上海婆婆 (黃大仙中心北館)

营业中

休息中

好耐冇食上海婆婆，今日同FD行黃大仙，咁encore啦。哩間分店都裝修得唔錯，古香古色。川渝小籠包，好有特色嘅小籠包。小籠包係紅白色皮，皮薄湯汁多。食落肉香四溢，湯汁微帶辣味。如果再點埋醋，更加可以食出肉餡鮮甜味。江南小排骨，排骨斬細件，先煎炒再落入糖醋汁。排骨肉厚飽滿，糖醋汁酸甜可口，開胃菜來講唔錯。外婆紅燒肉，唔單落入五花肉，還會加埋板栗，豆腐結等一齊烹飪。味道偏上海家常菜做法，醬香濃郁偏甜少少。五花肉糖色炒得唔錯，食落肉嫩入口即化，肥膏部分也唔會覺得滯。酸菜福花菜炒牛仔肉，哩碟餸炒得好有鑊氣。大火爆炒帶出油脂香味，福菜花香脆帶有肉香。牛仔肉厚切，入口軟嫩唔覺得un。砂鍋醃篤鮮，這品湯最啱春天飲。用咗新鮮春筍落入高湯燉煮，再用少少火腿調味。湯底奶白清澈，飲落鮮甜有回甘。春筍脆爽可口，火腿鹹香惹味，全部食曬TIM。

黃大仙中心真係好多嘢食，無論南定北，今日就食咗位於地下嘅一間上海野✨陳年花雕雞今次叫咗一個例牌，雞肉雖然冰凍，但係非常嫩滑，仲要端上雞髀肉嘅位置，酒香唔算太重身，不過都已經滲透咗喺雞肉裏面，好食～✨上海小籠包食得上海菜又點少得小籠包，小籠包外皮好薄，裏面肉汁滿瀉，絕對係必嘅點心之一。✨松子魚擺盤好靚，而且面頭灑滿香脆的松子粒粒，炸粉唔會太多，保持到魚肉本身嘅嫩身。整體嘅味道唔會太鹹！推薦！✨美極油爆蝦真係爆到好香脆，美極豉油勁滋味連個蝦殼都可以食到！！！✨擔擔麵一上台就好有食慾，色香味俱全，最鍾意當然係佢無窮盡嘅花生粒粒，湯底好濃稠！

同屋企人去咗黃大仙行下，行到黃大仙中心北館，見到呢間上海菜，決定入去試下！佢哋嘅菜單好齊全，選擇非常多，我哋揀咗以下幾款trytry上海小籠包皮薄餡靚，一籠有四件，即叫即蒸，肉餡調味唔錯，入面超多湯汁，湯汁鮮甜！蘿蔔絲餡餅，外皮煎得香脆，包住滿滿嘅蘿蔔絲，帶有微微嘅甜味，口感豐富又有層次。 韮黃炒鱔糊炒得又滑又入味，入口濃香惹味，黃鱔腍中帶爽，份量都幾多，配埋清甜嘅韮黃，唔錯！松子雞米配叉子，雞肉粒炒得香口，配上香脆嘅松子，附上既叉子係一個酥餅盒子，可以放松子雞米入去一齊食，味道惹味仲揀左甜品高力豆沙，經典嘅滬式甜品，外層係鬆軟嘅蛋白，內裏包住香甜嘅豆沙餡，入口鬆化又唔會太甜，係完美嘅餐後甜品👍🏻

生日飯停不了， 今天來到黃大仙中心的上海婆婆食晚飯。沒有訂座的情況下， 等了一陣子就能入座， 而且是梳化座位， 舒適整理， 半開放式設計， 不局促但同樣沒什麼私密度了， 有點嘈，枱與枱之間都好近， 似搭枱一樣。 清炒河蝦仁（$148）爽口，都鮮嫩， 不過黑黑蝦腸真係好倒胃。。宮廷炒飯（$108） ：鮑魚雞粒蝦仁好咸， 鮑魚2隻， 夠味， 用料都好足。兒童餐： 北京炸醬面， 睇落好乾， 但阿女完全吃完。生煎包， 素菜包 個包好乾吃開有粉末的。 酒釀丸子， 擂沙湯圓都係芝麻餡料。550元結賬。

好耐之前同朋友食過尖沙咀嘅分店，今日去開黃大仙，依家上海婆婆空間咁大，座位亦都更為寬敞，以下係今日嗌咗嘅菜式。酸菜福花菜炒牛仔肉：配合咗酸菜嘅融合，整體非常之開胃，椰菜花亦都炒得爽口，牛仔肉好淋身。婆婆粒粒炒飯：一上枱就香氣撲鼻人，特別係臘腸嘅香氣真係特別吸引，米飯粒粒分明，食碗炒飯落肚令人感到飽足～蘿蔔絲酥餡餅：煎得金黃，外皮酥脆，餡料嘅蘿蔔絲清甜，令人垂涎三尺。松子魚：成個氣派真係非同凡響，原條而上自己切開魚肉，外皮都炸得幾酥脆，加上酸酸甜甜醬汁亦特別開胃！

今日同朋友一齊去咗黃大仙中心北館嘅上海婆婆食晚飯，由港鐵站行過嚟淨係需要一分鐘，超級方便！我哋四個人叫咗個「歡聚四人餐」，樣樣都幾抵食。首先上場嘅係江南三小拼，佢哋嘅前菜拼盤擺得好靚，有醉雞、五香牛肉同醬肉，每樣都夠入味，特別係醉雞，酒香十足又唔會太濃烈。跟住上嘅上海小籠包絕對係必食，皮薄多汁，一啖咬落去湯汁就流出嚟，記得要小心食啊！佢哋嘅砂鍋雲吞雞湯都好正，湯底清甜，雲吞皮薄餡靚，雞肉嫩滑，好夠暖胃。松子大黃魚係我哋嘅最愛，魚肉香口之餘，個甜酸醬汁配埋啲松子都好特別，有脆口又有滑嘅口感。椰菜回鍋肉就帶少少辣，但啲肉唔會太肥膩，配埋清脆嘅椰菜，好爽口！甜品方面，我哋試咗高力豆沙（就係粉雪包），外皮鬆軟，入面嘅豆沙餡香甜唔會太膩，配埋啲糖粉，好好食！最後仲叫咗黑糖冰粉，加咗芋圓同蜜豆，夏日解暑一流！整體黎講，上海婆婆嘅出品水準穩定，價錢又合理，環境又舒適，裝修都幾有格調，啲座位舒服，非常適合親朋聚會。如果你想食正宗上海菜，呢間真係值得一試！

滋味抵食上海菜 黃大仙中心餐廳選擇都幾多，不過講起想食上海菜同小籠包一定會諗到上海婆婆。環境闊落之餘，食物選擇又豐富，最緊要係抵食！上海小籠包、銀絲卷⭐️點可以唔食嘅點心小食。皮薄多汁，肉質鮮嫩，juicy 又熱辣辣，食夠兩籠都得！而銀絲卷感覺同炸饅頭都幾似，配煉奶一流！砂窩雲吞雞⭐️ 超級足料。大大份雞肉配撘蔬菜、雲吞。連埋湯，又暖又營養。蟹粉扒豆苗⭐️蟹粉超鮮甜，襯埋時令爽脆豆苗。味道亦唔會好重，送飲一流～婆婆粒粒炒飯⭐️飯粒粒粒分明，沾滿惹味醬油。啖啖飯都香氣十足！

**川辣水煮嫩牛肉 ($158)** 是店內的招牌菜，一上桌便香氣撲鼻。紅彤彤的湯底上鋪滿了嫩滑的牛肉片，搭配豆芽、木耳等配菜，視覺上十分誘人。牛肉片切得薄厚適中，入口即化，辣度適中，麻香十足，讓人一口接一口停不下來。湯底濃郁鮮香，拌飯吃簡直是絕配。 **蔥花家常薄餅 ($65)** 外皮酥脆，內裡柔軟，蔥香濃郁。切成八件後方便分享，蘸上店家特製的醬料，味道更上一層樓。 **蒸銀絲卷 ($32)** 和 **一口小饅頭 ($18)** 作為主食也是不錯的選擇。銀絲卷鬆軟香甜，一口小饅頭則小巧可愛，蒸製的版本更顯清淡健康。 最後，我們還點了一份 **腰果雞丁**，雞肉鮮嫩多汁，腰果香脆可口，搭配青椒和洋蔥，口感豐富，營養均衡。

上海婆婆細嗰成日食，大咗食返好有童年回憶，嘢食都好大眾化，而家仲好多分店🥢桂花蜜汁火方以前第一次食呢款就好鐘意，有一塊包夾住蜜汁火腿、炸過嘅腐皮、青瓜一齊食，口感爽脆味道帶點鹹香，好有層次🥢上海小籠包一籠四粒，餡料多，有湯汁🥢炸銀絲卷外面炸到金黃，入面一絲絲，沾上練奶好食🥢上海大雲吞雲吞真係幾大粒，皮都好多🥢排骨擔擔麵（小辣）排骨好大塊，肉質幾稔，有香酥感🥢擂沙湯圓軟熟煙韌，餡料好食🚩上海婆婆 (黃大仙中心北館) (黃大仙)📍黃大仙龍翔道136號黃大仙中心北館地下低層LG05號舖

「上海婆婆」是一間以上海菜為主的餐廳，其親民的價格及多樣化菜式，吸引了不少客人來光顧。😋是日選擇：1️⃣川渝小籠包🍽小籠包內餡多汁，肉餡的調味帶點辣，令味道香濃，更可刺激味蕾。2️⃣雪菜魚羮🍽魚肉令魚羮味道鮮美，加入雪菜，帶來了清新感。3️⃣燻香樟茶鴨 (半隻)🍽陣陣香氣，鴨肉外皮酥脆，仍可保持肉質鮮嫩，每一口都充滿了風味。4️⃣紅糖糍粑🍽糍粑的色澤金黃，紅糖的甜味，製造出一種甜美感，但又不會過於甜膩。5️⃣高力豆沙🍽內餡以紅豆為主，細膩順滑，與外皮的酥脆形成了鮮明的對比。

上海婆婆作為我食上海菜嘅愛店之一，今次返去又解鎖左新菜式🤤川辣肉末炒薯粉一如既往，超級大碟，上菜速度神速！味道甜甜辣辣，薯粉煙靭，令人上癮！砂鍋粉皮魚頭湯諗咗好耐要呢個定砂鍋雲吞雞，最後揀咗佢因為實屬比較少見。湯頭呈奶白色，非常香濃。魚肉嫩滑，仲有豆腐、白菜、香菇做配料。酒釀湯圓甜品都係忍唔住叫返。四粒迷你芝麻湯圓配甜甜酒釀糖水，但係記得要叫佢後上，咁就唔會凍晒🫣魚籽醬燻蛋（1隻）茶燻味濃烈，配合鹹鹹香香魚子醬同糖心蛋黃，好特別。最後當然必點小籠包啦～

環境大得黎又幾好坐 大部份仲係卡位添不過我地坐多陣就好快坐滿晒朋友話呢間長期都咁多人食有位真係算好好彩😆 ▪️生煎包 (3個)包底煎到金黃色好脆口 入面肉餡鮮嫩多汁 帶少少甜味同蔥香包身亦夠軟熟 口感層次好豐富▪️一口小饅頭 (炸) (3個)炸饅頭外皮好脆口 入面依然鬆軟，點煉乳食真係不得了最鐘意佢細細粒 唔會好漏▪️干貝膏螃蟹蟹肉鮮甜 口感滑嫩 用黎撈飯真係一流▪️蝦籽鍋塔豆腐豆腐外皮煎到微脆入面保持滑嫩 蝦籽嘅鹹香同豆腐嘅清淡好夾▪️宮廷炒飯 (鮑魚雞粒蝦仁)炒飯粒粒分明，口感鬆軟又有鑊氣而配料方面都好足料 鮑魚、雞粒同蝦仁嘅配搭令到成碟飯鮮味十足，味道濃郁又唔油膩▪️紅糖糍粑外皮脆口入面軟糯，糍粑嘅煙韌同紅糖嘅濃郁好夾小朋友好鐘意食▪️黃金四季豆朋友強丁烈推介既一道菜式四季豆炸到外脆內嫩 被重重既鹹蛋黃包裹住 口感爽脆而鹹蛋黃嘅沙沙質感同四季豆嘅清爽形成對比

喺黃大仙食飯 平靚正係首選 但又希望坐得舒舒服服 所以決定去「上海婆婆」-🎋油炆竹筍先嚟一個我嘅all-time-favourite小食😉 炆荀清爽 充滿麻油香 淨食配麵白飯都good-🐔花雕醉雞醉雞屬於冷盤 不過我鍾意將佢當餸食 索性叫半隻 雞皮有油光 髀肉🍗肥大飽滿 花雕酒醃雞後味道唔濃 有淡淡酒香-🍤芥末蝦球拼琥珀合桃蝦球大隻 爽口彈牙 芥末蛋醬嗰種既甘辛又滑溜嘅味道 令我食完一隻 好自然咁接住食😅-🍜嫩雞煨麵

上海婆婆價錢一向親民，份量味道亦不俗，久不久就會前來光顧。黃大仙中心的上海婆婆就在正門入口位置，非常方便，人客亦不少。蠔油炆小竹筍油炆筍屬上海菜中最愛的冷盤菜式，竹荀有粗有幼，不過都同樣爽口細嫩。小黃瓜拌海蜇海蜇冰凍爽脆，拌上同樣爽脆的小黃瓜十分開胃。美極油爆蝦油爆蝦一數有十二隻之多，蝦炸好後外脆內嫩，蝦殼鬆脆，若即若離，入口一觸即脫。砂鍋花膠雲吞雞砂鍋花膠雲吞雞有小鍋份量，有三粒菜肉大雲吞，花膠、雞件、紹菜及鹹肉，湯料很足。雞湯非常熱辣，味道濃香鮮鮮，菜肉雲吞很結實碩大。

同幾個朋友食飯聚聚，估唔到「上海婆婆」咁抵食。叫到成台都係人均先200頭左右！味道仲要唔錯，大家都滿意！先嚟份上海小籠包 ($45/4件)，小籠包皮薄多汁，叫左兩籠先夠喉！炸銀絲卷 ($32)幾特別，有啲似炸饅頭，入面有一絲絲口感，加煉奶好夾。到主菜部份，燻香樟茶鴨 ($148／半隻)好香口，鴨肉充滿燻香，咸咸地配饅頭食都唔錯。砂鍋雲吞雞 ($102/細) 呢個份量4人啱啱好，有大大粒雲吞、雞肉、白菜，好足料。蟹粉扒豆苗 ($138) 超多蟹粉好鮮甜，豆苗爽脆。蔥爆牛仔肉 ($92)味道偏濃，送飯一流。腿蓉奶湯津白 ($85)好清甜且份量好多。最後主食叫咗婆婆粒粒炒飯 ($82)及雪菜肉絲炒年糕 ($82)。炒飯用醬油炒下味道偏濃，不過都屬於可接受範圍。反之雪菜肉絲炒年糕相對清淡，雪菜吊味啱啱好，年糕好煙韌。食到咁連加一，每人先二百蚊。性價比好高！