上海榮華川菜館

营业中

休息中

服務態度非常差   一定唔會再幫襯~排骨粗炒 - 好難食, 好似煎熟塊豬扒 之後"林"d茨汁上去咁~小籠包 - 話唔即落單就無架喇  話好多人叫喎   以為好好味 但味道真係極之普通  皮又乾又無肉汁~~~~    

什麼叫做米之連推介？享受生活，便要追求食物的色，香，味？要吃，也要努力，會吃，因為懂得比較，可口的菜，多遠也要去吃，對美食的追求，豈能輕易妥協？對，多美味的菜也要吃，吃是吃食物，吃環境，吃心情，吃感覺。。就算掉失了一環，也不算什麼美食。。我是住在官塘的老街坊，這店1975年開業。記得兒時，我在這裏， 吃過我的第一次川菜。 遇然會跟爸爸媽媽， 一起到店裏吃飯。。不經不覺， 己經是20 30年前的事了。。我這個老街坊，再次到坊。。哈哈，笑了二下。。一打開菜牌，第一頁是米芝蓮推介 🤗菜牌包裝得很美麗， 跟以前 的纸牌 差別甚遠。 當然價錢又是加了一大截。店内刻意佈擺得精了，但我還是喜歡以前的 簡單 擺設。。1966年官塘影像。寶聲戲院， 珠江百貨。 醉瓊樓都係兒時常去的地方小吃，28元鎮江肴肉。個肉 完全冇味 五點醋的話，跟本就不像肴肉， 透明部分 完全冇上湯的味道 建議不要再吃1人套餐為79元，包一個白飯，一杯8寶茶。回鍋肉 是這裏的 推介物 可惜 太多味精了。食完之後 有好想飲水的感覺。最重要係呢度嘅服務態度 超級差夥記們見客人喝完了 茶 。也不懂得自動為客人加上。再者。我眼見一家5口，

小龍包同c子頭勁勁難食！一定唔會再去！c子頭d肉質好奇怪，食落好似落咗好多生粉咁，小籠包乾爭爭啲皮好厚，無湯汁！完全唔認同有咁多個讚！完全浪費金錢同時間！大家如果去要三思！我係良心良家

打電話叫咗個外賣，自取，可能吾多在乎我二百幾銀的生意，哥哥仔的面色十分難睇，當時客人又不是很多，座位都未坐滿，態度不大友善，真的沒有下次啦！食物再好味都無用，服務態度亦不可忽視！

放工諗住食上海野，同朋友去館啦，完全不可能再去。一入到去，見到廚師坐响卡位除了隻鞋响到撕腳皮，個刻已經想走唔食，但朋友一意帶嚟呢到食，唉，算啦，睇睇唔到。後來，點了個套餐，叫了糖醋排骨，食落口，又肥又肉騰騰，差!!!!後來個咸肉豆腐湯，簡直從來未飲過咁難飲，水溝豆腐，飲水還好過!!!!!套餐仲包1個點心，叫了豆沙鍋餅，呢個算係全晚唯一食得落嘅菜，熱嘅，不太甜。還有8寶茶，都可以，幾夠味。最後叫了小龍包，皮超厚，但都有肉汁。可能因為我不能吃辣，所以佢地出名嘅菜食唔到，但無可能其他嘅咁難食。

記得以前嚟過一次，門庭若市，今次嚟唔洗等之餘入面都冇乜客，希望老店仲捱得住時代洗禮。二人餐已經要$180左右，其實唔平，不過實在係好食，畀錢都畀得抵。宮保雞丁滬式炒法，唔會辣，但係有道嗆喺度，冇返咁上下年資都炒唔到咁。唔似坊間咁雞丁=雞粒碎，雞肉大舊得嚟肉質唔硬易入口，配料有青椒紅椒、火腿、腰果，每款配料都炒得好香。溜肥腸貌似新菜式。肥腸略嫌小家，切到一片片，份量亦唔多，而致洋蔥當道，喧賓奪主。不過肥腸切開咗感覺洗得亁淨啲，而且好入味，加埋汁撈飯食相當正。酸辣湯兩人share每人至少有三四碗，依舊上海style，酸多於辣。小籠包原本6粒，facebook check in送多兩粒。抵係幾抵，可惜味道差少少，肉汁同餡都一般般。八寶茶喺香港淨係見過呢間有，typical八寶茶，有冰糖可以另加會更加正。

一家三口去食晚飯，我地散嗌左以下食物：糖醋魚，蒜茸津白，紅油抄手，醉雞，小龍包糖醋魚味道ok，雖然佢用三角魚柳，不過好入味，我個女好鐘意抄手個人覺得可以再辣d好味d醉雞都幾好，酒味好香其他兩樣無咩特別唔多講整體都ok，價錢唔算好貴，下次食套餐可能抵d題外話，件制服幾特別，有機會再黎食下其他野

前一排見呢間上海鋪成日上電視，心郁郁想去試下，昨日放假，同完老婆去觀塘探朋友個仔，探完就去食晚飯。可能因為平日，唔使點等位就入座，仲有四人卡位坐。叫左個2人餐，回鍋肉，奶油津白，酸辣湯。本身鐘意食酸，覺得呢個酸辣湯好岩食，因為醋份量夠，真係食到酸味！回鍋肉夠鑊氣，腩肉唔老，都幾惹味。奶油津白個汁有些像芝士口感，送飯幾好。杯八寶茶，好飲！雖然地方較舊，但坐位，枱面都乾淨，係洗手間位於鋪較後位置，比較濕滑。服務方面，好似睇過之前的食評話佢地後生仔串，自己又唔太覺，幾勤力，叫人，落單都好快手，算係咁。本人唔屬於成日上openrice寫野既人，所以無特別拍食照，不過見到一班後生仔肯為一間小店努力，現在香港地，小店維生不易，希望鼓勵下，同老婆去開觀塘都會黎食飯支持下。

完全唔值200幾個like lor..去食lunch排骨擔擔面，個湯唔夠香，冇咩花生味排骨好似炸好放左好耐咁回鍋肉飯就ok炒得幾香豆漿一致贊成係泥膠味，仲要15蚊一杯重點係服務態度好差，由其是個女人個樣好似全世界得罪左佢咁，另1個男仔都好差，有個呀叔入黎坐左張2人台，個男仔指度另1張台叫佢"坐呢度"呢間野好想比負分，冇下次!!!!!！!!！

默默咁扎根觀塘四十年嘅榮華，正好對比大力重建嘅舊區。今日晏晝，客人唔多，剛好辦年貨，先知道已經遺忘咗呢間從細個已存在嘅舊店。位置偏僻全靠熟客捧場，閒日午市都不愁生意。店員都做開街坊生意，客人習慣自組織招呼自己。重拾讀書時幫襯嘅感覺，枱面擺位依然係老規矩，所有筷子都有入套！點門口都知客飯餐牌都係無變，所以都唔使睇就可以落ORDER叫兩個客飯。回鍋肉$37好多所謂新派滬菜，標榜精緻健康，摒棄以往濃油赤醬，材料無變，但風味蕩然無存。傳統上海做法，懶理健康與否，重醬重油，少辣少甜，可惜肉少菜多，而且無五香豆腐乾，食得唔夠痛快。麻婆豆腐$37又係跟足傳統做法，水豆腐嫩滑，肉末用豆瓣醬炒香，調味加豆腐齊煮，上碟前埋芡，加葱花即成，豆瓣醬嘅香辣加少少甜，送飯食一流。保持到當年嘅味道，最難得價錢實惠，碟頭飯價錢可以有湯有飯有小菜，老店經營困難，都係收街坊價錢，更係難能可貴鍾意幫襯老舖，因為佢哋對煮食有一份堅持，令味道可以經歷幾十年依然保持水準，可能舊居民都因為重建而各散東西，小店留守，令偶爾「回家」嘅街坊，可以回味往日生活點滴，更加珍惜買少見少嘅老店。

首先，管理差。排队一点管理也没有，秩序非常混乱。點完餐之後竟然說明不可以加單，莫名其妙。以为前菜平，但系碟头细及品质劣。粉皮伴醬之后非常淡口，餚肉散修修，令人一点胃口也没有。炒鳝糊，鳝不新鲜，鲜味肯定欠奉。麻婆豆腐绝对失水准，只有小辣又不够麻。小笼包只点了一籠，但來了兩籠，照單全收，好心有好報，好吃。埋单时的时候，想睇下明细都俾人用非常细劣的态度问想睇乜嘢单。原来张单写得非常之乱，保证你睇极都唔明，完。

家住觀塘，這間老店我經常下午黎食客飯，終於有機會約埋幾個親友黎食晚飯。呢度無乜華麗既裝修，感覺較舊式，有幾張卡位，位唔算多，不過尚算舒服，冷氣都夠。我地揀左食個4人套餐，4個小菜1個湯1個小食，包埋飯。醉雞，酒味夠濃，咸咸地。出面食既糖醋排骨個汁都係黑啡色既，呢間個汁係橙啡色既，以為唔夠味有D失望，點知又唔係喎，仲幾開胃。家常豆腐個味其實唔錯，不過我覺得好辣，試左一舊就放棄了，我個愛辣既朋友反而覺得再辣D仲正。蝦仁炒蛋，幾驚個蛋炒到變蛋乾，好彩炒得好靚，好好送飯！個湯要左雲吞雞湯，我地去其他上海鋪食都係用砂鍋上，不過呢度用湯兜上，我地問個侍應，佢話因為地方細，怕客人接觸鍋邊整親，所以唔用砂鍋喎。小食要左豆沙鍋餅，甜甜地夠脆，我阿妹好鐘意食。最後有杯八寶茶飲，都係甜甜地，有D花茶味。成個餐都令我好有滿足感，落單出餸都幾快，侍應唔識賣笑不過都有提供應有既服務，整體都滿意。

見到呢間上海菜有D熟口熟面，應該好耐之前去食過一次既⋯⋯見到好多食評話佢轉左手差左唔好食⋯⋯今次就同女朋友去睇下，係咪有伏先！話就話係觀塘，不過唔近MTR，不過我藍田去搭小巴就近，總站落車行上少少，附近有個街市門口都幾舊，同我以前黎個陣差唔多可能係平日黎，唔使點等就入得去坐，入面有D唔同左，以前有D大圓枱，現在變左做方枱我地坐左個卡位，叫左個2人餐食時菜獅子頭：個汁可以送飯，2個豬肉波都幾飽，入面有肉汁唔乾栗米羹：一般，因為我地唔食辣，求其揀，無咩特別豆沙鍋餅：甜甜地，好味好快食哂，唔記得影相⋯⋯8寶茶：都係甜甜地，女朋友好鐘意飲，可以再加熱水飲

尋日中午頭頂一個大太陽，仲要去觀塘搵個客簽野，熱到hihi身水身汗，行過見到呢間上海菜館，門口裝修舊舊地咁⋯⋯算啦，見唔使等位，就入去試下～入到去坐低，地方唔算大～見到佢lunch有客飯食，唔知食咩好，就問個哥哥仔有咩推介，佢介紹我食回鍋肉客飯($45)，自問都鐘意食辣野，就試試啦～個哥哥又問我，你飲湯定凍既健康飲品呀？熱辣辣既我又唔太想飲熱野，就揀左健康飲品～支飲品好快就到，諗住開黎飲啦，個回鍋肉同飯就跟住黎～超快有得食，趕返工岩哂！即刻試一啖個野飲先，好彩又唔係太甜wo~有D好奇又問下哥哥咩黎，佢話係冬瓜薏米水，老闆娘見天氣熱就親自煲D消暑飲品，下之又會煲下其他wo~無諗過上海鋪都有自製涼茶飲，驚喜！至於個回鍋肉，唔係我想像中個d麻辣，唔算好辣得黎有d甜甜地，炒得都幾香，豬肉都ok，個汁幾好送飯～不過一個人黎食，又趕時間，試唔到其他～下次有機會再黎試其他野先

官塘呢間小店雖然開係街市附近，曾經攞過米芝蓮榮譽，以前食過味道比較好，宜家多人幫襯左，質素都差左。🙁🙁🙁小籠包外皮唔係好薄而且唔算好多汁，豬肉涵亦唔係整得好出色，味道一般。有啲失望花雕醉雞 🐓雞肉岩岩好夠熟，肉質好嫩身而且唔會好老，入口超濃香既花雕酒味，雖然酒味對有d人黎講會覺得過濃蓋過左雞味；但反而好岩我口味，好食！👍🏻酸辣湯🍵入面唔算太多配料，但飲落夠酸夠辣，味道都唔錯。👉🏻👈🏻整體味道比以前差左，而且次次都見到要排隊，味道未知於要我排隊食佢，應該暫時都唔會再幫襯住喇。