上海榮華川菜館

营业中

休息中

有日去觀塘行街，突然間想食上海野，Search到呢間黃得來又係老字號。Walk in去試吓，等咗差唔多成個鐘先有得食。入到去，坐就真係坐得唔舒服，好迫好窄，係舊式舖頭嘅感覺。由於佢哋嘅侍應廚房好似都唔係好多人，所以都係佢哋得閒主動行埋黎先有得落單。喺呢度食嘢都要啲耐性。嘢食嘅價位同出邊食上海野差唔多，二人餐都叫OK。所以就叫咗個二人餐。男朋友好鍾意佢個酸辣湯，好開胃，足料。醉雞，啲雞夠晒滑，不過我就嫌佢唔夠入味，亦都有可能係我自己鍾意酒味濃d！獅子球，我覺得普普通通，不過不失。跟餐仲送咗2杯八寶茶, 有好多唔同嘅養生植物材料，味道幾新鮮。

其實間舖個位置真係好難搵，亦都唔係近啲咩地鐵站同埋車站，真係要好刻意想食先至會行條斜路上到嚟。不過，我覺得都好值得嚟，因為香港真係好少仲有呢啲咁舊式嘅茶記冰室樣唔知係咪因為冬天呢，舖頭冇開冷氣，不過都好夠涼如果真係食唔慣個環境都冇辦法，不過我覺得呢啲係香港特色雖然係食上海菜，但係店員好早就拎咗碗筷同埋熱水俾我哋洗，感覺好似去咗酒樓咁上海湯麵就好似濕水版嘅上海粗炒咁，不過不失啦水餃湯麵有四隻水餃，皮又薄又大粒小籠包個樣其實唔係好靚，但係真係好好食同埋佢個形狀關係，佢大粒過出邊嗰啲好多八寶茶價錢唔平㗎，都成$25一杯，但個賣相真係好好，仲要勁足料，同埋冬天飲真係好正，雖然貴啲但係我覺得好值得試！！！可惜得咁細杯

可以令一個唔會寫食評既人出山😤話說今日返工chur左一個上午想食上海粗炒獎勵自己，搵到呢間好多like但離office15分鐘路程既餐廳，一放lunch即時沖過去。1點放lunch，1:15pm到餐廳，一入門，咦無人既。。。鋪頭有2個人，個男人招待我坐低就入左廚房，諗住點菜叫左聲唔該，個女人理都無理我，一開始以為佢聽唔到就再叫多次，都係無反應。。。我心諗間鋪咁細得你同我。。。然後諗住算啦等多陣可能佢忙緊，隔左幾分鐘佢就無啦啦走過黎問要咩，好啦答左佢要上海粗炒就問佢比杯水，個女人大大聲話要水自己倒啦。。。我點知我可唔可以自己去掂你部水機同杯。。。原來佢意思係近廚房附近有個水壺但入面係無水既。。。好啦有食物到啦，問有冇辣椒油。。。個男人個態度都好啲比你最後比錢，等左一陣2個人都係廚房無出黎，我千里迢迢黎食都幾趕時間。。。於是我就向住廚房問：請問我個粗炒$60齊頭放係枱面可以嗎？然後個女人明明聽到都唔理我。。。係都要搞好成set外賣先慢慢出黎，一出黎同我講比錢呢邊。(問題係我張枱最近廚房，佢出黎又會經過我張枱，唔明點解你唔得閒，又慢，又唔回應人，又係都要我等你，然後語氣勁差叫我比錢)，食到一

係觀塘收工之後，朋友提議食上海野，又唔想食大集團，突登黎到呢間上海榮華川菜館，係瑞和街街市附近，並唔近地鐵站。😆二人套餐有兩款選擇，套餐一係一款主菜，一個湯加一份小食，套餐二就兩份主菜，一碗湯，價錢係＄206，呢個價錢同openrice嘅評價，話呢間嘅上海菜係十分正宗我就緊係抱住極高期望。😝我地分別叫左回鍋肉，糖醋魚同酸辣湯。首先回鍋肉上到黎個份量係少少意外，其實成餐份量並唔係多，真係二人食岩岩好，大食少少可能都會唔夠。但要讚下個肉切得好薄，其實撇除太咸，係真係幾有鑊氣同好送飯。糖醋魚係相對有少少失望既，魚既炸衣其實係脆同熱辣辣，但係可能太薄漿，所以係加糖醋汁炒時，炸衣甩左出黎，但係個汁既味道調得相當好食。酸辣湯十分足料，但係味道同我食開既唔太一樣，係感覺有少少酒味，對我呢個酸辣愛好者都太過重口味。服務就不算好好，其實店內人都唔算多，但姐姐可能做左成日都攰所以面色同服務都爭咁D。但係！！佢係良心小店，💛💛如果喜歡重口味同埋上海野，不妨試下。返尋味指數：6/10上海榮華川菜館地址：觀塘崇仁街15號

話明係感謝祭就梗係搵好鍾意香港嘅舖頭幫襯啦，呢間傳統店舖其實我住觀塘咁耐我都未來食過， 所以就成機同阿媽嚟試下~七點鐘到都已經要等位，唔使一陣已經有條細細嘅隊，不過都唔算好耐就可以入去坐低 ,其實我見好多話佢川菜唔錯，但係我哋一心想嚟食上海菜，傳統少少~小籠包 醉雞 酸辣湯 上海粗炒 ﹔上菜速度都幾快， 酸辣湯整得唔錯傳統正路嘅上海酸辣湯味道，但係我就覺得就酸咗少少，不過就好開胃，醉雞嘅花雕味非常之香~肉實，而且睇得出係原隻雞開骨出嚟，唔係淨係用雞髀肉hea整， 上海粗炒對於我嚟講係一個驚喜地好食， 仲唔係食完一碟油，小籠包一出師父叫我哋盡快趁熱食， 小籠包嘅皮比較厚少少~少少失望，因為我鍾意食好薄皮嘅，但係一咬入去爆湯同埋餡嘅味道就令我非常之驚喜，肉有肉嘅鮮味， 調味偏向無錫嘅風味~甜甜哋~好好食~鋪入面有 "好鍾意香港嘅陳設"﹐ 埋單二百幾蚊冇加一~都幾抵食~

味道香甜溫和嘅八寶茶係由杞子、菊花、紅棗、乾橙皮、胖大海、蓮子芯等沖茶而成，飲畢便減低上海菜留下嘅油膩感。疫情關係，老店目前主打碟頭飯，想食嘅津白、雲吞雞等等都暫時無機會試住嚕！今次就試咗獅子頭、上海粗炒同蒜泥白肉，味道不俗，希望疫情過後可以一戰佢哋出色嘅小菜！

很有中學回憶的一家上海食肆, 她也是是我最早接觸到上海菜的食肆之一. 比我還要老的年齡, 裝橫這些年來依然保持不變, 儘管觀塘市中心已變天, 高樓大廈林立, 但在瑞和街附近的街景, 卻是保持著二十年前的模樣. 這家説是川菜館, 但其實以上海菜為主調, 而且又是家庭式經營, 所以人手不多, 地方也不大, 加上武漢肺炎的關係, 外賣需求大增, 所以人力上有點捉襟見肘. 像我吃午市的時候, 樓面, 收銀, 煮菜和處理外賣也只有兩個人. 話雖如此, 點了炒鱔糊這經典滬菜菜式, 處理上已經盡他們所能, 小黃鱔起肉完整, 內裏沒有碎骨, 銀芽也炒得爽透, 醬汁夠濃, 色夠深. 當然不是用上江南的, 肉質只有爽也不夠細膩, 鮮度不也夠. 另外沒有上碟前的潑油, 欠了滋滋的聲嚮, 少了傳統”響油鱔糊”的結尾, 但作為找尋回憶的一餐, 味道和環境依然不變, 這就已經足夠.

市面愈來愈少上海館子，可能因此造就此類待客態度高傲的食店出現。唯人家一點也不怕，舖面的裝修殘舊得看得出該幢舊樓有多舊她舖面就有多舊，全店就十張枱有找，枱的排位參差不齊。難得有卡位，坐低枱面放左酒樓用的茶杯4杯水，之後你想找人再斟水就要受到小二西面，甚至有名說話沒尾音的男小二態度冷漠說自己不負責落單...等了五分鐘，才有另一女侍應「願意」寫單。叫了個4人餐，份量用「精緻」（注意是份量，非賣相）來形容，醉雞3分一隻，肉鞋量少；奶油津白奶油汁是夠多但津白很硬吃出是不夠時間煮腍；蒜泥白肉算是較合格但又是量非常少，3片12cm長、2mm厚的薄肉；回鍋肉碟頭算正常但辣度是中辣。比較意外是跟餐的八寶茶挺好吃，喝完自行倒了茶杯的水再沖也還夠味；豆沙鍋餅餡料很足，這個要稍讚一下；粟米羹普通，所謂自家磨豆漿只是預先批量拿貨的已包裝好杯裝豆漿，想多了。埋單$477，就以上食物飲品。吃的期間，外賣程式提示不住響，外賣看似頗多，無怪這老舊舖這麼串。結賬走後發現門口將貼不招待手帶人士及大陸人...不招待手帶人士我理解，但不招待大陸人就...喂我剛幫襯這家不是上海食店嗎？上海是西方城市？！總結：食物一般，份量孤寒，

曾經拎過米芝連嘅川菜館 開業至今已經有三十多年 仲要係黃店！💛當日晚上七點左右已經有人係門口排隊想食的話要提早少少排隊了🙆🏻‍♀️.🔸蒜泥白肉 $75🔸呢個係我食過最好食嘅蒜泥白肉 超超超正🤤本身仲猶豫緊點唔點 因為驚食唔哂 但好彩最後有點佢係我成餐飯覺得最好食嘅一碟！😛豬肉厚度切得岩岩好 肥瘦岩岩好 口感無得彈 蒜泥勁香之餘仲有少少辣用黎配飯真係一流！完全食唔停口👅十級推薦大家試 絕對會為左佢而encore!💕.🔸二人套餐 (湯+小菜兩款) $206🔸直接揀左二人餐 兩個人黎講 價錢都幾相宜🙆🏻‍♀️包左一湯兩小菜兩白飯 仲包埋招牌八寶茶添有好多款不同小菜選擇 岩岩提及嘅蒜泥白肉都包括其中.1️⃣ 砂鍋雲吞雞 (+$25)2️⃣ 回鍋肉3️⃣ 奶油津白三道菜嘅味道不過不失 似乎未去到米芝連嘅級數奶油津白味道偏淡 有點小失望但呢個價錢有咁多樣野食 我都係收貨嘅🙆🏻‍♀️只係下次再食就未必會再點呢幾樣 會試下其他小菜(但必須重申 蒜泥白肉真係好好食🤣).4️⃣八寶茶八寶茶貴為招牌 的確幾好飲內有八種材料 聞落已經好香 飲落十分甘甜 值得一試👌🏻.🔸小籠包四隻 (+$25)🔸點套餐可以$25加配 幾抵食但小籠包

好難想像此店曾獲米芝蓮，無論食物質素、衛生同服務麻麻。最令人失望係食物質素叫左小籠包，酸辣湯麵同豆漿，首先豆漿係外購唔係自家製已經扣分，飲落又稀又甜又冇豆味酸辣麵價錢唔算平，但配料極少極求其只有蛋，蘿蔔之類，唔知以為食緊獻汁麵最差係小籠包，個皮極厚，用塊望落唔乾淨嘅椰菜墊底，睇落已經唔開胃。啲豬肉好唔新鮮醃料好重手，係有啲湯汁，但冇鮮味好咸，食一粒已經想放棄。老實講，窩貼大王都好食過佢。廚房佬戴住阿婆底褲口罩行黎行去.....冇放心機係菜式上面，真係放多幾隻連豬都唔掂。

本人第一次open rice 留言，因為實在不吐不快。亦希望令其他顧客去幫襯之前三思或對此舖多一些了解。昨天晚上大約六時許來到，門前有數人輪候。不要緊，因為諗住小店，亦抱住食好嘢等下冇所謂的心態去輪候。兩張二人枱大約等了四十五分鐘有多。不要緊，因為店鋪面積不太。入到去，有個男職員放低餐具，我們諗住落單。佢話我唔落單嘅 。然後走了。跟住有另一個企在門口附近專負責收錢，包外賣嘅店員話。阿姊會出嚟落單。好，冇問題。最緊要得個知。我入去的時候，連同我們，有三枱客一齊入。其他兩枱客連同我們，等了大約十五至二十分鐘，阿姊先出嚟落單。落單過程順利，上菜時間亦可以。本人叫了醉雞，担担麵，鱔糊，小籠包及奶油津白。醉雞冇味，可取之處是冇骨。担担麵普通可以。鱔糊最好，推介。但小籠包真係唔掂，個皮厚到!但唔知点解一夾落去成個爛哂，湯漏哂出嚟.......奶油津白冇味，唔掂....在排隊，等待及進食的時候，有好幾次有外送員催外賣，同店員有少許口角。其實成餐飯感覺不太好。所以快快食完便離開。成餐飯$441。臨走見到有外賣員仲係門口等外賣。我同他們講，我排隊嘅時候，已見他們有兩個同行等了很久。排隊嘅時候，見到門口

鱔糊粗炒 $71之前喺其他店食過成碟鱔糊得三四條鱔絲，但係榮華川就做得好足料，本身上海麵好吸油，所以好多地方都炒到好油，但呢兩個最大容易發生嘅問題榮華川都無，食到連d汁都清埋，真係整得好好食🤤.小籠包 $32小籠包皮比較厚，夾嘅時候無咩壓力唔洗好驚佢穿左會漏汁，肉既調味就同其他店比較有少少唔同，所以味道有d特別唔多慣 ，不過個湯汁好好飲，整體黎講一般～.擔擔鍋麵 $68擔擔麵隻味唔似平時食開辣辣哋嗰隻，反而個酸味重d🤔.總結，大推大家可以試鱔糊粗炒好好食😍小籠包肉普通但湯好飲，平均黎講一般，而佢擔擔麵隻味同出面好多間都唔同，味道偏酸又唔辣～

食咁多次飯都無諗過寫食評，今次第一次寫食評，因為真係太失望，諗住又話入選熱店，又開業45年，又米芝連食店，所以都滿懷希望。首先，一入去鋪頭，已經有個男店員呼喝式咁叫出去等，咁咪出番去囉，但原來出面個個姨姨話自己係等梗外賣，入面係有位既，叫我問第二個女店員，問完就即刻入得。跟著佢會俾盤熱水你洗野，但到之後我地食梗野既時候，發現原來佢俾你洗碗個盤係reuse既，每枱洗完碗，佢倒左d熱水，就會俾番下手用，係呢個時勢真係好難接受，佢鋪頭貼左文宣，但好懷疑係咪真係黃店，因為個男店員係戴住底褲口罩囉！食物唔算特別好食，係普通，真係唔會有下次！

上星期日，藤原君突然想去食中菜，所以就去左一間細個時去過既一間中菜館食lunch😋，雖然呢間主打街坊生意多，但質素一點都唔差！先講個擔擔麵，我發覺依家出面好多餐廳煮擔擔麵時，花生醬通常都煮唔勻，所以經常都沉底，形成一層辣油，一層花生醬既湯底😓相反，呢度既擔擔麵湯底真會煮過，除左辣外，仲帶帶一陣陣花生香味，所以都比出面既出品比較香！蒜泥白肉食落都唔錯。豬肉切得薄之外，仲好爽口。味道都好有層次，除左麻辣味外，仲帶有蒜香，雖然係有點辣，但真係食到停唔到口😋！不過價錢唔算平，建議兩人share會抵D！呢度仲有好少見既八寶茶賣。「八寶茶」用左八種唔同藥材，例如杞子和菊花等，相對比較養生！而且，八寶茶用左冰糖嚟調味，所以味道甜甜地，容易入口！我覺得呢間中菜館價錢貼地，質素都唔差，住附近既朋友，不妨去試下。

本身係openrice見到咁多好評都一心想搵機會泥試，決定今日泥食。去到既時間見佢地好忙做緊外賣單，見到好多人等緊堂食，後來都好好心話比我地入住去坐住先，但係點知接落泥樣樣都激死我地，想落單話忙等陣，等左成半個鐘先可以落到單，其實我地都體諒依家個時勢個個叫外賣會踢晒腳耐啲都正常，但係竟然遲過我地到既都仲可以快落單先，然後我地嗌左4樣野，分別係1. 雞絲粉皮 2. 排骨粗炒 3. 小籠包 4. 賽螃蟹。見住其他枱啲人都陸續有嘢食，包括遲過我地泥既人都有野食，嬲嬲地問佢幾時有催下單，點知同我地講我地嗌啲野係耐既，但係我唔明雞絲粉皮有咩值得要耐🤔🤔🤔🤔 最後終於等到啲嘢食到， 得個小籠包同個白飯係熱， 其餘嘅餸都係唔熱嘅， 等左咁耐我地預期係即整，點知連基本野食既溫度都冇，首先雞絲粉皮唔係雞絲上係成舊雞，又冇平時既青瓜； 排骨粗炒唔熱，令到啲上海麵粉粉地硬硬地，啲汁晾晒係啲排骨多，啲麵量又小； 賽螃蟹90蚊，但係我地覺得冇咩味，搵唔到蟹肉既足跡，份量係多不過我地覺得多數係蛋白囉，完全唔值。 對呢間真係好失望又嬲， 唔會再有下次，一味係到掛住做外賣單 ，質素勁差， 本身都幾支持呢啲小店，但係無