上海榮華川菜館

营业中

休息中

今日約左朋友係觀塘食午餐，朋友帶了我去一間老字號的上海菜館，這間菜館在觀塘有一種舊香港的味道，牆壁的上了很多昔日觀塘的水彩畫有一番風情。我們點了“二人餐可揀一款湯，兩款小菜，包兩碗白飯同八寶茶，兩個人都好夠食。招牌既酸辣湯酸辣味道好分別，酸酸辣辣令人好開胃，口感非常豐富材料有木耳絲, 有紅蘿卜絲, 豆干絲, 蛋絲, 肉絲等等。招牌時菜獅子頭大大的粒獅子頭放在碟中間, 底下墊娃娃菜, 還有冬菇伴菜, 這獅子頭肉質鬆軟而且入味，用來送飯食一流。招牌奶油津白濃厚奶油味的津白，獻汁加有金華火腿粒加埋奶油一齊食好香濃濃郁。最後飲一杯八寶茶消滯去膩飲落清香帶甜，飲完既感覺舒服！

今日過左去觀塘接b先生收工觀塘曾經係我放學經常流連ge地方好懷念呢度d街坊食店同b先生行下行下黎到呢間上海店裝修就一般般 野食選擇都幾多下晏就黎都有唔少街坊過黎幫趁我地就叫左個二人餐奶油忌廉津白對於我黎講好新奇 估唔到西色ge cream 同中式ge津白咁夾 好好食醉雞好滑 好彈牙 仲要好入味 必食之選你睇d雞肉幾嫩沙煲雲吞雞份量好多 湯冇味精 雲吞多菜 大大粒又好健康👍🏻👍🏻加左錢要擔擔麵好香花生味 面質煮到岩岩好八寶茶清熱又解毒

左穿右插，朋友成功帶左我黎觀塘舊區既街坊老店_上海榮華川菜館。始於1975年，有成四十多年歷史。朋友極力推介一定要試，話觀塘友必食街坊老店。店子裝潢很有懷舊風味二條友，叫左個二人餐，加多個小龍包。小龍包係我朋友極力推介，真係無介紹錯。一份有六件，分兩個蒸籠上。小龍包皮薄得黎唔易穿，可以成功拿起。隱約可以見到包入面有大量湯汁，這是我見過包住最多湯汁既小龍包。酸辣湯用料不算太多，但發現有豬皮，口感更豐富。而且酸和辣合度好處，不用加調味料已經好入味。大約可以盛到六碗。二人餐來說，份量太多了。因為仲要飲八寶茶茶。時菜獅子頭上海名菜。獅子頭雖然得兩件，但佢既size係好誇張，差不多有我拳頭咁大。咬落去還有驚喜，非常腍身，在口腔中就像自然溶化一樣，超正。口感與佢結實既外表完全相反。味道當然無得輸。可以吃多件就更好了。蒜泥白肉蒜香味濃，白肉薄切，肥瘦均衡，好吃。二人餐，一湯二小菜配八寶茶 $206八寶茶呢個杯好有回到古代既感覺。一睇就知好足料，朋友話呢杯係正野，有好多中葯材係入面，好健康。我就第一次試啦。喝一口，茶温剛好，茶味帶甜，還帶有微微菊花香味。唔好浪費，飲完可以再沖熱水，焗一焗又飲得。飯後

從前曾在觀塘上學，在裕民坊一帶都留有不少足跡。現在裕民坊都在重建中，大型的屋苑將取代從前的舊區獨有味道，要回故一下舊日的香港，可以在上海榮華中回味一下。這裡保留了最古色古香的舊式餐廳設計，筷子套是小時上酒樓常見到的龍鳳圖案，牆上貼著用毛筆手寫的餐牌，門一收銀位置更放著一個金魚魚箱。彷彿時光倒留，回到去七十年代的香港。餐牌上有”招”字的都是這裡的招牌菜，要了個九王鱔糊、時菜獅子頭、雲吞雞，套餐加送兩盅八寶茶。九王鱔糊，黃鱔煮後仍保持滑和脆，醬汁是這道菜的精華，非常好下飯。獅子頭，肉碎再制成一個大肉丸，足有一個網球般大小。獅子頭的口感似日式漢堡扒。雲吞雞，有幾件大件的雞肉切件，由於雞件用來熬過湯，所以雞的口感則麻麻，但湯則甜，雲吞是菜肉雲吞，菜跟肉的比例一半半。八寶茶是一個中式的花茶，由8種材料所泡成，每間店的八寶茶都有少少不同，但主要都是菊花、杞子、圓肉、山楂、陳皮等所配成，由於加了冰糖一起泡，所以入口都是甜甜的。

今日返母校參加活動，自從畢業後已經有多年未有返學校，原來學校周圍環境已經變了很多，很多舊樓已清拆換上高樓大廈，但在我記憶中好好味的川菜館，居然還屹立不倒，我們懷著興奮的心情進入此店，她的裝修擺設沒有太大改動，像停留在我們讀書的美好時光，令我們心中泛起不少往昔的回憶。我們點了套餐，有湯、主菜和八寶茶。我們選了青菜豆腐湯，白菜仔清甜，豆腐有豆香，清清哋感覺良好。套餐配飯，但可加錢轉擔擔麵微微的辣、淡淡的花生香味，麵質爽滑彈牙主菜我們點了蝦仁炒蛋和回鍋肉蝦肉彈牙回鍋肉跟從前一樣惹味，又不會太油膩豬肉肥瘦適中啱哂我們食肉獸八寶茶可以去油膩又清熱整體食物質素維持往昔食物水準， 這些老店現在已經買少見少了｡

裝修有懷舊味道 又有好多觀塘街景既手繪 好靚😍一坐低店員先上兩杯水然後放低餐具同一碗要黎洗一洗碗筷既水～二人餐有兩個形式：1. 兩款小菜+湯一款或2. 一款小菜+湯一款+小點一款我地揀左兩款小菜～花雕醉雞 (招）好重紹興酒味我超中意😋😋😋重口味既我直情用個汁黎撈飯😛d雞斬得非常好無骨要lur零碎骨！！💯只得一d咬得既軟骨可以安心暢快咁食👍🏻時菜獅子頭 (招）兩舊獅子頭拳頭咁大👊🏻👊🏻有淡淡薑味滲出黎唔會越食越濟😗仲有索哂d汁既精華既菜～同埋兩舊冬菇👅👅d汁要黎撈飯都正啊粟米羹夠哂甜☺️好多粟米同蛋花好足料！！套餐配白飯兩客+八寶茶兩盅食到尾聲店員奉上八寶茶🥰因為好奇同自己數整都數唔到邊八寶知道有d係自己唔識既所以就問下店員😛😛原來八寶就包括菊花、紅棗、橙皮、紀子、茶葉、龍眼肉、蓮子芯、胖大海全部對健康有益既材料而我係第一次聽胖大海呢樣野😚所以走左去google🤣胖大海的功效清熱潤肺，利咽解毒，潤腸通便。用於肺熱聲啞，乾咳無痰，咽喉乾痛，音啞，骨蒸內熱，吐衄下血，頭痛目赤，牙痛，痔瘡漏管、熱結便閉真係好好飲 清甜有層次仲可以加水再焗再飲再焗再飲‼️店員非常有人情味☺️八寶茶再見👋🏻👋🏻

最近Office搬咗嚟觀塘咁就梗係要喺附近睇吓有咩好食啦睇咗一輪OpenRice就揀咗依間餐廳見佢有米之蓮推介仲有我哋最鍾意嘅小籠包！餐廳有返咁上下歷史，咁點都要試試嘅～～我哋叫咗個二人套餐可以咩都試啲另外再加左一個小籠包小菜方面我哋揀咗糖醋排骨同埋時菜獅子頭個獅子頭真係好好食！有驚喜✨✨✨✨以往我對獅子頭嘅印象就係一舊好硬又咸又實嘅肉丸但係佢哋依度嘅獅子頭：大粒得黎，入面啲肉竟然係超級柔軟🤤🤤🤤🤤🤤而且味道淡淡地，配埋出邊啲茨汁同埋菜餸飯一流！我哋兩個都有讚冇彈👍🏼另外糖醋排骨都幾好味唔算太多骨咬落去肉幾爽～甜甜酸酸夠開胃，配埋啲青椒，洋蔥～正呀☺️☺️☺️豆腐青菜湯好多料，好多豆腐！ 仲有少少菇清清地, 唔錯唔錯 又可以暖下胃，份量都多，每人可以有兩碗幾佢哋個小籠包都幾好食每一隻都好多湯即叫即蒸如果like埋Facebook就可以有多兩隻😳😳😳😳😳如果我住附近真係得閒落嚟食個下午茶/點心叫個小籠包都夠晒開心🔥🔥🔥🔥超級滿足食完正餐每人仲有一杯八寶茶有菊花紅棗同埋其他

星期五既晚上, 兩條友行行下都諗唔到食咩好,點知行到一間好有味道的舊式上海菜館, 睇一睇餐牌見到有個二人套餐,選擇都幾多, 同埋都見到坐滿人, 就決定食下LEE 間上海菜館, 咁我地都係等左一陣, 剛好有人走, 就入得啦!入到餐廳, 先來熱水洗下碗, 很不錯的感覺, 之後我地叫左二人套餐的兩個小菜加一個湯的套餐, 仲再加左一個小籠包, 正小菜:回鍋肉—好香好濃, 係我食過好吃的回鍋肉之一腰果肉丁—腰果好吃, 不會林哂, 肉丁剛剛好, 好味道湯品:酸辣湯—酸味同辣味都剛好, 不會搶左個味小食:小籠包—6粒, 低食, 正最後:八寶茶—好足料, 好好飲

甘快就黎到最後一個sem，日日係度溫final溫到個人都傻傻地，所以就叫男朋友過黎搵我食個晚飯放鬆一下。黎左呢間老店，坐低會先俾熱水，再俾碗筷同一碗熱水洗，好似酒樓甘😂叫左個二人餐，有1款湯，2款菜，2個飯同2杯八寶茶。❤️酸辣湯每人起碼分到2小碗😂料好足，每一啖都有好多木耳絲，豆腐同瘦肉，唔會太杰甘。飲落亦唔會太酸，辣度都接受到。❤️回鍋肉超好食，夠哂鑊氣！肉係用五花腩片超正，椰菜夠哂爽唔會淋哂。辣辣地，小小油，送飯一流！❤️花鵰醉雞雞肉已經起左骨，呢個位加好多分😂😂肉食落好嫩，冇雪味。一開始酒味唔會好勁，食到尾d酒味吸哂入去😂所以我中意食一開始既味道多d😂冇甘重酒味❤️擔擔麵 +$15超辣，我完全食唔到😂😂花生粒超多，好夠味，超正！❤️白飯❤️酸梅水 $10食到一半擔擔麵，太辣叫黎解辣。❤️八寶茶飲落甜甜地，幾正😍

去開觀塘依啲舊區 眼見佢重建緊 咁就諗住佢好西就好少左啦 點知朋友就話有好西食緊係要去食下啦 唔到呢啲舊區入面都有啲比較舊式嘅店舖我深信佢應該經歷過呢個觀塘區歷史嘅變遷重建中嘅面貌 驟眼睇落去係比較舊式啲 充滿着懷舊嘅味道 入到去座位上唔太多 鋪面貼左唔同特色小菜同埋一啲相片感覺上好有風味 咁我同朋友就二話不說叫二人套餐叫咗啲特色小食 甜酸排骨醒胃十分之適合送飯而且肉質方面十分之細嫩 平時唔食辣嘅我都想試吓口水雞 因為見到佢寫咗係招牌菜令到我想試吓 估唔到食落去又唔係好辣喎而且好香口可能係因為有花生碎 真心覺得唔錯仲有個湯我哋就叫咗個雲吞雞呢個就不得了喇因為我諗過佢咁大碗 湯好清甜有雞味 雞肉有嘅話食得出佢唔係冰鮮雞雲吞又大大粒 兩餸一湯呢個配搭真心覺得正而且有幾抵食見到佢仲有啲招牌菜好似幾吸引就叫咗炸雲吞同埋小籠包 炸雲吞一咬落去鬆脆點埋啲喼汁食更加好味 小籠包更加唔使講拎上黎見到有啲垂入面應該有唔少湯汁 一啖咬落去啲湯生係個口入滿瀉出嚟 真心高質最後上埋個八寶茶 眼見勁多材料十分之足料 飲落去更加係甘甜美味 為我地依餐飯作為終結

同朋友睇完戲見差唔多時間去食飯 本身諗住去APM嗰度食飯嘅但見到佢好多都係運鎖式 而且都有啲貴😂咁就行咗去第二度睇下有啲咩食啦 見到呢一間門面比較舊式啲嘅鋪頭見到啲菜嘅款式都岩胃口 就入咗去食啦鋪頭望落去唔算大 但都有唔少卡位可以坐 而且入面係比較舊式啲嘅 見到牆上面都有啲比較有歷史嘅相係到 都幾特別 感覺上間鋪頭好似記載着過往香港歷史變遷坐左陣之後睇咗陣Menu又望下周圍有啲特別啲嘅野食 最後簡左個二人套餐 另外叫咗啲小食口水雞一早起晒骨 任何一啖都係肉🤤食落去都唔洗選骨好方便 雞肉好嫩滑 醬汁方面聞落去勁香 但食落一啲都唔覺得佢好辣 我朋友食唔到辣都覺得唔錯 上面鋪左都我多嘅花生碎 食落去好有口感 而且都好有層次🤤甜酸骨酸酸甜甜 極度開胃 用嚟送飯絕對係一流🙈 啲肉好淋 好入味 而且好有口感雲吞雞（+$25）分量相當之大 最起碼每人可以飲到最少兩至三碗🤤冇諗過佢用沙窩去煮呢個雲吞雞 雞肉鮮嫩 啲雞肉一啲都唔鞋口而且好滑 雲吞都好大粒 菜同肉嘅比例啱啱好飲落鮮甜酥炸雲吞即叫即炸 咬落去係十分之脆身 佢同雲吞雞入面嘅雲吞係一樣嘅小龍包一籠有四個 即蒸即上 辣辣食落去先係最正 咬落去勁多

古味既裝修，傳統既上海店今日在呢間充滿中國傳統風味嘅上海店食晚飯我地叫左二人餐 首先上既係粟米羹 份量非常大碗 好足料 一撈起係粒粒粟米 每一啖都咬到好多粟米 好香又之餘不乏口感另外仲落左d蔥花 令到湯既味道感覺更香！之後就到另外叫既小籠包出場 一籠有六隻 熱辣辣 可惜咬落去比想像粗少湯汁 而頂皮稍嫌厚左啲 另外仲有兩隻未夾就穿左 漏哂啲湯出黎醉雞一黎到我地已經聞到有好強花雕味 花雕滲哂入d雞肉 好入味 肉質都好鮮嫩不過酒量差既人 真係要小心醉值得一提係醉雞去哂骨 可以一啖食落去 好滿足！二人餐仲包兩杯八寶茶 我好鍾意隻杯啊一打開就見到好多材料 我識嘅有杞子紅棗菊花 等等 第一啖入口係好強既菊花味 甜甜地 之後有陣果味 同埋最後有d甘香

今日去左觀塘崇仁街既老字號「榮華川菜館」。位置係瑞和街街市附近，由地鐵站要行10分鐘度，為食好野行多步都值啦點左二人餐，小菜叫左糖醋排骨，酸酸甜甜，肉質鬆軟作開胃前菜。餐既白飯可加$轉擔擔麵，麵質有咬口幼嫩，湯底夠辣惹味，一碗唔夠喉沙窩雲吞雞煲，用新鮮雞淆製，雲吞餡靚皮薄，當湯又當一味餸，一一甜品有最愛既豆湯窩餅，煎得好香口，豆沙餡多到流出黎，食到幾飽都一樣食晒食到最尾估唔到最有驚喜八寶茶用8種花、棗組成，又養身又消滯，重有得無限refill 正

走過觀塘，有不少食肆林立。上海榮華川茶館，係開業四十多年老店。據說菜館是家族經營，所以店內除了古典味，還有一份老香港人情味。附近街道不算旺，但川菜館卻十分熱鬧。食晚飯不妨早點到。酸辣湯~川滬菜最為經典之一既酸辣湯，味道強烈，個人好喜歡佢偏辣既調味，胃口全開~回鍋肉~即叫即炒回鍋肉，肉片薄切，配椰菜青椒，送飯一流。口水雞~口水雞做法可以話各處鄉村各處例，榮華以花生伴去骨白烚雞上碟，並淋上秘制辣汁。啖啖肉，無得頂~糖醋排骨~食過辣味小菜後，酸酸甜甜既糖醋排骨係解辣之選。酸甜適中，排骨肉爽不韌。擔擔麵~湯底花生味濃郁，麵質感彈牙，係好受歡迎主食之一。豆沙鍋餅~皮薄而脆，紅豆蓉滿溢，係我最愛甜點。八寶茶~經過豐富主食之後，一杯清甜八寶茶正好解辣消滯。香味，茶味俱備!Chill一Chill!

香港的舊區，往往具有非常特別的魅力，有舊香港的味道，有人情味，有舊事舊文化的氣息。這些地區，往往受一眾文青追隨，上環和深水埗就是一個好例子。可能對你來講，觀塘未必係一個這樣的地方，但當中係有不少可愛和為人津津樂道的地方。上海榮華川就是一個這樣的老店，可能你會認識慈雲山的詠梨園，但你未必會認識這間。相對來說，這裡是家庭形式經營，就是和你平時吃過的不同。記得我第一次來的時候，是看食評家KC介紹，我估如果沒有看過那本書，我倒不會認識這家店。記得上次來的時候，高朋滿座，上星期日不知是不是金像獎人人都在家看電視，還是落雨的關係，七點半，人不多，坐得幾舒適。坐下便飲杯豆漿，有點失望是這種包裝的，不過豆香味濃，如果是自家做的，我會開心得多。幾年前，我記得佢個小籠包非常好，當然要叫一籠，座上每個人都喜歡充滿肉汁的小籠包，而且內容非常充實。另外也點了前菜醉雞，香醇的酒香叫人迷倒，肉質新鮮又嫩滑。酸辣湯一定要叫，爸爸說酸和辣平衡得宜，不過我覺得辣味重一點，如果你像我太太不好豬紅，那應該是佳音，這裏的酸辣湯是沒有豬紅碎的。獅子頭是這裏的另一道名菜，以慢煮的方式來煮獅子頭的方式應該較少見，肉質勁淋，而且味道十