上海榮華川菜館

营业中

休息中

最近唔知點解好鍾意食上海菜，和朋友講起，朋友介紹這間榮華上海川菜館，位於觀塘，打鐵趁熱，今晚晚餐就去食這間。門面很光亮，大大個招牌寫着川菜館，餐廳裏面是舊式茶餐廳怖局，沒有華麗的裝修，大約有七張枱，非常平民化的小店。我和朋友點了一個2人餐，熱菜可選2款，湯類一款，價錢非常實惠。第一道菜，我點了最愛的口水雞，每一間川菜館的口水雞都有佢特獨的味道，這一間果然也有他的優勝之處，口水雞醬汁做得非常香，香辣適中，配着新鮮爽口花生，份外惹味，雞肉嫩滑，冷肉配著熱油，正👍第二道，上海名菜獅子頭。有驚喜啊！豬肉打到又香又滑，肥瘦適中，軟綿綿的肉頭入口即溶一樣，一定要配白飯，獅子頭底配有時蔬。酸辣湯也是每次食上海菜是必點的，這裏的酸辣湯很多配料，味道酸辣適中，非常開胃，一個例牌，每個人大概有三小碗，份量多。最後送上八寶茶2盅，從來沒有飲過，里面有8寶，菊花，杞子，紅棗等等，好香好清甜，如果食完川菜覺得油膩，飲完這個茶真是太舒服了👍吃到滿足的晚餐，代表一天也圓滿結束了，香港這些老店越來越少，老店堅持的往往是食物的味道，食物的水準保持不變，才會吸引這麼多回頭客👍

聽朋友介紹，觀塘街市旁邊有家老字號川菜館，放工故意拐到店里吃一趟。店里的小菜選擇很多，多達三十多款，可以以七十九元作一人套餐，包含白飯及八寶茶，還可以15元港幣以小擔擔麵代替白飯。口水雞今次點了店家其中一個招牌菜-口水雞，配白飯享用。口水雞基本件人啖啖肉而無骨，雞肥膏透白，雞皮爽口，雞肉肉味濃郁。醬汁以多醋多花生為主，辣度偏低，更容易入口。小籠湯包額外點了一份小籠湯包，面皮厚度適中，湯汁豐富，肉質綿綿，油香足。八寶茶熱茶香濃微甜，內里包括紅棗、菊花、果皮等，香味四溢。

朋友想食上海菜 而且仲要指名去舊式唔係新派嘅餐廳， 咁啱今日去開觀塘諗起近街市嗰邊《榮華川菜館》～老字號店舖夠曬懷舊， 用鋁做嘅間隔門經典嘅老鋪裝潢。有各款上海家常小菜，點心，客飯套餐。這款套餐$218包括汤，自选2款小菜，白飯，八寶茶。酸辣湯沒有打芡酸辣湯比較真實， 唔會好稠， 材料足， 覺得偏酸多一點， 飲得出係山楂嘅酸味， 於一般嘅酸辣湯。時菜獅子頭獅子頭 夠大件肉質鬆軟， 夾落唔會散， 配合調教到咖啡色嘅芡汁， 時菜娃娃菜比較硬淨，可以煮腍一啲。回鍋肉做法正宗， 夠鑊氣 ，醬汁濃郁惹味仲帶甜， 腩片切得極薄極為入味，下饭極佳。最後這款八寶茶作結尾， 紅棗 杞子，菊花。。。等等， 水夠熱，焗出各款材料嘅味道， 解膩消滯。出菜很快， 客飯套餐經典實惠， 朋友都非常滿意。

自從轉工後很小再有機會吃到老上海的榮華川了，今日重臨舊地再訪這間街坊小店。筷子依舊是採用這對龍及囍字的套套著，滿滿的舊派中菜店特色今天選一客二人套餐，兩個小菜及一客湯。以前每次中午吃經濟客飯都一定選的蝦仁炒蛋，蛋炒得很滑，入口仍然有跣的感覺。蝦仁爽口而且都算多。酸辣湯的酸辣平衡恰當，而且口感剛剛好，沒有過稀或太糊狀的感覺，而且材料都特多回鍋肉是這裡的招牌，酸酸辣辣的而且惹味，加入椰菜及青紅椒更多元化。最後來一杯八寶茶，八寶茶不會過甜亦不會過淡，亦有去油膩的功用，適逢轉季入秋。入口有淡淡花香及菊花的甜味。八寶茶以茶葉及配料包菊花、紅棗、果皮、杞子等。青花蓋碗更添加中國特色。老實說這杯茶是這裡的令 L 回頭吃的原因。因為這是前上司及同隊成員為 L 加入團隊的第一餐，所以這裡的確別具意義。

觀塘一向俾人印象都係舊區，一般人去搵食可能都會喺APM附近，但可能因為咁而忽略咗唔少具有舊區特色情懷嘅小店。上海榮華川菜館就係其中一間舊區小菜館。餐廳喺小斜路位置，門面唔算輝煌，所以要識食嘅人先會特登走入嚟幫襯呢間。菜館位置唔算多，加埋大概六張枱左右，我哋早左到好彩仲有位，但一坐低冇耐已經見出邊慢慢有人排隊，後來食到一點，聽到老闆娘話要等到兩點先有位，但啲客人都照等😮😮嚟到上海菜館冇理由唔食小籠包，小籠包即叫即整，而且仲非常傳統咁用菜葉薦底，感覺更加環保👍🏻👍🏻皮唔算極薄，但勝在肉質鮮嫩，而且咬開爆汁友人話酸辣湯嘅濃度適中，係佢飲過嘅酸辣湯中數一數二好飲，而且足料，見到有好多雲耳絲，蘿蔔絲同埋豆腐絲， 兩個人每人要飲三至四小碗先可以飲晒花雕醉雞好正，食落唔算太多骨，有蔥香，而且酒嘅清香沾均每塊雞肉，但又唔會喧賓奪主，下次嚟都會再點呢道菜回鍋肉係呢度嘅招牌菜之一，用五花腩切片，豆瓣醬撲鼻，肉嫩而不膩上海菜味道比較濃，食完可能會驚口仲有一大浸味，不過喺呢度食就唔使擔心呢個問題，因為呢間菜館有樣特色茶叫八寶茶，飲一啖已可以好快解除口中嘅油膩感，而且又可以下火，八寶茶有龍眼、杞子、紅棗、菊花、

去觀塘搵朋友，佢就介紹我黎呢間上海菜館老實講𠱸是係朋友介紹又唔係住觀塘真係好難搵到呢間川菜館懷舊裝修，一睇就知做咗好多年！但店內望上去都好整潔我同友人就嗌咗個套餐回鍋肉辣辣地，肉味都幾夠，椰菜都幾爽口好大碗白飯呀！雲吞雞湯幾清甜，雞仲要係雞髀位！特別嫩滑雲吞都有幾粒！好少中午嗌湯飲，別有一番風味豆沙鍋餅食完，仲有個小食。咬落去豆沙就湧出嚟！足料，夠甜八寶茶開蓋後勁香！飲落非常潤喉！天氣咁熱飲落去感覺都好舒服

觀塘區老店有很多，今日同屋企人經開榮華上海菜館，聽到爸爸話呢間上海菜幾十年前已經食過，於是就入去回味一下！上海菜總要點返一碗酸辣湯，材料豐富，加上酸酸辣辣令人十分開胃，份量很多，而且濃度較得岩岩好！花雕醉雞，雞肉既鮮嫩又滑，酒味香濃，食落陣陣花雕酒香味道，十分有口感！回鍋肉椰菜同肉片都沾滿了香濃醬汁，有少少辣，十分醒胃。八寶茶🍵用上了菊花、杞子、果皮等，味道清香，甜甜的八寶茶剛好可以幫忙一去油膩感。最尾食埋豆沙窩餅做甜品非常滿足，份量啱啱好。

本身我自己都好少食上海菜，上海麵我就唔太喜歡食，同朋友去開觀塘行街，朋友口痕想食辣野，最好就話有酸辣野食，四川野食咁，見到前面有間冰室，以為茶餐廳，而且有人排隊等位，有人排隊一定係好食，就上前睇下食咩，原來係上海菜，都到左我們就選擇進去食喇，唔再搵其他，進到去真的和茶餐廳一樣，等左一陣就有位，2個人就叫2人餐，不用煩惱再選擇，小菜有麻婆豆腐，回鍋肉等，我地就叫左口水雞，每口都是肉，方便食用，糖醋魚，用青椒炒，香口，酸辣湯，酸酸辣辣好味，最後每人一杯8寶茶，聽講對健康好，用料多

裕民坊街上去，其實有好多隱世餐館。今日同朋友黎左榮川，街坊應該對佢好熟悉。佢既二人餐超抵食，兩餸一湯仲有茶飲，先係200蚊，經濟實惠而且好多選擇酸辣湯酸辣度適中，而且好足料。豬皮、冬菇、豆腐、肉絲、蘿蔔絲，入口啖啖食材之類，非常開胃。獅子頭豬肉味非常香，而且唔會好鬆散，入口香腍，最鍾意啖啖肉! 而且冬菇同娃娃菜都超入味!回鍋肉青椒、椰菜炒豬腩肉。腩肉夠肥美，食落超甘香! 而且青椒同椰菜勁爽口，如果怕膩可以夾住肥肉一齊食!加15蚊轉左一份擔擔麵，麻醬味道非常濃郁，麵條食落好滑，超正!最特別係佢既百寶茶，用左好多種藥材，味道甜甜，消膩健康👍

今日嚟到觀塘崇仁街15號地下， 一間上海榮華川菜館， 入到店內老闆娘很有禮貌， 店內很有懷舊古典的風味， 我叫咗一個二人餐， 宮保雞丁， 15分鐘宮保雞正來到了， 很有色彩繽紛， 味道很香，辣度有得大中小辣， 雞肉很滑， 紅椒青椒很清甜， 很有十足鑊氣， 口水雞來到了， 味道不太鹹，不油膩， 有少量蒜香味， 還有很多花生粒很香， 肉質很有口感， 粟米羹， 很清甜，入口很吸引我，打開我的胃口， 麻煩軟熟， 還有懷舊的酸梅水， 還有很古典的八寶茶， 很少地方有得飲， 八寶茶很解辣 甜度十足啱啱好。

👫同男朋友去咗觀塘，一間開咗40幾年嘅家庭式上海館食晚飯😁，餐館細細的，餐館好有懷舊風，🕢七點幾去到加上食飯時間，都要等左一陣先有位。等位期間，都見到好多人買外賣。終於有位坐，見到個餐牌花多眼亂，見到好多菜式都好想食。望望下原來有個二人套餐，好豐富😋。二人套餐包一個湯同埋兩個小菜😁，仲配上兩個白飯🍚。於是我哋就order左，招牌菜「花雕醉雞🐔」，同另一招牌菜「時菜獅子頭🦁」，食得上海野當然唔少得要配個酸辣湯啦😎。。(查實見到隔離枱嘅小菜都好想食🤦🏻‍♀️😋)，我哋仲另外order咗食上海野一定要叫嘅「上海小籠包」。🥢花雕醉雞夠晒酒味😋(而家喺出邊食嘅成日都覺得唔夠酒味👎🏼)，雞肉估唔到好滑，真係一個心機嘅小菜👍🏼。🥢時菜獅子頭😋，雖然望落係一個簡單嘅小菜，但係做到肉質不「鞋」，剛剛好就好難㗎啦，不過呢間小店居然做到👍🏼😁🥢酸辣湯，酸度辣度適中，飲完好開胃。(其實個份量仲要好大碗添呀，我自己足足飲咗四碗😁）🥢我至愛嘅上海小籠包，皮薄薄，好多肉汁😋（我想話每人兩個都唔夠喉，可惜個套餐實在太大，叫多個order又食唔晒，唯有等下次啦😁）☕️其實個套餐，仲包左每人一杯八寶茶，係我第一次飲，甜甜的，

今晚和另一半突登去觀塘舊區吃上海菜，之前觀塘朋友叫我黎試下，所以收工咪黎試下。地址唔易揾，好彩有google map🤡🤡，7點黎到上海榮華川菜館都幾多人，好彩只係等一張枱就可以入去👍🏼👍🏼和另一半點了二人餐，兩餸一湯，有飯，仲有杯八寶茶，價錢都幾抵。酸辣湯。食上海野必食，呢間既酸辣湯又唔算好辣，而且夠酸，啱我口味，飯前食夠開胃😎😎花雕醉雞。D肉好嫩，D酒好香，而且冇骨果下先正，啖啖肉，好味👍🏼👍🏼而且份量仲唔少🤩時菜獅子頭。呢個先不得了，個獅子頭夠鬆較，唔會死死實實，加上個獻汁好好味，撈飯一流😍😍另外我們加了小籠包，皮薄餡靚，充滿肉汁，又係好味👍🏼👍🏼八寶茶。食完野，最後飲杯八寶茶，完全係消濟解渴，用焗盅飲，件事真係好懷舊。總括來講，價錢唔貴，而且好味，下次會再嚟👍🏼👍🏼

我同朋友叫左二人餐有酸辣湯，我本身喜歡辣的食物，合我胃口，而且每人可以飲2碗以上，仲有口水雞，冇骨的每口都是肉，糖醋魚塊，好食甜甜的，最後當然要飲返杯八寶茶，立即精神去行街

呢間上海菜已經係香港屹立左30幾年，以前係觀塘番工lunch果陣都會黎食，不過自從離開左呢區之後已經一段日子冇黎過，今日再黎回味下，今日我地揀左二人餐，有湯、有兩款小菜、兩碗飯同兩杯八寶茶先$208.✨粟米羹材料好足夠，有大量栗米、蛋花同埋火腿碎，唔會水汪汪，又唔會杰撻撻，有成4碗咁多，飯前飯後每人各一碗😆✨宮保雞丁成碟送都好夠鑊氣，夠辣得黎仲愈食愈惹味，有埋腰果一齊炒，送飯prefect!!😋✨時菜獅子頭我認為呢款送係其中一樣上海菜嘅代表作之一，獅子頭食落好鬆軟，忟得入味而不油膩✨擔擔麵 將其中一碗飯+$15轉成擔擔麵，首先呢道嘅湯底係偏酸嘅，我都幾鍾意，因為出面食嘅擔擔麵湯底好漏，食兩啖就唔想再食，反而酸啲會冇咁漏🤩推薦✨八寶茶食完所有野後，店員會送上八寶茶，有菊花、紅棗、杞子等等組成，好清甜！為之前食口味較濃嘅上海茶解解膩😉

崇仁街有一間外表很傳統的上海菜，餐廳裝修很樸實，就像我小時候去的餐室。時菜獅子頭上海菜的代表作，獅子頭鬆軟多汁，白菜香甜，餸飯一流，怪不得是招牌菜蒜泥白肉份量不大，蒜泥香口，豬肉片爽脆，肥瘦平均，不會油膩砂鍋雲吞雞好大份，3-4人都足夠。湯頭清甜，雲吞大大粒，飲落好舒服擔擔麵微辣，花生味香濃，湯底不會太杰，比較清爽，麵質也不錯小籠包Like左Facebook 可以免費加大，好抵！小籠包新辣辣，有大量湯汁，好好味八寶茶好特別的茶，有菊花，陳皮，紅棗，胖大海等多種材料，菊花香中帶有甘甜，老闆娘還會主動refill 熱水。飯後可以這樣慢慢嘆杯茶，實在很享受！