自家製結論: 不去也罷，無等二次