上海婆婆 (黃大仙中心北館)

营业中

休息中

同幾個朋友食飯聚聚，估唔到「上海婆婆」咁抵食。叫到成台都係人均先200頭左右！味道仲要唔錯，大家都滿意！先嚟份上海小籠包 ($45/4件)，小籠包皮薄多汁，叫左兩籠先夠喉！炸銀絲卷 ($32)幾特別，有啲似炸饅頭，入面有一絲絲口感，加煉奶好夾。到主菜部份，燻香樟茶鴨 ($148／半隻)好香口，鴨肉充滿燻香，咸咸地配饅頭食都唔錯。砂鍋雲吞雞 ($102/細) 呢個份量4人啱啱好，有大大粒雲吞、雞肉、白菜，好足料。蟹粉扒豆苗 ($138) 超多蟹粉好鮮甜，豆苗爽脆。蔥爆牛仔肉 ($92)味道偏濃，送飯一流。腿蓉奶湯津白 ($85)好清甜且份量好多。最後主食叫咗婆婆粒粒炒飯 ($82)及雪菜肉絲炒年糕 ($82)。炒飯用醬油炒下味道偏濃，不過都屬於可接受範圍。反之雪菜肉絲炒年糕相對清淡，雪菜吊味啱啱好，年糕好煙韌。食到咁連加一，每人先二百蚊。性價比好高！

好耐無食上海菜心癢癢想食小籠包黃大仙呢間價格親民午市．下午茶 免茶芥同加一．超抵食深受附近居民歡迎✨婆婆牛肉面幼身嘅面質爽彈配上軟腍嘅牛肉．湯底清甜套餐跟即蒸小籠包．湯汁豐富✨菠蘿黑醋排骨加入洋蔥同黑醋爆炒酸酸甜甜．非常醒胃✨酸菜魚片魚片無骨啖啖肉肉質嫩滑．配上酸菜同Q彈嘅幼薯粉．份量充足✨牛柳絲炒拉麵粗身面底配上牛柳絲惹味亦唔會太咸✨黃金炒飯金黃色嘅炒飯．粒粒分離加入蝦仁．啖啖充滿咸蛋香味套餐仲可以跟豆漿．追加前菜小食 /甜品性價比好高

小黃瓜拌海蜇🪼🥒 $68近呢幾日天氣開始熱返少少，當然唔少得叫個清涼嘅開胃菜，佢哋嘅小黃瓜醃得酸酸地，配埋爽口嘅海蜇，清涼又開胃！上海小籠包🐷$45食上海嘢又點少得小籠包？！佢哋嘅小籠包雖然皮唔算最薄，但係相對地冇咁容易穿，真係可以食埋入面嘅肉汁！北京炸醬麵🍜 $65呢個北京炸醬麵絕對係我嘅all time favourite！佢哋嘅面全部都係人手拉出嚟，口感特別好，炸醬又唔會太Heavy，成個配搭恰到好處！排骨擔擔麵 $72擔擔麵有好濃厚嘅花生味，比較啱重口味人士，加埋酥脆嘅排骨只係七十幾蚊勁抵食呀！🥰京蔥爆羊肉🐑$92佢哋嘅羊肉真係幾有羊肉味，仲略帶羊肉嘅臊味，平時鍾意食羊嘅應該會好啱食！！佢哋用埋京蔥去炒，令到成碟餸都好香口，非常出色，推介大家試吓！

😍今日突然好想食上海粗炒🔥見到附近呢間上海菜小店🥬就決定先醫肚先😛🧆江南三小拼：三小拼有三款✅三喜烤夫好入味又夠林👍水晶肴肉口感唔錯😌江南小排味道若果再甜小小會更加好味呢🥳🐣雞絲拌粉皮：啲芝麻醬好味好濃郁🫘雞絲粉量都唔少👍粉皮夠滑💯🍜婆婆粗炒：碟粗炒份量十足❤️粗炒面條好有咬口✅肉絲同蔬菜比例好平均💯我好鍾意🥰🥟上海小籠包：呢個小籠包上枱熱辣辣🔥皮都幾薄✅用筷子夾起佢🥢仲裝住好多汁係入面🔥味道唔錯🥳🍲雪菜魚羹：我哋好鍾意食魚😜呢個魚羹有好多魚肉☺️仲非常大碗🥣仲好鮮味😋正呀🥳

新年到黃大仙許願，祈求新的一年平安，結束後原本想吃了翠園，但因為吃了很多次想換換口味，加上要等位，所以試試地下的上海婆婆。我們點了: 上海小籠包/三喜烤夫/蠔油炆小竹筍/松子雞米配叉子/砂鍋醃篤鮮，三個人惠顧午餐，462蚊買單。除了上海小籠包外，其他都蠻好吃的，尤其是蠔油炆小竹筍，推薦大家試試，環境亦非常舒適，在黃大仙不知吃甚麼的時候，可以列入名單。

跟好友來到黃大仙逛逛☺️然後到附近醫肚～在黃大仙中心找到這家很有人氣的「上海婆婆」💗裝潢亮麗雅緻，料理選擇多，尤其午市麵餐和下午茶餐，價位超親民呢～🌟午市麵點套餐 $72由11:00供應到16:00，自選一款拉麵和點心，價格好抵食呢！選了婆婆牛肉麵和上海小籠包，牛肉麵的牛肉好腍軟入味，麵條細滑，湯底濃郁鮮香。而上海小籠包一客4隻😋多汁飽滿，肉香鮮甜。還可以再加購酒釀丸子 （+$12）+鮮豆漿（+$6），好豐富～🌟 黃金蝦球 $138🌟黃金四季豆 $78跟朋友都是鹹蛋黃控☺️一口氣點要兩款黃金菜式～超滿足！黃金蝦球沾滿鹹蛋醬，啖啖蝦肉爽口彈牙，以青瓜作配菜平衡膩感。黃金四季豆入口脆嫩，滿滿鹹蛋黃沙沙口感。🌟酒釀丸子 $38 經典上海甜點甜度剛好，小丸子入口煙靭軟糯，口感豐富。

幾年前上海婆婆好多分店，經歷一段時間後，執左好多分店，呢排突然又一間接一間出返黎以前好鐘意食上海婆婆，感覺無禁熱氣婆婆炒飯以前食呢個好好食，但今次咸左少少，食到唔想食⋯例牌醉雞醉雞都還好，上面既雞唔太入味，無咩酒味，但越食到下面就越咸，不過整體都還可以，唔太突出香煎菜肉包菜肉包算係最正常，底下有煎到薄脆，個人比較鐘意食兩邊都煎到薄脆既，不過算係全餐最好食既一樣！感覺整體無以前禁好食，可能個個大廚唔同

黃大仙中心美食雲集 好多人去黃大仙廟前都會過嚟食嘢 見到午餐時段上海婆婆都咁多人等位 令我突然好想食小籠包 所以今日揀咗食上海嘢餐廳空間寬敞 裝修都好新淨 坐得都幾舒服吓唔會覺得好侷促 仲未下午茶時段已經咁多人 相信上海婆婆係黃大仙中心不錯嘅選擇我哋叫咗兩個午餐 午餐會包埋例湯/❀干貝賽螃蟹配白飯 例湯.鮮豆漿加配雞絲拌粉皮今日想食得清淡一啲所以叫咗干貝賽螃蟹份量超多蛋白質地滑身 調味適中雞絲拌粉皮好重花生醬味 口感彈牙❀松子大黃魚配白飯例湯.鮮豆漿原條大黃魚直上 大黃魚經油炸烹調令口感變得外脆內軟 而且魚肉好滑醬汁味道酸甜 相當開胃❀蟹粉小籠包小籠包相當之多醬汁 再加上啖啖蟹粉口感豐富

9點半都未到已經食完，樓面嬸嬸就好急過嚟收碗碟，問我哋仲要唔要，我未答佢已經收左一半，另一半無收，但佢好大聲叫另一個樓面後生仔，頭也不回，邊走邊講話：唔好收住呀，佢唔答呀！點解俾錢食嘢又俾人半趕又要受氣？

我同朋友不嬲都鍾意食上海菜🇨🇳所以今次又去咗「上海婆婆」🧑🏻‍🦳.宮廷炒飯🍚$108💰有鮑魚🐚雞粒🐓蝦仁🦐再加上醬汁😍配料滿佈整個炒飯，口感豐富🤤.排骨擔擔麵🍜$72💰排骨大件厚切🥩炸到肉外脆內嫩👍🏻湯底花生味突出帶微辣🥜配上爽口麵條，好惹味😬.素菜煎餃🥟$45💰餃子煎得金黃香脆😝包住白菜、木耳等餡料🥬.川渝小籠包🥠$45💰小籠包皮簿多湯汁😛肉餡鮮美🐖少少川辣味🌶️沾上薑醋更佳🫚.韭菜盒子🥢$42💰外酥內軟😗餡料多汁飽滿😋.酒釀丸子🥣$38💰丸子口感煙糯😆入口酒味清香🍶.茗茶(2位)🫖$12💰

💬早排喺threads 見到個post, 🥢講香港餐廳好中意用親戚做餐廳名🤣今晚喺黃大仙北館, 一嘗上海婆婆👵🏻🪵木系裝修, 座位寬敞, 整體舒適😌🫖枱上有保溫茶壺, QR code自行下單📱上菜速度快, 食物好快就上齊😙🫖茗茶 $6/位🔸上海小籠包  $45 5/10每次食上海菜的必點菜式😛小籠包略厚, 肉餡都juicy 🔸婆婆擔擔麵🥢  $58 5.5/10☑️可揀走辣/小辣🥢麵條幼身, 較易浸淋拌勻花生醬食, 唔會太杰身, 🥜花生味一般🔸燻香樟茶鴨(半隻)  $148 5/10🦆樟茶鴨食落似煙鴨胸旁邊嘅小饅頭偏乾硬🙈🔸乾煸四季豆  $78 5.5/10醬汁較側重甜味, 不夠惹味🔸鮮豆漿  $18 6/10

喺黃大仙都有唔少選擇，行過見到呢位上海婆婆，我嘅小籠包癮出晒嚟，今晚一於清清哋，食餐上海嘢啦。唔知點解，次次食親上海菜，小籠包都係不二之選！如果個餐無食小籠包，總覺得自己唔係食緊上海菜。上海婆婆嘅小籠包皮夠哂薄，肉味仲好濃，咬落去啲汁多到瀉，好Juicy呀！點解點解！點解一籠得4隻架？擔擔麵嘅湯底真係好重要，不過，好多人食擔擔麵都只會focus係個辣味度，計我話，擔擔麵嘅最大賣點係個花生醬，所以個湯底夠唔夠香、夠唔夠濃、夠唔夠滑，重點都係個花生醬。上海婆婆個湯底夠濃，花生味都夠香，碗麵嘅份量仲夠晒多。不過，排骨就略嫌炸得唔夠鬆脆，肉質較實。除咗小籠包，我食上海菜就最鍾意食砂鍋雲吞雞，貪佢又有湯，又有菜，仲有雞同雲吞食，講到尾，呢啲叫花心！講番個鍋，例牌有六隻雲吞，半隻雞，仲有小唐菜，真係好豐富呀！雞湯呈奶白色，夠哂香濃；而雞肉都好滑，仲好入味添！

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯最近去到黃大仙睇緊食咩好，發現有間上海菜都幾抵食，我哋叫咗歡聚四人餐，四個人688連埋茶錢，啲嘢都好多，而且仲有甜品江南三小拼（水晶肴肉、三喜烤麩、小排骨）三款都係上海菜之中特色前菜上海小籠包（4件）上海菜有點少得小籠包一咬好多肉汁砂鍋雲吞雞（鍋）有成半隻雞入邊嘅白菜好腍好入味湯汁充滿濃郁雞味，雲吞亦都好大粒松子大黃魚覺得依家係香港食松子魚好多時候都係比較細條同埋貴而且都比較少地方有得食佢哋幾個大黃魚都真係分量好大好多肉四個人食都好足夠椰菜回鍋肉反而幾有驚喜，炒得好有鑊氣少少辣又惹味高力豆沙（4件）最後食埋呢個甜品就好滿足啦如果唔想錯過其他好介紹，記得follow我呀😘多謝大家！！！你嘅支持就系我嘅動力！記得點贊❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯上海婆婆 (黃大仙中心北館) (黃大仙)黃大仙龍翔道136號黃大仙中心北館地下低層LG05號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

對於此次用餐體驗，有些地方想提出一些想法。 希望貴餐廳能更加重視顧客的感受，提升整體服務品質。 舒適的用餐環境對顧客來說非常重要，良好的座位安排能讓顧客更放鬆自在。 相信透過一些調整，貴餐廳能提供更優質的服務。 期待下次能有更美好的用餐經驗。

之前同婆婆一齊去咗黃大仙依間「上海婆婆」食晚飯，依度嘅出品唔錯，所以我婆婆都幾好胃口，食得好滿足。*此餐廳收取加一服務費。半隻燻香樟茶鴨（單點$148），鴨皮部分做得幾出色，上皮水上得好，令到鴨皮口感做到脆皮效果，食落透薄不油、乾爽、薄脆，鴨肉肉質嫩滑，食落充滿樟樹葉、茶葉、陳皮、肉桂味道，味道鹹香，而且食落帶有煙燻香味，略嫌鴨身出肉量不多、肉質瘦削，蒸荷葉餅口感軟熟，配以樟茶鴨、甜麵醬食用，味道更佳。婆婆粗炒（單點$88），上海粗麵口感煙韌，食落帶有雞湯、醬油味道，配料包括有豬肉絲、冬菇、椰菜、小白菜，味道正宗。川北麻辣粉皮（單點58），表面鋪有青瓜絲，口感爽脆，粉皮口感爽滑，容易掛汁，食落香、麻、辣兼備。炸銀絲卷（單點$32），即叫即炸，口感香脆內鬆軟，食落充滿麵粉味道，配以煉奶食用，味道香甜。綠茶芋泥餅（單點$28），外圍表面鋪滿芝麻，食落好香口，綠茶餅口感酥脆，茶味清香，芋泥份量多，味道清甜。茗茶（兩人$12），茶味濃香。