上海榮華川菜館

营业中

休息中

早幾日在報紙見到介紹這食店, 確實好食的上海川菜已經好難食到, 16:30去到門口, 已經有兩三枱客等位, 三人點了酸辣湯 花雕醉雞 小籠包 上海粗炒, 本來是想叫擔擔麵的, 但老闆話廚房唔夠人手, 無得叫, 咁都得?酸辣湯味道一般, 湯料都落足, 唯獨無豬紅絲同埋湯料份量太少, 成碗湯祇見豬皮絲豬肚絲兩條, 而落紅蘿蔔絲就真係第一次見, 想問老闆攞豆瓣醬, 佢話湯唔比落豆瓣醬, 所以唔比, 真有性格, 成碗湯值得一贊係夠晒熱花雕醉雞味道一般, 雞本身無乜花雕味, 好似煮熟臨上枱先倒酒落去咁, 但份量就夠多小籠包真係唔合格, 皮唔得腍 Bad Bad, 豬肉唔得 Fail 上海粗炒, 我祇可以講好多地方好過佢, 啲麵腍晒食粉咁, 問老闆攞豆瓣醬佢話食麵就可以落成間舖的樓面都係老闆, 牆身貼滿待客有禮提示, 但就個個老闆都黑口黑面, 最頂唔順呀大老闆在未食晒啲野時問會唔會再叫野, 原因係門口有好多客等位, 嘩趕客趕成咁真係第一次見, 有時做食店真係要講風水, 成間野環境唔好, 食物一般, 價錢唔平, 但就係有米芝蓮推介 門口排晒隊 真R頭

今日真係得閒~~一連打幾篇食評~~哈哈~~無辦法~~平時無時間打~~只好得閒時打多兩篇返工放lunch食開D 茶餐廳~~快餐店~~偶然都要轉下口味食下其他野今次走左去食上海野~~ 一入門口~~侍應都幾好招呼間舖雖然唔大~~但坐落都幾舒服~~ 而且裝修都幾有風味~~好有七十年代feel杯茶都好得意! 原來叫龍珠茶~~裡面有朵花都幾靚~~跟套餐就有得飲咁就點菜啦~~點左個上海湯粗同小籠包~~上菜速度都幾快~~ 碗麵都幾大碗~~食落味道唔錯~~夠濃~~同出面D上海湯粗好唔同!之後食埋個小籠包~~大大粒又夠汁~~咁就夠晒飽! 埋單都唔算太貴~~~下次會再嚟食! 今日無帶電話出去~~影唔到相~~~有機會補返

首先等左五分鐘度就有位，一入去座位其實吾太多，然後選左$328 既四菜一湯一小食。不過張枱較細，所以都食得幾急泥比佢收碟，如果吾係會吾夠位擺。我地選左酸辣湯，啲味吾淡又足料，重酸味啲既然後係回鍋肉同宮保雞丁都係辣既，亦無得叫小辣，所以吾食得辣既人吾好叫拉，食得辣既人，可能都會覺得佢地整得好香，同啲辣味好match奶油津白好重奶味，不過我嫌可以多啲菜糖醋排骨我覺得甜味重左同埋排骨過肥，可以選啲瘦少少既小籠包只要check in and like their page 就會有多2粒小籠包，啲皮薄餡又吾會太咸😇豆沙鍋餅好好味，裏面好多豆沙又吾會好厚成啖粉，所以整得好好食最後仲有八寶茶送，超足料因為您會見到啲料係您個碗度添，好甜所以都係佢地既招牌

今日同班FD嚟到觀塘食嘢,心諗都清拆重建緊,唔況會有咩好嘢食架啦,點知上OPENRICE一睇發現呢間川菜館咁多正評就無懼打手去試一試。先唔講嘢食,服務態度真係一流。員工不時為顧客斟水,收嘢,幾好服務。有時間仲會同你吹吓水咁,宜家好少餐廳會咁,員工多數同機械人無問題: 落單,收嘢,埋單。第一次食川菜，所以唔識講正唔正宗但好食就梗。特別想提小籠包，即叫即蒸，夠熱又多汁。最開心係伙計見我哋3個人分唔到8隻就唔『覺意』跌咗一隻俾我哋另外雲吞雞湯唔濃而且仲幾入味之後仲叫咗回鍋肉同花雕醉雞都值得一試。最後套餐仲附上一杯八寶茶,甜甜哋又消吓膩。如果有埋中式甜品提供就更加好

今次再不是什麼日式，西式了，是上海菜😋！對上一次來已經是好幾年前的事，今次是第二次。因為每次去觀塘，我也不知怎樣找這小店。有人帶最好不過😆😆 為什麼我那麼想去這裡?就是那杯飯後八寶茶，它很香有甘甜味，才料從杯內看有紅棗、菊花、乾橙皮、茶葉、冰糖。。。(我也從嗅味覺去估）今次去仍有同樣味道，開心😊 對！我要介紹一下小菜，有餐提供約130-180，只顧吃忘記仔細點😅今次叫了酸辣湯、回鍋肉（至愛😻)、獅子頭、奶油津白，八寶茶。 吃得很舒服像家常便飯。酸辣湯好足料，也有點辣；回鍋肉，正！；獅子頭津白入味肉一咬也不太碎，合格。奶油津白，奶油好重，菜略覺得不太新鮮。飯也有點米飯香。 不得不介紹餐內特別的地方；餐牌上有以前的電話號碼及懷舊設計圖；小菜名也寫上木條掛在牆上；有三句職員溫馨提示；一些舊相;與一張很滑稽的雲呑鷄介紹圖，留意下下面的註「此圖只供參考」哈哈！😝😝 支持小店😃特別加許:店差不多要是關也好地招呼,很好啊!

大半年前同事帶我黎食lunch，話係米芝連上海野，果時仲有旅行團帶隊黎食，見果次都幾好味，今晚諗住食過番尋味，同鍾意食上海野既qqbb番來晚餐。0900左右到唔洗等，小店都8成滿座。我地叫左個set，138一炒兩飯一湯兩茶一甜品，兩炒168。我地食一炒，另加小籠包。唔洗5分鐘就上左酸辣湯，本身以為得兩碗仔，點知勁大碗俾你自己不，我地都好驚喜。不過qqbb一食就話太辣，我食左啖都覺，相對無左個酸味有d失望。本住食得唔好哂精神，我地最後都努力食左八成。好快跟住就上左個小菜同白飯。九王鱔糊鱔肉厚實，唔錯，肥d更好味！九菜普通，係炒得咸左dd。小籠包本身六粒，like佢fb送多兩粒。呢個真心後悔，個皮又厚又無汁，d肉有so味，唯有點醋啦。我地食左六粒已經頂唔住。同佢講左食完先上甜品，我地食到一半佢就拎左俾我地。不過都算啦，前面果d麻麻，我地都想快d放d好野入口食下。豆沙夠沙，唔太甜幾好，但餅唔夠香脆，個底有少少油可接受，不過不失。呢碟係唯一食得哂既野食。食完最後送上八寶茶，本身都無哂期望想快手走人，因為同上次黎食完全兩回事。過呢中野真係驚喜，一打開就見到好足料，qqbb鍾意飲菊花茶真係岩哂佢

一心想嚟食擔擔麵, 不過話夜晚唔供應湯麵.見食評話龍珠茶好清香, 不過話唔係食套餐冇得order.試咗小籠包, 回鍋肉, 雜錦炒年糕.小籠包因為唔係淨係用肉做函料 (有加菜), 所以食落雖然唔係成泡汁嗰種, 但係味道算唔錯. 啲皮未夾就穿咗兩隻, 放一陣就開始乾, 一定要襯一上枱就食.回鍋肉勝在唔係好油好肥, 味道唔錯.雜錦炒年糕無乜特別, 又係勝在唔係炒得好油.會再揾機會晏晝過嚟再試擔擔麵.

因為住係附近, 所以間唔中都會黎食吓.住低先黎一杯龍珠茶, 呢杯野都係其一個入黎幫襯既原因.黎到呢間上海菜館, 每次都必點擔擔麵, 小籠包.擔擔麵- 麵夠彈牙, 湯底有滿滿花生牆+花生粒. 香口非常! 完全被征服!小籠包- 即叫即做熱辣辣, 皮夠簿, 有肉汁. 一流!

前陣子因拜託朋友幫自己辨一點事，所以是日特意請他食飯補數，為了方便他，小妹千里迢迢來到他上班一帶陌生的地方，東道主的他當然要帶我去食好野。今日就由他帶我去一間食到唔想食的酸辣湯。可能是閒日的關係，店舖的客人比我預期中的少，不用等位已立即有位子坐了。店舖四周牆上均掛上觀塘五、六十年代舊大街風土人情的景照，及一字排開的店舖菜式的木牌，店舖內部設計依舊是舊式茶樓的背對背木椅高座，或是一大圓桌多人飯聚的模式，貫徹保留特有港式酒樓的原貌。為免煩惱，一坐下我們就決定選擇二人套餐，用$140的價錢，可選擇小菜、湯、小點各一款；而用$152則有小菜兩款但卻少了甜品的選擇；不過以小妹縮骨算爆的性格，加少少錢就能換多一碟小菜，看來較化算吧！龍珠花內裏其實有什麼乾坤，小妹也不太清楚，只知當中加入了茉莉花，所以聞到陣陣清秀的茶香，倍覺舒暢，入口固然生津解渴，幼滑甘爽。龍珠花原本呈一球狀體，加入熱水後，便慢慢燦放成一朵小黃花，這過程十分奇妙幻化、令人有出奇不意的精彩。據知龍珠花要用大概95度的高溫水去泡製，才能做到味甘清爽的效果。不過這裡明顯用了沸騰的熱水浸泡，結果到後段再品嚐高茶時，苦澀味不禁滲透出來，而原有

同男朋友食夜晚, 諗住男朋友like食上海野,所以BOOK左呢間.咁我地去到都等左陣, 個四眼哥哥仔好有禮貌招呼我地.坐低就等男朋友拍板. 佢嗌左個二人套餐.簡左兩個小菜, 一個係時菜獅子頭, 另一個係回鍋肉.咁個回鍋肉呢, 都幾好食, 食落唔算肥膩, 味道同火喉都夠.另外既獅子頭都幾好食, d肉好入味, 男朋友食得好開心!個湯我地簡左酸辣湯! 好好味, 無出面果D 咁杰同埋酸辣適中!最後飲埋龍珠茶, 呢餐食得唔貴同埋最簡要男朋友開心!

星期一喺觀塘幫frd搵樓, 搵搵下見肚餓想搵d嘢填肚, 咁啱就見到呢間食上海嘢有下午茶。18蚊碗擔擔麵真係唔係周街有，橫掂諗住18蚊, 唔好食當豪畀佢。一入去, 個四眼哥哥都幾好態度, 仲同我吹咗陣水。落單叫碗擔擔麵佢就快快手落Order。第一次嚟, 個環境感覺幾舊式傳統, 好有懷舊味道。碗麵都好快煮好, 心諗咁快會唔會hea煮?一眼望到碗麵, 咦 幾唔錯喎, 賣相唔曳!食落D麵都好彈牙, 個湯都幾濃同埋辣度適中, 酸酸地食落幾正。d配料都好足料,有晒花生同蔥花。呢碗18蚊擔擔麵, 真係交足貨仔! 如果個frd真係搬嚟呢度, 都會同佢嚟食多次!

sep 27, 13............7人來dinner.........共叫咗 :1) 花雕醉雞 (hk$68) -花雕味都出,雞肉入味 -嫩滑度1般咁啦2) 銀芽鱔糊 (hk$85) -芽菜超多到蓋住晒d鱔肉 -芽菜微爽,鱔肉都切得大,但個汁太多3) 酸辣湯 (hk$52) -都好多料,如果酸度強番d會好味d4) 上海粗炒 (hk$49) -油膩度可接受 -但粗麵腍咗少少,無彈性 -味道又唔夠濃,又無鑊氣5) 奶油津白 (hk$68) -佢嘅奶油顏色比較深,而且超泛濫,味道濃味,食友笑言有點芝士味添6) 小籠包 (hk$32) -呢個喺全晚最好味的 -皮薄,佢唔喺湯汁多嘅style......反而大大舊肉,很鬆,有點鮮味,juicy,仲有少少酒香添7) 糖醋排骨 (hk$68) -呢個1上枱比佢嚇1嚇 -d肉連泡油都無,好似直接放落鑊炒就算 -個汁又比較稀.........醋味又不夠 -喺1碟好唔稱職嘅糖醋排骨8) 時菜獅子頭 (hk$68) -肉鬆度都合格 -菜都幾少,全碟份量偏少9) 椒鹽排骨 (hk$68) -肉炸得乾咗d,所以有少少"鞋"身同乾 -1碟得2塊,份量有點

事緣睇電視節目介紹過呢間 咁又近 就帶屋企人黎食咁我地叫左個三人套餐~＄220跟三個小菜有湯小食跟三個白飯仲有杯龍珠茶 跟兩個小菜嘅餐就~＄210 咁多10$就多一個菜就緊係揀前者淡淡花香嘅龍珠茶 如果加蜜糖會更香九王鱔糊 都ok但冇乜特別驚喜 鱔炒得好乾冇乜味小食炸雲吞 皮薄炸得好脆幾好食酸辣湯 我個人最鐘意呢個 好夠醋足料 開胃以上得兩個送 仲有一個我地叫左糖醋排骨但侍應漏單 我地之後追佢地因為都好飽所以冇試到個排骨就打包走到埋單我發覺個價錢好似有啲出入點知個侍應同我講你地落左兩個送嘅三人套餐 之後追加個排骨要要另外當70$小菜叫 吾可以當係三送餐 我心諗係你地寫漏單 仲好意思咁同我解釋 係幾失望 我諗野食ok 不過不失

天氣熱，行開觀塘，上openrice找食。無意間到了榮華。地方較細，舊式裝潢，職員建議我一個人可以選客飯，最後想想還是點了擔擔麵。擔擔麵都是麻醬湯底配點花生及蔥花，食落去有點開胃的感覺，因為湯底有點醋吧！麵係上海麵，煮得幾爽口，ok。待幾分鐘後，職員（應該係老闆）送給我兩粒小籠包，小籠包湯不多，但肉不會乾，ok的。中午跟餐有杯龍珠茶，可以看著它開花的，但看得忘形的我忘記了影低。。。有下次！

這幾年，常常到這裡開飯，無論午餐、下午茶、晚餐，任何時間來到，食物的質素也很好！上年終於得到米芝蓮推介，心裡暗暗替老闆高興！但引來長長人龍，所以一直未有再來！今晚再來到榮華，結論是從此不會再來了！今晚一行四人，晚上八點來到，不用等位。少東見我們四個人就放低四人餐的餐牌及主餐牌。由於大家都是很細食，見四人餐最少也有四個小菜、一湯、一點心！份量太多！所以就問佢喺咪無咗二人餐，佢話喺！咁就唯有散叫！糖醋排骨完全是切粒嘅瘦肉，一舊骨都無得落地！味道就不提也罷了。粟米魚塊魚塊竟然喺超市雪藏嗰啲魚手指，粟米汁就變成青豆、紅蘿蔔粒、粟米粒嘅生粉獻！招牌小籠飽味道無問題，但原來一客八隻，現時只得返六隻，想要返八隻嘅「升級版」，就要上榮華川菜館嘅FB專頁俾個Like或者打卡先有喇！上海粗炒少東話呢碟$40幾嘅粗炒喺一人份量，唔喺俾你哋share食喎！真喺想問四個人喺咪唔可以叫呢？少東落完單，仲話四個人唔夠食喎，喺咁叫你落多樣，我哋唯有話我哋一陣仲會叫白飯，佢先罷休！埋單到櫃檯找數，先見到佢哋原來仲有二人套餐，$150幾！但少東就同我哋講無二人餐，只有四人餐！咁樣做生意法，想我哋再嚟都難！從此又少了一個品