上海榮華川菜館

营业中

休息中

這是一篇帶"反冠冕效應"的食評。舊"榮華川菜館"是老叟少年時代常光顧的肆之一;今時原來已榮登"米芝蓮"榜位之列！十年人事幾翻新; 三十年味道堪回憶。很久以前，榮華是出產標準濃油赤醬的。回鍋肉、鱔糊等均是濃而香厚; 可是今天所吃已是不同，而且亦啖出雪味來........最失望是小籠麭與鍋貼。十年前仍是以刀切後琢的肉做饀; 而蒸或煎後均有肉汁與咬口。可是今天已變成無肉汁無texture 的機挍肉了........鍋貼更離譜，以往是以傳統鍋貼皮包饀後，以適量油先煎再加水後加蓋蒸焗再打開蓋煎乾底才上碟;今日則以類似餃皮以大量油幾近煎炸而成......其他餸菜水準一般，乏善足陳。米芝蓮？唔..........很幸運多年前常到榮華！

午餐兩個人想食上海野，朋友話呢度好，就入左去試下~安排坐卡位，地方不算大，大概四十個位，至於食物，一個炒鱔糊客飯及一客小籠包炒鱔糊, 鑊氣算ok,醬汁濃淡得而味道有點甜甜的,想是有以老抽調味,不太濕也不太乾,鱔肉口感好小籠包薄皮內多汁的, 咬下去熱燙的肉汁便流出來果然是充滿水分, 再吃下饀料, 肉質挺鮮不錯蘸著醋薑絲一起吃更是好吃服務方面,侍應態度良好

頭一次食，係因為行行下肚餓，所以是但搵間餐廳食。當時已經十點幾，眼見當時鋪頭冇咩人，以為可能就收鋪，想住轉戰其他地方但四眼侯生仔，一見我地就叫我地埋去坐，歡迎睇左陣餐牌，見到d小菜咁貴，就叫左個麵食個侯生仔都一樣咁好態度，無因為你叫得小野食就變面員工一樣係，有位阿姐態度好好，一見我地飲晒d茶就問我地加唔加茶對其他人客都係，抵讚！友人叫左個酸辣麵，本人叫左個火雞麵，各大約40蚊個麵湯底幾清，幾好味，係火腿咸左少少，雞都足料，但以依家物價上升，40蚊食到個大酒店中菜水準既麵算唔錯，（其他餐廳40蚊都可以得d垃圾食）因為上次食過唔錯，今次第2次去食，特登食小菜一樣態度好好，等左一陣就有位，阿姐又係好好態度，今次食左回鍋肉，口水雞，粟米羹除左粟米羹外，其他都唔錯，幾好味最後飲埋8寶茶，簡直一絕！！！因為我地食量都大，叫多左2碗飯，最後埋單都無計錢，唔知係咪計小左，但依d 唔計較 只要你食得晒既食得飽就得－咁既人情味真係好耐冇見之前睇過其他食評話服務態度差，本人去左2次都覺得好好態度可能已經改善左，真係抵讚！！支持有心有特色有人情味既鋪頭！

同朋友冇計劃地行下觀塘, 行行下想試下一d 老店, 所以入去一試大約18:00左右到, 所以唔駛排隊雲吞雞可以話冇咩味精, 算是不錯小籠包皮也算薄, 肉汁的確多. 值80分. 都比得上Crystal Jxxx. 即時fackbook like 左佢間店仲送了2隻俾我地本人一向喜歡食豆沙鍋餅, 呢度的好脆, 但的確好好好油, 上碟時熱仲好熱的. 如果佢加張吸油紙係碟同上碟前吸一吸油, 效果一定好好多最後會送你一杯八寶茶, 加了4次水俾我都不失那甘甜, 落足料. 能消除了剛才豆沙鍋餅那油油的感覺. 非常好!我問waiter 有什麼材料在八寶茶, 佢又會認真回答. like~~~總括來說, 值得再去

家人曾經經過這店這晚的晚飯就去試一試見到餐廳內的裝修和餐牌咁有特色心裡暗喜餐牌內第一頁原來是2012年米芝蓮推介心裡更是非常非常開心可能我地叫左4人套餐食物質素真係麻麻回鍋肉 - 好油,都幾咸,唔好食宮保雞丁 -好失望!!!!我未食過宮保雞丁有火腿的,並不是金華火腿,真係早餐火腿,而且不是雞丁,是雞肉,根本不是宮保是辣沙嗲醬,食到依到已經好懷疑,本來大廚一定今日不在,要不然就是米芝蓮食漏左依個沙嗲雞柳 糖腊魚 - 這個算是最好食的了,但賣相真的差 沙鍋雲吞雞 - 差,是湯加雲吞.....雲吞是OK的,但並不是沙鍋雲吞雞 奶油津白 - 好差,奶油津白原來是忌廉湯+火腿,真係唔係金華火腿,真係早餐火腿,我心幢真係反眼個奶油真係O 咀,到底發生咩事????? 小籠包 - OK,只是皮厚,也沒什麼特別 煎鍋貼 - OK,幾好,有肉汁,可能這是餐以外的,所以質素比較好 豆沙鍋餅 - 這是最好味的了,如沒有這個豆沙鍋餅,我這晚真係失望到暈 炸雲絲卷 - 差,食左咁多唔好味既餸之後,想食雲絲卷,$32 兩條,本來最好就係有蒸有炸,但係竟然只可以一係蒸一係炸~~~?????????點解$32蚊???點

係facebook見到朋友like左呢間餐廳, 所以就同男友星期六特登去一試7:30去到, wa......好多人等位, 所以我相信一定係好野等左半小時終於有位叫了個2人餐 + 小籠包2人餐叫了限定供應的九王鱔糊 + 回窩肉 + 酸辣湯老實講, 等左咁耐係值得的, 成餐飯樣樣野都好食九王鱔糊: 九王好新鮮, 炒完出黎好香...鱔糊好爽, 九王炒鱔糊真係絕配回窩肉: 有青椒, 菜, 豬腩片... 豬腩片一d都唔覺肥, 平時唔食呢d肥肉, 但係度我都食左好多, 加埋個汁少少辣, 真係好好食酸辣湯, 唔似豌仔翝的, 比其他上海店好好多, 夠酸同辣, 而且好足料 小籠包好juice, 人面d肉好好食, 不過完全唔同出面果d, 好有自己風味, 所以我覺得更加值得一食最後2柸八寶茶...omg...好特別的一柸茶....第一次飲...入面有好多野的, 我都唔知係咩, 但真係好好人飲...食飽飲埋呢柸荼, 真係好perfect.走前, 個後生仔問我地意見,我地當然說好OK, 之後叫我地以後多D黎, 仲叫我地黎openrice支持一下, 真的值得支持的一間小菜館, 加油


一個人食得唔多、無胃口，只能夠點一碗擔擔麵食。
擔擔面用上傳統的上海麵，較白，湯底濃郁麻醬味。麵份量足，湯底帶有特色的微酸，不同外邊只是麻醬湯底般滯。
這裡比較有特色，中午每位坐下先來一杯開花龍珠，茶會有wow既感覺，了解後得知該茶由菊花和銀針手功而成，有心思。
雖然這裡樓面細小，但五臟六腑俱全。裝修雖舊，別有一番懷舊風味。


可能一月一日假期, 來這裡的人超超多, 見咁多人排除, 我又住附近, 所以決定買外賣回家。醬爆雞丁, 三鮮津白, 蒜泥白肉 和上海粗炒醬爆肉丁 - 肉丁是排骨, 加入菜青椒一齊炒, 味道ok的, 但唔算突出三鮮津白 - 蝦仁, 雞肉, 喊肉 炒津白, 出面的三鮮是用火退, 這裡用喊肉代替, 令d菜更野味蒜泥白肉 - 蒜好足, 好香, 但都好辣, 唔食得辣的我只食了一塊, 肉切得好薄, 好重口味的一道菜上海粗炒 - 比出面食的少油, 炒得好味整體係中上, 唔怪得知咁多人排隊, 下次都要試下堂食, 相信比外賣更好佢地的外賣盒都有鋪的名, 出面已經好少見了

是日十分凍，在街上小貓三四隻，遠行到榮華享用晚飯。天氣凍，人流唔多，不用等位之下兩個人坐私人枱。平時食開回鍋肉獅子頭，今次食較少食既椒鹽排骨，口水雞，奶油津白，粗炒椒鹽排骨比較簿，炸得香脆，豬扒有少少咖哩味，椒鹽放在碟邊，上面有葱花。雞上面醬料酸酸辣辣，不過較粗，如果磨下會好d，要配花生碎一齊食。奶油津白一出，大家wow左一聲，個面好似焗芝士噤，食落好野味，全餐最好味既餸。上海粗炒唔油炒得幾乾身。題外話，鋪頭播既American jazz好好聽，聽到唔知時間過左噤耐。

之前食過一次, 都好耐無黎了今日同媽媽2個人食, 叫了個2人餐加小籠包因為媽媽唔食辣, 所以今次都無叫辣的東西 煻醋魚塊似mcdonald魚柳包的魚, 炸左後加汁炸得剛剛好, 個汁酸酸甜甜超好味獅子頭除了2粒波波肉球, 還有冬姑, 菜所有野都好入味唔錯, 這裡的小炒真係好好湯要了清菜豆腐湯雖然無酸辣湯咁出色, 但清清地, 都不過不失最後加了小龍包保持到水準, 仍然愛食p.s. like左佢地facebook, 送多左2粒, 真好最後八寶荼劃上句號同上次一樣....食到好飽

只係想講下獅子頭幾好食本身我自已食唔到辣野，成家人食飯我只係食D唔辣既菜。獅子頭肉球好入味，同D菇一樣OK!食完飲好多人講既八寶茶，似菊花茶，之前未試過用茶盅飲茶，好得意！環境就舊D，但算整齊。

店內面積不大。環境佈置老舊樸實 老菜館感覺。但食物水準。整體良好全店裝潢走復古路線。叫了:雲吞雞湯清清地。唔會太油雲吞係包菜肉款, 皮薄, 好味, 有4粒雞雖然稱不上肉嫰。但不"鞋"口, 都唔錯紅燒獅子頭冬姑, 紹菜, 好入味又不會太咸獅子頭。肉不會太老。外脆內軟。肉唔會一夾就散開哂 <---做得好成功的一道菜回窩肉肉切得簿簿, 唔覺肥, 夠辣, 個汁好好, 都得好好食小籠包上海野必食, 呢到唔同d, 皮唔係好薄, 但肉好夠味, 肉唔會好散好有老店風味服務都唔錯, 總括: 很棒的一間上海菜館, 味道不用懷疑

聖誕節無book聖誕大餐，因為太貴，所以選擇了這間平民米芝連餐廳。叫了個二人餐，有糖𣈏魚塊，獅子頭，和酸辣湯，另加多一籠小籠包就成為我倆豐富的聖誕大餐！鋪雖然少少，但真係好好味，糖醋個汁好醒胃，出面食唔到。獅子頭外脆內淋，整得好好，唯一係細粒左少少，但都接受到。小籠包肉好鮮，夠味，而且有湯，都唔錯。好彩的我們食到餐又平又好食的聖誕大餐，一定會再來試其他。Merry Christmas!!

呢間野係開咗好耐, 但一直都唔算多人幫襯 (至少以前康寧道APPLE SHOP隔離間老正興旺D)早幾年食過, 唔平唔貴, 味道一般但收銀已經變咗個後生仔, 唔知係咪易咗手直到近年得到米芝蓮"寵幸", 晚晚人山人海等我以為水準大幅改善不過都係失望而回...今次去到, 負責人好似又唔同咗樣又轉手??講番D食物唔知係咪我見識少呢碗洋蔥多過肉碎o既所謂"炸醬麵"同我o係其他京川滬食店食o既炸醬麵好唔同冇青瓜絲, 調味唔濃最多問題係, 點解咁多洋蔥?唯一可取係d麵還可以, 唔會又淋又易斷就係咁, 用$40就知呢間米芝蓮推介食店係咩質素

平民飯堂最正既係中午既回鍋肉客飯，次次自己食中午都是首選。個味道做到上海菜既「濃油赤醬」，油唔算太多，ok la。宜家仲有咩龍珠茶（之前好似無），識開花既，後生仔接手果然唔同d。