上海婆婆 (黃大仙中心北館)

营业中

休息中

做咗媽媽之後，好耐無試過放工約朋友食飯lu~就返我接埋個女，近近哋揀咗位於黃大仙中心呢間「上海婆婆」～地鐵站B2出口真係直行轉彎就到門口好大，一眼就見到，裝修舒服店員安排我哋坐卡位，好似一間小廂房咁～QR code自己落單，隨心揀自己嘅口味，走辣，走葱無問題啦我哋四個人一個B，揀揀吓都揀咗好多嘢食食上海嘢緊係唔小得擔擔麵排骨擔擔麵因為小朋友嘅關係，我哋揀咗走辣走咗辣嘅擔擔麵樣子比較清淡排骨炸粉薄薄哋唔太厚味道都唔錯，唔會太鹹～燻香梓茶鴨我哋叫咗半隻份量都唔少喎，附送埋刈包比我哋夾嚟食燻香同茶味，襯托出鴨肉嘅鮮美燻香滲透肌理，鹹鮮中帶有深沉嘅醃料風味建議到咗先食咗佢先～唔係啲刈包凍咗，就會變得比較硬婆婆粗炒樣子平平無奇，但鑊氣十足經典配菜有椰菜，香菇等等，炒到半軟，保留清爽口感，中和油膩烏東keep到彈牙韌性，吸晒醬汁，非常入味鱔糊炒年糕鱔肉質爽口彈牙，最緊要係無骨年糕同粗炒一樣，非常入味，鑊氣十足係油咗DD~飲返啲荼中和返啦珍珠東菇扒棠菜珍珠東菇細細粒好得意，啱晒我個女口形阿女係咁食小棠菜細心切半，加埋芡汁清清地又好好味松子大黃魚外皮炸到金黃酥，酥脆魚身淋咗開胃醬汁配碗白飯就完美配搭喇

好一陣子無約呢位老友食飯喇，趁今晚老婆要上堂，屋企無飯開，就約佢出嚟食番餐。近近哋，就晌黃大仙一出地鐵行幾分鐘就到嘅「上海婆婆」，佢哋晌唔同地區都有好幾家分店，而呢家店就第一次到訪。個場都好大，樓底亦算高，所以，空間感唔錯；一淺木色系裝修，都幾雅致，加上擺咗唔少植物點綴，感覺舒服好坐。而侍應好有禮，招呼好唔錯，枱上嘅餐具都好精緻。照慣例都會影影餐牌俾大家參考，不過，本餐牌真喺好大本，成吋厚，着實有啲難影，所以，就照影咗個季節性餐牌俾大家參考，題外話，茗茶會收番$6位，另收加一服務費。魚籽煙燻蛋 $20呢款煙燻蛋喺小弟推介俾朋友試試，因為一來外間唔多地方有，二來確有特色。賣相已經好有亮點，色差嘅對比令賣相更吸引。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感。上海小籠包 $45嚟食上海嘢，點一客小龍包就大致了得解到店與店之間嘅水準差別。店員話小籠包即叫即蒸，所以，嚟到時熱氣騰騰，我哋都趁熱食先，雖然摺紋就唔算好靚好平均，但外皮搓得夠晒薄，咬開就見，肉饀鬆化唔在講，裡面仲有好多湯汁，食落又唔覺太多肥豬肉，都算得上有水準，沾上少少醋更好味。京蔥牛肉包 $48

約咗朋友有小朋友一定要搵間坐得舒舒服服嘅餐廳最緊要空間感 如果唔係分分鐘掃晒枱面啲嘢落地😂呢度嘅格局真係好適合聚會 而且地點方便 好近地鐵站❣️排骨擔擔麵特登要咗個唔辣version 小朋友都啱食排骨炸到好香口又酥脆 食落有肉汁唔會柴❣️生煎包包底夠脆口 咬落有肉汁 大大隻❣️一口小饅頭炸到金黃色勁香脆 點煉奶食勁正❣️燻香樟茶鴨食到煙熏味道 鴨味濃郁 表皮香脆 鴨胸位仲起咗骨 方便夾住啲包嚟食❣️婆婆粗炒夠晒鑊氣 香濃得嚟唔會油膩❣️鱔糊炒年糕鱔糊份量超級多 每條都勁粗身 食落冇碎骨配埋啲芽菜 雙重口感 下嘅年糕，吸收晒鱔糊嘅鮮味❣️珍珠冬菇扒棠菜珍珠冬菇勁可愛 小朋友食唔停口冬菇濃味 小棠菜輕輕灼過 兩樣夾埋食就夠晒平衡啦❣️松子大黃魚大黃魚勁大條 炸到好酥脆 起咗骨勁方便甜酸汁好開胃 仲有啲菠蘿碎同蝦仁 好豐富嘅感覺

宮廷炒飯（鮑魚雞粒蝦仁） $108.0炒飯粒粒分明，鮑魚、雞粒、蝦仁搭配得恰到好處，味道濃郁，口感超級豐富，樸實無華又溫暖人心～外婆紅燒肉 $92.0紅燒肉色澤誘人，肉質軟滑，醬汁滲透入肉中，甜中帶鹹，肥瘦相間，是濃油赤醬的本幫菜口味。配菜有栗子、小蘑菇、腐竹結，都幾特別！上海小籠包 $45上海菜點可以唔試小籠包，小籠包雖然中規中矩，皮薄適中，湯汁唔算特別多，但味道都ok! 高力豆沙（4件） $58.0外脆內軟，豆沙香甜可口，係完美嘅甜品選擇，尤其配合茶飲！🍵🫖

這間上海菜在尖沙咀分店食過，價錢合理又大份，好值得食☺️原來在家附近開了新店，環境靚，又大間，多卡位，坐得超舒服😄💠上海小籠包 $45食上海菜一定不能錯過的小籠包☺️☺️鮮甜肉汁混合豬肉，湯汁清甜不膩🤩薄透外皮韌性十足，咬破瞬間湯汁爆發😚😚💠一口炸饅頭 $25外層酥脆帶油香，內裡綿密微甜，煉乳增添奶香甜潤😊😊💠酸辣湯 $48稠滑羹湯中有脆嫩配料，酸辣直擊味蕾，超開胃🤤💠砂鍋雲吞雞$102雞湯醇厚鮮美，雲吞餡料飽滿, 皮滑餡彈，白菜清甜😙雞肉燉至軟爛，湯很清澈☺️☺️💠川辣麻婆豆腐 $75豆腐嫩滑，醬汁濃郁😙 配白飯瞬間清盤🤣🤣💠擂沙湯圓 $38外層花生粉堅果香濃郁，內餡黑芝麻流心甜而不膩👍糯米皮軟糯Q彈😝

我同朋友去咗一間位於黃大仙嘅上海菜館，呢度嘅環境好舒服，以下係我食過嘅幾道菜，等我同大家介紹一下。蟹粉小籠包蟹粉新鮮，餡料多汁，每一口咬落去都好滿足，蟹香味濃。值得推介。珍珠冬菇扒棠菜呢道菜色香味俱全，冬菇啖啖肉，珍珠滑溜，搭配清脆嘅小棠菜，食落去仲帶點清新感。鱔糊撈麵鱔糊超濃郁，麵條吸收咗湯汁，食落去又彈牙又有嚼勁，鱔魚嘅鮮味好突出。蝦籽鍋塔豆腐呢道菜特別又好味，鍋塔外脆內軟，蝦籽香濃，豆腐滑溜黑糖冰粉（芋圓，蜜豆）最後一定要試吓呢個黑糖冰粉，覺得呢個上海菜嘅新甜品配搭。夏天就最啱食，凍凍地嘅甜品。

上海婆婆4道招牌菜實試 花膠雞湯鮮到舔匙羹！🍲🐮醬香金錢牛展牛魔王必嗌！每片牛展切到銅錢咁薄 滷得超入味又唔韌👏🏻秘製醬汁帶微微麻辣 撈埋底下嘅青瓜絲一齊食 涼浸浸好開胃！🦀干貝賽旁蟹師傅用蛋白+干貝絲扮蟹肉 滑溜到似食緊真蟹肉😱面頭淋滿蟹黃醬 鮮味爆燈仲有粒粒蟹籽卜卜脆 送白飯真係「冇得輸」組合！🍳上海炒年糕（$88）鑊氣小炒王！年糕煙韌唔黐牙 索晒火腿同椰菜嘅油香🔥最驚喜係落咗少少蝦米吊味 鹹香層次即刻昇華 忍唔住一啖接一啖清碟！🐔砂鍋花膠雲吞雞揭蓋即刻聞到超濃雞湯香 飲落仲有花膠嘅膠質黏嘴唇👄雲吞包住成隻鮮蝦 雞肉燉到離骨又唔柴 寒流嚟襲飲呢個真係暖到入心呀❤️

返工放lunch，梗係要食得飽同好。而上海婆婆就係其中一間食得飽，同食得豐富嘅lunch之選。睇返餐牌，選擇十分之多，由各款小炒，水煮菜系，到炒粉湯麵都有。一班同事嚟，可以叫多幾個餸齊齊share。今日我揀嘅係，牛肉湯麵加小籠包套餐， $72包熱茶免+1。小籠包一籠四隻，每隻都十分飽滿兼且熱辣辣，一咬開係會滴湯嘅小籠包。調味啱啱好，濃郁得來唔會過鹹，亦都試到湯汁嘅鮮味。猄皮嘅時候需要特別注意，唔好太用力，以爆皮。牛肉方面，主打係3、4大大舊嘅牛肋條，燉煮得十分之軟腍，但都可以保留有少少口咬感，牛味足，絕對滿足到食肉獸。麵條係上海麵，個人覺得用返闊麵會好啲。湯係牛肉清湯，飲落清新，冇油膩感。總結，坐得舒適，食物同環境質素唔錯， CP值幾高👍🏻

好多年冇食，估唔到而家嘅菜式咁多樣化，唔止有埋川菜，仲有蔬食menu，係素葷共融嘅好地方。🔸咕嚕猴頭菇 $88素咕嚕肉可以用素肉可以用猴頭菇，後者用料貴啲但好味得多！猴頭菇炸到香口，咬落好多汁，比起豬肉更好食。🔸排骨擔擔麵 $72擔擔麵好重花生醬味，整體辣度唔高。排骨軟腍又有肉汁。🔸迷你素春卷（4條） $42香脆嘅春卷包住清甜多汁嘅蔬菜絲。一碟完全唔夠喉🥲。🔸上海小籠包 $45內裏多汁鮮甜。最正係皮唔算厚，但又唔易穿。🔸野山椒炒牛仔肉 $92辣度唔算高，調味有啲似醬香乾鍋嗰種，都幾嫩味。同埋牛仔肉嫩到冇咩渣。

今日同爹D嚟到上海婆婆食上海菜，除咗黃大仙分店，我哋之前都有去尖沙咀分店，價錢親民，質素有保證，菜式份量足且充滿家常風味，成為我哋的飯堂。上海小籠包（4隻）皮薄餡靚，輕輕一咬，鮮甜肉汁溢出，豬肉餡調味恰到好處，蘸點陳醋更鮮。 生煎包（3隻）底部煎得金黃酥脆，內餡多汁飽滿。上桌時熱辣燙口。 糖醋魚塊魚塊外脆內嫩，醬汁酸甜開胃，魚肉無骨且炸衣不厚，配有菠蘿，蕃茄青椒同洋蔥。麵筋素雞燒豆腐 呢個係素食，豆腐滑嫩、麵筋吸飽醬汁，素雞口感紮實，醬油香濃帶有麻油香，充滿上海家常菜的鑊氣。 婆婆粒粒炒飯鑊氣十足！米飯粒粒分明，配料豐富，臘腸粒非常之香，蝦仁好多，份量超多。豆漿 豆香濃郁且不會過甜。

好耐冇食上海婆婆，今日同FD行黃大仙，咁encore啦。哩間分店都裝修得唔錯，古香古色。川渝小籠包，好有特色嘅小籠包。小籠包係紅白色皮，皮薄湯汁多。食落肉香四溢，湯汁微帶辣味。如果再點埋醋，更加可以食出肉餡鮮甜味。江南小排骨，排骨斬細件，先煎炒再落入糖醋汁。排骨肉厚飽滿，糖醋汁酸甜可口，開胃菜來講唔錯。外婆紅燒肉，唔單落入五花肉，還會加埋板栗，豆腐結等一齊烹飪。味道偏上海家常菜做法，醬香濃郁偏甜少少。五花肉糖色炒得唔錯，食落肉嫩入口即化，肥膏部分也唔會覺得滯。酸菜福花菜炒牛仔肉，哩碟餸炒得好有鑊氣。大火爆炒帶出油脂香味，福菜花香脆帶有肉香。牛仔肉厚切，入口軟嫩唔覺得un。砂鍋醃篤鮮，這品湯最啱春天飲。用咗新鮮春筍落入高湯燉煮，再用少少火腿調味。湯底奶白清澈，飲落鮮甜有回甘。春筍脆爽可口，火腿鹹香惹味，全部食曬TIM。

黃大仙中心真係好多嘢食，無論南定北，今日就食咗位於地下嘅一間上海野✨陳年花雕雞今次叫咗一個例牌，雞肉雖然冰凍，但係非常嫩滑，仲要端上雞髀肉嘅位置，酒香唔算太重身，不過都已經滲透咗喺雞肉裏面，好食～✨上海小籠包食得上海菜又點少得小籠包，小籠包外皮好薄，裏面肉汁滿瀉，絕對係必嘅點心之一。✨松子魚擺盤好靚，而且面頭灑滿香脆的松子粒粒，炸粉唔會太多，保持到魚肉本身嘅嫩身。整體嘅味道唔會太鹹！推薦！✨美極油爆蝦真係爆到好香脆，美極豉油勁滋味連個蝦殼都可以食到！！！✨擔擔麵一上台就好有食慾，色香味俱全，最鍾意當然係佢無窮盡嘅花生粒粒，湯底好濃稠！

同屋企人去咗黃大仙行下，行到黃大仙中心北館，見到呢間上海菜，決定入去試下！佢哋嘅菜單好齊全，選擇非常多，我哋揀咗以下幾款trytry上海小籠包皮薄餡靚，一籠有四件，即叫即蒸，肉餡調味唔錯，入面超多湯汁，湯汁鮮甜！蘿蔔絲餡餅，外皮煎得香脆，包住滿滿嘅蘿蔔絲，帶有微微嘅甜味，口感豐富又有層次。 韮黃炒鱔糊炒得又滑又入味，入口濃香惹味，黃鱔腍中帶爽，份量都幾多，配埋清甜嘅韮黃，唔錯！松子雞米配叉子，雞肉粒炒得香口，配上香脆嘅松子，附上既叉子係一個酥餅盒子，可以放松子雞米入去一齊食，味道惹味仲揀左甜品高力豆沙，經典嘅滬式甜品，外層係鬆軟嘅蛋白，內裏包住香甜嘅豆沙餡，入口鬆化又唔會太甜，係完美嘅餐後甜品👍🏻

生日飯停不了， 今天來到黃大仙中心的上海婆婆食晚飯。沒有訂座的情況下， 等了一陣子就能入座， 而且是梳化座位， 舒適整理， 半開放式設計， 不局促但同樣沒什麼私密度了， 有點嘈，枱與枱之間都好近， 似搭枱一樣。 清炒河蝦仁（$148）爽口，都鮮嫩， 不過黑黑蝦腸真係好倒胃。。宮廷炒飯（$108） ：鮑魚雞粒蝦仁好咸， 鮑魚2隻， 夠味， 用料都好足。兒童餐： 北京炸醬面， 睇落好乾， 但阿女完全吃完。生煎包， 素菜包 個包好乾吃開有粉末的。 酒釀丸子， 擂沙湯圓都係芝麻餡料。550元結賬。

好耐之前同朋友食過尖沙咀嘅分店，今日去開黃大仙，依家上海婆婆空間咁大，座位亦都更為寬敞，以下係今日嗌咗嘅菜式。酸菜福花菜炒牛仔肉：配合咗酸菜嘅融合，整體非常之開胃，椰菜花亦都炒得爽口，牛仔肉好淋身。婆婆粒粒炒飯：一上枱就香氣撲鼻人，特別係臘腸嘅香氣真係特別吸引，米飯粒粒分明，食碗炒飯落肚令人感到飽足～蘿蔔絲酥餡餅：煎得金黃，外皮酥脆，餡料嘅蘿蔔絲清甜，令人垂涎三尺。松子魚：成個氣派真係非同凡響，原條而上自己切開魚肉，外皮都炸得幾酥脆，加上酸酸甜甜醬汁亦特別開胃！