影片
更多
2017-08-27
340 浏览
返返下工突然間好想食小籠包，可惜公司附近無，一收工就約埋啲同事去isquare嘅上海婆婆，好在時間尚早，唔使等位!<蘿蔔絲拌海哲皮> $63炎炎夏日真係要食返個開胃嘅涼拌小食，蘿蔔絲酸酸甜甜咁，海哲又夠彈牙，一黎到唔夠15分鐘就俾我地KO左<薺菜豆腐魚羹> $118叫左個例牌，我地4個一人一碗左右，薺菜同豆腐都切到好細碎，連埋啲鮮魚肉碎，唔使點都可以就咁吞，難得個芡又啱啱好，唔會太稀或者太過杰，真係老少咸宜。<麻辣小籠包> $38有人話食原味小籠包太普通，係咁話要叫個特別啲，好啦見你地陪我黎，我就順下你地意叫個麻辣! 辣度好怡人，唔會搶左啲肉嘅鮮味，湯汁又多又鮮，不過就有人頂唔順係咁飲茶，但我個人食得辣就覺得好似同原味小籠包差不多<腿茸津白> $75津白用上湯煮到好入味唔會過鹹，又夠淋，我一個人都食左4，5條<毛豆肉醬辣炒年糕> $78呢款肉醬當然唔會係平時肉醬意粉果啲肉醬啦！佢係用甜豉油做嘅醬汁加肉碎，最鍾意年糕果種煙煙韌韌嘅口感，我地4個女仔都唔想食飯，嗌呢個就最perfect!<生煎鍋貼&#
<蘿蔔絲拌海哲皮> $63
炎炎夏日真係要食返個開胃嘅涼拌小食，蘿蔔絲酸酸甜甜咁，海哲又夠彈牙，一黎到唔夠15分鐘就俾我地KO左
<薺菜豆腐魚羹> $118
叫左個例牌，我地4個一人一碗左右，薺菜同豆腐都切到好細碎，連埋啲鮮魚肉碎，唔使點都可以就咁吞，難得個芡又啱啱好，唔會太稀或者太過杰，真係老少咸宜。
<麻辣小籠包> $38
有人話食原味小籠包太普通，係咁話要叫個特別啲，好啦見你地陪我黎，我就順下你地意叫個麻辣! 辣度好怡人，唔會搶左啲肉嘅鮮味，湯汁又多又鮮，不過就有人頂唔順係咁飲茶，但我個人食得辣就覺得好似同原味小籠包差不多
<腿茸津白> $75
津白用上湯煮到好入味唔會過鹹，又夠淋，我一個人都食左4，5條
<毛豆肉醬辣炒年糕> $78
呢款肉醬當然唔會係平時肉醬意粉果啲肉醬啦！佢係用甜豉油做嘅醬汁加肉碎，最鍾意年糕果種煙煙韌韌嘅口感，我地4個女仔都唔想食飯，嗌呢個就最perfect!
<生煎鍋貼> $38
最怕食到翻煎或者凍左嘅鍋貼，呢度嘅鍋貼係熱辣辣㗎，個皮一啲都唔黐牙，又有肉汁溜出黎，忍唔住自私食成晒碟!
<南瓜餅> $45
飯後甜品南瓜餅，個皮係用南瓜蓉猜成嘅，口感煙煙韌韌好似煎過嘅糯米糍，個餡就係豆沙，唔會太甜。
總括黎講我地4個都好滿意, 唔止食物, 環境都好好, 坐得舒服, 食飽繼續坐喺度傾計啲員工都唔會好似想趕你走, 唔錯。
张贴
