上海榮華川菜館

营业中

休息中

幫襯過一次之後以後都唔會去！ 餐廳衛生非常污糟邋遢！ 而且食物種類又少選擇，店員態度亦都十分惡劣， 而且舖面本身已經極度狹窄，一班人去到都坐唔落， 都唔知點解叫做老字號！ 切勿光顧否則後悔一世！

有時我都會去吓啲傳統老店，覺得佢地人情味夠濃，今次我就嚟到觀塘呢間接近40年歷史嘅上海榮華川菜館。餐廳大門同一般茶餐廳嘅設計差不多餐廳掛咗好多舊香港嘅圖畫，好有70年代嘅風味而餐廳都貼有好多呢啲用字創新嘅揮春，接近收銀位置仲有個飛標，既有懷舊風，又有現代元素嚟嘅時候餐廳唔算多人，而且大部分都係觀塘街坊，老板娘都好親切咁同客人傾計，仲同我哋研究生幾多個仔女最好老板娘誠意推介餐廳嘅招牌菜—回鍋肉，我覺得辣度適中，啲肉切到好薄，又唔會太肥，而且味道非常開胃呢碟溜肥腸出邊真係比較少見，所以我貪得意就叫嚟試吓 佢個賣相第一眼睇同個回鍋肉真係好似，而我一見到有黑椒都即刻淆底咗，因為我好唔鐘意黑椒，好彩佢黑椒味唔算太濃，而且啲豬腸好有咬口食中餐就緊係要飲返個靚湯嘅喇，今次就加咗$25叫個雲吞雞湯，個湯飲落唔多味精，雞肉都好嫩滑，個雲吞皮似係自家製作，好薄好滑，食落唔會好粉食飽飽，飲返個呢八寶茶消滯簡直一流，老板娘仲教我正確嘅飲茶姿態

今日和朋友往觀塘上海榮華川菜館食上海菜, 我們點了二人套餐, 二人套餐有回鍋肉, 花雕醉雞、粟米羹、白飯和八寶茶。回鍋肉辣度適中, 食落肥而不膩, 配菜椰菜洋蔥和青椒食落爽口；花雕醉雞雞肉入口即熔, 花雕酒味香醇, 雞肉食落啖啖肉而且冇骨, 口感十足；粟米羹溫度適中, 粟米味道香甜, 火腿粒鹹度適中；白飯食落香滑軟綿；八寶茶茶味香甜茶內有紅棗, 菊花和杞子, 飲落香甜清香。菜館食物美味, 份量十足, 而且裝修懷舊, 有很多舊式海報和觀塘歷史的畫, 我和朋友食了一頓懷舊上海菜。

朋友成日都出trip✈️，好少係香港，今日約左佢食飯，費事佢又要山長水遠走出黎，所以就去佢屋企附近食。❤️附近都唔係有好多野食，但又唔想食商場野，佢介紹呢一區一間好有feel嘅上海野俾我食。😌入到去個架步真係🥰好懷舊，唔係特意裝修出嚟啊！係真係呢間鋪頭嘅以前留落黎嘅裝修。附近都好靜又冇咩餐廳，以為呢到會冇咩人幫襯，😳點知都幾好生意，未至於要等位，但見到番枱都幾快。我地就叫左⭐️二人套餐。⭐️酸辣湯好開胃。⭐️回鍋肉推薦！好好味，又辣辣地又甜甜地。同椰菜一齊炒，好吃😋。⭐️口水雞🐔好大份！佢嘅肉比較實，冇乜脂肪。⭐️特色泡茶🍵意想不到佢會奉上杯茶俾我地飲，一打開，勁靚，有好多唔同嘅食材泡出黎，例如菊花、杞子同梅。好味的啊。❤️

去完觀塘探婆婆，因為無食午餐，七點已經餓到我連行多幾步去APM嘅力都無，太肚餓的關係決定係婆婆屋企附近搵一間鋪頭食飯就算，樓下就見到呢間餐廳，原本冇諗過要入去，因為真係一間傳統嘅老店，但附近無咩好食，又見到細細間店竟然不停有人進出，上網睇睇先發現原來咁多好評，價錢仲要好抵食，所以一於試試。一個人食得唔多，小食係老闆推薦，我覺得似豬腳凍，點醋一齊食，甜酸味道特別開胃。主菜食一碟獅子頭一個人已經好足夠，2大舊獅子頭超足料，味道亦好濃郁，最好有幾條菜做底，成件事即刻健康左。食呢d餸菜當然要送飯，呢度獅子頭夠曬多汁，用來送飯真係一流，食飯後老闆仲送上八寶傳統茶，我一個人嚟食飯，但老闆間中就同我傾吓計，我覺得呢d就係小店的人情味同埋香港特色呢。

這間是位於觀塘的一間小店，從牌面與裡頭裝份看出是一間頗具歷史的小店，能在時間流逝中仍䇄立不倒自然有她自身原因。朋友之前在附近上班，想找間店給我書，所以挑了這間老字號。雖然具歷史，但給人感覺還是頗為企理。先來個湯，味道因小白菜頗解甜，不會太咸，明顯沒什麼味精。大大一碗，每人最少可喝兩碗。回鍋肉味道足，肉切成薄片，肥瘦剛好，挺惹味配飯吃不錯。咕嚕魚塊味道酸酸甜甜，魚塊炸過所以不會淋身，切成三角很方便夾。頗為開胃。還叫了四寶茶喝，味道清甜解膩。小店價錢地道，且口感親民，所以入夜都頗多街坊來吃。

這家懷舊上海菜館曾經獲得米芝蓮推薦，從門面到餐廳裝潢，的確有種老香港的感覺。裝潢十分簡樸，正確來說沒什麼裝潢，座位也很少，牆上掛了日籍畫家Mango Naoko為餐廳畫的畫作，簡單而懷舊味甚濃。沒服務可言，可能真性情。殘殘舊舊，滲透著歷史的味道。點了二人套餐。上菜速度頗快，點餐不久就送來了。⭐️回鍋肉這是我第一次吃回鍋肉，腩肉刨成薄薄一片，加上捲心菜一起炒，入口惹味而不覺肥膩感。⭐️酸辣湯材料有黑木耳、蛋絲、豆腐絲、紅蘿蔔等，十分足料。嚐一口，酸辣味突出，十分醒胃呢！⭐️糖醋魚塊魚塊薄薄一塊，還有青椒和洋蔥。入口微脆，魚肉柔嫩，醬汁酸甜，下飯一流！⭐️八寶茶最特別是八寶茶，以菊花、紅棗、杞子、胖大海等，入口甘甜順口，是養生呢！

上海榮華川菜館，就喺觀塘崇仁街街市後面，成間鋪頭嘅感覺都好有懷舊氣息，餐廳入面嘅裝修簡單樸素。餐牌上嘅菜色有回鍋肉、宮保雞丁、蒜泥白肉、韭王鱔糊、酸辣土豆絲、糖醋魚塊、糖醋排骨、口水雞等等...其中有幾樣印有『招』嘅菜色，屬於餐廳招牌菜。二人套餐有兩款，我地揀左$206果款，有一款湯及兩款小菜兩款。糖醋魚塊 - 酸酸甜甜，炸魚塊好香口。回鍋肉 - 承傳上海菜一貫濃油赤醬嘅風味，味道濃香，連配菜椰菜都好香甜，送飯一流！粟米羹 - 分量非常足，夠兩三個人食，同樣撈飯一流。八寶茶 - 好香菊花味，仲有紅棗、枸杞、圓肉等等，飲一啖清甜順喉，感覺清新消滯。

今晚去觀塘接朋友放工 佢介紹我去食上海野 話味道好地道 正宗上海菜 如果唔係佢帶住我行 我都未必識黎 係正祟仁街街市旁 創於1975年 無華麗既裝修更無改頭換面 反面保留住樸實既紅磚牆門面 加上金色既油漆招牌店名 同旁邊既食肆比較 份外顯眼 好有味道既上海榮華川菜館☺️推開門後 更係一種懷舊既氛圍 好似番番去70年代咁 地方不大 但保留住舊菜館既原汁原味 好似係地磚 卡位 碗櫃等等 依種老店係不停提倡「活化」做口號既香港真係買少見少😢牆上寫上一道道經典既上海小菜 菜式唔花巧 為左方便我地就簡左個二人套餐$206 包左一個湯 兩道自選小菜 兩碗白飯同兩盎八寶茶🍵粟米羹雖然對唔少黎人講黎係好普通既湯 平常最簡單就係開罐頭🥫煲 但依到既粟米羹用料豐富 加入魚肚 火腿粒 蛋花 飲起黎粒粒香甜既粟米 質感濃稠 係健康溫暖既感覺 完全唔係罐頭湯個回事～～溜肥腸係廚師推介 肥腸係平時食開既豬腸 洗得好乾淨 完全無豬既臭腥味 形狀係一條條既 唔係平時食開既卷狀 肥腸爽彈肉嫩 加埋青椒 洋蔥去炒 令鹵過既醬汁濃郁惹味 用黎撈白飯一流🍚回鍋肉係平日最鍾意食小菜 餐廳回鍋肉切得好薄 非常入味 辣度適中 配上青

🐽呢間上海菜餐廳既環境比較舊式，幾中意呢種感覺！係張枱細啲同坐得迫啲😶。👅二人餐（$218）呢個二人餐可以簡兩款小菜同一款湯😃花雕醉雞既酒味濃得黎又唔會over左，雞肉肉質厚實彈牙，雞皮薄薄地幾爽口👍🏻回鍋肉勁岩送飯食！個醬汁唔會過咸，帶點甜味同埋幾有辣勁😋肉片同椰菜都好索汁！雲吞雞湯就要加錢😛雲吞餡比想像中香甜！大大舊雞肉亦唔韌口😌擔擔麵要再加錢，個樣好似好得咁，啲湯好濃郁咁🤭但食落無乜花生醬既香，而係帶酸味🤨八寶茶都係加錢，菊花味勁清甜！食完咁多油膩野，飲杯茶解下膩舒服哂😙

已經食過幾次既觀塘上海菜老店，有住家菜既風味，最掛住佢杯八寶茶！餐廳内外位於觀塘街市附近，小店細細一間，座位不多。食物選擇今次都係食二人套餐，多選擇得嚟抵食。二人套餐 $196/$218 $196包小點一款、湯一款及小菜一款，而$218就包湯一款及小菜兩款，我同友人揀左後者。湯一款：雲吞雞湯今次+$25要雲吞雞，份量都幾多，有1/4隻隻左右，有雞脾位，雲吞都有3大粒，湯頭幾清透，雞湯味濃，一人飲到幾碗。小菜兩款：回鍋肉食過幾次都冇試過回鍋肉，肉片薄身得嚟掛汁，屬半肥瘦，醬汁唔算辣，反而甜味較多，餸飯一流，不經不覺全部食哂！小菜兩款：口水雞上次試左花雕醉雞，今次就試下口水雞。估唔到面頭舖滿哂花生碎，色澤唔係我哋平時見到嘅鮮紅色，而係偏深啡色，食落去麻味比較出，唔算辣，出奇地係會有花雕醉雞果股酒味，而且仲幾重添，比較特別嘅口水雞味道。奉送：白飯及八寶茶要數最愛之一，一定係八寶茶，清甜無比，配料有菊花、紅棗、枸杞，仲有果皮等等。所以好清甜，仲可以不停加熱水飲到你夠為止！觀塘食上海菜小店，我一定會諗起呢間，款式多，價錢合理。

觀塘不嬲都好多嘢食，行黎行去決定食呢一間上海菜館，位於喺地鐵站行路5分鐘左右嘅地方。餐廳裝修好友老字號嘅感覺應該都幾耐歷史㗎啦。坐低左之後我哋就喺老闆娘嘅介紹吓揀咗一人套餐同埋佢哋嘅小籠包。一人套餐裏便可以揀一款小菜一碗白飯同埋配一碗八寶茶。小菜方面我哋就揀咗花雕雞，呢個花雕雞大大碟我諗差唔多都有半隻雞，最好嘅居然俾咗好多雞髀嘅位俾我哋，花雕雞都非常之入味好重花雕酒味，鍾意食花雕嘅朋友一定會好鍾意食呢隻花雕雞，另外雞肉肉質因為都係比好多雞髀位所以肉質都幾嫩，雖然應該都唔係咩新鮮雞不過雞腳質素都唔錯，食唔出雪藏味。另外就叫咗每人三隻小籠包，小籠包大大粒入邊充滿肉汁，本人就覺得佢哋嘅小籠包皮比較厚左少少，不過呢呢個小籠包係超級爆汁，仲要肉汁鮮甜，都算係幾唔錯。下次可以再翻返嚟食多次。

重陽的long weekend，還是要運動，先去>>>上海榮華川菜館<<<醫肚。 餐廳在瑞和街街市後方，是很傳統的一類店舖。侍應送來餐具時，還附一碗熱水供洗碗筷之用。 點了一客一人套餐，這是時菜獅子頭配白飯。兩顆獅子頭有夠份量，分開一半讓其散熱以便食用。焾到入口即溶，口感細滑，而且非常多汁，食過翻尋味。加上同樣鮮甜軟腍的菜和香濃冬菇，配搭濃郁芡汁，大快朵頤。 美食總教人欲罷不能，追加了一籠四隻小籠包。以菜葉托著小籠包，把精華一併托起。小籠包的皮略厚，不會太易夾穿；包裹著份量恰到好處的肉餡，配合濃濃肉汁，食過翻尋味。 最後以用料十足，味道香甜的八寶茶作結，解油膩、助消化。

觀塘好多舊鋪同老字號餐廳林立,有d舊式餐廳屹立不倒, 實在難得. 原來佢係有米芝蓮推介添！ 細細間鋪, 但係發現有好多好有特色既菜. 平時少食上海菜, 今次可以嘗試新舊式懷舊既小菜. 兩個人食, 兩碗飯 , 兩餸一湯 岩岩好！ 嗌jor 個酸辣湯 做個開胃菜, 裡面有木耳絲, 豆腐乾，筍絲，冬菇絲,個湯酸辣恰當. 食飯之前, 黎一碗開胃！ 之後就係最愛既口水雞,  口水雞 份量大, 上面撒上花生, 雞肉口感可以.餸飯一流！ 之後就係呢哥溜肥腸. 炒豬大腸, 用黑椒調味, 洋蔥同青椒做配菜, 呢個豬大腸口感QQ， 爽滑, 而且個黑椒汁, 幾惹味. 食飽後, 就黎一杯四寶茶！ 第一次飲四寶茶, 覺得幾特別！ 裡面有紅棗   陳皮 菊花 等入口清甜, 頗香. 食完飯 飲一杯, 疏肝解氣！ 貼地既懷舊上海小菜！ 值得一試！ 

是夜晚上在觀塘見到這小店，看似充滿了老香港既味道！我呢d最鐘意小店既，當然要支持一番！入到店內，有種好親切熟悉既感覺，我估這就是我以前喜愛的香港味道了！叫了2人餐！湯選了栗米湯，個芡做得剛好！湯頭幾正，栗米粒香甜，個湯好香夠入味！回鍋肉幾香辣惹味，回鍋肉好入味！ 豆瓣醬超香濃，食到停唔到口。 糖醋魚塊個芡汁又係剛剛好，醬汁緊緻包住魚塊，魚塊還是微微脆的！！即叫即整呢。還有大量葱片，青椒都好入味。不得不提這個八寶茶！！超香帶清甜，夠足料，再可以加熱水飲多杯，正！