上海婆婆336 (iSQUARE國際廣場)

营业中

休息中

今晚過咗尖沙咀iSqaure吃飯，上到6樓先決定去食上海婆婆。 在門外等咗一陣（啱啱有檯賣單）就入去。一張位於角落嘅二人木檯，檯會舖上一位位用嘅紙墊，不過可能環境較昏暗，檯面還有點油膩和食物殘渣，所以同staff講叫佢地幫忙抹抹檯，轉個頭有位staff來抹檯，但只係好求其咁拎開我面前果張紙抹下檯邊就匆匆轉身走咗，而沒有全張檯去抹⋯轉過頭問：「請問有冇濕紙巾？」，另一位staff 回應「無！」語氣好倔擂槌，可否比少少禮貌呢？我明可能人手不足，但服務態度可否好一點點？唉⋯講番食物吧！一次過點咗涼菜熱食，最快嚟到嘅係清炒時蔬嚟完個炒菜唔夠半分鐘一次過嚟咗三樣食物：小籠包、涼拌茄子和松子雞米叉子336上湯小籠包一籠有4隻涼伴茄子 - 涼伴醬調味很不錯！松子雞米叉子叉子明顯係烘得未夠火喉，食落就更夠唔得，有點軟身又唔香口一次過嚟三樣又凍又熱嘅食物，攪到都食唔切要讚一下小籠包和點心籠墊紙之間，每顆小籠包也有一片極薄的青蘿蔔片墊著不到兩分鐘大籠包同冰鎮醉雞一齊出場⋯這就是一籠一件的大籠包（還附上一支飲管）冰鎮黃油醉雞被碎冰堆疊，夠冰凍，可惜酒味被沖淡晒攤左一陣先敢將飲館插入大龍包內，以免燙襯；飲罷湯

店內裝修比較陰暗，桌子很小也擠，媽媽說感覺像坐大排擋。飽及餃子約 $30 -$50 一籠，不過份量很小，包皮好吃但只有一丁點的肉。我們一行六人吃了一千餘元也不太飽。服務一般，我們雖已訂枱，但被安排坐近門口，服務員匆匆忙忙在側以一來來往往，也不給我們加茶。有一位穿粉紅色衣的服務員上比較沒禮貌，我們說有一個位太近通道，阻到其他人行,去，問可否换一下，她只大聲說换不到，就跑開，後來有另一位穿黑衣的服務員就幫忙我們移動下桌子，避免跟通道太近!

行完誠品口痕想食下上海菜就行到去isquare 的上海婆婆336👵🏽👵🏽鋪面好大，幾寬闊，坐位都尚算舒適叫左3樣餸，主要素食為主🥦首先係鈔鍋豆腐呢個係3樣裡面最滿意既。豆腐滑，味道岩岩好。配埋飯就最好味另外叫左上海婆婆菜飯，以為係素食，點知原來有肉粒係裡面🤷🏻‍♀️無辦法了⋯加左d松子係幾香，但個人覺得個炒飯一般般，係清清地既，唔油。第三樣係雪菜炒粉皮👍🏽呢道菜又幾好食，平時食得多雞絲粉皮，炒粉皮好少食，望上去好油咁，但食落口又唔係想像中咁肥，食完又唔會濟左。可能覺得奇怪淨係食呢幾樣，其實之前食過炒膳，太油。鈔鍋雪吞雞煲，味道係幾好既，但略嫌過咸。所以今次揀d少食既餸菜試下～整體黎講，一般的餸菜最令我唔想再去既原因，係服務麻麻地，職員都無咩禮貌👎🏻

上海婆婆336唔係第一次黎食～都食過3,4次之前覺得性價比唔錯，但今次再食覺得水準下降左...每次黎都會叫ge 小籠包今次食好失望呀... 個皮好厚，入面d 湯汁唔夠多咬開之後吸唔倒汁....舊肉好似散開另外一舊野咁，煮得過熟然後個醬係冇乜薑絲.....比起其他有小籠包食嘅食肆水準真係差太多336炒飯，正正常常冇咩特別麻婆豆腐份量都幾多，越食越辣附近坐緊ge 都係外國旅客，比起之前多左遊客光顧希望可以提升返食物質素同服務態度

一向都好鍾意食上海婆婆，今日同媽咪男朋友一齊去食，媽咪好細食，男朋友減緊肥，所以都唔係叫咗好多嘢食，一個黃金炒飯，一個小籠包，一個蒜泥白肉，一個雞絲粉皮吖，最估唔到係蒜泥白肉好好食，佢個肉裏邊夾住咗舊瓜，所以唔會太過重口味，另外黃金炒飯同埋小籠包都係我嘅至愛，至於雞絲粉皮吖都好好食，但唔算好驚喜 平時耐唔耐都會去食一次上海婆婆，服務態度一般，唔算好好，如果10分嘅話我會比得6分，試過其他上海婆婆態度會比呢間好啲，唔使等位，環境坐得舒服，如果有人陪我食嘅話，我一定會叫埋佢個紅豆餅

媽咪生日帶左媽咪黎一個比較清淡既上海婆婆餐廳食飯😋比較傳統既我地叫一碗🍜，代表長壽😬雖然菜式很簡單，但媽咪都大讚湯底十分清甜，而麵都好彈牙😋仲叫左鬆子🐟，呵呵，最佳搭配，配清清淡淡既上海婆婆炒飯一流哦，其實係刻意叫上海婆婆炒飯，清清淡淡既炒飯反而有一種住家飯既感覺👍🏻同時也點一個豆腐鍋，味道也是不錯的哦😋最後當然少不了上海小籠包，必食😋熱辣辣既小籠包一啖肉一啖汁再加醋一流既搭配😆 而且非常新鮮😁有時食慣重口味都想食下清清淡淡的菜色，而是環境都不錯，有時候都可以約朋友或者同事聚餐既選擇之一.

星期六在尖沙咀行街 行完食個late lunch在isquare覓食 想坐得舒適點 又見無人等位 就決定試一試上海婆婆人數：2人用餐時間：星期六下午等候時間：/消費：共$200梳化位闊落舒適336上海小籠包（$38-4隻）食上海菜一定要叫小籠包味道正常 與其他連鎖店的出品相似不過 食小籠包始終都係喺上海佳家湯包最爽$35人仔就有一打蟹粉鮮肉小籠包⋯暫時喺香港都搵唔到一間比得上 唉～是日身體抱恙就叫一碗清清地嘅雲吞湯拉麵（$58）上海麵粗幼不一 稍欠硬度 有四隻雲吞 但雲吞皮太厚 友人點的排骨擔擔麵（$62）湯底不算辣 但沒有花生香 面條同樣是太稔最令人失望的是排骨排骨炸的時間太長 有點似在吃柴皮一樣⋯

趕時間之選！員工賣力，未夠一个鈡就話last order,見菜上完，你食完就拿拿臨話要閉單先，都未夠個半鈡😤馬上𢴇野，見你著褸就馬上叫客入坐，放新歺具😰 ，感覺去了快歺店！

早排朋友生日提出食呢間上海婆婆336，我就唔太明336係咩意思，之後睇返meun話係上海話「謝謝儂」咁解（我就認為比起個名改到幾有上海feel都好，嚟得食野最緊要係d野好唔好食囉～）因為我地人多都叫左幾多野食印象中，酸辣湯係ok嘅，不過料唔多，份量亦唔大。拼盤：個炸鱔（定脆鱔？）太硬啦，而且無咩味，食完好似食左舊脆嘅骨頭咁，肴肉同排骨都係一般般黃金蝦：呢樣幾好，食個時要小心，因為太熱，咸旦黃好香！熏蛋：味道都可以，有流心，個pat（魚子？）醬食左都唔知係咩來我就覺得食就食得飽嘅，不過感覺唔到呢間上海菜有幾上海，而且味道就一般般囉。

同朋友慶祝生日就揀咗尖沙咀”上海婆婆366”食晚飯。一行十一人被安排坐一張長枱，感覺好似開會。枱紙寫著366的由來，諧音為上海話的（謝謝儂）。人多食飯自然就叫得多，冷盤有雞絲粉皮：青瓜絲及雞絲淋上花生醬，非常清爽。四小拼：有餚肉、糖醋骨、烤麩同脆鱔，脆鱔脆而不膩。露筍炒百合 ：百合爽口，露筍清甜小籠包 皮薄多汁原鍋雲吞雞 ：熱辣辣的雞湯配上嫩滑的雞肉，大大粒雲吞及小棠菜松子黃魚 ：桂花魚炸得香脆，有粒粒的松子、菠蘿，酸酸甜甜非常開胃黃金炒飯 ： 夠鑊氣上海炒年糕 ：味道略咸甜品有香蕉高力豆沙，甜而不膩還有豆沙鍋餅

本人都幾鍾意食上海菜，成日都會去搵一啲好食嘅上海菜食。今次去到尖沙咀iSquare嘅連鎖餐廳上海婆婆。入到去環境真係非常唔錯，好坐之餘仲有得睇夜景。每次食上海菜，我都別叫擔擔麵同小籠包。呢間嘅擔擔麵我都幾滿意，花生味香濃，面質都唔算太林。但小籠包就一般，皮太薄，一夾起就穿，啲湯流晒出嚟。另外仲叫咗銀絲卷，質素非常一般。好味嘅銀絲卷，裏面應該條條分明。但呢一個銀絲卷裏面就黐埋一舊，同食饅頭冇乜分別，而且非常油膩，包中間有一浸黃色嘅油。整體而言，食物質素一般，但勝在環境好坐，適合傾計。

外國朋友遠道來了，當然要好好招待他們順道短聚啦！今晚全由姐發辦，前菜選擇了冷盤四小拼，有脆鱔、小排骨、烤麩及肴肉。當中脆鱔及肴肉較好吃。脆鱔為起骨鱔魚炸至酥脆而且不油不膩，相當甘美可口。湯凍和酥軟的豬肉在口中融化。外國朋友想一嘗四川風味，於是姐點了一個川椒辣子雞、一上菜外國朋友表示很驚訝，就像滿佈紅辣椒。雞肉沒被辣味蓋過酸辣湯的材料包括筍、冬菇、肉絲、蛋花、木耳、豆腐等。外國朋友說笑酒醉後 喝一碗酸辣湯就醒了。婆婆生煎包底脆皮薄，外層鬆軟滴湯不漏， 餡料肉味濃郁，味道帶甜。蟹粉小籠包，故名思義就是將蟹粉加入小籠包，味道鮮上加鮮。幸好姐一坐低就叫這個了，因為很快就賣光。香蕉高力豆沙餡料熱辣辣，香蕉及半溶紅豆混合得非常好味， 軟綿綿，甜甜絲。

大型商場之中，食肆林立，有時我哋會覺得好悶，感覺上食來食去都個幾間，但係今日午餐食到嘅上海婆婆，令到我同同事都覺得幾驚喜：連鎖食店也不一定沉悶乏味！作為一間上海菜，佢嘅裝修層次，真係十分之有格調，今日我哋趕住做嘢，遲咗來食飯，午市的暢旺的人潮而去，更覺逍遙自在，食肆內更覺得有空間感，坐得好舒適。皮蛋伴豆腐好開心，食品不單止美味，而且賞心悅目，令我哋忙碌之後嘅心情大好。連一𥖁咁脆弱嘅豆腐，廚師都用到精細地將佢切到一片片，又薄又細，咁看去仲好似到一本放斜左嘅書本咁。醬汁少少稠，幾甜，配上涼食的豆腐，其實幾開胃。擔擔面肉碎切得幾細！擔擔面的口感特別滑，面身幾掛湯，湯汁的濃度調得剛剛好，唔會有太厚重嘅感覺。小籠包都係高水準的表現！皮薄餡靚不用多說。紅油炒手都唔放過！個汁幾美味，係唔太辣的，最正就係上面有少少肉鬆，令到呢味紅油抄手更加惹味。酒釀小丸子令人醉倒的不是酒，而係嗰股香味，同埋口感。小丸子細細粒粒的，每一粒都煮到軟棉棉的（午市套餐只需要加＄10就有一碗，好抵食！）

本身我都係一個上海人，由細到大都會食呀嫲煮俾我地食嘅上海菜，最懷念都係佢整烤麩同埋獅子頭，咁我今日一家人再加埋我女朋友，就去試下e間咁出名嘅336啦！由於打電話去訂坐關係，去到就有位啦！張枱都坐得好鬆動，而餐廳環境都唔錯。入門口果陣，見到佢地有個時令廣告，就係江蘇大閘蟹創意蟹粉系列，咁今年未食過大閘蟹嘅我就當然要試下啦！咁之後我地就叫左好多個餸，好，而家起菜啦！首先係四喜烤麩，係冷盤之一，是以生面筋為原料，經保温、發酵、高温蒸制而成，為常見的素食食材，最主要是以生面筋，冬筍，木耳及毛豆製成，咁今次餐廳e款菜都好好味，食落去口感鬆軟而有彈性，但係感覺上除左面筋之外，其他配料都較少，眼見冬筍就只有兩舊，毛豆就係得三粒，但係整體上，食完之後都係好好味，好開胃。酸辣湯，基本上係上海菜館必備菜式，又酸又辣，其材料主要有豆干絲，木耳絲，豬肚絲，竹筍絲，加上黑醋，豆辦醬，生粉等製作而成，今次個湯食落去都好香，好足料，酸味都好夠，但係辣味就差少少，都係好開胃，而我地今次就叫左個例牌，都起碼有7-8碗，份量都夠。雪菜炒粉皮，本身其實係想叫雞絲粉皮，但係呀媽話冷盤叫一個就夠，咁就叫左e款啦，黎到之後見到個

第一次食上海婆婆336，仲攪錯呢間係第二間上海婆婆。兩個人入到去試左三樣野，1. 小食拼盆、2. 海參肉碎撈面、3. 紅油抄手。本來冇期望都唔會失望，但唔試由自可，一試真係真心覺得食物味道認真一般，不特別難食及好食。撈面係撈唔到，因為d面一堆野痴埋一齊又乾曾曾，紅油抄手係夠辣，但唔香又唔夠酸，最後既小食拼盆算唔錯，但炸曼魚太乾，食淨一半（唔想浪費隔硬迫自己要食一半）。員工招呼都好既，不停加茶比我哋。但我淨係覺得好港式既味道，如非必要，未必會再光顧。