上海榮華川菜館

营业中

休息中

前一排見呢間上海鋪成日上電視，心郁郁想去試下，昨日放假，同完老婆去觀塘探朋友個仔，探完就去食晚飯。可能因為平日，唔使點等位就入座，仲有四人卡位坐。叫左個2人餐，回鍋肉，奶油津白，酸辣湯。本身鐘意食酸，覺得呢個酸辣湯好岩食，因為醋份量夠，真係食到酸味！回鍋肉夠鑊氣，腩肉唔老，都幾惹味。奶油津白個汁有些像芝士口感，送飯幾好。杯八寶茶，好飲！雖然地方較舊，但坐位，枱面都乾淨，係洗手間位於鋪較後位置，比較濕滑。服務方面，好似睇過之前的食評話佢地後生仔串，自己又唔太覺，幾勤力，叫人，落單都好快手，算係咁。本人唔屬於成日上openrice寫野既人，所以無特別拍食照，不過見到一班後生仔肯為一間小店努力，現在香港地，小店維生不易，希望鼓勵下，同老婆去開觀塘都會黎食飯支持下。