上海婆婆336 (iSQUARE國際廣場)

营业中

休息中

如果要數好食既上海菜 呢間一定榜上有名真係好中意食佢個生煎包 皮薄餡靚咬落去又多汁 熱辣辣食真係無得彈！再黎係砂鍋雲吞雞！勁足料 大大隻雞喺入面雲吞生菜都好正 吸哂湯底既精華！最後一定要叫返個高力豆沙！糖唔會加得太多太甜！

平時都係食第二間上海連鎖店,今次第一次試上海婆婆336,首先雞絲粉皮,好濃厚既花生香,超凍上,青瓜絲都十分爽脆再上去親上海餐廳都會叫既紅油抄手,略厭味道唔夠濃,不過都皮薄大大粒賽螃蟹唔算出色,但都算有水準炒菜飯就比較清同淡味,炒到一粒粒既口感以連鎖店黎講上海婆婆都算係一個唔錯既選擇款式多價錢亦都唔算貴但座位安排就差少少迫左少少同埋會限時提你夠鐘

我有位上海嘅朋友昨晚，介紹我到尖沙咀一間上海食肆，店名叫上海婆婆食上海菜，本身佢係上海人，所以佢介紹得，相信一定唔會令我失望。首先梗係要試佢個小籠包啦 四隻$38，表皮夠薄又煙韌軟滑，只要你咬開頂部，濃湯味，香氣四溢，一片薄薄嘅包皮，盛載著滿滿嘅上湯，當你將整個湯包放落口中，嗰種質感真係冇得輸，既有濃甜上湯加上又有咬口嘅鮮味肉質，真係頂瓜瓜。一個蟹粉扒豆腐$122，時令嘅蟹粉，蟹粉味道鮮甜順滑，煮製巧手，將蟹粉提升到更高層次，優質嘅豆腐，豆味香濃滑嘟嘟，每一顆嘅豆腐刀工都完整無缺，蟹粉同豆腐嘅配搭令你食到不停口。另一個蔥爆牛肉$82，一上枱已經聞到佢鑊氣四溢，牛肉肉質嫩滑，肉汁豐富，鮮甜無比，食落口中已感覺到肉汁源源流進你的口腔，大廚 高超嘅廚藝功不可沒 。我哋點咗個甜品豆沙鍋餅$50 餅皮煎得夠鬆脆，餅皮層次頗多，豆沙蓉夠濃甜潤澤，當你一口咬落去已經好有滿足感，非一般嘅味覺充斥在口腔裏。茗茶每位$6附設加一服務

336呢間裝修有小小似官庭式既裝修,左穿右插咁既感覺...裝修算豪華, 地方大, 坐得舒服, 環境黎講算唔錯.呢道係金華火腿個類既菜, 入面係蜜汁, 配一d白包皮俾客人夾住黎食, 基本上口感黎講佢有多重變化,首先係口感上肉係小小硬身, 加左d脆皮既野, 包既皮係軟身, 咬落去感覺係唔錯,味道方面有小小過甜, 其他都係唔錯..如果配d飯既野去整淡d個甜味會更好!小籠包十分出色, 湯底好飲都好濃.... 價錢不貴, 平民價幾十蚊到, 基本上必點! 主要好食係湯底到, 外皮都好標準唔會好易穿!

放工同友人行尖沙咀，經過呢一間上海婆婆336（其實係食得多鼎x豐，想試下新野) 事源9點先去食，太肚餓，叫多左雞絲粉皮，黃金炒飯，砂鍋雲吞雞，小籠包，生煎包。上菜得好快，嗌左唔夠10分鐘就齊哂，所以先可以一張影齊哂d食物。雞絲粉皮，正正常常味道，唔算好唔算差。黃金炒飯，同上。無乜特別砂鍋雲吞雞湯，我個人認為味道好特別，唔同出面既雞湯，好濃郁既味道。一碗根本唔夠喉！小籠包，不過不失，但係價錢就幾好啦生煎包，可以放涼左，外面淋左，內面d羊肉就一般。可以一試既，都係無太大特別。總結，嗌左咁多野都係3xx，好便宜！味道又唔差，睇黎可以再去試下其他菜式。

呢晚唔係同女皇大人(媽媽)食飯，而係約左娘娘大人(契媽)食晚飯女皇同娘娘都有個共同點，都係中意食中菜多過西餐，所以呢晚就約左娘娘食上海菜要同長輩食飯，我通常都會揀啲地方裝修都好啲既，希望佢地可以坐得舒舒服服咁食呀嘛既然要請娘娘食飯，咁就當然等佢睇下想食啲咩先啦娘娘想食燻蛋，咁就一人一隻啦“魚籽煙燻蛋×2”HKd$20×2+10%之後當然唔少得黎一籠“336上海小籠包(4件)”HKd$38+10%啦雖然外皮略厚但肉汁滿滿，味道都唔錯娘娘仲嗌左碟“韭黃炒鱔糊”HKd$103+10%同“絲苗白飯”HKd$16+10%汁醬濃郁既鱔糊配上軟熟既白飯又點會唔合拍娘娘要左個白飯送鱔糊，我就嗌左條“炸金絲卷”HKd$23+10%金絲卷入面係黃色架，唔怪得係叫“金絲卷”而唔係“銀絲卷”啦炸得外脆内軟，配鱔糊咸食得，沾煉奶當甜食又得，得左想食下菜既我地仲要左碟“露筍炒百合”HKd$78+10%清清地都唔錯架，啲露筍仲好翠嫩添最後就當然小不免要食下甜品先至滿足啦娘娘呢晚就嗌左“香蕉高力豆沙(4件)”HKd$52+10%高力食落唔油膩，豆沙內餡唔會好甜，加上香甜既香蕉，味道岩岩好我地仲每人食到兩個，滿足滿足當

帶住BB出尖沙咀搵食，最緊要係搵個BB坐得方便嘅地方，要BB坐得方便，大家先有啖好食！因為上海婆婆有全張BB櫈，所以就揀左佢。開咗喺尖沙咀嘅上海婆婆，行咗高一格嘅路線。裝修、清潔同埋服務係好咗，但係食物都係嗰啲，但係價錢梗係貴一截！不過相對於尖沙咀其他餐廳來講，算係合理。秋風起，餐廳做緊蟹粉主題菜式，朋友二話不說揀咗蟹粉扒豆苗。再叫左幾個點心：小籠包、煎鍋貼、炸金絲卷，叉子燒餅同埋炸排骨擔擔面。蟹粉扒豆苗：第一啖食落去，哇鹹到呢！賣相係幾靚，條條菜都充滿油光，我只係食到「味精」嘅味道。仲要成百幾蚊，份量大約得「塞實一碗飯碗咁多」，少得可憐小籠包：都係一般水準，不過不失炸排骨擔擔麵：好似60幾蚊，一碗麵同埋塊炸豬扒，味道唔錯，價錢合理公眾假期晚飯限時個半鐘頭，要帶埋BB食飯梗係趕急，好在間餐廳根本無人排隊，變相冇限時。三個人食咗四百幾蚊，未飽架，整體來講，不過不失啦

一個紮馬尾的女服務員態度非常差，用不耐煩及不禮貌的語氣去對待客人，而且呼喝同事做事，已經不是第一次在這裏用餐被她這樣的態度招呼，雖然食物環境ok，但我來用膳不是來受氣，所以之後不會再光顧！

今日放工我和同事一起食晚飯，行經尖沙咀找上海菜館食飯，有間店名叫上海婆婆，門面非常清雅，感覺唔錯，於是我哋就入去食飯。我哋點咗一個蟹粉黃金炒飯$ 110，當店員上菜時，未行到枱邊已經聞到蟹粉飯香四溢，當放在枱上時，蟹粉飯味更加濃烈，聞到已經流曬口水好想食，你會見到每一粿飯都非常飽滿，每一飯粒好像都穿着黃金玉衣一樣，粒粒都晶瑩通透，圓潤光澤嘅飯身炒得夠爽口，蟹粉份量絕不欺場，蛋味夠香濃，調味適中，惹味非常。一客上海酸辣湯$43，湯味芬芳濃沃，酸味適中，調教得宜，辣味剛剛好，大多數人都會食得到，好滋味，材料夠豐富，肉絲好像食麵一樣咁幼細夠新鮮，筍絲夠爽脆 清甜，冬菇絲又林又滑，香氣撲鼻，還有多種材料，刀工都非常幼細，芡汁調教恰到好處。一個蒜泥白肉$72蒜味夠香濃 ，一件清甜嘅青瓜，爽脆又多汁，好有清新嘅感覺，被一片白肉包裹著，晶瑩通透嘅白肉，爽滑而不油膩，鮮甜味足，彈牙又脆口，再加上面層鋪上厚厚的蒜泥，蒜味嘅濃香，三重絕妙嘅配搭，色香味俱全，茶價每位 六元，有加一收費。

好喜歡食上海點心，是晚同朋友到了尖沙咀的上海婆婆。嘩，呢間分店好大呀，好難得有一間上海婆婆唔使等位。茶（$6/ea）坐低後店員送上餐牌同熱茶，茶夠熱，但略微茶味淡點，個人喜歡超濃茶。上海小籠包（$38）食上海野點少得小籠包，一客四粒剛剛好一人一顆，熱辣辣加上湯汁超多，好滿足呀。紅油抄手（$52）抄手都係至愛之一，鍾意佢個辣辣地又帶蒜香嘅辣油，啖啖肉個皮又滑，好味腰果雞丁（$82）濃味嘅醬汁加上香口腰果同軟滑嘅雞肉粒，易食又好下飯，正。醬燒茄子（$65）香辣軟腍的茄子，上面個肉醬有啲似麻婆豆腐味，又係好好下飯嘅一味。白飯（$16）咁多好餸梗係要叫飯送下啦，好似唔係每碗計，一個價錢任添？無詳細問，不過菜好味，飯又香，都食左幾碗飯㗎。香蕉高力豆沙（$52）食飽飽再追加一份甜品，又甜又軟滑的高力豆沙，內裏包著紅豆餡同一片香蕉，甜而不膩，正感覺非常不錯的店，想吃上海菜的時候一定會再來呢間分店。

今日和太太往尖沙咀上海婆婆336食上海菜, 我們點了豆漿, 蒜蓉炒白菜仔、海參肉碎拌面、蟹粉小籠包、上海大雲吞和酒釀丸子。；豆漿甜度適中, 飲落不會太甜；蒜蓉白菜仔上桌時熱辣辣, 白菜仔新鮮爽口, 蒜蓉惹味, 整碟蒜蓉白菜仔食落不太油膩；海參肉碎拌面海參食落彈牙, 肉碎醬汁食落開胃, 面條爽口,雞湯味道鮮甜, 惹味醒胃；蟹粉小籠包熱辣辣, 小籠包皮薄餡靚,蟹粉湯汁香濃, 肉汁鮮甜；上海大雲吞賣相色彩繽紛,好足料, 雲吞大大粒, 皮薄肉汁鮮甜, 配上蛋絲, 荷蘭豆、牙菜和蘿蔔絲除視覺上吸引外, 還能中和雲吞的肥膩, 蛋絲香滑, 荷蘭豆、牙菜和蘿蔔絲新鮮爽口, 材料豐富；酒釀丸子酒味香醇, 丸子食落清甜, 為今晚的美味上海菜劃上完美結局；餐廳上桌速度快, 食物賣相吸引, 而且美味份量十足, 餐廳環境座位舒這, 值得再來。

吃過這一頓後，上海菜在我心中的地位推高了兩位（對，我心中一直有一個ranking）其實中國如此多飲食文化，我一向是喜歡上海菜的包點和年糕，其他菜式，我是嫌有點油膩和味道太濃。上海婆婆傳統中帶twist，適合港人口味，今日一連叫了全部是我的最愛，非常滿足！雞絲粉皮，大量青瓜和雞絲，下面有爽口彈牙的粉皮，配花生醬，夏天消暑一流，前菜首選！小籠包乃上海菜名物，要有形有實卻不是易事。其實什麼皮薄涵靚是假的，我喜歡小籠包皮厚一點，盛好湯汁更重要！一啖一粒（哈哈，我口大吧？）湯汁四溢的感覺很棒！紅油抄手又是一款我最愛的小吃！上海婆婆的辣油不是一味辣，辣中帶點甜，沾抄手特別匹配，但用來送飯我自己也很喜歡（有沒有很古怪呢？）一碟六隻，抵食！大家爭扎點齊菜炒年糕還是毛豆肉碎炒年糕，最後決定試毛豆（必須說我是齊菜fan，唯有下次吧！）結果亦相當不錯，不得不說，年糕超級多超級大份量，煙刃的年糕配上清爽的毛豆仁，確是不錯，肉醬微辣，越吃越開胃（但其實很飽的！）還點了不少小菜如賽螃蟹、宮寶雞丁，全部是非常好的送飯小菜～已經很飽了，但最後忍不住點了上海特式甜品香蕉高力豆沙，個人強烈推介！豆沙涵沒有過甜，內混了香蕉

一行6人到iSquare lunch覓食，12點半好多餐廳都未full..就試下呢間啦。之前食過上海婆婆，唔知多左336係咪仲好食呢😂🐆🐆🐆🐆🐆🐆🐆🐆🐆🐆🐆🐆🐆🐆🐆🐆Lunch set 選擇多，有飯有麵。我揀左上海婆婆擔擔麵x小籠包lunch set (HK$79)湯底唔會太油膩，辣度同花生醬剛剛好，麵既份量略多，食左半碗經好飽🙈🐆🐆🐆🐆🐆🐆🐆🐆🐆🐆🐆🐆🐆🐆🐆🐆小籠包皮好薄，好易爆😂好多湯汁

這間上海菜館的環境非常舒適, 旁邊亦有一些座位是卡位, 有沙發坐, 很舒服。我和朋友叫了一些小菜例如紅油抄手、腰果雞丁、露筍炒百合等等, 和一些包點如炸金絲卷和素菜包來分享。即叫即炸的金絲卷外脆內鬆軟, 再配上煉奶, 非常好吃。腰果雞丁用的醬汁味道濃郁, 很惹味 , 腰果仍有脆脆的口感。迷你版的素菜包細細件, 不會太快填飽肚子, 所以可以再叫其他食物來試試。即叫即蒸的素菜包很軟熟, 裏面的餡料也有很多。甜品方面, 我點了一碗薑茶湯丸。薑茶的分量偏少, 由於我很喜歡薑汁味, 所以我認為這個薑味不夠重。湯圓細細粒, 裏面是芝麻餡料。

I was sat down to eat at 9:50 and I had no idea this place closed at 10. Why did they even bother giving me a table? Anyways they forced me to pay 5 mins after receiving my food because the register would close. Then asked me to leave 5 mins later. I thought this was extremely unprofessional