上海榮華川菜館

营业中

休息中

擔擔麵 酸嘅 寫唔辣但係又辣嘅酸辣湯 真喺得湯 完全冇料炒鱔糊套餐 d鱔d骨太多 個湯苦嘅小籠包 六隻裹面三隻酸左環境差 多野飛尼飛去價錢物非所值可以接受嘅只係個氣氛同侍應嘅服裝

係官塘搵食耐左, 對於這間食店應該不會陌生, 老店鋪當然店內都不會有咩裝修, 家庭式作業感覺都親切點.中午時段未夠1點來, 未算多人輕鬆地搵到位置坐啦...一個人點左個獅子頭客飯, 仲有個例湯附送, 對於湯怪既我當然非常受落. 啖湯清甜潤喉非常好飲, 至於獅子頭雖然厚厚既茨汁, 但肉質帶點酒香軟身入味用來配飯一流, 好有舊式味道. 這個客飯$48貴定平見仁見智, 對於成日食埋D集團式飲食既我簡唔中食到舊式家庭餐館既味道都係值得.地址:觀塘崇仁街15號地下

唔知做乜事，成間餐廳各方面都差咗勁多嚟得都唔係為服務，但間餐廳嚴重understaffed。樓面得兩個人，兩個人要包辦落單、傳菜、斟茶、收銀甚至蒸小籠包，十幾張枱根本做唔切..... 個男侍應會被叫入廚房勁耐都唔出返嚟，得返嬸嬸喺度，結果全世界都等勁耐先落到單、斟到茶、埋到單。由於我地唔想食湯羹，所以冇叫二人套餐，散嗌以下食物：小籠包8包 (兩隻check in送嘅)、雞火炒飯同擔擔麵。首先奇怪嘅係，menu話冇嘅嘢佢有，menu話有嘅嘢佢冇 (原本想吖雞絲煨麵，但佢冇；擔擔麵寫住星期一至四供應，佢又有...... 仲要佢專登走埋嚟同我地講(指住擔擔麵嗰頁)呢頁都冇。)食物方面，小籠包塊皮厚到呢...... 好厚，但都穿喎！D湯汁冇特別。如果仲有下次，係完全唔會有意欲想check in要多兩隻。雞火炒飯：極差　　D飯係黐埋一舊嘅，然後有四五舊室溫雞件 (同個飯唔同溫度...) 、頹火腿同雜豆...... 大佬呀，喺茶記叫雞火炒飯我會接受到有雜豆，但你唔係茶記，你係川菜館呀 我接受唔到囉！！擔擔麵：個湯出咗事，得辣味，冇花生／花生味，好稀...兩個字：失望！

晚約左係官塘食飯。突然想食少少辣野。官塘又唔想食果D大型既連鎖食品。上網睇到呢間好似都唔錯。所以就去左試下。地理位置唔易搵...小弟都曾經係附近返過工所以都大約知係邊度。2個人係門口等左15分鐘左右就安排入座。我都無咩特別諗就叫左 酸辣湯 . 小籠包 . 上海粗炒 . 回鍋肉先上個酸辣湯。食落真心有d辣。不過還好佢夠酸。如果唔係就評分好低啦。湯入面有紅羅白，木耳，蛋絲，豬皮等等材料。其實材料真係唔算好多。價錢方面好似係68蚊回鍋肉。呢個好似一般般。因為佢D肉好乾好乾。菜方面又無咩特別 10分我呢個俾6分佢.....粗炒。食落都幾夠味道 即係咸味都夠 菜都仲有少少菜汁味道，不過未能夠感受到佢既炒香味。小籠包。入面既肉汁都算唔錯幾多。還算有少少熱。可惜個皮做得比較厚同埋好粉....食落有少少粉好似未熟得哂咁...所以我都唔係俾得佢好高分啦呢個....10分都係得7分左右，算係可以試一次，下次我未必會再食。

鐘意左榮華都好多年喇，基本上暫時除左小籠包唔會番兜之外好多野都會掛住，今日試新野，麻婆豆腐。一見個色水已經知似樣啦，極致演繹左上海野既濃油赤醬，講真豆腐就唔係好滑架喇，但係個死人獻好味到呢，可以送到三碗飯，肉碎同豆腐既比例配合得啱啱好，啲肉碎又唔會太肥，係炒嗰時落多左少少油囉，溫提唔送飯淨食既話就會有少少鹹。

餐廰是曾經拎過米芝連既隠閉上海舊式小店，當晚是平日放工後去，沒太多人，不用等位就可以直入。２個人叫左個餐，包括湯Ｘ１，菜Ｘ２，包２個飯及２杯八寶茶。我哋叫左酸辣湯，我對呢款湯興趣不大，但友人非常中意，為左就佢冇法啦。友人話而家整得好味既酸辣湯餐廰已冇乜邊間，而呢間就係其中一間好味的。奶油津白：啲奶油多到好似唔洗錢，唔知係咪舊式上海鋪都係咁做法，其實味道係唔錯的，但係個菜炒燶左啲，啖啖都係燶味，真係要扣分。同埋菜既份量比較少。口水雞：份量有小半隻雞，既然比樓上碟菜仲大份（唔通菜比肉貴）？雞肉嫩滑不會太肥，加上花生粒同少少辣既汁，好惹味。八寶茶：接近飯後先上，店員話會消滯，甜甜地好足料，沖左好幾轉都好有味。

今日又同朋友出去搵食,話明係老鋪, 裝修一定欠奉可能我地當日坐近下欄位, 感覺都幾污糟, 同埋有陣味...老老實實, 我就真係食得唔係幾自在點左個二人餐, 有湯, 有小菜, 有甜品, 都幾豐富酸辣湯: 比想像中辣, 味道都唔錯回鍋肉: 呢碟反而普普通通, 不過勝在唔太油小籠包: 呢個係另點的, 三十幾蚊有六隻, 勁抵!!味道 ok 的, 不過嫌佢皮太厚同埋無乜肉汁八寶茶: 呢杯茶好飲, 甜度適中, 而且入面的材料好似好有益咁豆沙鍋餅: 以為佢炸到咁黑, 一定好油, 但食落又唔覺油, 而且豆沙又唔會太甜, 好味!!所以話, 有時想食好野真係要落返舊區先搵到!

常常和男朋友到榮華吃二人餐最愛就是多汁的小籠包，是我吃過最好味的！還是開胃的酸辣湯！八寶茶香氣撲鼻，味道清新，而且會開花，很美！榮華歷史悠久，我第一次吃的時間還是小朋友，到今天，味道還是出色！雖然位置比較迫，但員工還是幾有禮貌😊😊店內還是許多畫作，我很喜歡這個小空間，店內多是常客，因為吃的是感情。如果有機會，值得一試！

官塘出了一間3星米芝蓮，身為官塘人，當然開心老實說，住在官塘30年，幫襯過只有2次，還是跟大隊那種最近2年，這間老鋪忽然升格了做米芝蓮，門口常常有人在等~ 好奇害死貓星期日晚就同老公同阿囡去試左一次~ 當晚六點幾七點，入到去已半滿，第一句問，有冇BOOK位？(街坊飯堂，真係無諗過要BOOK位囉~)再問幾多位，2大1細。好彩仲有吉位，有得入座唔使等留意番，呢度平時要齊人先入座架因為係舊式飯堂，D枱都好窄，碗係老式碗，但有隻未洗干淨~@@ 坐低後，睇睇下餐牌，待應即刻同我地換過個，原來，佢計我地係3個人，要叫3人餐~ @@一個4歲小朋友，叫3人餐？ FINE，坐底左，唔想轉，照食囉~3人餐其實都有選擇既 ~有2餸加甜品或3餸開頭諗住叫2餸再加個麵俾阿囡，點知.....................所有碗麵五點後停售，只有2人份量的擔擔麵可以叫~咪玩啦，3人餐都未必食得哂，仲要叫2人份量擔擔麵~@@ 呢度完全係局中局，咩都局叫~ 叫左三人餐 (三餸加一個湯) 酸辣湯，酸辣味調較得唔錯，辣味真係幾足，料都唔少，有豆腐絲，木耳絲等但＿......................個瘦肉絲好似柴枝

濃油赤醬在上海餸中最具代表性，同事突然好想吃回鍋肉同鱔糊，但我就覺得太油太濃了，有些想拒絕，但看見她渴望饞嘴的表情，還是從她吧！服務員遞上餐牌，見到有午市二人套餐，價錢貴啲。心想可以唔駛食回鍋肉和鱔糊客飯都好呀！於是落足咀頭哄同事改變初衷，哈！成功！套餐包括一湯兩餸兩飯兩杯八寶茶，就點了酸辣湯、糖醋魚塊、醉雞。以為上海館酸辣湯應有番咁上下水準，而外觀也不錯，嘩！飲落去…酸到呢！牙都軟晒，雖然好大碗，但無能為力繼續喝下去。主菜來了，糖醋魚塊比客飯的size大些，應是例牌份量，糖醋魚塊外貌一般，可是吃起來甜酸度適中，魚塊肉軟，雖仍不離較多油，但話又說回來，無咁多油又煮不出這種味道呢！醉雞約有1/4隻雞，選用的紹興酒酒味不太濃烈，沒有蓋過雞味，雞肉嫩滑，下次可再叫。當差不多吃完時，八寶茶來了，其實點解可以說服同事都係因為想試呢杯茶，單叫要成$25/杯，套餐抵啲。採用一人一茶盅，淨係個賣相都值啦！有紅棗、菊花、果皮、杞子….等，喝下去淡淡甜味，菊花的清香，感覺舒緩了半天工作的壓力，精神為之一振。小貼士：記住八寶茶要早泡些，否則午飯時趕不及嘆茶。

所有菜連甜點一起上桌。吃完菜豆沙鍋餅已涼，鍋餅呈炭咖啡色，是炸過頭了。食物不新鮮，奶油津白的津白包了黑邊。食物份量小，鳳尾魚前菜$20一碟只有幾條。酸辣湯很多味精。而且太酸。

兩個人食，冇諗住寫食評，所以冇影相，点了2支豆漿、雪菜肉絲面、排骨炒粗、小龍包一客6個，在facebook like佢可以多兩個小龍包。豆漿一般雪菜肉絲面算多餸，不過唔熱，而且面質好淋，食上海面一定要配豆辦醬，佢呢到D豆辦醬竟然只係得油，唔係醬，而且有酸味，味道好古怪排骨炒粗一般食完兩個面之後，再等左一段時間，由等餐到食完面的時間有大半小時，呢段時間都見個肥女人教個後生仔包小龍包，一路包就一路玩，而且笑得好大聲。點解小龍包仲未嚟，個肥女人燶面話整緊，(唔係呀，等左咁耐仲未蒸完？)，終於有得食喇，但係得6粒，乜唔係話like左佢之後送多2粒咩，我哋研究的時候，個肥女人離遠大聲話(仲有兩粒等多陣)，我諗應該係同我哋講。但小龍包食完，豆漿也飲完，仍然冇後加的小龍包。反正唔好食，冇謂為左2粒包同佢嘈又等咁耐，所以走人算！整體嚟講，不知所謂，唔會有下次！

聽過好多朋友都黎過呢間係官塘既川菜館，雖然住呢一區不過今次係第一次黎食。兩個人黎叫左個二人餐包一湯兩餸兩杯八寶茶，難得黎到梗係叫多個餸試下啦因為怕所有野都太辣所以無叫到酸辣湯而叫左個雜錦湯雜錦湯無乜特別都係肉片火腿同小棠菜等滾出黎，普通之餘無乜味道口水雞本來有點期待，但係食落無乜辣味又無麻味，酸味又太重，造得不太平衡，再其次係碟雞好似係將頭頭尾尾拼埋，雞頸連近胸既部份，雞翼連鎚同雞肋既小部份。我唔係想投訴只不過可能係我唔好彩啦回鍋肉比較好少少，終於有點兒辣味不過稍為咸左少少獅子球算係味道最佳既一個菜，味道不會太濃獅子球又算鬆身最後八寶茶就真係唔錯，有種可以消膩既感覺，茶係由八種材料泡成，想知就自己去試下啦=P總括之言，雖然呢間小店都有少少名氣，又有返咁上下歷史，但食落真係覺得麻麻地…… 如果小店唔做好佢既品質，儲落黎既名氣歷史都會有一日用完。之前無食過無得對比佢係唔好食左定係本身就係咁既質素。不過再有機會去都可以再試下佢其他菜啦，始終都仲有好多菜未食過

上海榮華川菜館＠觀塘位於重建中既裕民坊上方，有40年歷史，曾拎過兩年米芝蓮推介，今次foodki 對佢期望其實好大，點知真係好失望，非常普通既菜館。當日約6:30分到上海榮華川菜館，門面好似好正，好正宗咁，又痴曬報紙廣告，又米芝蓮，諗住無死啦，應該唔會伏啦，點知都係中伏。一入門口，店內後生仔係到打機，foodki都覺得無乜野，反正foodki都係好鐘意打機，咪睇下佢玩囉店內有以前60年代既感覺，係幾靚幾唔錯。恕我直言，榮華剩下既只有裝修。酸辣湯(3.5/10)係好大碗好多料，木耳幾好食，但係真係太辣啦，foodki同友人都近乎飲唔到，飲左一半就無飲。花鵰醉雞(3/10)醉雞酒味太濃，食唔到雞味，雞唔嫩仲好鞋，皮同肉分開曬，傳統上海菜竟然煮到咁，失望。糖醋排骨(5.5/10)同平時食既唔同，肉係恰熟，醬汁甜酸度適中，幾好，肉係用瘦肉整，無骨，青椒洋蔥幾好食，正常既菜式，無乜特別。小籠包(4.5/10)$32小籠包非常普通，皮唔薄，餡普通，都係普通貨仔，不過上 facebook like 佢地個page送多兩隻，即係一共８隻，唔錯。八寶茶(6/10)呢杯茶幾好飲，足料，有杞子，菊花，果皮，

近來大家因一場運動而關注小店，旺角銅鑼灣金鐘地區的小店也被大家盡記於地圖，亦有街站解答指引。我也鍾愛小店，常希望港人踏出改變生活習慣小步，打斷連鎖店的壟斷。看到不少舊區老店因收購，因捱不起貴租，因賺不多而淘汰了。心多痛，關了，就再也沒了。人啊，絕不能等失去才懷緬珍惜，快去捧捧各區的小店。觀塘也是個半解的舊區，裕民坊已拆下了層層，圍牆工地遍街。幸好，於小山坡頂這間老上海菜館還未被吞噬，於街口望上去，紅石金字招牌，被射燈映照出份古舊而脫俗的佇立感。餐牌定得周到，點湯菜樣樣齊，方便云云二四人飯腳聚餐，套餐有著極多選項。就算要加餸，甚至套餐中沒有的，侍應也能轉眼計埋轉埋，實在體貼快上快落的港人，亦讓食客可飽嚐心儀菜式。窩貼將餐內的小點類轉成這味，不用加錢。賣相很好，煎出件件金黃。最愛咬破小洞再灌以淅醋品嘗，可以用滿醋去油又不失食到豬肉香之味美。肉呈淡粉紅，表示新鮮而沒過熟。尺寸剛好，女士兩口就能KO。酸辣湯勁大碗勁多料勁香口，市面太多夠酸唔夠辣，反之亦然，但這實在太好味啦！絲絲木耳蘿蔔鮮筍加上蛋花，樣樣獨有其味，由軟到爽也細嚐，襯上淡黑的黏口湯羹，是味覺視覺的多重享受。飲完又裝，裝完又飲，呢碗