上海婆婆336 (iSQUARE國際廣場)

营业中

休息中

覺得呢間上海菜餐廳裝修得型格舒適，呢晚再同朋友嚟食。涼拌皮蛋豆腐皮蛋偏硬，唔夠溏心。賽螃蟹好滑，加甘粒粒毛豆增加口感，唔錯！擔擔麵湯底好香既花生味，少少辣夠哂惹味！鍾意佢既麵質硬硬地有咬口！小籠包皮薄，一咬爆汁，湯好鮮濃，正！砂鍋燉雞好清，一啲都唔油膩，雲吞皮薄餡靚，湯飲落好醒神，唔錯！生煎包好高質，底夠脆，包身軟綿，肉餡鮮味多汁，好食！最後以薑茶湯圓作結，煙韌既湯圓好好食！食左咁多樣都唔洗400，超值！

難得平日下午放假，一於去試下上海婆婆（之前未食過）。上到黎見人唔多，又剛好下午茶時間。一入坐已經倒好茶得你，一黎就揀左佢個擔擔面+紅油抄手，又想食個雞絲粉皮！結果兩個前菜食得哂，個面就因為太「漏」食唔哂...同埋愈食愈糊...口感唔好...

上海婆婆雖不是甚麼特色餐廳，但對不少人來說，卻能滿足吃頓簡單上海菜的要求。上海菜來來去去也是那些甚麼小籠包、生煎包、炒鱔糊、紅燒肉、醉雞、醬茶鴨、上海粗炒、上海炒飯。一百幾十款菜式中必能選出不少合味道的。小籠包 ($38/4pcs): 小籠包的皮厚薄適中，但又不易挾穿，肉湯足夠，餡料都是standard，整體及格。冰鎮醉黃油雞 ($85): 醉雞向來是我喜愛的菜式，雞件的酒味適中，但可更濃，雞肉雖說不上幼嫩，但不感粗糙，可以穩穩陣陣來形容此道菜。百葉結紅燒肉 ($88): 雖為甜度極高的一道菜，但吃下去不感太膩，二人也輕鬆吃光一碟。五花腩的皮有少許入口溶化的感質，另外肉質鬆軟不乾。還有便是非常香濃入味，拌飯吃是一絕。336炒飯 ($78): 坦白說，名字真的改得不好，我也蠻討厭那些跟人猜謎語的菜名，甚麼是336? 對顧客來說，沒註解is a bad customer experience......336也者即微辣的上海炒飯，醬油味道濃郁，但未及油膩，肉量雖不多，含蝦仁，但不覺得單調，反而感覺幾香口。

之前食過上海婆婆336尖沙咀及將軍澳分店，大感食物質素不錯，價錢亦不貴。今次與友人晚膳揀尖沙咀店貪其位置方便。兩人食量不大，只叫了一窩砂鍋雲吞雞加點小食。砂鍋雲吞雞有半隻雞、六粒菜肉大雲吞、一點小棠菜加幾片咸肉，雞湯味道很清鮮，雞肉嫩滑又不會過腍，菜肉雲吞很結實碩大，每人食上兩三粒都有點飽。蒜泥白肉用肥瘦相間的豬肉片捲上青瓜再淋上蒜泥，味道既清新亦惹味。336上海小籠包皮薄肉汁鮮甜，食上海菜少不了的一道菜。甜品叫了一客高力豆沙。高力豆沙外表鬆軟但挺身，香蕉豆沙比例不太多，味道唔會太甜，蛋白鬆軟有彈性，口感似食梳乎厘，很滿意的一道甜品。當晚上菜很快，初頭有點擔心係預先製作，食物溫度半冷不熱，幸好菜餚亦熱度十足。

336是什麼意思？原來是上海別墅門牌號碼 ，意指上海話 「謝謝儂」，想不到食飯都可以又上多一堂課。環境滿有高級大飯店的感覺，牆身仿照別墅洋房和舞廳等歐洲式舊建築物，異國情調十足。336上海小籠包 $38/4隻招牌人氣必試！湯汁清徹，老人家或者淡口味的人應該會挺喜歡，蘸點醋汁更突出肉餡的香味。雲吞湯拉麵 $58湯麵的口感彈牙，伴有數粒皮薄、摺位又不會太厚的雲吞，餡料添加了蔬菜，口感豐富、健康美味。黃金炒飯 $78 原本是以牛肉炒製而成，但友人因信仰問題而戒牛肉，於是點菜時也注明走肉。炒飯帶陣陣咸香，即使沒有用任何肉類也品嚐到惹味的口感。松子黃魚 $178起肉再炸得黃金色，食起來香口又脆卜卜，配上酸酸甜甜醬汁，十分開胃。除了有招牌松子，也有用青豆、菠蘿和椰果當配料，點一碗白飯或淨麵可以食光整條魚！茗茶每位$6，另有豆漿/汽水可供選擇。

別以為我只喜歡食西餐食日本料理,其實中菜也很合我的口味。就像這天,就突然非常想吃小籠包,這時想起的就是附近的上海婆婆336。雖然說每次吃上海菜點的都是那些東西,但就是這樣才能夠比較才能見真章。ISQUARE分店店面很大,空間感十足,而且形象比較新潮。雞絲粉皮,必須要說的是醬超香濃花生味,入口一刻有驚喜,粉皮晶瑩剔透,不會太淋,保持了爽口口感。小籠包,不用多說,皮薄餡靚,肉汁鮮味,一籠4粒真的吃不夠。上海炒年糕,年糕煙煙韌韌,醬汁咸中帶甜,。腿茸津白,腿茸甘香,為津白帶來咸味,津白多汁又新鮮,汁多的關係特別飽肚。最後點了個甜點,香蕉高力豆沙,熱辣辣,柔軟的外層中間包著香蕉和甜度適中的紅豆沙,齒頰留香,是大人也會喜歡的甜點。這晚把想吃的上海菜沒有遺留都吃過了,味道是上乘的,讓我感到很滿足。

今晚同朋友 isquare 睇完戲就一齊食飯，佢建議食上海野，見咁耐冇食過，而且又唔洗點等，就食下啦！先黎上海小籠包～皮薄、餡料鮮味濃郁，而包內有很多湯汁，湯汁香濃，而且很熱，唔錯！ 一人一碗薺菜豆腐魚羹～營養豐富，料多份量又多，健康之選！ 清炒白菜清淡爽口，而且汁味甘美！ 宮堡雞丁雞肉嫩滑，整得又夠辣，花生又炒得好香口！ 麻婆豆腐既豆腐完整嫩滑，而且唔會碎到一 pat 野 ～而肉碎粒粒分明、結實，仲好酥口惹味 tim！ OVERALL:味道：★★★★☆環境：★★★★★服務：★★★★☆衛生：★★★★★抵食：★★★★☆

一早已經BOOK好枱，諗住可以好順利咁入座，原來我諗多咗!已經好清楚咁同帶位既姐姐仔表示自己BOOK咗位，姓咩、幾位、電話幾號。佢CHECK完都帶我地行咗入大廳，手指指咁叫我地自己去走廊位搵返朋友，話有朋友已經攞咗枱，搵嚟搵去都搵唔到，打電話比朋友問問，原來朋友根本未到，真係比佢水咗囉!死地地又要搵返個帶位既姐姐，最終都安排咁一個比較隱蔽既卡位。佢既擺枱係咁既:冰鎮黃油雞~佢用碎冰封實咗啲雞件，這個溫度可以保持一陣子，但相對，冰一溶，就會令雞沾上既汁，變稀及淡，建議盡快食畢。小籠包~食上海嘢必點ITEM，佢都有肉汁，但皮唔算薄，整體表現OK吧!黃金炒飯~炒得夠乾身，但唔夠惹味上海炒年糕~呢個係呢餐裡面最滿意既，個茨夠、味香、軟滑，令人回味!香蕉高力豆沙~香蕉跟豆沙呢個組合我覺得麻麻地，而佢一咬落去都有標少少油，口感都唔係我鍾意既~基本上，我唔會翻叫。豆沙鍋餅~餅皮煎得幾香口，餡料都可以平均分佈，唔錯!我地4個女仔，圍返111.5一位，價錢都算合理~最後一提，上菜既姐姐似乎心情唔靚，每上一道菜都大大力咁放底，嚇死人!

好耐無食上海野 今日難得去開尖沙咀睇戲就近近地係i Square 5/F嘅嘆上海菜 其實都食過其他分店 覺得經濟又實惠 價錢合理 所以就決定食 朋友們揾位拍車 所以我同另一個朋友囉位先 帶位侍應安排夠入近窗卡位 啱晒朋友們一路食一路傾計添 四小拼開胃小食 啱晒我地小小地又食到多款式個人最鐘意 淆肉 烤麩 糖醋排骨 脆鱔 啖啖肉更係揀淆肉 好有味果凍肉 正呀 烤麩質地如麵根又吸收晒味 好入味 脆鱔就好香脆 但食唔出係鱔 糖醋排骨 做得平行味道 唔會過酸 小籠包 皮薄多湯汁 趁熱辣辣加點醋 一口一粒 成口都係湯汁同餃肉 好滿意沙鍋雲吞雞煲 湯頭好夠味色澤清 雲吞都分到每人兩粒 菜肉雲吞 大半隻肥雞 侍應分好後還送上超細心 還將雞放上碟比我地 雖然係湯渣但係唔會煲到太淋 還有少許咬口 松子魚 必食酸甜適中 皮炸到脆仆仆魚肉嫩白連酸甜汁 成條魚都起晒骨 每啖都係魚肉 配上菠蘿粒 松子 毛豆 有口感黃金粒粒炒飯 一聽都估到係用鹹香黃盅碎鹹香黃去炒 炒得香味撲鼻 還有好多蝦仁添 甜品揀左香蕉高力豆沙 4粒剛剛好每人一粒 為完美嘅一餐畫上句號

最近颱風接二連三吹襲 搞到假期安排都亂晒 唯獨是無影響到我們去i Square嘆上海野 我本人較喜愛濃味食物 所以上海菜是我之選 今晚約左朋友食餐飯原先想取消 但係敵不過喂食嘅我 如期到達 拍車係K11 行過去較近 無左中間道停車場真係好唔方便四小拼 $103餚肉 糖醋骨 烤麩 脆鱔 四樣冷小點最特別係脆鱔 做都脆而不膩 鬆化 餚肉亦好夠味 有點果凍質感滑口 但又少許鹹肉香 原鍋雲吞雞湯 $179湯底好清 菜肉雲吞吸收晒d湯 好好味連雞肉都無放過 小塘菜都軟淋 好yummy 松子黃魚 $178賣相靚 顏色橙色豔 味道酸酸甜甜開胃 加上菠蘿粒 松子 毛豆粒 每啖都食到魚肉 外脆內軟 蔥油開揚拌麵 $58帶著蔥油香 麵面還有好多蝦乾筍粒 乾蔥絲 撈埋一起同食 麵條要較用力揚開 咁先能食到每樣食材 唔錯惹味但食完有點口喝 小籠包 $38小小湯包嘅湯汁飽滿 每口都大滿足 加埋兩滴醋可減低熱度 美食之首 不過要小心燙口耶 黃金炒飯 $78炒得飯粒粒有鑊氣 唔會一舊舊 味道帶點鹹蛋黃香 食落係好多蝦仁每粒飯都佔晒黃金(鹹蛋黃碎) 好惹味 香蕉高力豆沙 $50暖暖地 軟綿綿 內餡有香蕉同豆沙 面鋪滿

返返下工突然間好想食小籠包，可惜公司附近無，一收工就約埋啲同事去isquare嘅上海婆婆，好在時間尚早，唔使等位!<蘿蔔絲拌海哲皮> $63炎炎夏日真係要食返個開胃嘅涼拌小食，蘿蔔絲酸酸甜甜咁，海哲又夠彈牙，一黎到唔夠15分鐘就俾我地KO左<薺菜豆腐魚羹> $118叫左個例牌，我地4個一人一碗左右，薺菜同豆腐都切到好細碎，連埋啲鮮魚肉碎，唔使點都可以就咁吞，難得個芡又啱啱好，唔會太稀或者太過杰，真係老少咸宜。<麻辣小籠包> $38有人話食原味小籠包太普通，係咁話要叫個特別啲，好啦見你地陪我黎，我就順下你地意叫個麻辣! 辣度好怡人，唔會搶左啲肉嘅鮮味，湯汁又多又鮮，不過就有人頂唔順係咁飲茶，但我個人食得辣就覺得好似同原味小籠包差不多<腿茸津白> $75津白用上湯煮到好入味唔會過鹹，又夠淋，我一個人都食左4，5條<毛豆肉醬辣炒年糕> $78呢款肉醬當然唔會係平時肉醬意粉果啲肉醬啦！佢係用甜豉油做嘅醬汁加肉碎，最鍾意年糕果種煙煙韌韌嘅口感，我地4個女仔都唔想食飯，嗌呢個就最perfect!<生煎鍋貼&#

完成一整天工作後，是時候輕鬆一下。這晚和朋友在尖沙咀I square看完電影後便到商場搵食。 336象徵上海的門牌號碼，諧音為上海話的「謝謝儂」。餐廳銳意做好每一道菜式，以答謝客人的支持。336上海小籠包（$38/4隻） 吃上海菜必點小籠包呢！一份四隻用小籠子呈上，夠曬熱辣。 小籠包包住的湯汁極多，肉鮮美味，輕輕沾上黑醋味道更好！🌶🥒婆婆怪味雞（$78） 聽到怪味雞，以為是「口水雞」的朋友，還以為是原件雞的，上桌時竟是一粒一粒的，朋友還疑惑是否我們點的。怪味雞用上片皮鴨醬加入青瓜、花生、雞粒撈伴而成的，入口冰涼，味道香口，愈吃愈滋味呢！蒜泥白肉（$72） 香嫩的蒜泥白肉夾著清新的青瓜，一口一件，惹味又好吃！ 排骨擔擔麵🌶（$65） 不得不提這裡得拉麵是自家手打的，拉麵幼細嫩滑。擔擔麵湯底濃厚美味，配上花生、肉碎，惹味可口。 排骨是另上的，外層香脆，內裡肉質嫩滑，非常美味！韮王炒鱔糊（$103） 炒鱔糊是我每次吃上海菜必點的菜色。鱔糊切成幼條，加入濃香的醬油調味，非常惹味，配上白飯一流！

這天帶老人家到尖沙咀，雖然只是跟他們吃晚餐，但總算讓他們到處走走！跟老人家食飯，滬菜可算是最穩陣及我最經常的選擇，畢竟中菜通常都合他們的口味。松子黃魚，酸酸甜甜，又香口，絕對是老人家摯愛的菜式，當然，我同樣十分喜歡這個菜！食上海菜一定要食小籠包。熱辣辣嘅小籠包，每隻都係要差唔多＄10，真係要好好珍惜！例牌雲吞雞，分量都算大，有肉有菜有雲吞， 又係上海菜唔能夠錯過的一個菜式。甜品有香蕉高力豆沙，軟綿綿的，很美味！

今日舊同事 聚會，當然想找可以坐得舒服啲嘅鋪頭。食飯今次我哋就選擇咗喺上海婆婆336，今日我哋大約八點鐘到，唔使等位就可以入座。座位依然都係好大 ，而且坐得舒服。今次我哋因為掛住傾計嘅關係就只係影多幾幅相，但係整體上野食都同之前食落差唔多，味道唔錯，而且最後每人都係二百蚊，都幾 抵食 。豆沙鍋餅 呢個都係我必食嘅嘢，紅豆唔算好甜而且十分 香脆 每人兩件啱啱好。呢到上海浦點會唔食小籠包呢，呢度嘅小籠包黎親這裡都係會嗌，而且價錢又唔貴。 336上海小籠包， 入面個好多湯，而且肉香，皮夠薄，好快就食完兩件。黑醋排骨 ，黑醋味道濃，排骨唔會實在好肥 ，所以食落去唔會油。小食就叫咗 四款，其中兩款就影咗，涼伴皮蛋豆腐 ，皮蛋食落去唔會有一陣益味，食落好香，配上好 滑 嘅豆腐一齊食好味道。蒜泥白肉 ，食落去都有驚喜，因為青瓜一條上，吾係切絲，所以咬落去好清新 ，仲有辣蒜蓉，味道濃郁同小小辣，比心目中好食，同事們都極力推薦依個下次都想會再去試。

今日約咗朋友出咗尖沙咀搵食，搵到一間裝修得好有上海風味嘅上海舖，入去食咗個晚飯，感覺好正。上海小籠包 : 皮薄餡靚，包著滿滿的濃湯 ; 餡料細緻嫩滑，不會食到粒粒肥肉。麻辣小籠包 : 外表分不出，只是濃湯中帶有點麻辣味。因為小籠包大小適中 ，一個一啖，會令人食過不停，不過小心熱呀!青花椒湯雲吞 : 送到上枱已經聞到濃濃的花椒香味，但食落不會辣，正宗細細粒雲吞， 吞皮又薄又滑。 蔥花薄餅 : 冇得頂有蔥嘅香味又有少少鹹味，脆卜卜，熱辣辣，不會油淋淋。生煎包 : 都做得非常好。皮薄，好新鮮， 熱辣辣 ，包底煎到脆卜卜。 排骨擔擔麵 : 湯底充滿花生味中間還夾雜著粒粒花生 ; 食過之後，口腔充滿著花生的香味，令你回味無窮。 相比之下，排骨就比較普通。砂鍋雲吞雞 : 足料湯底，又香又濃，但味濃兒而不逐。雞又嫩又滑陪埋雲吞，味道啱啱好。香蕉高力豆沙 : 甜味適中 ; 再配上熟透嘅香蕉，食嘅時候飄出陣陣香味，絕配。仲有好多嘢都想食，松子黃魚、炸脆鱔 … 下次要約多啲人一齊嚟先得。