上海榮華川菜館

营业中

休息中

一向只看食評，第一次寫，請多多包容今天經觀塘看了食評便慕名而來，叫左個小籠飽、隨意點二人餐: 糖醋排骨，酸辣湯 和 豆沙窩餅店鋪格局殘舊，但職員相當年輕但態度也算輕挑，其實價錢亦和外面價錢不差遠，主菜算細碟，如果二人餐根本不夠吃！最令我不滿是因本人很喜歡酸辣湯較酸，但朋友就不能接受太酸，一般外面店有醋便自已加落自已果碗度，總好過要朋友飲唔到。  這店很奇怪小籠飽自動提供一小碗醋，但額外要求多少許醋便硬要全個湯入厨房再煮已解釋給他聽，我和朋友口味不一，店主只須提供一小碗醋像讓我像自添胡椒粉原理便可，可惜店主依然堅拒提供，只可要求厨房再煮加酸。真的令人費解這是甚麼道理.........!! 如果店本身沒有醋我沒話說，但小籠飽有醋，額外要求便冇.....????又或者可說額外要求調味料收錢，這看客人願意付或否，總好過沒選擇..... 本身食物味道不太差，但這種服務態度我就不會再來光顧還有看見有紙貼着要客人一次性落單 (意思: 不可加單) ..... 今時今日仲有這種服務態度，認真要改進... 因實在吃得太不悅，沒有心情影食物相，見諒！結論：食物還可份量少，服務態度差，價錢不算抵，不會再來

去開觀塘搵個客，順便起個邊收工，個客介紹左我黎呢間野食，就係咁去左。入到去舊式茶餐廳格局， 並非高級上海菜館路線。粟米羹：顏色、賣相好似ok， 其實個味怪怪地。奶油津白：好香、好食。雜菜粉絲：普通菜色，一般上海店會吃到。雞絲粉皮：麻醬夠香。

食品質素：85/100環境：70/100官塘在重建中，很多地方都不一樣。月華街市以上的地方未有重建，我們找了一間較為舊式的食店坐下。呢間食店以食上海野為主，坐底一望，就見到上fb上like佢地，可以升級做8粒小龍包。當然要叫一客啦。另外我地仲叫左時菜獅子頭和酸辣湯。小龍包來到，外表有d失望，好似好厚皮咁，但食起來好多料，而且有好多汁。時菜獅子頭好正，肉質緊密，咁樣夾起上來就唔會散，而且肉和菜都好入味。酸辣湯好大兜，好多料，味道偏酸，好醒胃。我見人地杯茶識開花，問下人先知係龍吐珠，叫左杯來飲，好得意，味道當然不及傳統靚葉啦。

榮華這老店已開了幾十年，現今由後生一輩承傳下去。店面依舊，但換上新相和插畫，比較舊時多了點色彩。小老闆更善用資訊科和技新的經營手法，例如fb贊好會多幾粒小龍包，搭的士可以claim錢等令傳統小店多了幾分現代色彩。再評評食物，小炒保持水準，家常豆腐，韮黃炒鱔糊，鱔少了一點，但夠粗夠咬口，韮黃多，完全吸收了鱔魚和汁的味。家常豆腐好有住家菜味，不會太過油，而豆腐外面煎得香口，內裏還滑滑的。上fd贊好，可以升級至8粒小龍包。不過小龍包較為遜色，退步了，皮好厚，湯太少，可以改善下。再來一杯八寶茶，有冰糖的清甜，有菊花的清香，還可以添加，飲了兩杯，很滿意。

老姊知我鐘意食風味野，專登帶我來食。入到來，環境真係好懷舊，好好feel呀。我地叫左個二人餐，湯就係雲吞雞，好懷舊的味道好耐無味過咁香的雞湯，有少少雞油肥而不膩，雲吞好好食~~紅燒獅子頭，肉汁唔太咸，而個獅子頭淡淡肉，d菜入晒味，好食咁大個女第一次食有咁多奶油的奶油津白奶油上有少少煙肉，夾埋d菜一齊食，好matchd汁用來no飯超正正要單時侍應提我地仲有個八寶茶原來個八寶茶要最尾先上好野真係要壓軸~~~清清地甜甜地又有d菊花味好飲好飲~~~ 

新學期，係觀塘上堂，於是又黎榮華食晚飯。今日係新學期第一堂，食飽d再努力。今次叫左佢地個糖醋排骨，招牌菜wo，另外再加碗菜飯。糖醋排骨，甜甜地，酸酸地，排骨炸得岩岩好，唔會太老，一咬就骨肉分開，表層好脆。菜飯唔太油，菜都幾多下。因為佢的分量唔算多，一個人食岩岩好

早陣子回觀塘老家看婆婆，打算先醫肚才回家，但不想打搞老人家，於是和老公上館子去問題來了！因重建關係，觀塘四處都是工程進行中，想找間餐廳食飯變成一件極傷腦筋的事情我不想再吃大集團的食物了，一式一樣的食物真的悶死人老公和我走了又走，在瑞和街街市後面，在暗弱街燈下看見了一堆人群當時已經是晚上９點，小店門口大約有二三十人在等候，情況甚為跨張於是就決定試試看這間小店開在觀塘已經超過４０年，名符其實的老字號上海榮華川菜館曾經獲得米芝蓮推介，我真的感到很驚喜因為這低調的小店，沒有華麗的裝潢，沒有廣告和電視節目推廣底下獲推真的不容易呢！幸好我們只是等了半個小時就入座了，小店裝修簡單，座位不多，但環境很清潔衛生店入面有很多手畫的漫畫做裝飾，很有家的感覺我真的很喜歡我們被安排坐在入面的二人桌，位置有點窄，即使已經滿座，細心的職員還安排了椅子我放包包我們點了二人套餐，兩款小菜，湯連兩茶才＄168我們另加小籠包。幾十款任你挑選，花多撩亂不消一會便上酸辣湯，天呀！超大碗呢！我們每人分到三碗味道超好，酸辣湯的材料十分足料，有木耳，蛋絲，肉絲，冬菇。。。於辣度剛好，味道偏酸，十分醒胃醉雞酒香濃郁，一上桌就已經聞見酒

觀塘正在舊區重建很多地方都面目全非走過月華街街市，再上的一個轉角位有間不起眼的老店不用多想就進去想不到店內光線充足一點也沒有古舊的應覺但裝潢又保留一絲五六十年代的感覺就像進入難兄難弟時代餐單封面淡黃色底，鮮紅色圖充滿一份懷舊味道我們叫了一份小籠包，酸辣湯，奶油津白，紅燒獅子頭我最欣賞奶油津白和紅燒獅子頭奶油津白上瀟少許煙肉粒，惹味非常，白汁香濃，菜葉完全吸收白汁的味道紅燒獅子頭比外面的清淡，但不失原味，肉汁豐富，可見店主用料新鮮酸辣湯不過不失，小籠包有點失望最驚喜原來二人餐跟一杯八寶茶清甜的茶味嘗得出加了菊花和冰糖還有一些滋潤藥材清潤可口香港情懷的店舖愈來愈少，希望有機會再來

果日放工放夜左於是同同事過來食上海野點知入到來個個係度食點心以為去錯地方問個侍應先知，原來呢度深夜有埋點心食咁就試下啦我地兩個叫左蝦餃，燒賣，山竹牛肉，鳳爪，真係即叫即蒸。。。。。都等左一陣蝦餃燒賣都好足料，好明顯係人手製，師父手勢唔錯，蝦餃燒賣來到都脹卜卜，饀料都好多，食到粒粒蝦，燒賣仲有肉汁流出山竹牛肉加埋喼汁，好有童年味道鳳爪咸左d，都ok點心都係手製gei好，估唔到夜收工都有新發現

整體上，我覺得這間上海菜仍有進步空間我們叫了一個雲吞雞，雞湯好的鮮味，雲吞都幾好，餡料好好食，雞有半隻但就無咩味，有點可惜另外叫了個蒜泥白玉，豬肉切好薄好薄，但肥肉多過瘦肉，食起來有點肥膩，上面蒜泥好厚，喜歡食蒜的朋友一定喜歡跟餐還有酥炸雲吞，即叫即炸，又熱又脆，好食來上海館當然要叫小籠包，賣相麻麻，食起來OK，但有少少失望，皮又厚，肉汁又少

經我上次介紹後朋友們都好想來於是今個月的主題尋找小店我們一行六人就來到榮華朋友說其隱蔽，話沒有人帶路真的不曉來今次叫了一個二人餐再加點小菜二人餐叫了雲吞雞、醉雞、蒜泥白玉另外再家上海粗炒、擔擔麵、獅子頭、餃子、小籠包八寶茶雲吞雞之前寫過，我不多說醉雞(又係雞!?)，此雞不同彼雞，雲吞雞的雞用來煲湯真係"鞋"到不想食醉雞的未食已聞到濃烈的酒香氣味，雞件看起來很新鮮。沒有血水色，雞肉煮得夠剛剛好又不鞋口，肉質嫩滑，骨肉輕易分離。蒜泥白玉，小瑩第一次食，不清楚傳統的蒜泥白玉是不是好像這家，"爆"多蒜泥好香蒜味，將簿如紙五花腩捲著蒜泥食，好正，如果有炸蒜仲正(哈哈，食完個口好大味)上海粗炒，不算大愛，因為一般都好油，這家的粗炒比想像中清，肉好入味擔擔麵，麵爽口, 湯底好濃郁，有好多花生醬和花生粒.，好香口獅子頭，不太咸，清清地幾好食，大大個肉球都好入味， 最喜歡伴菜，吸收醬汁和肉汁味餃子、小籠包- 即叫即做熱辣辣, 但賣相真的很一般。有點令人失望。八寶茶我的至愛。今次試多了食物，湯類和小菜幾好，尤其小菜，很有火喉，但小食真的好一般。 

最喜歡雲吞雞，這間的雲吞雞有好香的雞油味，雲吞又多，雞有半隻。另外叫左隻醉雞，好香酒味，雞皮入口爽脆，雞好滑。餃子的賣相麻麻，但出奇地好味，肉汁豐富，好足料，其實放好一點都不會浪費你好多時間

放工時間大約六時半就到步，勝在時間尚早即使無book枱亦無需等位。店子面積不大，坐位很小亦很狹窄，格局殘舊卻帶一點懷舊氣息，不竟這是一間經營已久的老店因為我倆第一次光顧，只隨意點二人餐試試質素1）醉雞好香好濃烈酒味，雞尚算滑，不過雞太瘦肉很少亦很細碟2）回鍋肉又是很濃味的菜式，就連菜都很野味，送飯一流！可惜都是很細碟3）酸辣湯超大兜！跟細細碟的主菜很不成比例。味道普通，而且偏辣因為兩碟主菜實在太細碟，根本沒可能夠吃！所以我們追加一籠小龍包。不加還好，一加就把幾火。提出加單不單遭到拒絕，還怪我們沒一早落單，明明落單時都無人提我們不能加單，再且我們都無預算到原來所謂二人餐是不足以讓兩個人吃飽！幾經哀求才給我們落單，還說下不為例，這種服務態度確實令我們不悅4）小龍包非皮薄餡靚貨式，絕不會穿底漏汁！是皮太厚肉汁少，與真正上海小龍包大相逕庭（上facebook like一like即加送2件）5）八寶茶一種很特別的茶。首嚐覺得味道怪怪的，又甜又甘。但再嚐幾口就能分辨出各種材料的味道，很有層次感，而且很料足，亦帶點清香消膩總的來說：食物味道還好，但份量少，服務態度欠奉，價錢也不算得很抵，可一不可再

唔試過其他都上海鋪，都唔知呢家好榮華係我屋企人GEI飯堂成日都黎食ga我最鍾意食佢地個酸辣湯，又足料，入口酸酸地，之後先開始辣，個感覺真係好鬼正，出面gei完全無得比另外佢地個糖醋魚塊，又夠獲氣又夠香，咬落外面脆卜卜，個汁最正，酸酸甜甜係出面食唔到ga，不過魚塊就少左d

朋友介紹這間唔起眼的上海鋪，話歷史悠久，宜家官塘重建，隨時會無，於是特登行過來食，呢度裝修好懷舊，好似去70年代咁。我見個MENU以小菜多，但我一個人又食唔晒，叫左個擔擔麵，二十蚊有找，正麵來到，望落好足料WO，好多配料，好多花生同蔥花麵都好彈牙，個湯都好濃少少辣，有D麻醬味，食落幾正唔錯，我再來宜家小店好少，希望下次再來可以見到你於是叫個麵食，