上海榮華川菜館

营业中

休息中

Lunch行遠Ｄ食上海野，黎到呢間上海榮華川菜館等左一陣就有位啦！　我地一行人叫左５個客飯，普遍黎講每樣餸都好細碟，而且係＂妹仔大過主人婆＂　──即係主菜份量好少但配菜就好多！　不過每人有一杯杭菊花茶（冇睇到係咪個客飯套餐包埋）同埋一碗例湯＋白飯，四十幾蚊差唔多啦！ 蝦仁炒蛋：Ｄ蛋都算滑，蝦仁炒得好晶瑩剔透，味道ＯＫ！ 麻婆豆腐：偏向辣左Ｄ，不過對食得辣黎講嘅我就覺得味道岩岩好！ 豆腐同肉醬比例差唔多！ 紅燒獅子頭：原來得一舊獅子頭（要５個人一齊分），但配菜就好多，個獻汁好杰好＂立＂口！ 銀芽鱔糊：同上，銀芽多過乜，Ｄ鱔糊絲又幼又細條又少，唔知去晒邊！。。。 小籠包：雖然未算皮薄，但內餡有肉同埋熱湯，尚算不過不失。 會開花的杭菊茶：好得意，味道清香又香醇，食完飯嘆番啖真係幾好！

一入到去.... 好大陣霉臭味... 黃色凳泛著灰灰黑黑....侍應先上杯龍珠茶，幾特別.. 舖入面裝飾得幾懷舊...跟住叫左個二人餐，有東坡肉、醉雞、酸辣湯、白飯兩碗，八寶茶醉雞一到，好細碟... 大約有八、九件... 翼一隻.. 胸肉幾件，雞殼幾件，大雞毛一條 ... 唔好食東坡肉大舊少少，有六粒... 賣相 ok.... 不過食落舊肉邊邊有風乾現象，拌碟小唐菜又乾又枯黃.. .唔明我老婆點會擺條小唐菜入口...... 酸辣湯就好大兜，有酸有辣，但唔係我飲開個隻味道...白飯.... 呢個得呀... 入口即溶，比政府醫院更難食...八寶茶，無意見返黎睇返其他食評，真係覺得幾奇情.....總結:俾錢我都唔會再去

觀塘，是我兒時長大的地方，自幼時因住在街市附近，父母經常帶我們到該店用餐。還記得當時這裡是兩間商鋪串聯一起的。二十年後的我，經過香港幾許風雨，已經不在觀塘居住; 為人父親的我，一直都想重遊舊地。因近期雜誌報紙報導該區會重建，該去回味一番了。 遇上假期，自己一人返回舊時的街道，不少事物己變，而這老店依然保留舊有風貌，六七十年代風格的裝潢vintage feel; 一步入該鋪，彷彿回到兒時的舊觀塘。坐下來，望望餐單，雖然是舊有封面，而內餡改了現代化內容。用餐前有一點點驚喜，就是那杯茶。有趣的是會慢慢開花的，開花後見到一朵朵菊花串著，除氣味外，格外提神，值得一贊！ 欣賞完"美茶"後，經過阿姐推薦，決定了以下食品。小籠包，上海鋪必食。話好食，又不是最好食，只是皮較厚，而汁較少; 這裡的長處是汁較多於餡內，而肉汁不穌, 老式小籠包確實如此的。望去後面，見到老闆娘正在包小籠包，有一種小店才感受到的親切感。擔擔麵沒什麼特別，也是一樣花生醬湯底的麵，而它比外界做的還多了一種味道，是輕微的酸味，略醒胃，但我卻懷念三十年前的那碗，可能無了那種火水爐的"鑊氣味吧！

一直都知道來榮華 一定一定絕對唔可以嗌佢d套餐 亦都勸大家無謂嗌因為知道佢地d小菜完全唔得細碟(普遍上菜時一定o咀 以為拎左隔離台食唔哂果碟過黎) 量勁少 水準唔穩定所以每次黎我都淨係嗌兩樣野: 雞絲粉皮 擔擔面 小籠包 雞絲粉皮無得講 佢自從話要早d打電話訂 我已經無食擔擔面真係10個推介 即使到宜家 佢水準都仲keep到小籠包嗌既原因一定唔係佢皮薄多汁 如果要呢款小籠包 榮華絕對俾唔到你必食佢既原因 係佢夠抵 廿幾蚊有8粒 雖則唔係皮薄多汁 但都唔太差 最緊要抵!但前幾日去食 下得返6粒 即刻唔鬼叫 好似連鍋貼都減左(以前食過一次鍋貼 嘩皮勁厚架喎 咁都減)我以前嗌你既小籠包係因為夠平夠抵 宜家你又唔係好好食 又加價 唔係抵 我嗌黎做乜以後可以點菜既list得返一樣 擔擔面 嘿...如果佢連呢樣都keep唔到 呢間野byebye啦除非我果日好想食擔擔麵 否則唔會黎ps所以成日我都淨係一兩個人黎 多人d都唔知嗌乜食好食物細碟 又唔係超水準 仲加價 服務都唔想再彈 唉 點解搞成咁呢

天氣突然轉熱, 在門口罰站等位都幾慘, 結果前面兩人等了一回便走了. 我單拖繼續等, 心裡也有衝動過隔鄰食雲南餐. 裝修都有咁久, 又快拆樓, 當然好懷'舊'了, 但不算有特色, 因市內仍有類似店子. 牆上掛著不同地方舊照和寫在木條上的菜名. 搭枱的人兄叫了回鍋肉客飯, 我便叫獅子球客球, 以便比較下個樣. 大家都是很多菜. 咁乖聽話食'高纖'? 不過醎度就有點超標. 一客有兩碗飯, 但有點小. 菜本身老, 卻煮過久, 令它太軟得來又不好嚼. 可幸肉碎除了略醎味道仍不太差. 我吃著便想難度因我沒有點中米芝蓮試吃時的菜式? 後來換了別人搭枱, 她叫了担担麵, 看來樣子不錯, 可是要$29一碗, 我便不想試了. 龍珠茶是送的, 它反而是我最欣賞的東西, 茶味清香, 喝完還可再添, 我連乾兩杯. 晚飯會送八寶茶, 真想也試飲一下.枱與枱之間很擠, 兩張圓枱的客更跟牆邊的擠在一起. 客流量不太大, 大概兩枱圓枱的人直至二時也一直未走過. 起菜速度略慢, 可能也令客人想走也不能快些吃完.

話說呀媽睇到離誌話呢間野又米之蓮又國家大獎咁，諗住去試下啦，點知大失所望，連茶記都好過佢十萬倍，坐響入面同見到d野食已經冇心情拎起相機首先，一入門口，年輕老闆已經話唔齊人唔入得，連揾位泊車既我都將架車是但放埋一邊，唔想老人家們冒大雨久等坐到入去，還好，有好窄既卡位俾我地四個人坐，點餐時可以話係叫乜冇乜雞絲粉皮，要訂賽傍蟹，冇好懷疑我自已係咪真係響茶記先說小籠包，簡單直接的形容到--->皮厚冇汁豬肉霉，再黎過糖醋魚塊，見到d魚切得正正方方，每一舊都好似倒模般的一樣，驚歎大廠的鬼斧神功！一食落去.........天丫！！！竟然係 M 記既魚柳！！！仲要一開四、厚炸皮..........可唔可以俾d誠意丫老闆？？？我諗黎緊上海粗炒可以用芝士腸同蟹柳嫁喇........繼續，係椒鹽豬扒，同凍肉舖用咖哩粉 "yip" 既劣質豬扒有得fight，側邊加一堆椒鹽咁就禮成了......大佬，你炒一炒都好丫....我真係未見過要自己點既椒鹽豬扒上海粗炒.....有鑊氣！！！但鑊氣過龍，就係一陣陣既燶味....唯一一讚的是麵質唔錯，應該係麵廠既功勞.....其他的....都唔想再講了....仲要不

之前睇到報紙介紹, 就約左位朋友去試試, 7點幾到, 都已經full左, 等左15分鐘有位環境當然不及出面那些的好, 但很有懷舊feel, 四周掛上一些舊相, 這些老店真係買少見少雖然比較舊, 但也很乾淨~一睇餐牌, 才知呢間餐廳拎左今年的米之連, 所以食物水準實有的2個人叫了個2人餐酸辣湯, 好足料, 酸辣度剛好, 一d都唔似出面食到的碗仔翅, 有豬肚tim, 很出色獅子頭, 有2粒, 仲有好多茱, 獅子頭外面脆脆, 但入面淋淋的, 好入味銀牙鱔糊, 顏色好深, 睇落已經好夠味, 食落果然無失望, 鱔糊好爽, 牙茱入晒味, 送飯一流加了個小籠包, 一籠6粒, 2個人食剛好 雖然唔似出面的多汁, 但也很不錯 有另一番味道最後加了個豆沙窩餅, 有6件, 這個賣相不太好的, 但食落好好食, 豆沙唔太甜, 食3塊都唔會覺得好"漏"餐還有2柸八寶茶, 第一次聽這個名和飲, 用一個小小舊式柸飲的, 好好飲, 飯後飲很不錯, 甜甜的, 好香菊花味最後還問了他們有無售八寶茶, 出奇地有, 我仲買左一個有柸的套裝, 隻柸有三件, 可隔茶的, 好好用overall, 食物比出面的好是無錯, 只是環境不及

本人雖算不上食家，惟自細嗜吃，也略懂煮食之道，自然也知曉何為好吃與不好吃。之前j見報紙極力推介此店，便約好2名親友往試菜。抵達時約7點幾，店內尚餘少量座位，因其中一位親友未到，被狀似老闆娘的女人頗不客氣地要求行出店外等候的同時，其身體也不客氣地向我們“逼”過來，如此境況，我們只好行出店外等候。其實我們都系慕名而來吃野啫，唔想同人紮馬，但本來的好心情已受到影響。未幾，那親友致電說正從地鐵趕過來（約10分鐘路程），於是我們再進入店內並被安排搭枱。那狀似老闆娘的女人剛一放下MANU，發現衹得2人，即用質問的口吻說：“又話人齊？”邊說邊想把剛放下的MANU拿走，大有再次將我們“請”出店外之意，我們解釋那親友正從地鐵趕來，她才悻悻然作罷。這店環境狹小，坐得頗擠逼，地下濕瀝瀝，令人頗不自在，惟冀望菜肴出色吧。人齊後，我們依次點了花雕雞，銀芽炒鱔糊，糖醋排骨，小籠包，粉絲皮春卷，菜肉雲吞，鹹肉豆腐湯。上菜時間中規中矩，花雕雞，酒味濃，但雞肉嚡口，無雞味。銀芽炒鱔糊，顏色很黑，都有鍋氣，惟鱔肉實而非爽，同樣無肉味。再來一道糖醋排骨（其實是猪扒），糖醋可以，但咀嚼兩下，糖醋覆蓋下的廉價豬扒頓時現形，淡

真係好易比人呃到，，諗住係openrice咁多好評差極有限啦，到左依家食完，我諗真係唔會再有下次，咁多好評真係唔知邊到黎，可能係舊時儲落， 到左依家面目全非…..一心諗住試下個鱔糊， 晚餐得一個套餐同散叫，咁就套餐啦，2個餸，2個飯，1個湯羹加2杯八寶茶， 開價168蚊都好合理，另加小籠包$28/5隻，但係我睇返openrice，人人明明食緊$28/8隻，今次食竟然少左3隻，咁咪即係加價我地叫左銀芽鱔糊，口水雞，粟米羹一開始安排坐係細圓枱，同隔離近到背對背，咁咁岩有卡位就問下: 姐姐唔該有冇卡位,我地想轉卡位，好聲好氣禮貌地問一問，你話冇咪算，個姐姐答我:卡位好地地坐咩卡位呀,冇呀,坐緊係到好地地轉咩呀。本身都對lee間野有期望，佢一句野打沉左我，個心灰一灰，咁諗住環境唔緊要，服務態度都唔緊要，好食咪得囉1.)銀芽鱔糊一食，有咩特別我對食根本就冇咩要求既人都唔覺得好食，個味好普通淡口，睇落好深色點知食落冇咩味， 鱔糊唯一好既就係質感夠爽口，至於味道就比唔到評語,因為冇咩味2.)口水雞，因為我係第一次食， 酸,麻,辣都有，lee個都ok3.)小籠包，一口落去真係有肉汁飛出黎，，但係，，唔

六點半入座唔洗等，七點幾已經排晒隊!點了九王蟮片，九王變了芽菜，都好味。好有鑊氣。炒肉丁又係好正。酸辣湯，有豬皮好好食，啲味係有啲特出，夠辣。小籠包子細細隻六隻，兩人食剛剛好。八寶茶的確係至寶，菊花加紅棗，和其他野，飲完之後滋潤到皮膚都滑啲!兩人食左咁多野大約一百七十元，好抵!

一間願意進步的店子很難得，就於這間區外人少注目的榮華川，少東近年加入不少新品，除了雞絲粉皮足料認真，也試了這裡的「龍吐珠」花茶，方法是必須將茶放在玻璃杯上，加熱水，這樣花就會散開，賣相悅目，而清雅茶香是提神解憂的良品。聖誕期近，我也買了兩盒來互換心意呢。

第一次幫襯, 內面裝修好似一般茶記, 但擺了不少得獎/上報記錄, 仲有車胎人, 真係估你唔到... 同事介紹呢度d鍋貼好吃, 即刻叫個大鍋貼3個人分, 不俗!外皮底面香脆乾身, 唔似外面軟身&油"林""林"的肥膩口感. 咬落雖然不至於"必"曬汁, 至少不會乾爭爭. 可以接受.食上海菜一定會叫鱔糊, 相比外面一大pat芽菜/韭菜炒鱔糊"碎", 呢度的鱔切得幾大塊...同埋係脆口彈牙的, 不過.... d芽菜同外面一樣, 炒到一pat pat, 口感不佳, 唔知道係唔係正常呢道菜d配菜一定係炒成咁??因為沒有叫套餐, 所以沒有機會嘗試招牌八寶茶, 不過個人頗為欣賞奉送的龍珠茶, 熱水沖落去, 睇住d茶葉慢慢散開, 裡面三朵菊花徐徐升起..最可愛的是有條線串起三朵菊花, 睇落特別"秀色"...另外叫了三絲炒年糕, 相比其他濃油赤醬, 呢道菜顯得遜色... 感覺叫多左..小籠包不過不失, 是一般餐廳應有的水準.擔擔麵.... 唔記得有咩特別了...

點提一句, 我唔明白呢151個笑臉係如何打造出來的~環境, 價錢, 食物, 服務, 特色以上五樣無一出眾難道真的是"打造"出來的嗎?!早係十幾年前中學時期已經會開始黎食午餐, 環境係較迫, 但係確實價廉物美, 依稀記得十多元已經可以飽嚐到酸辣湯麵加豆漿較早幾年, 係呢度仲未"出名"之時亦有光顧晚飯. 當時仲有二十多種經濟客飯套餐, 一個例湯一個小菜兩大碗白飯不過係三四十蚊, 而且味道比家陣既更為出色及用心製造當時客人並不多, 老闆多年默默經營既樣依然能夠係腦海浮現現今店舖依舊, 裝潢依然, 但已經見唔到老闆係鋪面坐陣, 換黎一個二十多歲既年青人, 睇外表同老闆有幾分相似打開餐牌一睇, 往日放係最後幾頁既客飯套餐已經隨著時光流逝而消失了, 換來既選擇只得"行政商務二人晚餐" 或散叫點了二人套餐回鍋肉+蒜泥白肉+ (本身想食鱔糊但係要另加$25太過份喇)半肥瘦既豬肉口感唔錯, 但係個汁偏甜左, 亦唔夠辣, 炒落不夠野味薄薄既豬肉蓋住厚厚既蒜泥, 呢個味道唔錯, 蒜泥非常香開胃既酸辣湯本應第一道上菜, 刺激一下味覺可惜再三趨促下仍然係尾聲先上, 實在大打折扣(眼見全場3-4台客突然同一時間上

一直都好想黎試下，可惜次次都有阻滯，今次終於食到。叫左個二人餐，有酸辣湯，椒鹽豬扒，獅子頭，另外自己加多份小籠包。先講酸辣湯，好大窩，我兩個人每人都食2碗以上先清得曬，味道比一般我係其他上海食店食既酸，不過果種酸真係好開胃，值得推介。椒鹽豬扒:炸得超乾身，椒鹽放係碟係一個角落，等自己可以隨意控制椒鹽既多少，味道不過不失。獅子頭:平平無奇小籠包:我記得有8隻，包皮比鼎泰豐既厚，又唔易穿，入面既餡同高湯都絕對係水準之上，我鍾意，呢個真係必食推介。之後仲有個八寶茶，味道偏甜，我飲完之後數下入面既材料，真係數到有8樣野，不過唔太記得啦。絕對會返黎再食。

炸醬撈麵，麵和包點都是師傅手搓，幼長不斷是師傅逾十年的拉麵技術，軟柔兼富小麥的香味充滿著手拉的生命力，而炸醬也是即煮，洋蔥爆至金黃帶焦香，肉末和醬汁純為配角，作用是豐富洋蔥的甜， 雖然醬汁略嫌濕了一點，但這是老派的味道，入鄉隨俗所以沒投訴；點菜時已囑咐主理人要扣底，但來到時還是滿滿的一碗，足夠以撒吃三餐，Victor解釋份量已較平日少，他們做生意和做人一樣，務實不偷工減料。