上海榮華川菜館

营业中

休息中

講起早幾日食咗個麻麻地既擔擔麵, 咁啱我地呢日過黎觀塘行街買野, 男人話醒起有間懷舊小店上海菜在觀塘, 就帶我去食上海榮華川菜館。餐廳位於瑞和街街巿附近，行上少少就已經見到紅紅既招牌。就咁睇個餐牌已經知道餐廳開咗多年了, 電話號碼仲係七個字😂😂😂 由外觀到內裡佈置都係比較舊式裝修, 觀塘區都在重建, 這些幾十年小店只會越來越少。 要珍惜。🔸鮮豆漿🔸不會太甜, 而且有豆味, 算大杯。🔸排骨擔擔麵🔸上海菜當然要叫個擔擔麵, 有好多花生碎, 落足花生醬夠香同濃郁, 辣味啱啱好唔會搶咗味, 驚喜係湯底多咗醋既味道, 感覺令到咁濃郁既湯底解咗膩。🔸菜肉雲吞🔸一般都會清湯底，反而呢度湯底係醬油味，菜肉雲吞肉餡菜同肉份量平均，味道都OK。🔸回鍋肉🔸回鍋肉就係要味道夠惹味，辣味同醬油同甜味都啱啱好，回鍋肉肥瘦適中。🔸小籠包🔸皮薄餡靚，夾起要小心好容易會漏湯，肉餡有點特別多咗少少酒味又幾得意～如果諗住食環境同要酒店服務，有好多新店或集團式既餐廳，黎「上海榮華川菜館」食既係舊式上海菜但又會有少少驚喜，擔擔麵既醋味同小籠包既少少酒味，同平時一般上海菜有少少不同，多了一點新意但意外地夾, 男人就話食到小時候既

香港不少有懷舊的餐廳越來越少啦，所以每當我發現它們的存在時，毫不猶豫會去支持一下！上海榮華川菜館會於瑞和街街市附近呢！店內很有感覺，主打上海菜呢！價錢十分親民，點心及套餐也有呀！酸辣湯麵🍜這是友人的選擇，喜歡重口味的朋友一定要試一試！湯底濃郁，湯汁可以輕輕掛在麵條上，每口也能嘗到濃濃的湯底，而且酸辣度平均，互相不會被搶下去！配菜切成絲，口感豐富！時菜獅子頭這是我喜愛的上海菜式之一，獅子頭的豬肉肥瘦適中，內裡肉質保持很juicy ，一點也沒有過老的感覺！醬汁也十分香濃，可以撈哂整碗白飯呀！小籠包即叫即製，保證熱辣辣的，外皮不會過厚，咬下去有足夠的湯汁，大小剛好，一口一粒，不會浪費入面的湯汁呢！豆沙鍋餅中式甜品其實也十分好吃，外層煎成金黃色，脆脆的很香口，內裡的豆沙蓉很重紅豆香味而又不會過甜，大愛是也！凍豆漿上海野最佳的飲品是也，豆味夠，不會死甜！香港的老菜飯真的是大家的小時回憶，而且價錢親民又味道不錯👍🏻 👍🏻開心大發現呀！！

在觀塘，現在開始重建新的屋村同時，我發現了這一間老式上海中餐館，原來她在1975年已經開始營業，在香港來說，這一家餐廳能辦到今天，真的不簡單！打開他的餐牌，更發現她在幾年前已經拿到米芝蓮的推薦，所以抱著更大的期望吃東西。叫了一款砂鍋雲吞雞，不像外面的餐廳都已用上瓷器的鍋子，這一家老餐廳是用上煲仔飯的砂鍋來上這一道菜，原汁原味，更有驚喜的就是在個雲吞，咬下去會發現雲吞裡面有紹興酒的味道，又香又有驚喜呢！

星期日朋友專登帶我去觀塘食上海小龍包，佢話細細個已經去食；平凡嘅裝修，有不平反嘅味道，小龍包自家新鮮搓粉皮，即包即蒸，小龍包皮軟熟且薄，肉汁藏滿喺輕巧嘅小龍包入邊，鮮肉罕有食到紹酒香味，美味獨特。青菜煨麵主角係湯底，將清清嘅青菜及淡淡嘅麵都變得可口。八寶茶，極少地方有得飮，仲要係好飲，每處八寶都有少少出入，今處目測就有菊花、杞子、酸棗、綠茶、陳皮、紅棗、蓮子心、冰糖等等，配埋茶盅飲用，風味萬千，推介一試。

公司要清假，跟媽媽去上海榮華川菜館，崇仁街呢一帶的餐廳還是依舊，我喜歡呢個餐牌封面，還有餐廳歷久不衰的地板，好親切。牆上還有好多以前觀塘的畫，今非昔比這次食左兩個一人午餐，仲加了小籠包及轉了擔擔麵。炒鱔糊，黃鱔爽口彈牙，汁比較多，芽菜夠惹味，送白飯一流。時菜獅子頭，有大量的白菜，獅子頭的豬肉半肥瘦，入口不會死實。擔擔麵屬微辣的一種，輕量花生味再加少少酸辣，麵為幼麵，簡單一碗麵，都得滿足。小籠包不過不失，熱騰騰新鮮蒸出來，有大量的湯在內裹。餐飲加錢配酸梅水，生津解渴。

觀塘區返工，喜歡捐窿捐"la"發掘新餐廳，今日黎到呢間小店，好有特色！有種懷舊老店既感覺，雖然唔係酒樓，但都係茶樓既碗碟上枱，仲有碗水俾你洗野，好有感覺！我地三個人叫左幾樣野食share，分別係涼伴海蜇、獅子頭、炒鱔糊再加小籠包，獅小頭同炒鱔糊係一人餐，會配飯+湯，其中一個轉左擔擔麵。食上海野最喜歡食小籠包，店員都好細心，拎小籠包黎既時候，特別提醒我地小籠要襯熱食，所以我地都即刻食～皮既厚度適中，唔會太厚，但都唔會薄到好易一夾起就散，肉同湯既分配都合宜，唔怕因爲湯太多太熱會整親，正😋😋獅子頭配有白菜，肉質都幾好，唔會因爲一大個球狀就熟得唔均勻！煮得剛剛好，肉質唔錯。炒鱔糊係朋友黎到就話叫既，我好似第一次食鱔糊，覺得幾好味，食落唔un，有咬口，加埋個汁，送飯超正！海蜇因爲我地後叫，所以都變左唔係飯前小食，但都食得好開心，我覺得海蜇有時容易變得好鹹，但佢又冇喎！擔擔麵有辣同唔辣揀，因為我地唔太食得辣就叫唔辣，擔擔麵係好味到我不停再添😂差啲搞到有人食得好少！野飲方面我同另一個朋友分別叫左豆漿同八寶茶，豆漿係pack好左既，飲落唔太甜，幾好！八寶茶就係我好少見到，而且之前飲過覺得好飲，所以見到

觀塘老店買少見少，這間上海店是其中一間。我們點了2個套餐及一個小籠湯包（4粒）第一個是炒三鮮：新鮮青椒、雞肉、蝦仁、火腿。傳統三鮮配料，雞肉嫩滑, 沒有太多味精，份量豐富，以在這價錢，是相當抵用。這個餐是配白飯（偏軟飯）第二個是回鍋肉配擔擔麵：擔擔麵以花生味為重，雖然已選要辣，但是辣味不重。湯底愈食愈想飲回鍋肉是傳統味道，辣味適中。小籠湯包（4粒）師傅很細心提我們要親熱食。包內湯飲很多，吃的時候要小心啊！皮薄肉汁多，份量岩岩好。還加了凍熱豆漿2杯，熱的真是很熱，燙手加燙嘴，自己要留意。最重要是價錢相宜，可以再吃！

今日試咗呢間有好多年歷史嘅上海老鋪👵🏻🧓🏻上海榮華川菜館，佢有成三十幾年歷史㗎啦，無論係門面，室內環境都好old school架，呢間仲攞過米之蓮添👏🏻👏🏻我哋就叫咗個二人餐，有兩個小菜，一個湯，兩個白飯同埋兩杯八寶茶小菜我哋揀咗紅燒獅子頭🐖，同埋花雕醉雞🐔，獅子頭煮得好淋好入味，花雕醉雞都好香，啲雞浸滿晒花雕嘅香味湯就揀咗砂鍋雲吞雞🍲，一邊嘅菜肉雲吞好大隻㗎白飯可以轉擔擔麵🍜，擔擔面湯底都好香花生醬味仲有兩杯八寶茶🍵，真係有八樣材料喺入面，飲落好甘甜

今日去咗觀塘試呢間開咗好耐嘅上海菜~見佢個二人餐幾抵食,就揀咗個二人餐👍🏻另外仲叫多咗個小籠包~小籠包一上枱有兩籠, 一共六隻, 好多啊!🔥熱辣辣出爐, 入邊嘅湯好鮮甜~二人餐揀咗獅子頭~ 大大粒肉丸, 醬汁調校得好濃味, 配埋娃娃菜唔錯~叫咗花雕醉雞, 醉雞嘅花雕都好有酒香~湯就揀咗砂鍋雲吞雞, 個湯幾鮮甜👍🏻另外仲揀咗個擔擔面去代替個白飯, 雖然細細碗, 不過都好夠食喇!最後有個靚靚八寶茶, 第一次飲, 飲落個味道又幾特別同幾解膩~

今日去開觀塘突然好想食中菜，於是朋友帶咗我去咗一間好懷舊嘅川菜館，外貌平平冇奇，街坊食店，但當我打開餐牌先發現原來佢係米之蓮食府之一，於是我哋響餐牌度揀咗個二人餐，見佢推介有回鍋肉同埋宮保雞丁於是就叫咗兩個主菜，再加多個酸辣湯。餸到啦，個回鍋肉我見到菜多個肉，不過唔緊要最緊要個味道，味道來講其實佢都唔算太差。而個宮保雞丁比我想像有差別，因為從佢哋嘅相嚟睇宮保雞丁個樣就好唔同，而我冇諗過宮保雞丁會加火腿，同埋𥚃面唔多辣椒，有少少唔正宗，但當一個普通菜式來講味道尚可接受。而個酸辣湯來講我覺得算味太重。其實最滿意係飯後嘅個杯八寶茶，裏面有菊花陳皮紅棗等等材料，第一次飲嘅時候覺得菊花未好香，加水再沖多幾次水之後，滲出甜味，非常好飲

觀塘食肆林立，但近巧明街嘅餐廳偏向西餐，食個Lunch價錢幾乎過百。想要食平啲，試小店老味道，就要行遠少少去牛頭角/祟仁街街市個邊！Lunch跟住觀塘地膽同事，去祟仁街揾米芝蓮級上海菜老店穿過街市再爬上斜坡，終於見到銅字招牌，餐廳門面係舊式裝修，唔起眼嘅小店往往都可以尋到寶外面易拉架大大隻字寫住「學生餐$32」，學生好抵食！店入面同樣裝潢簡單懷舊，牆上有木牌寫嘅菜式名、香港黑白色舊相、仲有啲手繪畫。睇牆上資料先知，原來小店由1975開業，已經超過40年歷史，裝修應該冇大改動，仍然保留住上海老店風味菜式選擇唔算多，午餐嘅「客飯」即係Lunch set，價錢都係40-50左右，一飯一餸一例湯，另加+25有小籠包4隻，都叫經濟實惠餐具似茶樓碗筷，一坐底就會比杯水，餐具同一碗用嚟洗餐具嘅水。除咗酒樓，真係得返好少地方會咁貼心，預咗比水再洗下啲碗筷。簡單清清地，叫咗三個客飯，一齊share試味碗飯好大，保證食得飽！是日例湯：西洋菜湯，味道清淡，味精唔重。蝦仁炒蛋係即炒，上枱時熱辣辣，好香蛋味。炒蛋十分滑溜，唔會炒到過熟散開一粒粒~蝦仁都掛住係蛋上面，可以一齊食到，平時係餐廳見到個啲都係蝦還蝦，蛋

Lunch同同事想食上海菜，揀咗lee間一個客飯四十幾蚊，有湯/飲品。同事嗌咗上海粗炒同酸辣湯麵，我自己就叫麻婆豆腐飯。酸辣湯麵同事表示好好味，個上海粗炒就淡味咗少少，我個麻婆豆腐飯都好食，唔算太辣。大家再嗌咗兩籠小籠包(共8隻)，皮薄多汁。人均六十幾蚊，飽又好食飲品仲可以揀豆漿或者酸梅水。

炎炎夏日懶出街，又唔想次次叫Pizza外賣, 於是跟吓潮流，學人用外賣agent網叫吓上海菜。都預了來到時，一定冇堂食咁正。望完食評，亦預了呢間上海食物是一般，所以沒有期望。終於等到食品送到，一打開我盒favourite鎮江肴肉，真係即時O咀！48蚊的肴肉… …我以相片代替一切。回鍋肉同粗炒就中規中矩，冇話食完入口會令人回味，只係有堆食物填飽了個肚。小籠包的皮，除了厚外，癡癡地牙… …唯一係春卷叫最好,夠熱同脆，同唔油膩。食過今次後，係完全沒有興趣去堂食！

好耐無食，感覺上味道越來越失色，不過以觀塘區黎講，尚算抵食既！今次叫左個2人餐，2餸+1湯都先～$200 左右，仲要份量幾多。個人好鐘意飲湯，特別係雲吞雞，呢個湯都算好飲，清清地，不過d 肉就無味獅子頭都唔錯，不過個底d 菜就唔太ok韮王炒鱔鰗，之前都有食過，但今次好明顯唔夠香，同d 鱔都幾少下

呢間上海川菜館係我細細個嘅時候已經係觀塘立足, 就算過左咁多年, 都仲係度, 證明佢地係幾好食。今日又同一家大細過黎撐枱腳啦入到裡面, 舊式熱水煲, 舊式枱凳, 令人覺得返左去以前年代。最搞笑係牆訂呢張雲吞雞嘅圖😳😂😂😂天啊！笑死啦！圖片只供參考啊😆因為人多嘅關係, 我地叫左個4人餐之餘再叫多幾樣餸套餐先黎個粟米羹, 味道好好, 份量又足夠不過佢裡面竟然有青豆, 紅蘿蔔, 配搭有少少奇怪。咕嚕魚塊好夠火喉😆甜酸味非常開胃, 洋蔥等配菜都好香口。小籠包同紅油炒手係我地另外嗌, 雖然叫紅油炒手, 不過唔會辣, 就算唔食辣都食得😋小籠包蒸到出黎熱辣辣😍而且皮薄汁多!麻婆豆腐就送飯一流, 而且仲有少少麻嘅 feeling而我地最估唔到係個宮保雞丁, 辣等非常惹味而且炒得好香口, 雞肉配合其他配菜唔會太濃, 又係送飯之選。咸肉津白就相對地普通, 而且太過水汪汪, 如果個汁打返杰 D 就會好好多。我地另外將個飯改左做擔擔麵, 實在太好食除左好足份量之外, 上面嘅花生醬同花生粒都唔少, 麵又夠彈牙。最後叫左個甜品豆沙鍋餅, 皮好脆口, 而且豆沙蓉又係好多, 非常足料跟餐連左4杯八寶茶, 用好傳統嘅茶