上海榮華川菜館

营业中

休息中

上海榮華川菜館喺瑞和街街市隔離，從內到外都散發著懷舊的味道。店內有不少老觀塘的照片，都三四十年歷史了。酸辣湯二人餐跟一湯品、兩小菜、和兩盅茶。酸辣湯超酸帶微辣，材料豐富，爽口開胃，嗜酸的朋友一定喜歡！白飯米飯煮得恰到好處，軟硬適中，用黎撈汁一流！回鍋肉香噴噴而且熱辣辣，是即叫即炒才有的效果！腩片薄而軟腍，香口惹味，而且份量頗多，夾極都有，是榮華的招牌菜之一！獅子頭另一招牌菜，獅子頭入口鬆化，蔬菜也是軟腍入味！八寶茶可以好似啲古人咁，用個杯蓋隔住黎飲，甘甜好味，足料！

我朋友食勻港九新界既上海菜，今日到他街附近，依舊他都是選擇上海菜的餐館晚餐就在這間【上海榮華菜館】落腳。因為踏入十月，預計有不少開支。他說晚餐不想消費太多，這裡剛剛好...呢一間餐館我之前好似都聽過...但係就沒有來過...它在1975年創立的，位於觀塘崇仁街街市旁，外表就像典型上海小館子的氛圍。入面...店舖好像對比其他的上海餐館都幾細，大約容納15-18個人？？。不過餐廳大唔大都唔構成任何問題。落地玻璃推門，點綴了白色門紗。綠紅紙皮石階磚，淘刷出昏黃的痕迹。我個人幾鍾意餐廳入面嘅磚牆，牆上貼住香港老照片。簡約的防火板卡位，打理方便，又保留了舊味道。仲有一張Poster似的既70年代流水瀑布燈，開店已存在，也是不能換替的寶藏。食物方面我地叫左2人餐，二人套餐有兩個選擇：🔹一個係湯一款配小菜兩款 $206🔹一個係少點一款配湯一款配小菜一款 $183小菜種類有好多有幾款我都想揀，例如回鍋肉、宮保雞丁、蒜泥白肉、九王鱔糊、酸辣土豆絲、糖醋鬼馬鯪魚球...但係因為要就翻媽媽嘅取向所以最後揀咗餐牌上印有『招』的菜色花雕醉雞同埋糖醋魚塊，呢兩個亦都係招牌菜之一。💋花雕醉雞:涼菜小吃－花雕醉雞，酒

很久沒有相約好友聚舊，所以就找了一間大家也很想去的餐廳，吃一頓簡單晚餐。上海榮華川菜館始創於1975年，一走入店內，便有一種懷舊氣氛，而這兒所提供的菜式，也十分老舊，沒有任何花巧。酸辣湯，顏色不算很紅很深色，辣度適中，材料十分充足，有豆腐乾，筍絲，冬菇絲等，又吃湯渣又飲湯，已飽了三分之一了。然後，主菜是我萬分期待的九王鱔糊。九王多，鱔絲也不少的啊。厚實爽彈的鱔絲，沒有太多碎骨，被濃芡緊緊地包裹住。醬汁雖然又黑又濃味，但仍然阻擋不了鱔肉的鮮味。時菜獅子頭，一碟有兩件，大得如拳頭般。獅子頭質地鬆軟，肥肉約佔三分一，瘦肉約佔三分二，比例得宜。它已經燜得極為軟爛，並吸收了所有湯汁的精華，不錯吃。甜品點了豆沙窩餅，一客豆沙窩餅分為六小塊，餅皮煎得金黃香脆，內裡的紅豆餡裝得滿滿，口感綿滑，大家也吃得滿足。最後，有八寶茶作結。八寶茶的材料有枸杞、桂圓、葡萄乾、紅棗、胎菊、冰糖、芝麻、茶葉等。儘管茶味不太濃烈，但那股清甜的紅棗桂圓味卻十分突出，已足夠消滯解膩。

老店是有份情懷的! 很久未有吃醉雞, 食慾來, 心血來潮食找間上海店。跟媽媽二人, 剛好來個二人餐, 兩餸一湯, 跟白飯及清甜八寶茶! 餐有許多選擇, 任你配搭! 而食物令我食得出的有健康住家味! 白飯軟熟是基本!!最愛其醉雞, 酒味香醇, 雞軟入味! 回鍋肉則炒符香, 汁濃, 送飯一流! 要欣賞餐中的青菜豆腐湯, 有白菜, 豆腐條及草菇, 吃得出的清甜! 最後, 以八寶茶畫上句號, 真的滿足! 喝著它, 有種放鬆的感覺, 看著它, 有種美麗的境象! 欣賞! 惟店員態度可以再進步, 那食的環境會更理想。

今日嚟開觀塘街市呢邊見到似曾相識，老竇以前成日帶我去食嘅老店 - 榮華川菜館。裝橫貫徹懷舊風格，店員依舊好有人情味而且佢哋會好友善咁同你介紹邊樣好食，有趣嘅係懷舊風格當中，會見到佢哋嘅生活習慣，你會見到有佢哋平時玩飛鏢嘅飛鏢靶同睇戲用嘅投影機。酸辣羹料非常豐富足料，入口酸中透辣，酸酸辣辣好開胃。糖醋魚塊糖醋魚片可謂老少咸宜，魚片去除骨刺，然後油炸再以糖醋汁拌炒，這滋味家人到現在還會懷念。魚肉鮮嫩無比，糖醋的酸度恰到好處，不會過酸或過甜，魚片嫩軟到入口即化，而且魚塊外酥內軟又無骨頭。回鍋肉切成薄片的五花肉連皮帶肉先煮再炒 ，滾燙的熱油混合著醬香和蒜香將肉香爆出，閃著紅紅油光的薄薄肉片，一口咬下，肉汁在唇齒間瀰漫，豐腴醇厚，肥而不膩。老闆娘最後送咗我哋一人一杯八寶茶，飲落清香解膩，飯後飲啱啱好。

好耐未黎過觀塘，今日因為工作需要經開觀塘，見到呢間餐廳，上網搜尋之下，發現原來非常出名，老闆娘推薦我哋食二人套餐，兩百零蚊超抵食！酸辣湯主菜之前，酸辣湯先到，編排非常好，飲咗一碗之後，因為酸酸辣辣嘅關係，令到胃口大開，更肚餓仲期待主菜嘅來臨。口水雞食口水雞當然要留意辣嘅程度啦，對於我哋嚟講，辣度剛剛好，同我平時食開嘅口水雞有少少唔同，呢款融入左川菜嘅特色，餐廳應該用咗自己嘅調味料同埋調味方法，令到雞嘅味道出晒嚟，而且肉質嫩滑，好特別！宮保雞丁呢道菜好考師傅嘅手勢，要整得好食唔易，除左炒到好香的雞之外，仲有腰果等等，餸飯一流！五寶茶落單嘅時候冇留意仲有個五寶茶，真心推薦給大家試一下，飲完之後原本有少少濟濟嘅感覺，都消失了，而且口腔裏面留有甘香，絕對係飯後必飲！

今晚約了M在觀塘食飯，佢話要帶我懷舊一番，結果帶了我來榮華川菜館，果然由門面，內裏裝修，以至菜牌也非常懷舊這種店子已買少見少，很值得去支持一下！二人套餐分2款:小菜二款加湯一款$218小菜一款加小點一款，湯一款$196今晚我們揀了$218套餐花雕醉雞~花雕酒味香濃，雞肉鮮嫩而入味！是一道我很喜愛的冷盤！雲吞雞(另加$25)~雞湯清甜無味精，加上嫩滑的雞肉和爽甜的津白，好滋味啊！雲吞的皮好薄，沒有鹼水味， 餡料是白菜豬肉，肉嫩鬆軟，頗有驚喜！九王鱔糊(另加$28)~鱔肉爽脆，配上韭黃的嫩，口感豐富， 芡汁味道濃郁，非常惹味！最後奉上八宝茶，材料有胖大海，紅棗，菊花，果皮，杞子和茶葉等，菊花味香濃，甜甜的又帶點茶香，飯後飲杯八宝茶真的很舒服呢！

知道這間有米芝連光環，很有名氣的餐廳。一直沒有機會來試，今日終於有機會！再踏足觀塘，已和上一次來的時候換了樣。來到這餐廳門前，感覺一切還是舊樣子，濃厚懷舊的感覺。推開門，好像進入了時光隧道來到八九十年代。微微昏暗的燈光，餐廳地方不大但坐滿了食客。✨銀芽鱔糊豪不吝嗇的滿滿一大碟！韮黃多到滿瀉，每一啖都食到韮黃和鱔魚。鱔魚鮮甜美味，加上秘製醬汁，吃不停口。大讚！✨砂鍋雲吞雞點了我上海菜中最愛的砂鍋雲吞雞😍 又是一個份量十足的餸菜！不像平時吃到的吃幾件雞喝幾口湯就見底😂 這鍋大大鍋，雞件大大件，雞塊嫩滑，雞湯鮮甜濃郁，雲吞皮薄餡靚，吃得過癮！大滿足✨甜品: 豆沙窩餅一咬開，外皮卜卜脆之外，裡面的豆沙一涌而上，真的不誇張，裡面的豆沙甜度剛好，份量十足，大有驚喜！推介給大家✨最後餐廳奉上一杯茶打開茶蓋看到原本這茶一點都不簡單滿滿的材料，清甜香口，清幽茶香茶香中又帶點橙香，借得細細品嚐，一大享受！不知道這茶是什麼名堂，不過我倆都大愛這杯茶。這餐驚喜又頭帶到尾，非常滿足的一餐

成日同女朋友食日本野，西餐食得多，好多時都無諗過試下其他菜，咁岩今日同女朋友去開觀塘，去完APM行完街之後又唔想食黎食去都係個d野，所以我地就走左落街四圍行下發掘下觀塘有咩好野食行到黎崇仁街，我地就比一間餐廳吸引左目光，呢間餐廳相比其他餐廳可謂毫不起眼，但正正就係佢傳統的裝潢加上低調的風格，引起了我地的好奇心，而且我地反正又好少食上海菜，所以我地就二話不說走在入去由於仲係六點幾的緣故，鋪頭入面唔算有好多人，我地就揀左卡位黎坐。咁睇下餐牌，其實都有好多選擇，睇到花多眼亂，唔係成日食上海菜的我地結果就叫左個二人套餐，包二個主菜，一種湯，同埋飯同八寶茶，都幾豐富！首先黎嘅係每次食上海菜都一定見到人叫嘅酸辣湯，份量方面每人都飲到起碼兩碗以上，至於味道方面，辣度唔算高，連我地唔係好食得辣嘅我地都接受到，而香味則十分足夠，酸辣的比例我覺得拿捏得剛好，清爽開胃，而且十分足料，啖啖湯都飲到滿滿的豆腐，木耳，椰菜等等，果然係老字號上海菜，有質素保證！到第一個主菜 - 上海回鍋肉，飢腸轆轆嘅我地見到肉類梗係唔放過佢la，雖然味餸睇落色水偏重，但食落我覺得無想像中咁油膩，亦唔會死鹹，甜甜辣辣的醬汁十分開胃，

好耐冇嚟過觀塘食嘢，今日嚟開街市呢邊見到有間似曾相識嘅老店。榮華川菜館 我細細個就已經食過😂餐廳裝橫依然貫徹懷舊風格 走香港舊風情路線 店員依舊好有人情味非常熱情！回鍋肉豬腩肉爽口唔會肥膩，而且佢嘅辣味到位，每一片菜同肉都掛上汁，好入味又好送飯~酸辣羹配料非常豐富足料，入口酸中透着辣， 辣味唔會好嗆，酸酸香香食落去口感豐富而且好開胃👍🏻糖醋魚塊酸酸甜甜嘅糖醋醬汁同炸得金黃酥脆嘅鮮嫩魚本身塊已經超搭， 而且魚塊外酥內軟又無骨頭，啱晒我地呢啲懶人食😍最後老闆娘送咗我哋一人一杯八寶茶， 飲落清香解膩而且帶點菊花同紅棗嘅微甜，飯後飲啱啱好！

平時都有行開呢頭食飯，不過就比較少來呢邊多數都係工廈嗰頭開飯居多，其實仲有D懷舊小店係度繼續經營落去，只係唔覺眼冇留意到，就今次來呢度開飯地方，小店亦都保留住幾十年集體回憶，講緊係呢間特色上海菜館，咪睇表面係咪咁様，當你入去品嚐完佢嘅美食，你就會發覺冇來錯呢度開飯，而且仲攞過米芝連指南優質食店推介，係餐牌上有咁多款上海小菜真係諗下食邊款好，最後點了兩餸一湯配埋白飯咁食至完美，既然來到上海菜館點都要飲碗酸辣湯刺激一下味蕾，一邊飲住一邊又食到各款配料酸酸辣辣咁至好味，係一個飯前必點菜式，接住特色小菜逐一出來，先有係人氣名菜回鍋肉，炒得火喉十足已聞到醬汁香味，趁熱食件半肥瘦嘅肉片入口香嫩，味道香濃夠惹味配啖白飯特別滋味，再來有時菜獅子球，大大粒肉球足料之餘，食落軟滑又鮮甜滿口肉汁口感飽滿，一輪美食後再飲杯八寶茶入口清香又清熱解毒，確係一個唔錯配搭，咁又品嚐左一餐上海美食。

星期六無無聊聊，就好想周圍睇吓，發掘吓香港另外一面。嚟到觀塘，表面工廈林立，但行入啲都會有啲好社區嘅地方。喺街市附近，就有一間好懷舊氣息嘅上海嘢我同胃民嗌咗個二人套餐，包兩個餸、一兜湯同兩碗飯大胃好酒，欽點花雕醉雞，一啖咬落去，酒味勁濃，落足料，雞肉都算滑口，有驚喜獅子頭真係真係好大粒，咬咗六啖先食得晒，仲有好多時菜喺下面墊低，唔使一味做食肉獸好大兜湯呀，入面係青菜豆腐，夠飲之餘仲夠食𠻹第一次飲八寶茶，好好飲呀，花味好豐富，最緊要係有甜味入咗嚟真係好似時光倒流咁，好鍾意咁嘅感覺

同家人行觀塘，行行吓發現有間老牌餐廳係食上海菜，家人行到攰攰地，於是入去食個晚餐。入面位唔多，坐幾枱人就滿座。同家人好好彩搵到卡位，兩個人唔使諗叫咗個二人餐，兩個小菜同一個湯。首先上枱嘅係醉雞，算幾大碟。去骨嘅醉雞第一次食，好細心。花雕酒味好濃好香，雞肉好入味，夠哂醉。之後上酸辣湯，夠酸夠辣，亦都好足料。一人飲咗三四碗，都幾大兜。另外個小菜係時菜獅子頭，獅子頭好juicy，一啲都唔乾，有驚喜。蛙蛙菜都好甜。隨餐附送兩碗白飯。最後一人一盅八寶茶，好多料，有杞子、龍眼肉、菊花、紅棗等，好甜好清香，有助消化同解膩。

有時候在街上會忽略了一些隱世小店，其中每次走過榮華川菜館都沒有嘗過，這次便進去試一試。餐廳比較少，座置也算少。是傳統九十年代中式風格。這次叫了＄206兩餸一湯的套餐，感覺非常抵食。回鍋肉，整道菜略帶點辣味，非常惹味，肉質也不錯，絕對是招牌菜。花雕醉雞，花雕強化了雞肉的質感。而份量比外面餐廳還多。粟米羹，超級大一碗，份量超級多，真材實料，每一日都有充滿了粟米蓉，可以滿足起碼四個人。八寶茶，吃完再喝一杯，感覺非常自在。

今天來到觀塘舊區，位於崇仁街一間上海飯店。一入到店來，就覺得好有懷舊嘅感覺。好有親切感，係一間上海老店。佢哋冇華麗嘅裝修，好簡單嘅裝修，好樸素，比到有一份家嘅感覺。香港依家要搵呢一種舊式嘅上海飯店，真係好少有了。餐牌上嘅食物都係一啲上海名菜，例如小籠包，獅子頭，津白，等等。。。今日我同老公就叫咗酸辣湯，獅子頭，奶油津白，同埋兩杯，八寶茶。由於本人唔食辣，老公話酸辣湯嘅味道做得非常好，酸同辣都好平均。一大碗最終我老公K.O.晒，佢一路飲。。一路話好好味😋至於獅子頭，佢嘅肉餅球做得好軟熟。而且味道唔太鹹，用嚟送飯，非常配合。天衣無縫！奶油津白到，佢嘅奶又做得好好。佢個汁唔會好淡，夠哂濃。芝士味道都幾濃。最後我哋叫咗兩杯八寶茶，上海飯店好少有八寶茶飲， 多數都係豆漿。八寶茶裏面非常足料，杯茶夠晒熱，食飽慢慢嘆返杯茶，個人都輕鬆返晒！雖然係舊飯店，但原來都可以叫外賣！剛才一路食嘅時候，都已經見到好多電單車哥哥來攞外賣！