上海榮華川菜館

营业中

休息中

七一假期重要係星期日 停車場都要排隊入自助餐&火煱都迫爆 & 價高……嚟到觀塘半日遊 諗吓啲街坊小店 會經濟啲 下午4點 酒樓下午茶完咗 吉野M記都唔想食友人提議去試米芝蓮店(2012..13) … 就試街市對面 店面&內部裝修都係懷舊 光亮嘅店唔大 座位坐得舒適少東善用空間 音響飛鏢靶 新一代青年人玩意 寄情工作又娛樂 客人好似返咗家咁親切 營業時間冇落場好勤力 4點都係下午餐牌星期日&假期 都有客飯唔搶錢免加一呢個鐘數冇勿客 店東好禮貌友善見倒晚餐有優惠 like 就升級(6只)8只小籠包担担麵 $36 湯底麻醬濃香但湯味過酸冇紅椒油鋪面… 都微辣嘅 花生太大粒 麵爽滑份量唔多 唔飽 上海粗炒麵 $52 濃油赤醬 味道正宗 好味道夠鑊氣 但 有粒粒黑色鑊焦(士)麵份量足少少硬 肉少菜少 +小籠包4粒 $25 算低食味道好肉香嘅 但皮較厚頂硬 肉餡比較細 唔係粒粒都有湯汁 材料冇問題 或手工上有改進空間整體都係正宗好味 會再幫襯

來過兩次，奇怪咁好質素的上海菜，加上價錢平民的餐館 打開餐牌 又見米之連推薦，為什麼沒有太多客人呢？上了openrice 想介紹朋友這裡的地址，才發現原來網上那麼多劣評。怪不得。第一次來 未到晚餐時間，點了小籠包、三鮮炒年糕、獅子頭各有特色，三味菜 三種味道可見廚師下足心機，沒下味精。小籠包 是傳統手作的，皮很薄，也很軟 一擢即破。不像外邊的連鎖店，他們的小籠包外皮較韌，怎麼夾也不會破。小籠包下墊的不是隔油紙，是椰菜；包內灌了湯，不油不膩。三鮮年糕，也讓我停不下筷子。火腿、蝦子、椰菜 十分足料，外邊 通常一盤只有兩三片料，結果就是沒有炒料的香味，只有醬油味。這兒的三鮮年糕炒得香又鮮，吃完沒有油膩的飽滯感。糖醋排骨 有異曲同工之妙，看起來油亮亮的，我一向對油膩食物甚排斥，但他們卻有辦法地排骨炒得香而不膩，甜甜的糖醋 配起炒香了仍清爽的青椒和洋蔥、大蔥，非常下飯。獅子頭 是我第二點來也忍不住要再點的菜。我爸是天津人，一直對嫲嫲做的獅子頭念念不忘，所以我也曾翻過不少食譜 想試著做，看老爸受不受一翻食譜乍看，才見獅子頭 做法繁複，又切又剁，又炸又燴⋯我也就這麼放棄了。來到這裡 吃的第一口獅子頭

記得第一次食榮華川菜時都仲係細個，係同屋企人一齊食嘅，之後都食過幾次，但今次再去，我都好遺憾地要講一句，已經經典不再，唯一可取嘅係價錢變化不大，保留到小店既人情味。餐廳無論門面定內在都甚有懷舊味，環境不大但有傳統小菜館格局。食物方面叫左個二人套餐($162)，套餐包括酸辣湯、花雕醉雞、韮王鱔糊(另加$28)、兩碗白飯及兩杯八寶茶。另外單點了小籠包，小籠包最少要叫六隻起以蒸籠上菜。望落賣相不錯，食落十分失望，皮好厚已經唔好食，餡不過不失，好失望。花雕醉雞嘅花雕味甚重，但雞無雞味，肉質亦不鮮嫩，比想像中差，加左啲葱起上面，感覺十分唔夾。另外係韮王鱔糊，味道尚不錯，用黎送飯嘅話係幾好食，鱔份量不算太多或太少，十分適中。如果要講比較好味道嘅就係酸辣湯同八寶茶，酸辣湯酸辣適中，好適合冬天凍冰冰嘅天氣食，而且配有蘿蔔、木耳等配料。而八寶茶包含左茶葉、紅棗、胖大海、桂圓及菊花等材料，有助解油消化，味道亦十分香濃。如果餐廳食物水準一直下降，只靠舊有名氣恐怕留不住食客

難得放假一家三口觀塘附近穩食！簡單描述！三 餸一湯包白飯送八寶茶！在簡單描述！酸辣湯好飲好合適我地呢d五係好食得辣嘅人！獅子頭配青菜蘑菇！回鍋肉！腰果肉丁！都好好食！另叫小籠包都好食！但必須趁熱食！否則就五好食！最後飲杯八寶茶甜甜地效果好好！餐廳的環境已說明了有40年的歷史！因地方比較逼！人手有限！服務都可以接受的！整體都不錯！會在來！就食地方不夠大！人多就好難安排！建議可以擴充！應該效果不錯！個人意見

講真有時好想再比機會呢間老舖可惜。。。永遠都係貼錢買難受好希望老闆們可以睇到呢度的comment批評此店的服務質素多的是希望他們認真地改善官塘區大把好食肆為何要幫襯此店？？

長假期前約咗個好朋友，去吃川菜，順便交換聖誕禮物聖誕禮物，我們揀咗一間地道小店，家庭式經營，牆上掛着木製小牌寫上小炒菜式，例如蝦仁炒蛋、糖醋排骨、雞絲粉皮。當然唔少得小籠包、豆沙鍋餅和菜肉雲吞。我們點了擔擔麵 （$36）和一籠六隻的小籠包（＄32）及我最喜歡的上海粗炒（$52）。食物上枱熱辣辣，上菜快，午飯時間不多，但總算有些有質素的食物入口。下次會再嚟，還想試吓排骨麵，酸辣湯麵和鱔糊粗炒。今日人君笑費＄60。

此情不再 水準下降叫了小龍包 擔擔麵小龍包即蒸 新鮮但皮太厚 overall 味道尚可擔擔麵的湯不夠濃 沒有肉粒 感覺似可以喺supermarket 買到老店風味扺食的感覺完全失去八寶茶以前唔洗加💰 現在要二幾蚊一柸...........#onetimeonlyrestaurant

上海菜@觀塘四個人嚟食咗幾個小菜價錢唔係貴，但實在係無乜特別我就第一次嚟食，朋友以前食過就話跌哂 watt喺無比較之下，我都覺得好麻麻火腿奶油津白啲菜唔太新鮮奶油成 pat 嘢咁，味道同賣相都唔係好討好小籠包同醉雞整得靚啲不過都係普普通通嘅味道小籠包個湯唔錯，個皮就一般般醉雞嘅雞肉唔係好滑，有啲失望成餐飯最滿意係個八寶茶朋友話無以前咁甜，不過我就覺得啱啱好食完飯飲幾滋潤～難怪米芝蓮推介已經係 2013 年嘅事..不過服務係 OK 嘅

約左好友伉儷一齊食晚飯，好友揀左間呢間佢細個成日去的上海老飯店，一齊去懷緬下。由地鐵站行上去都要行七、八分鐘咁上下，都有少少隔涉。門面真係好懷舊，就連餐牌都係，好似時光倒流去左老飯店咁。剛剛到時冇咩人，走時坐滿晒。三個人，我地點左小籠包、銀芽炒鱔糊、咸菜津白、回鍋肉同埋砂窩雲吞雞。小籠包原本一客六個，如果讚好facebook就會送兩粒。小籠包皮算薄，湯汁幾甜，都唔錯。呢碟鱔糊真係濃油赤醬嘅代表，汁好濃，鱔糊份量都多，不過我個人覺得偏咸。回鍋肉好食，小小辣好惹味開胃。咸肉津白味道正常，份量唔多。埋單好似四百幾，價錢唔貴，但坐得唔耐，因為出面有人等位。喜歡懷舊可以一試。最後多謝好友請客！

躲在觀塘街市後的老店, 有多少年的歷史? 餐牌內仍是三字頭七個位的電話號碼, 店內的推介菜色"相片"是第一代的P圖(笑), 走進內像是另一世界, 更意外的是食物的驚喜  點了二人套餐, 包括奶油津白, 酸辣湯,  口水雞, 再加上豆沙窩餅; 非常喜歡的是奶油津白, 其他食店的這款菜大多是奶油加水調的芡汁, 這個卻是真才實料的奶油芡汁, 味道覆郁, 令整道菜完全提升, 要額外叫飯來伴著芡汁, 實在太好味道不想浪費口水雞, 酸辣湯與豆沙窩餅的味道均非常濃郁, 有足舊式上海菜的滋味, 而且份量也不算少, 兩個人吃下來, 也不需要再點其他了; 更喜歡的是飯後提供的八寶茶 (跟套餐附送的) 味道清甜, 剛好中和了口中留下其他菜式的濃郁味道,  如果住在附近的話, 就二話不說另外叫外賣再點一客回家享受了雖然見到其他食評對它的負評不少, 不過作為舊式小店,  這晚侍者的態度也OK, 食物質素很不俗, 不知道跟午市與晚市的不同情況有關係; 只是雖然這裡有點"吊腳", 不過仍會成為我的飯堂名單之一

老字號又如何, 質素卻差, 排骨粗炒勁鹹. 純粹淋獻汁上去, 粟米湯仲衰過罐頭湯, 服務又唔好又串, 價錢又貴, 同上海paopao 差唔多, 老字號唔係大晒! 衰在一班後生手上! 試過30幾度在門外, 明明舖內冇人, 但一定要“等齊人”先入得。。。其實得兩位。。。如果多人等位, 要齊人先可入, 都可理解! 但當時係冇人幫襯囉! 唔知可以仲捱幾耐!!!

約左朋友在觀塘食飯，商場d 野又食到厭，search 到呢間老字號上海野，見好評是大幅度拋離一般或負評，而且是老店的樣子，心想應該不會是偽造好評吧？這不等於事後我質疑食評的真確性，而是近來這店已不是當年的好。吃的或許是風味和人情味較多，純屬區外找美食的我來說，一般般而已。食物口味不像平時吃的上海菜，路線較傳統，喜歡放濃油赤醬的；份量不是很大，單是價格平民但實際上未是心目中的抵吃。格局像舊式茶餐廳的，裝修和餐牌都很懷舊，有卡位，尚算坐得舒服；一行多於四人的話，就在卡位拼上其他枱。這裡有單點的，牆上貼著不少菜式名字，包括招牌菜回鍋肉、奶油津白、小籠包、鱔糊等。雖是老店，還懂弄社交平台的，如果點一籠半打的小籠包，like 它 facebook page 的話會多送兩粒。涼拌雞絲賣相不錯，至少不馬虎的。混入白芝麻，嫩滑雞肉中帶點惹味的麻香。韮王鱔糊正好解釋什麼是「濃油赤醬」了，鱔肉不多，被韮王搶了角色，不過都未及醬多。醬和鱔的色澤相似，直至放入口才知吃到的鱔肉有多少。不會太鹹又好拌飯，但鱔肉真的沒多少，這菜式在套餐中要另加錢的啊。回鍋肉是肉少菜多，少辣而已，夠惹味但畢竟肉太少…醉雞很好吃，酒味

呢間野門面比較舊, 以為是平野, 點知一D都唔平,不過原來曾經係米豬蓮推介, 都照試下LA。鎮江肴肉: 得6小舊, 都算LA, 乾爭爭的, 唔點醋真是想死, 入面瘦肉多, 「結晶體」就無乜GA LA, 味道? 偏淡, 我浸左好多醋食(因為太乾!) , 所以得醋味同咸味雞絲粉皮:叫左個大GE, 點知SIZE同人地出面STANDARD SIZE一樣, 咁叫大? 青瓜絲都無條, 亦無賣相可言, 花生醬係分開俾你自己落。粉皮薄過出面GE, 都OK, 雞係鹽焗雞拆出來GE肉, 味道OK, 但唔算多, 有少少芝麻LAW, 花生醬無特別唔知係咪就收檔LA, 覺得2樣菜式都唔太新鮮, 同埋求其整出來就俾人食, 又貴, 完全唔抵!

因身體不適，哪裡都不想去，想留在家中，在網上購了津白肉絲配中湯白飯和粟米羹。此店沒有使用味精，雖然味道會清淡，但在生病的時候吃會有種感動！外送速遞價錢會偏貴，但對生病或行動不便的人會有很大幫助，有機會會到實店幫襯！

隨客飯附送嘅老火湯，呢碗仔咁嘅老火湯，亦都係每次嚟最期待嘅一個項目，皆因佢每一次無論用咩湯料個味道都唔錯，今日係蓮藕湯，好有嫲嫲嘅味道。紅油抄手，呢個抄手幾乎每次都嗌，我鐘意佢個癲酸，但今次好似又確實係癲得滯。回鍋肉客飯，呢個都幾乎隔次嗌，雖然好多油但係鐘意佢不嬲都好夠獲氣，但今次，又以乎溫燉左。