上海榮華川菜館

营业中

休息中

很久沒有來，裡面裝修並沒有太大改變，老闆娘很友善，百寶茶可以不停為你加熱水，非常好喝，點了以前常吃的食物，醉雞、酸辣湯、獅子頭、小籠包等，一切都是童年回憶，很開心與家人在這裡相聚！

鋪仔細細但菜式幾都多 揀左個有湯加二個小菜既二人套餐 $206口水雞落完單好快就上菜 面頭鋪左好多辣椒醬粒粒同大粒花生粒 雞既份量幾多 仲係去左骨既 肉質幾滑 個汁唔係好辣 但酸酸地個味好開胃肉沫粉絲食落個味有d似豉油皇炒麵既味 甜甜地 麵又唔會好油或者太淋一patpat 雲吞雞湯 (加$25)成個砂鍋上 好足料 有4件雞4件雲吞度 湯第一啖飲覺得幾咸但飲落就唔覺 愈飲愈好味 砂鍋上keep到成餐飲到雞湯呀 雞比起口水雞係老d 但好有雞味 有老水湯既感覺 雲吞皮薄多菜少肉 清清地夾湯好食八寶茶

同老友約咗去觀塘打波，打算去附近食個晚餐，老友話有間傳統上海菜館幾出名，想去試下。我地6pm幾進店，店內人不多。叫左個二人套餐，兩款小菜+湯。試左兩個招牌菜：時菜獅子頭、糖醋排骨，同酸辣湯。食物:我開頭以為會係一個大大粒既獅子頭，原來係兩粒上，咁又幾好，同朋友一人一粒，唔駛爭~獅子頭食落好有驚喜~!外面有少少脆身, 裡面既肉好嫩滑呀! 醃味夠，而且帶點薑味，去了肉腥和膩感~ 正呀!之前我食過既都係"鞋"+乾, 好需要沾出面D汁中和下...呢個獅子頭自己已經好好食, 醬汁只係錦上添花~糖醋排骨，唔止份量足，而且食落好爽口彈牙! 加埋甜甜酸酸，好開胃呀~~~我朋友特別喜歡個洋蔥，話好甜好好味，食清光~酸辣湯，對唔太食辣既我黎講，辣少少，但仍係可接受的程度，喜歡個濃稠度剛好，唔會水水的，飲得實在~而且份量都幾多，我地應該飲到四小碗以上~好飽呢.....最後送上八寶茶，味道清甜，一解飽膩感~同朋友慢慢聊，感覺悠閒滿足呢....走的時候，在門口看到一個開店年份, 數數手指... 應該有40多年歷史了~吃到傳統老風味，厲害~環境：店不大，主要是卡位，中間亦有4人方枱。牆上掛有木餐牌及手寫廚師推介菜

今日和男友來到觀唐，想試試上海菜，所以就去了這間曆史悠久的榮華川菜館。雖然沒有很華麗的裝修，但勝在坐得舒服又好似回到過去舊式冰室一樣！當我們在想食什麼的時候，就發現了這個2人套餐，所以就決定了唔左選右想！套餐是2個小菜+湯+白飯+八寶茶所以點了2個小菜：蒜泥白肉和口水雞配栗米湯羹食物上得好快好有效率，坐了一會就來了栗米湯羹：有滑滑蛋花，粒粒火腿絲及配上好多飽滿金黃的栗米粒，帛帛的好味道，我用了伴湯飯蒜泥白肉：豬肉切得適中，不會太薄，上面蒜泥好厚，味道濃郁好味，喜歡辣及食蒜的人一定很滿意，配飯一流囉口水雞：雞上有脆脆花生碎及醬料，酸酸辣辣又香口，雞肉是有口感有咬口的質感，非常開胃八寶茶：有8樣材料，如：菊花、杞子、紅棗、陳皮等等，甜甜地，好香的菊花味棗味，飲完回味無窮

今天晚餐時間路經觀塘，到處都是重建地盤，好不容易才發現一間食店，這間上海榮華川菜館，顧名思義係食上海菜，裡面裝修很有上海feel,很肚餓好彩唔洗等就有位，三個人點了糖醋排骨，雲吞，小籠包，八寶茶和蒜泥白肉。等咗一陣就有得食啦。味道方面，最好食就是蒜泥白肉，蒜泥很幼嫩煮過的，白肉很新鮮切得好薄，包住蒜泥一起食好正，糖醋排骨都好味，糖和醋比例剛剛好，煮的時間不會過火，糖醋收汁排骨剛好熟夠鑊氣，小籠包和雲吞都足料好食，最後飲杯八寶茶，成個人舒服曬，好過飲涼茶。

同細佬肚餓搵野食！係橫街見到呢間食上海菜既，出邊牌睇住都幾多野食。個人又鍾意食上海菜，決定入內一試。兩個人，ＯＲＤＥＲ左：酸辣湯，分量不錯夠大份，酸辣程度適中。湯料又十分豐富呀，總體來說不錯，加分醉雞都好似有半隻雞份量⋯⋯雖然選用嘅雞偏肥，雞皮下嘅脂肪好厚，但醉雞嘅酒味剛好，肉質滑。起碼唔會食到雪藏味。仲有兩碗白飯冇影相。這家店嘅位置比較偏僻.店面唔算大，裡面只有不足十張枱坐卡位位置的空間都OK架！總結：再結合樓面服務來評定...........就給你個笑面有時間我都會多多幫襯。

同舊同事嚟個定期飯聚，喺觀塘等埋佢收工就一齊行過去瑞和街街市後面食上海嘢。呢間上海老字號，喺觀塘已經好多年，當成個裕民坊嘅重建計劃進行得如火如荼，榮華依然默默堅守喺老地方，等待每一位街坊同食客嘅𦲷臨。當晚七點半左右到達，餐廳入座率超過8成，店內陳設間潔，沒有太多花巧佈置，保留老店風味。最欣賞身旁嘅裕民坊舊貌畫作，係好多人嘅集體回憶，作為觀塘友，嚟呢到又何止尋找米芝蓮得獎嘅味道。💁🏻最後我地揀咗個二人套餐，有兩個小菜， 一個湯羹，兩個白飯同兩杯八寶茶。⭐️口水雞啲雞肉已經全部起哂骨！啖啖肉👍🏻醬料調配出色，唔太辣，集麻辣鮮味嫩滑於一身，面層仲有大量脆花生碎，增強口感。⭐️蒜泥白肉白肉切得透薄，仲配上大量蒜泥同葱花，食落爽口有彈性，一啲都唔會覺得肥膩。⭐️酸辣湯有木耳，紅蘿蔔，豬皮，蛋花，酸味辣味平衡得唔錯，各自唔會掩蓋另一種味道。⭐️八寶茶足料八寶茶，好有清新嘅氣息，飲落清甜，店員仲好熱心幫忙加水👍🏻

今晚陪媽媽吃上海菜，佢始終喜歡光顧這些老店鋪，小時候我們是常常來幫襯，今晚再次光臨，味道仍然充滿兒時的味道，令人懷念。我們叫了雲呑雞，奶油津白，粉絲內未，獅子頭，小籠包，荳沙窩餅，白飯。份量充足，二人吃不下全部，這便是老店特色，抵吃。奶油津白，津白好冧，最啱老人家。粉絲肉末，好乾身，味道濃郁。我至愛的雲吞雞，雲吞大大粒，飽滿好多肉，D雞肉都ok，媽子至愛D湯，渴了兩碗。獅子頭兩大粒，D肉好juicy。小籠包，媽子至愛，吃了兩粒，皮薄餡靚，有肉汁。最後豆沙窩餅，餡料充足，爆料，吃下超正。最後是令人懷念嘅八寶茶，仍然都是兒時的味道用料充足，媽子又渴了兩盅。今晚見到媽子開懷大吃，令我倍感恩惠。有時候，老店是應該存在的，雖然老舊，但其回憶，真是無得頂。

喺觀塘搵好嘢食! 黎間上海舖細細間， 裝修比較舊，又播住一啲7 80年代嘅英文歌。 食完嗰陣，回望鋪面，先至知道原來間舖係70年代間業。。我地叫咗個二人餐， 回鍋肉同甜酸排骨，酸辣湯，另外加錢要擔擔面取代一個白飯，仲有兩杯八寶茶，其實二人餐黎講，份量幾多下! 食一個豐富嘅上海菜。首先黎ge係一大碗 酸辣湯!(每人飲三碗左右!😂) 仲要係超多料! 湯品唔會太“傑“身。味道方面酸辣適宜! 飲完又冇口乾! 真材實料。。正呢。。回鍋肉方面， 雖然個賣相麻麻好似菜多過肉， 但上菜ge時候熱辣辣即叫即炒! 又唔會太鹹，少少辣，幾好送飯!仲有甜酸排骨，都係熱辣辣。酸酸甜甜好開胃，好岩送飯。 佢個味道好喺出面食咁酸，有少少偏甜。最最鍾意嘅係佢個八寶茶，有菊花紅棗杞子陳皮。。好多好多材料。 飲落好香菊花味，跟住帶後有少少苦苦甘甘ge味。越沖越好飲，其後會帶甜。雖然唔知有乜嘢作用，但係成個感覺好養生。e杯茶ge味都幾特別，好多層次! 其次一定要介紹嘅就係佢個擔擔麵，只係加15蚊一大碗!😍 個湯又香又濃，好少食到甘多花生味ge擔擔麵! 😂

住在觀塘的朋友所介紹的老店，剛好路過，見到店面資料都有幾十年歷史，決定試一試舊式老店。Order左2人lunch set,小食，湯類，小菜各一款，共$183，價錢合理🔸回鍋肉味道濃郁，芡汁厚身，十分適合配白飯。🔸粟米羮真材實料，入口軟綿，不會像出面那些参差了事，粟米亦都很鮮甜，不會有半生熟的問題，十分推薦此羹。🔸酥炸雲吞入口香脆，不掛油，很乾身，咬開散發出香噴噴的韭菜味，炸物以論的確不錯👍🔸八寶茶飯後配上一杯八寶茶，有菊花、紅棗等清心解熱的配料。為這頓飯完美句號。能以此價錢能夠有如此質素，若在附近上班，此店必成飯堂😀

行過見到係舊式冰室感覺既上海菜😻觀塘舊區係有種情懷既☺️入面既裝修都係維持係舊時細個餐廳懷舊風！牆上面係掛住木既餐牌☺️ 重掛住一張張老香港時代既照片☝🏻食物既選擇都係經典既上海菜4人套餐 ($498)🎈時菜獅子頭大大大大大肉丸子配冬菇登場🥳濃濃既醬油老抽🤤配娃娃菜🤤😋😋好味呀！外層炸左，入面係鬆軟既豬肉洋蔥丸子😌😌😌上海的味道呀🎈奶油律白濃厚奶油味既娃娃菜，菜唔老無渣☝🏻👍🏻好味🎈溜肥腸虎皮椒洋蔥炒肥腸😋 真係厚厚既肥仔腸😋😋😋入曬味！🎈酸辣湯足材入面有紅蘿蔔🥕絲、豆腐絲、黑木耳🥳🥳夠曬酸👍🏻👍🏻👍🏻 好味😋 🎈擔擔麵麻醬，花生味超香既！！！麵質好彈牙！條條分明帶小小麻辣！面頭重有d 蔥花tim 👍🏻🎈口水雞麻味又夠辣既口水雞😋好好撈飯！旁邊重有花生🥜伴碟🎈豆沙窩餅切成6 舊，脆而不油膩！薄身得黎入面爆多紅豆蓉😋 甜甜星人喜歡☺️🎈8寶茶橙皮、 陳皮、 菊花、 胖大海、紅棗、杞子☝🏻又潤又清熱氣😋😋😋😋為lee 一餐，完美作結！係一餐好正宗又有情懷既上海菜！好抵食呀☺️ 下次想帶屋企人黎🤩☝🏻

呢間經歷史悠久嘅上海榮華川菜館幾十年仍然屹立不倒， 犀利! 佢冇豪華嘅裝修但係佢嘅嘢食都係高質。全部幫襯嘅都係啲舊街坊，個個黎到menu都唔使睇就已經識得嗌嘢食😂😂😂 今日我哋嗌咗個四人餐，嗌咗四餸: 口水雞🐔，溜肥腸🐷，奶油津白🌿，時菜獅子頭 🦁口水雞 -- 雞肉嫩滑，汁料香麻，好惹味送飯一流😍😍😍溜肥腸 -- 肥腸洗得乾淨，味道香濃軟滑，炒得好香口😋 奶油津白 -- 係我上海菜館必點之一，香濃的奶油被津白吸收晒，啖啖都非常多汁入味😍時菜獅子頭 -- 肉質鬆軟，口感超細唔油膩，入面嘅肉汁豐滿，入口即化，非常入味可口👍必點!!!酸辣湯 -- 酸酸辣辣夠濃味，足料又開胃😋😋😋跟餐配白飯或者可以加錢轉擔擔麵食埋豆沙窩餅做甜品非常滿足，份量啱啱好。跟餐仲包埋八寶茶🍵🍵🍵甘甜美味👍👍like !!!完美作結呢一餐😝佢仲用咗傳統嘅杯去到盛載🤗🤗🤗(最近睇d古裝宮廷劇成日見到😂😂老闆話香港人得結婚先會用到)

好耐冇食過中菜館，中菜當中比較喜愛上海菜，淨係小籠包都已經係好多人既摯愛，仲有銀絲卷、上海粗炒等等，講起都垂涎三尺。餐廳內外位於觀塘街市附近，唔算難搵，店內面積不大，枱凳數餘張。食物選擇唔好睇小店一間，佢既餐牌都圖文並茂，亦有套餐供應，價錢都相宜。今日就唔食周圍都有既小籠包，食返啲傳統上海小菜。湯一款及小菜三款三人套餐  $308 有另一款$278既三人套餐，小點一款、湯一款及小菜兩款，我地想食飽啲就揀左$308果款。三人套餐——酸辣湯揀左酸辣湯，好足料亦好大碗，聞落去已經好好有“醋意”，一呷先係酸辣中既酸，辣有少少但唔太岀，濃稠度岩岩好唔會太“杰”，入口舒服，如果再辣少少就更好。三人套餐——時菜獅子頭小菜有十分之多選擇，唔會因為套餐就局限左只可以食邊啲，眾多選擇之中揀時菜獅子頭、花雕醉雞同埋糖醋排骨。時菜獅子頭份量適中，刀一切落去就分離，肉質夠稔但又唔會散哂，加上濃稠醬汁，兩粒真係唔夠食。三人套餐——花雕醉雞都有十幾件，每人有4件左右，花雕酒好濃，但又唔會嗆喉，雞肉本身煮到岩岩熟就離爐，所以唔洗擔心會嚡，加上冰涼口感，好開胃。三人套餐——糖醋排骨份量正常，排骨都算夠，炒得幾入味，唔會

住係官塘一帶的居民都熟識官塘瑞和街市，原來附近崇仁街有間上海榮華老字號店鋪，食物頗有水凖仲拎咗個食肆大奬。嗰日陪媽咪同舊街坊相約係呢間店舖一邊吃上海菜一邊想當年。店內地方唔算大，環境簡樸，牆上四週都掛上手繪60、70年代的官塘面貌。老闆娘介紹上海經典名包上海小籠包，剛剛蒸好熱騰騰要小心放入口，皮薄輭熟；餡內漲爆鮮甜清湯。自家炮製回鍋肉，香味四溢，入口惹味。另一款經典名菜之一雲吞雞煲，先呷一口湯,濃湯一試難忘，雞肉鮮嫩。豆沙窩餅做甜點，外皮香口酥脆，餡內豆沙茸甜度適中，個個吃到欲罷不能，已相約下次再嚟回味一番。

細細個時成日黎呢頭，好耐以前同朋友黎食過一衣，但同屋企人就未試過，母親大人唔想煮飯，就黎食套餐。環境小店一間，座位不多，大約十張枱以內，入到去有一種好居家既住家菜feel。餐牌有得散叫，亦有二人/三人/四人套餐，我地一行三人，諗到唔洗諗就拍板食三人套餐。三人套餐 $278/$308 揀左$308，湯一款配小菜三款，另外每人有一碗飯同一盅八寶茶。湯類五選一，揀左酸辣湯，而小菜有三十三款選擇咁多，揀左花雕醉雞、時菜獅子頭、糖醋排骨。酸辣湯份量都幾多，三人每人都分到2-3碗，非常足料，醋味好濃，酸度十足，後勁就帶少少辣味，好開胃亦暖胃，加上湯料十足，如蘿蔔絲、木耳絲、豬肉絲等等，都幾飽肚。花雕醉雞是為冷盤，約有半隻雞份量，花雕酒味夠濃烈，肉質頗嫩，滲到酒香，做頭盤小菜一流。時菜獅子頭有兩大顆，旁邊有冬茹，下面仲有津白做伴菜，肉質十分鬆化，醬汁以醬油做主調，咸咸甜甜咁，豬肉又索汁，帶點肥肉，口感鬆化又有肉香，佐飯一流，不過呢個係三人套餐，如果有三顆就更好。糖醋排骨唔係我地既有印象茶餐廳果種糖醋排骨，顏色係醬油色而唔係橙紅食，排骨亦非炸過，食落個汁有啲似獅子頭，排骨全部已經去骨只得返肉，幾貼心，