上海婆婆336 (iSQUARE國際廣場)

营业中

休息中

朋友回港，相約於尖沙咀購物食飯聚一番。朋友鍾情於上海菜，本想往鼎泰豐食小龍包，可惜不如人意，大排長龍，沒有不放棄的理由。最後轉了地方，一樣吃上海菜，但地點大不同。第一個是排骨擔擔麵，排骨炸得外面好脆，可惜肉有點乾，但肉味十足，不容忽視。麵煮得淋了點，但擔擔麵湯底花生味十足， 夠曬企食，掛晒係個面到，味道好豐富。再來婆婆生煎包，個包底煎得好香口，包皮又夠薄，餡料肉質唔錯，口質一流，完全食得出師傅人手之作。336上海小籠包來到，小籠包一籠四隻，大小剛好，一口一隻，新鮮熱辣辣，皮薄餡靚，肉汁又多，入口十分滿足。 上海醋配 薑絲，薑絲條條一樣幼，正。特色麻辣小籠包，麻辣味十足，還好不算太 辣，一口一隻，但還是傳統的較為出色。蔥花家常簿餅，本人最愛，簿餅完全唔黐牙，又香蔥味，咸咸香口，不知不覺吃了一塊又一塊。青花椒湯雲吞，普通，嗅起來很花椒，渴起來不太花椒，下次努力，但雲吞數量多， 飽肚為主。最後香蕉高力豆沙，鬆軟口感好，味道不太甜，可以一吃再吃。有機會一定再來，下次目標 砂鍋雲吞雞。

我同家人都好中意黎宜間餐廳食上海菜，價錢合理又好食！而且環境夠寬闊，坐得夠舒服！黑醋排骨酸酸甜甜，用黎拌飯食一流！黃金炒飯加有鹹蛋黃同蝦隻，飯粒炒得夠乾身，入口鹹蛋香味濃郁，非常惹味！麻婆豆腐對於吃得辣既我黎講唔算好辣！生煎包包底香脆，包身軟軟的，內裡既豬肉都好多，不會全是空氣！食上海菜點少得小籠包呢！今晚就來點新意......點選了麻辣小籠包！小籠包沒有想像中咁辣，可能我們都很吃得辣吧！輕輕一咬，小籠包裡既肉汁就爆發，非常juicy!🍌🍌🍌香蕉高力豆沙（$52）輕輕一咬濃郁既🍌散播整個口腔，豆沙香又不太甜膩，非常滿足！😋

Maybe we should have been forewarned that on a Friday night (around 8pm) there was no waiting time.The hygiene of the place was not much better than usual "cheap" street level noodle joint. The floor was very dirty and there were bits of food on the soft cushion where we sat. Although the restaurant was not crowded, they showed all incoming customers to the seats near the edge of the restaurant to give a false sense of a crowded place.The menu is quite extensive and includes plenty of appetizer,

同同事仔食飯，尖沙咀來講iSquare都係一個唔錯的選擇，因為人流相對冇咁多，好多時都可以唔使等位。今次我哋去咗上海婆婆336 , 336取其諧音上海話的謝謝濃。上海婆婆只係食過晚市，從來冇試過中午去，原來午市套餐選擇都唔少。我地點左兩客客飯，加＄15就可換一客冷盤了。冷盤涼浸浸，好醒胃。身為主角的賽螃蟹份量好夠，蛋白炒得好滑，茨汁亦恰到好處。呢個鎮江小排骨仔係同事的最愛，我見佢食親上海野都會點，酸酸甜甜咁，用嚟送飯又真係唔錯。個人中午唔係太鍾意食飯，怕飯氣攻心丫嘛！所以我點左一客擔擔麵，估唔到呢間上海婆婆的擔擔麵比起其他分店出色，麵條幼細分明，配料又多。呢度的麵條做得比較出色，口感好彈牙，有少少煙靱。我哋食完飯仲點左甜品，因為套餐除咗可以加錢佢換冷盤外，亦可以加錢換酒釀丸子。丸子的酒味非常之濃郁，相信下次來都會再點佢。

今日放假出去搵老公食lunch，近排特别鐘意食上海野去到撞正人地仲有半個鐘就落埸，拿拿淋落單同俾銭，之後可以慢慢坐既，唔洗擔心黎到梗係要叫必點既小籠包喇佢係我心目中既正宗小籠包黎架，事源係同我兒時既回憶有關既，好細個既時候我daddy第1次帶我去食上海野，我只係記得其中一樣就係小籠包，daddy教我小籠包中間空出黎既圈圈係用黎放薑同醋，之後一啖食左佢，所以我一直認定要有圈圈兼通（濃）放到醋同薑入去既先係正宗小籠包，事實係點我唔理喇出面有好多唔通（濃）既一律俾我認為唔正宗所以我真係好鐘意係度食小籠包架宜且唔會太熱辣親條脷，岩岩好，所以圖中已經即刻冇左粒先醒起要影相酸辣湯，都足料好香既黃金豆角，有啲貴，兩個人食就夠，夠人食就唔夠分喇豬扒湯麵，我個人覺得普通，主要都係老公食其實我仲叫左個咸湯圓，不過冇影到，食落都係普通

琴日响isquare睇完戲，近近地見唔使排隊就入去上海婆婆食晚餐，上海野最易諗食咩，我地就叫呢幾樣....336上海小籠包一籠4隻熱辣辣上枱，店員仲細心問要唔要開左個蒸籠蓋，因為趁熱先最好食，一咬d肉汁標晒出來，肉夠入味。酸辣湯經常飲酸辣湯都係酸多過辣，呢度個湯酸辣平均好好飲，位上既一人份量根本就夠晒兩三個人飲涼拌皮蛋豆腐賣相唔算好靚，加左秘製醬汁豉油，食落超級滑，豆腐切到薄薄既一片片，我就話用機器切，忍不住問店員原來係人手切架，刀功超勁！黃金四季豆黃金原來係咸蛋黃，炒埋四季豆，又幾Match喎！336炒飯睇落普通炒飯，食落入面有蝦有辣椒又幾惹味喔！同埋好大碟，夠四個人食添呀！豆沙鍋餅甜品一定唔小得啦，又脆又香口，豆沙唔太甜，好好味。

朋友約在尖沙咀交收禮物，天氣炎熱，我提議去iSquare，主要是因為坐地鐵過海可以由地鐵站直上😝不愛食西餐的朋友提議到這裡食上海嘢。我們被安排坐卡位，坐得舒服。很喜歡這類食中菜但西式環境的餐廳，最啱同朋友聚會談天！好彩我們早一步到，入座後一陣就見到「全院滿座」了。為了遷就聲稱要食少d肉的這個朋友，我先點了素菜蒸餃。餃子皮薄軟熟，好味。得三隻，兩個人不能平均分😂點了煙燻小黃魚，見餐牌寫$48一條，以為很細條，誰不知都幾大條，有濃濃的煙燻味，肉質嫩滑。朋友鐘意食豆腐，點了沙鍋煸尖豆腐，豆腐很滑，很惹味，加上冬菇及煸荀，其實佐白飯一流，但因為我們還點了年糕作主食，也就淨食餸了😋要極𤶸推薦的是松子雞米义子燒餅，一來我對义子燒餅情有獨鍾，二來是這裡的义子跟肉末是不用分開點的，松子份量多，用雞肉代替豬肉感覺白肉較為健康。炒年糕的份量很大，雖然看來很深色，味道很濃但其實一點也不咸，調味很好，但由於比想像中大碟，結果就打包了。更要讚的是，店員的服務一流，我們談心時不停為我們添加熱茶。

已經唔係第一次光顧上海婆婆，但今次係去位於尖沙咀I square 嘅分店，餐廳大至上嘅裝飾格局都同荃灣差唔多，但入座空間尖沙咀就比較大，可以容納更多客人。而今次同上次所點嘅菜色都有啲出入因為想試盡全個餐牌四小拼(脆鱔，小排骨，烤麩，脊)四款都係凍食，各有特色，但個人就比較喜歡脆鱔，鱔肉香脆外層被蜜汁包圍住，好野味不可不點336上海小籠包，皮也算薄，而且入裹多汁，如果上菜時温度再熱啲，感覺會更好。京葱手切牛肉包，就如生煎包，餡料多，手切牛肉增加口感，味道也不錯熱烈推介冰鎮醉黃油雞，將紹酒汁雪成冰再刨碎消暑至作，加上師傅選用黃油雞，令雞味更濃，肉質嫩滑椒鹽小黃魚，魚比較細小，而且肉質較乾，有少許失望香蕉高力豆沙，與沙翁相比呢款甜品無咁油膩亦無咁甜，而且口感更顯棉密，好有滿足感

中午時間很多上班族在iSquare吃飯，難得這間餐廳很多位置，不用等，便選擇了。午餐的客飯和麵餐很抵，可另加小籠包、豆漿、酸辣湯等。我點了擔擔麵，樣子很辣，吃起來不是很辣，個人喜歡濃一點的花生味，這裡的較少花生味，不過都幾惹味。 午餐加這個小籠包很抵，四隻剛剛好，很夠熱，裡面有湯，很好吃。另外加了個酸辣湯，正正常常，沒什麼特別。另外單點了一個干扁四季豆，很油，不過四季豆油泡都係正常嘅，但如果少油些就更好。另外服務都不錯，侍應很快手，食物也很快到，埋單又快。

作為一個熱愛中菜又唔揀飲擇食既人，今日約左朋友係尖沙咀isquare食個quick dinner。因為好耐無食過小籠包，所以就揀左上海婆婆360 。店面十分大，8點左右去到已經等緊位了，但等左1張枱之後就入座了。上海婆婆就聽得多了，但點解呢間叫360呢？原來係有由來既，336謝謝儂！呢張比較少人留意既餐紙都好多歷史同小知識架，等菜個陣可以睇下。一坐低飲返啖熱茶先，記得以前細細個都唔鍾意飲茶，但人大個之後就會識去品嚐茶既苦澀。位於旺區高級商場，但價錢都算正常，難怪甘多人肯等。見到餐牌有款好特別既麻辣小籠包，甘岩我又想食小籠包，又鍾意食辣，所以毫不猶豫就點左了。上菜速度都算快，雖然睇落好似同一般小籠包無咩分別，但睇真d會睇到白色既外皮帶有少少紅色。好期待到底有幾麻有幾辣。我慣左食小籠包會咩都唔點試左原本既湯汁先，一吉穿湯包，見到麻辣湯汁偏淺色，只有少許辣油，並唔覺得會好辣。食落口感覺唔到有麻既感覺，好似係沾左辣油一樣，並無特別。黃金四季豆，故名思義就係用咸蛋黃炒既四季豆。我覺得無論係咩食材，只要用咸蛋黃煮一定唔會難食。更難得係呢碟四季豆十分嫩，完全唔會有渣，一直食唔停口。雖然膽固醇好高，但

行開尖沙咀又差唔多到晚飯時間突然好想食上海野就嚟咗呢度haha呢度環境唔錯坐得都算寬敞 2個人夾埋叫左4樣野第一樣係婆婆生煎包佢個包皮都算煎得幾香脆不過就冇我想像中咁爆肉汁 有小小失望 不過都唔算差第2樣係婆婆擔擔麵湯底夠辣不過就唔算好重花生味佢啲麵幼細係我鍾意嘅質感同埋都幾香 第三樣係上海酸辣湯(一人份)呢個酸辣湯係我男朋友好想飲所以過左 佢話好鍾意 不過我就覺得太辣我食唔到 鍾意食辣嘅朋友不妨試吓最後一樣係上海炒年糕我最鍾意食呢一樣年糕夠彈牙唔會話煮得太軟好似食米漿咁 好有咬口又入味 而且配料都唔少 我食到都幾多肉絲 因為食唔晒啲年糕所以外賣左翻屋企 第二日叮返熟嚟食 都仲係好好味

星期六朝早，因為趕時間但得泥間餐廳開咗，所以入去試下。叫咗豬排拉麵，豬排炸太奈，好硬好乾又深色，食到好似食緊豬肉乾甘，食咗一塊就唔想再食。湯底幾好飲，但麵就唔夠滑。另外，服務員態度差，黑曬面甘。急急食完就走咗，坐多陣都唔想，以後唔會再黎，好失望。

放工餓到傻，突然好想食上海嘢，即刻嚟咗呢間。之前已經嚟過食，價錢合理，嘢食份量ok，味道都唔錯😁😁三個人叫到成枱嘢食，小籠包係必點，好正，如果肉汁再多啲會更好。叫埋三絲粉皮，紅油抄手，蒜泥白肉，擔擔麵，津白，全部都係好好味，完全係無停口食。我地叫擔擔麵剪麵，上菜個刻無剪到，叫啲職員都好快入廚房剪番。太耐無食上海嘢，加上太餓，成餐飯都係滿意，辣度適中，好開胃，而且煮得應「淋」得「淋」，而且拎起小籠包唔會太爛，鎖得住肉汁。自從有上海婆婆，已經無幫襯另外嘅鋪頭，地段方便，性價比高，我地叫埋豆莎鍋貼，都係167一個人，好抵食！

買咗飛今晚要睇戲，所以就喺附近都完成我哋嘅晚餐書，決定喺iSquare裏面速戰速決😂😂😂最後決定去裝修別有懷舊特色上海婆婆336😋😋😋聽日到去就即刻叫嘢食啦，上菜速度都幾快👍🏻👍🏻👍🏻上海小籠包推介:🌕🌕🌕🌕🌑係即叫即做嘅，上枱啦！打開蒸籠嘩！啲蒸氣跑岀黎😂小籠包新鮮滾熱辣👍🏻唔夠膽一啖咬落😂😂😂細細啖驚辣親個咀😗😗好鮮甜呀啲肉味🤤🤤🤤奶油津白推介:🌕🌕🌕🌗🌑津白煮得好林，食落去唔會有渣，幾甜！份量都幾多下排骨擔擔麵推介:🌕🌕🌕🌑🌑味道不過不失分量十足，排骨其實有啲似豬扒🤔🤔🤔，都幾好肉😂😂😂兩個人帶咗三樣嘢，都幾飽！上海菜可以來，講上海婆婆算係咁水準都唔錯，環境舒適坐嘅位置都比較闊落，可以再黎😗😗😗

又去位於ISQUARE的上海婆婆336吃晚飯了,由於一早訂了檯,所以不用等位, 不過其實7點前去到基本上都不用等位的,但限時個半鐘用餐時間。侍應很快便放下餐牌和茶, 我們商量好吃什麼後,侍應都很快幫我們下單。首先上菜的是生煎包, 包內肉餡較少,味道也只是一般, 肉汁也不見特別多,但不會太咸。之後侍應同時端上兩款冰涼前菜--雞絲粉皮和蒜泥白肉。雞絲粉皮不過不失,略嫌芝麻醬不夠多, 不是所有粉皮都沾到醬,沾不到的吃下去有一點點腥味。至於蒜泥白肉呢, 就不太推介了, 用白肉捲著青瓜原意應該是想吃下去有點清新感覺,不會太過重口味, 可是這次的青瓜實在太過冰凍了,而且青瓜的份量比起白肉有點多,搶了主角的風頭, 比較像在吃蒜泥青瓜。小籠包一份四個, 每個小籠包底下都墊著一小片蘿白,挺貼心的,小籠包的皮不會太薄以致一夾就穿, 味道也不錯。之後是每次必點的醃篤鮮湯, 湯料包括筍、小唐菜、乾豆腐和中式火腿, 味道鮮, 未試過的絕對值得一試。最後是上海炒年糕, 年糕偏軟身,伴有白菜仔, 還有另一種蔬菜絲, 整體味道夠濃, 不會過油。