上海弄堂菜肉餛飩 (已結業)

中菜之中上海菜算是不太油膩，亦是我最鍾愛的地方菜式。午餐去了公司附近的上海弄堂，上海錕飩是人氣之選，當然要點啦。素菜餛飩皮好薄入口滑溜，餡料頗多，每啖都有鮮甜菜蔬的味道。醉雞雞皮脆夾，皮與肉之間有一層薄薄啫喱，這就是極品的膠汁。每嚼一口，那酒香在口腔內散發，刺激到胃的深處。好味。酸辣麵酸辣湯底比較濃稠好快被麵條吸收，要快手進食。有點似食畏麵質感。辣度剛好，材料豐富。熱豆漿豆味香濃不過甜，順滑口感。整體食物水準中上，價錢適中，環境舒服，服務態度好。值得推介給同事們一起享用。還有多款午餐套餐，價錢由幾十到一百，算是抵食。

途經天樂里，被這間食店裝修氣氛吸引，佈置簡潔舒適，又帶點點懷舊味道，於是便入內光顧。點了幾様食物，先先黎個酸辣湯，一碗既份量2個人飲也可以，材料也頗豐富，帶酸也帶辣而且不會過份，餐前飲的確醒胃。香蒜小黃魚，外皮炸到金黃香脆，魚肉很嫰滑而且熱辣辣，似係即炸的，而且帶有咸味，應該用鹽醃過的，就咁食可能會覺得咸小小，但用來送麵送飯就岩岩好啦。三鮮抄麵，鍾意食趣卜卜既抄麵麵身比較幼，配上蝦肉鷄肉，特別係配有金華火腿，更添美味。小籠包，隱陣之選，一啖放哂入口湯汁豐富。最後甜品荳沙窩餅，外層香脆，入面既荳沙又香甜，很欣賞呢度既食物全部都係熱上既，唔會攤到凍哂咁，感覺很新鮮熱辣

連續三曰都係cwb食野今次想食中式野跟天樂里付近 都無咩選擇呢間上海弄堂 新開 錦就入左去喇😎入面好光猛🤗好舒服同乾淨我地一人叫左一個set $78包一款小食 一碗面/飯我地3個都叫左 醉雞錦我自己就配飯另外朋友就叫左面佢仲有得比你簡 要菜飯 定白飯菜飯仲有得簡 菜心 定白菜tim👍🏻👍🏻👍🏻而面呢 就好軟身好好味 朋友都食唔晒 份量都好夠🤗🤗隻雞黎都幾大隻 味道都幾入味既有至少一隻脾🤗🤗我地叫左三個唔同小食share 水餃 拍青瓜 同白菜😎😎都唔錯架😬😬

同事們介紹下，走去試一下。地方不算大，裝修一般，位與位之間太近了，隔離枱大聲少少都好騷擾😒叫了獅子頭及回鍋肉(份量好少啊）獅子頭不錯，內𥚃軟綿綿的。菜飯不合格，首先飯不熱、菜不香（失敗）另麵條亦不夠熱。有待改善😅

經開附近 就相陪朋友食餛飩 但意外發現到幾正既酸辣湯 本身自己對住中菜你有偏好既 所以都甚期待依間食店 酸辣湯 $30入面勁多料木耳 豆腐 菇類 湯稠度係正好 加上甘多材料係入面更顯足料抵食 但如果有啲人係吾太鐘意係多料focus主要係湯的話就會略略over左啦另外仲食左勁有地道風味既豆沙鍋餅 食落脆身 入皮不油膩 熱辣辣 豆沙量吾會好少 所以恰到好處而環境方面細細地既鋪泥講都算闊落 食物都合格以上 所以令我都幾有印象~

自從搬出來住之後，就一直很少吃住家菜。是日有朋友在灣仔附近上課，和友人見到上海弄堂，似乎是新分店。上海弄堂是一間比較老牌的上海菜，我們之前都在其他分店光顧過，走比較清新的住家路線，十分對口味，見到新分店二話不說便走進去。每人叫了個一人晚餐，區區的為醉雞配湯麵。醉雞汁充滿花雕酒香，雞肉份量不少，肉味非常濃郁，雖然雞肉還不夠嫩滑，但整體質素仍屬上品。隨餐奉上的陽春麵水準正常，湯底清甜，但麵條浸在湯一段時間都不會變得糊口，見微知著，可見此店的出品之素質。隨餐還有菜肉餛飩！白菜新鮮爽口，豬肉調味適中，肥肉不會過多，菜多肉少，清新可喜的住家風味。友人的一人餐是菜飯配紅燒茄子。菜飯的菜新鮮清爽，飯粒軟硬適中，香口而不油膩。紅燒茄子味道比較濃郁， 惹味卻不會過鹹，雖然有點油膩但配上其他相對清淡的菜式，問題不大 。可幸上海弄堂積極擴張但依舊保持高水準，而且餐廳環境舒適光猛。價錢雖然比起一般住家上海菜稍高，但是質素有保證，值得一再光顧。

今晚同朋友仔去咗灣仔買嘢，完事後當然要搵間餐廳醫下肚先返屋企啦，見上海弄堂菜肉餛飩喺灣仔開咗新分店，之前無試過其他分店，撞啱又見到，咁當然要試一下，<菜肉餛飩> $56餛飩皮厚薄適中，入面大概7成菜3成肉，咬落肉汁都幾多，味道不錯，可惜湯底是豉油加水，有點淡口<花雕醉雞> $75酒味都夠，雞肉幾滑身，唔會有太多肥膏係雞皮位<酸辣湯> $30酸度適中，但辣度都幾強，邊食邊抹汗，不過配料切得有點粗身，但味道是不錯的

灣仔天樂里有間新既上海餐廳，上網睇原來已經有好幾間分店了！樓底幾高，我好中意個吊燈呀，成個感覺好有舒服食上海野通常必食既係小籠包，但我今次無食小籠包，因為今次被另一樣野吸引左就係西洋菜餛飩($56)，個皮好滑好薄，而餡方面有好足料既西洋菜，又唔會食到肥豬肉最怕個餡有肥豬肉，所以呢個好正醉雞擔擔麵 ($75)醉雞：好香濃既花雕味，而且雞件都好滑擔擔麵：辣味同花生醬味既比例岩岩好，麵條好夠淋但又唔會一夾就斷，一啖湯一啖麵，最終連湯清哂而且份量都唔少ga脆鱔($92)甜甜地脆脆地，佐酒最好夾每一件脆膳都有拉絲，不過食多幾件之後，會覺得甜得滯，適合再多1-2個人食會好d!!! 作為小食的話$92 有點貴

最近天樂里新開左間上海弄堂菜肉餛飩，主打吃上海菜式，原來已經有多家分店。 店內環境優美，餐具乾淨企理。 菜肉餛飩（$46） 一份有8隻，配上豉油湯底清清地又唔會太過濃，配上新鮮大粒的菜肉餛飩，內餡非常足料，鮮味香。 小籠包（$35） 即叫即蒸的小籠包一份有4隻，皮薄多汁，肉質鮮嫩，入口熱燙燙的，一口一粒，非常滿足。 香煎鮮肉餃（$35） 鮮肉餃同樣是即叫即煎的，一份有4隻，底層煎得金黃微脆，兩邊雖沒有煎過，但吃上來也不會很淡，內餡鮮嫩多汁，非常滋味。 辣子雞丁（$98） 用上鮮筍和雞肉再配上辣醬炒成，惹味香口，而且不會很辣，絕對是伴飯之選。 韮王炒鱔糊（$110） 韮王炒鱔糊份量不算很大，但味道不錯！除了韮王外，還用了銀芽炒成，鱔肉鮮味厚肉，配上惹味的醬料，非常香口。 黃金排骨菜飯（$58） 黃金排骨炸得香酥脆嫩，食落味道很好，肉質不會鞋口，大人細路都一定喜歡。 花雕醉雞菜飯（$68） 醉雞的花雕味道挺為濃香，肉質嫩滑，滲透花雕的香味令雞肉更為香口，酒味更香濃。

今日去左接家姐放工，咁就諗住喺附近食埋個晚飯。見到遠處有一間連招牌招紙都仲未拆嘅鋪頭，應該係啱啱開舖。原來係食上海菜嘅地方，見到入邊都好乾淨企理，就入咗去啦。入到去之後，見到好多掛係牆度六七十年代嘅畫像 ，仲有唔少黑白照嘅風景畫，好有懷舊老香港嘅感覺！原來上海弄堂係解品嚐上海菜嘅好地方，係唔講唔知，睇到個menu先知, 又學到野啦！枱上面仲有一啲調味料，一個係辣椒漿，一個就係上海嘅醋。首先叫咗杯凍豆漿，豆漿豆味好濃，而且一啲都唔甜，應該冇落到糖，可以品嚐到豆漿嘅原汁原味。跟住叫咗個賽螃蟹，佢問我地加唔加蛋黃係面頭, 我哋冇試過加蛋黃，就試吓啦。果然更加香滑，蛋味濃郁啲。而且西蘭花得好新鮮。跟住我哋仲叫咗個一人套餐，係排骨湯麵加春卷。上海春卷入面係包住左好多黃芽白同蔬菜，味道比較爽口。而排骨炸得好香脆，係有一啲油膩感都冇。估唔到佢個湯麵咁大碗，上海湯麵味道係比較清淡，麪質亦都係比較林啲！最後叫咗半隻雲吞雞，呢度叫得上海弄堂菜肉雲吞, 當然要試吓佢哋手本名菜：菜肉雲吞啦！佢哋好細心咁幫我地分左佢，而且仲將湯渣拿出來。呢個雲吞雞份量都幾多，差唔多每碗都有四至五隻雲吞。雲吞入面以菜為主，只有少

上海弄堂，弄堂的意思原來是小巷。上海弄堂是灣仔區內一家新開張的家庭料理，主打上海雲呑，也有其他上海菜式如菜飯，飽點等。新式的裝修令人有反傳統的感覺，誰說年青人不愛吃中菜？菜肉雲呑皮薄餡靚，肉餡以多菜為主，沒有加入太多味精，可惜的是西洋菜雲吞比較特別，但已經售清了！雲呑加上清清地的高湯，不造作也不浮誇，是上海家庭的味道。男朋友小時候曾住過上海，他說這個雲吞都有九十味。擔擔麵這個擔擔麵，辣的感覺有點搶鏡，麻醬感覺也不重，麵煮得有點糊，吃不到麵條應有的質感，卻有點失色。上海烤麩男朋友說烤麩是上海人必然識做的家庭前菜，就是喜歡那份豆味香濃，配上吸收了醬汁的香菇，好食好食！雪菜咸肉炒年糕上海年糕是又一必食的小點。年糕加入雪菜咸肉炒香，清淡得來又有獲氣，雪菜映襯在白色的年糕上，好像雪地上不同的小植物。爆香過的咸肉不會過咸，令本來平平無奇的年糕增加一絲熟悉的味道，是在男朋友吃過媽媽煮的味道。獅子頭菜飯，不是熱辣辣上碟之餘，獅子頭較鬆散，感覺很肥，不是實在的感覺，失望。而且菜飯的菜粒太大，影響口感。吃過後好想去上海啊！眾多中菜中，尤愛上海菜那份香濃，又有甜味的菜式。彷彿去了一趟上海一樣！還是雲呑比較好

本來想食糯米飯，同個同事行行下見到新開又冇人等位，就入去試下，一望個還牌，套飯起標價$4x，同事選擇黃金排骨菜飯$47，我就選擇困難症發作，唔知食回鍋肉菜飯定排骨擔擔麵好，同事就提議我食後者$57，咁就要個中辣啦。菜飯咪就係菜同飯囉，冇特別。黃金掛骨同排骨擔擔麵個塊排骨都係一樣的（原來同事諗住會有唔同），所以黃金就即係炸排骨，不過唔夠金黃，而且無味，即係黏咗麵包糠既炸薄豬扒。擔擔麵咪一碗有辣味嘅麵囉，原全食唔到個種擔擔麵嘅香味同湯嘅質感。兩個餐都包一杯熱飲，我個杯雪梨蜜，有雪梨味但唔覺係蜜糖水，不過都OK的。

我喜歡食上海菜，得知上海弄堂云吞在灣仔開分店，正是在我公司的附近，慢慢行過去也只須五、六分鐘的路程。因為午飯時間都幾爆，所以放工去可以避開人潮。如果你有去過中環店，會知道那邊的格局比較簡潔。而灣仔店裝修以摩登為主調， 燈光也夠光猛。同樣以上海云吞為主打，但小菜的選擇一啲都唔小，由輕巧小菜, 點心, 燉湯等應有盡有。店員推介西洋菜餃 $58一碗八隻。餃子大小均一，餃皮厚度適中，以三菜一肉的比較非常合乎健康金字塔的建議。菜多肉小，西洋菜完全無渣，口感好滑，味道又清甜好味，唯一美中不足是配豉油汁令味道單調了。 砂窩蛋餃津白 $96蛋餃是上海人的新年意頭菜，因為它看上去像個金元寶，希望來年大家賺到盤滿砵滿啊。冬天食砂窩感覺特別好，一窩熱辣辣的食物令到立即人溫暖過來。蛋餃以雞蛋煎成蛋皮包裹著肉粒再放湯。吸收了上湯的蛋餃蛋味十分香濃，隻隻足秤。砂窩內還有津白、肉丸、粉絲等。份量足二至三人分享。食完成個人暖笠笠的感覺多好。 在餐牌上發現了一款名為 $89個名夠特別，我估計是家鄉野所以要試試。 這裡要讚是上菜快，所以唔夠十分鐘炒飯已經上枱。沾上醬油的炒飯粒粒濕潤，飽滿。有點鮑汁炒飯的影子，配以雞肉、

看完戲百無聊賴，在街上亂逛，見到這間餐廳門外放滿慶祝新開張的花籃。有下午茶餐供應，午餐質素差至心情低落的我們，看得心癢癢。以為是一間普通街邊上海菜，跟夏麵館差不多。內裡裝修得貴氣，高樓底選配的燈飾功不可沒。牆上充滿老上海特色的掛畫，無言地使氣氛變得優雅。除了下午茶餐，另有較豐富的一／二人套餐。對小吃甚有興趣，但不想吃得太飽。陳年花雕醉雞散點的例牌醉雞，甫上枱便轉來一股酒香。煮得恰到好處的雞，皮滑肉嫩，滲著重重的花雕香，很純，很濃。濃重的花雕，好吃之餘，散發著一種貴氣。香菇烤麩吸滿汁的烤麩，微韌有咬口，每下咀嚼都滲出輕甜的汁。配滑溜的冬菇、爽口的金針，做出豐富的口感。菜肉餛飩大小適中，皮薄又滑，餡把餛飩塞至脹卜卜，咬下去是清新的白菜味和清爽的索索聲。新鮮的白菜，跟豬肉比例剛好，味道很鮮，沒有味精，也沒有多餘的調味。下午茶餐只有4粒餛飩，吃完有散叫一碗的衝動。湯麵從前很怕吃上海麵，腍得入口會溶，毫無口感可言，這次反而有驚喜。腍是腍，但不過份，少少彈牙。湯很清，卻不會淡而無味。邊吃麵，邊吃餛飩，配搭一流。下午茶餐附送一杯飲品，要是一人套餐也有飲品就更佳。相比散叫，套餐幾抵食。環境靜靜的，不似

今天突然地很想吃小籠包，朋友便推薦一間在灣仔的上海菜，於是就和朋友一起來吃晚飯。剛一進入餐廳，就給人舒服的感覺。牆壁上掛了不少以前的黑白照片，十分古色古香！也有以前香港的風味。看看餐牌上，也有不少上海名菜，例如；小籠包，銀絲卷，紅燒豆腐，排骨湯麵等等...而且價錢也很公道。所以我們就叫了排骨湯麺，春卷，小籠包，雲腿蝦蛋白炒飯。小籠包 $35首先是熱辣辣的小籠包，一籠有4隻。外皮厚度適中，入面肉質十分鮮美多汁！春卷 $25這是上海春卷，由蔬菜和豬肉組成，十分香脆。而且蔬菜是黃芽白，十分爽囗。排骨湯麵 $58排骨炸得香口鬆脆，而且肉質鮮嫩。而且湯麵的面質比較幼身，很像中式拉麵，而且質地煙韌有彈性，湯底是清湯，味道比較清淡，可以吃出食物的原味。雲腿蝦蛋白炒飯 $108這個飯很香，雖然顏色不太吸引，但是味道10分不錯，有蛋白及蝦的爽口及鮮味，而且飯與飯之間還能吃得出雲腿淡淡的鹹香味，但略嫌蝦仁的份量比較少。總括而言，這裏地方坐得很舒服， 環境也比較清靜，很適合三五知己來吃飯聊天，味道也10分適合我的口味，比較清淡，也是在上海菜之中比較清淡的。價錢也十分合理，而且在灣仔區也算是十分便宜，非常值得