三川居酒屋 (已結業)

尖沙咀銅鑼灣廣場隔離有個地舖行落去個地庫嗰間餐廳成日都轉 最近就開咗間新餐廳做咗三川居酒屋啦！蛋壽司正正常常嘅蛋壽司，口感幾甜口感幾好，個飯拍得唔係好實但係都OK。間餐廳仲有好多其他壽司架你哋都可以叫黎試吓。泡菜豬肉鍋個豬肉肥到，你睇吓！真係嚇死我，仲要價錢唔平喎！肥到咁！根本食唔落口。建議唔好叫鍋物同埋個喎唔係好熱。我汪物入面仲有好多菜但係我都唔係好敢食啦。燒雞翼燒雞翼幾好食嘅 脆脆地 有啲椒鹽味同埋份量都幾多一份有四件雞翼。煙肉芝士年糕最好食呢個啦煙肉同年糕都燒到脆脆地幾滿意！煙肉鹹鹹地年糕就無味合埋有幾岩喎！

朋友剛從北京到港，跟她到了銅鑼灣崇光逛一轉，就到了三川居酒屋吃個晚餐，之前也有留意這個在地庫的居酒屋，雖然有點隱蔽，但是進到內裏環境已經被吸引了，以木系潢裝，掛住壁報，有不少懷舊日本風情，好有日本感覺的居酒屋。血拼完特別肚餓，點了鰻魚飯卷、鰻魚蛋包飯，朋友特別愛鰻魚，他說北京的不好吃，只有日本和香港能帶點鮮味，所以來港必定盡吃鰻魚，這裡的也做得不錯，沒帶半點腥味，而且這是居酒屋，笑起來特別香，原來師傅用摩打手來燒製，所以皮脆內軟。另外蛋包飯也值得一讚，流心的雞蛋包着暖暖的飯，感覺像被融化了。有點不喉口，在點了京燒銀雪魚，鱈魚很滑，加上燒汁甜甜的又有些少脆口，佐酒一流，跟朋友談着坐着，店員有沒有黑面還過來幫我們倒茶，服務反而細心。

今日同fd係銅鑼灣行行下見到一間居酒屋，見到幾得意就走左去食。 一入到去，個環境幾chill，枱面又幾闊落，十分舒適🥳之後order食物，應有盡有，叫左刺身飯，壽司，炒飯，仲有個我最愛既炸蠔💕刺身飯係呢度既主打，三文魚子，八爪魚同甜蝦三樣加埋既化學反應令人垂涎欲滴🥰至於壽司方面😜鮮甜既帶子再加上新鮮既三文魚腩，好食得黎又唔濟。但個炒飯麻麻，可能係我叫得太多飯既原因啦🧐最係係個炸蠔，呢樣野真係有d驚喜！外皮炸得岩岩好，蠔食落好甘甜，兩者配合岩岩好！搞到我忍唔住食曬四隻，為我今日既holiday mood寫上一個完美句號❤

今日去銅鑼灣工作，因為時間比較緊迫，於是就黎左呢間鄰近地鐡站既居酒屋食野，貪佢就腳方便。本來想食冷東風螺，可惜店員話已經售罄，唯有轉食螢光魷魚🦑。螢光魷魚份量十足，口味較濃，兩個人食實在有點吃力。烏冬以鐵鍋盛載，保持熱辣辣。湯底甜甜地，蛋絲同烏冬合二為一，口感彈牙，值得一試！配料有蟹柳，肉丸，炸蝦及魚蛋。食日本野當然唔少得魚生丼，味道新鮮，三文魚籽爆曬汁，令人回味。壽司同刺身都幾吸引，可惜兩個人實在食唔曬，唯有下次再食！

同朋友慶祝生日，友人鐘意食日本菜，見呢間openrice d相都好似唔錯就book左呢間。間餐廳有做promotion, like 餐廳既Facebook page就有得送一板海膽。雖則係送既，但水準都唔差，食落好creamy, 份量都唔會好少，抵讚👏🏻我地四個人嗌左八樣野：1.姿燒魷魚筒2.汁燒銀鱈魚3.日式牛肉鍋4.芝士明太子玉子燒5.鰻魚牛油果加州反卷6.雜菜炒豚肉7.烤羊架8.海鮮烏冬鍋咁多樣野我覺得魷魚筒同銀鱈魚最深刻，都好好食。其餘就不過不失！

呢間要落地牢嘅細日本居酒屋都滿座，好彩book咗位。🥗直火燒生熟牛肉沙律（$128）牛肉唔係好多塊，沙律配芝麻醬都幾好味，有D粟米脆片都好味。🐔雞立田揚（$72）貴咗D，但係炸得幾好，同平時個D炸雞唔同，個皮較薄。味道鹹咗D。最後都追加咗一碟🤣。🍠串燒甜薯（$32）應該浸咗糖水😕但係都燒得好味。🥚明太子燒玉子［走明太子］（$88）因為細路唔食明太子，所以走咗。熱食好味。原板海膽刺身（facebook 優惠送）好彩見到佢個facebook推廣優惠，送咗海膽😯。有幾舊啡色嘅🤔，但係其他都係淺橙色。清酒煮鮮大蜆（$88）都幾多隻同埋肉幾大粒。🌟鵝肝和牛炒飯（$168）細路搶住嚟食🤣，仲以為淨係炒飯裡面有鵝肝，但係竟然仲有一塊煎鵝肝😮。雖然炒飯上面加D藍莓有D奇怪😅，但係D炒飯好食😋。🐟市場四色丼［要白飯 · 走三文魚］（$168）因為我唔食三文魚，所以佢轉咗油甘魚俾我。刺身嘅份量都唔少，同埋幾新鮮👍🏻😋🐔汁燒雞丸（$32）好味，唔會太油膩。串燒活白鱔［兩串］（$156）汁多咗D，但係鱔係滑嘅。🍤炸大蝦天婦羅（$138）比想像中大隻😮，炸得脆，皮唔係好厚。仲有好多相但係OpenRice唔俾我p

第一次試依間位於銅鑼灣的居酒屋，估唔到食物質數相當有驚喜，特別係串燒類的食物，詳細食評可見下文。居酒屋的環境佈置同日本的十分相似。有選擇困難症的我，睇完餐牌都係毫無頭緒，所以決定問侍應有咩推介。最後叫左火炙帶子壽司、厚燒牛舌同煙肉燒年糕。火炙帶子壽司帶子好滑好大隻，用火輕燒後，加上粒粒炸蒜蓉，好好味。厚燒牛舌牛舌處理的火喉剛剛好，牛舌肉質很嫩而有咬口，上面配以粒粒黑椒，十分惹味。煙肉燒年糕煙肉燒到好脆好香口，包住煙韌的燒年糕，外脆內軟，食落好香，停唔到口。以後如果想食串燒，睇黎又可以多一個選擇。

同朋友係銅鑼灣行完街，見好耐無食過日本菜，就揾左SOGO附近的三川居酒屋一試 睇完餐牌，就選左幾個餐廳推介的菜。火之夢壽司山見到餐牌上的相，就被深深吸引住。壽司到，果然無令我失望，上面舖滿肥美呑拿肉、鮮甜海膽同蟹肉，好好味，好有滿足感。厚燒牛舌用左少少黑椒調味，味道好夠，牛舌好爽口，好食，我地之後再叫多左一客。鳥手羽燒串燒一向好少會叫雞翼，因為一燒得唔好，就會好乾好難食。但依個鳥手羽燒完全唔同，皮脆之外，入面仲充滿肉汁，值得推介。日式牛肉鍋材料好足，甜甜的壽喜燒湯，配上牛肉、金菇、冬菇、豆腐等食材，用黎填飽肚子一流。綜合而言，依間居酒屋確實唔錯，有機會可以再黎試試。

去銅鑼灣逛街，周圍都有很多好野食，是晚想食日本菜，見sogo 附近的這間店，價錢合理，於是便入內晚餐。我們習慣早食關係，所以不用等位 ^_<店內佈置得像置身於日本居酒屋內 食物種類很多：有刺身、壽司、鍋物、炸物、串燒等，我們點了「鰻魚牛油果加州反卷」、「鍋燒湯手打烏冬」、「汁燒雞丸」及「吉列兵庫縣生蠔」。鰻魚牛油果加州反卷，材料豐富，鰻魚啖啖肉，估不到鰻魚與牛油果咁夾 以前常常食鍋燒烏冬的，但近來很少見這道菜，今次見到，當然要點啦 ^_^蛋在湯內攪勻，可令湯更甜，所有配料都入味，烏冬較軟身！汁燒雞丸，香口、惹味 ^_^吉列兵庫縣生蠔，香脆美味

This place is near Sogo and must go restaurant in Causeway Bay. The decoration makes you feel like you are in Japan...wooden bamboo theme with posters and flags, it gives you a warm chilling place for weekend lunch. Cold noodles $92My first impression when the waiter placed the cold noodles on the table was wow ! The portion is large compare to other Japanese restaurants. Generous portion of ingredients (crab stick, sliced cucumber, veggie, sliced ham, sliced egg and chicken bits) and noodles. F

好耐之前同朋友嚟食過一次，覺得環境同食物嘅味道都唔錯，今日終於有機會同友人再訪， 重溫舊味~燒雞泡魚乾雞泡魚干燒至色澤金黃，表面微焦且比較厚身，食起上黎甚有嚼感，而味道帶點甜，細嚼下仲帶點魚鮮！而雞泡魚乾嘅口感，配合埋沙律醬一齊食真係份外滋味！😚姿燒日本魷魚筒原條魷魚筒比我手掌仲要大，魷魚用日式醬汁燒焦香，口感濕潤滑口同彈牙，而且連魷魚尾與鬚都燒得香脆惹味兼咬口，相當考功夫！燒大蔥雞串 雞肉肉質嫩滑，而且燒得微脆帶焦香，大蔥鮮甜多汁，而且經過醬燒嘅大蔥唔單止無左辛辣感，而且仲甜甜的超好食！ 味噌燒蠔串燒蠔都幾大大粒，食落啖啖肉！味噌帶點鹹香，卻唔會蓋過蠔嘅鮮味，蠔味濃郁讓人一口接一口的停不了~

呢間充滿日式居酒屋風味嘅日本料理「 三川 」, 位於銅鑼灣sogo附近, 十分就腳。市場四色丼$168(三文魚、帶子、甜蝦、油甘魚)三文魚色彩鮮豔, 帶子雖然唔係原隻 但還算新鮮, 甜蝦有3隻, 水分充足, 味道甜美, 油甘魚肉質柔軟, 壽司飯用上珍珠米, 加入白醋調味, 酸度適中。串燒活白鱔 $78白鱔外層薄脆, 食落魚身極為肥美, 魚脂豐富。極上和牛串燒$68和牛粒調味偏重, 配搭酸甜車厘茄, 可以稍為清清喉嚨, 同時減低油膩感。

Weekend同友人到銅鑼灣shopping, 行街睇戲過後, 搵到呢間喺永光商業大廈地庫嘅日式料理 - 三川。餐廳全和風裝潢, 店內以淺木色為主, 連餐牌都用上木質封面, 很有傳統居酒屋風味。日式牛肉鍋 $148 鍋中配菜有牛肉、粉絲、多款蔬菜、生雞蛋等, 牛肉配上生雞蛋食特別軟滑, Sukiyaki 湯底甜甜地, 唔會太濃味。串燒活白鱔 $78白鱔油份豐盈, 一口咬下魚油澎湃湧出, 魚皮外脆內軟甘香迷人。調味輕手啲就更好啦。

今晚雖然不是星期五，亦無礙我去居酒屋的興緻。一邊食日式料理一邊聽著日文歌，氣氛很棒。手作牛肉薯餅 $68即叫即炸，熱辣辣熨嘴，外層夠脆，內裡軟綿，混入了粒粒牛肉和紅蘿蔔絲，香濃豐富。炸得不油膩，酥化。中華冷拉麵 $92最近天氣潮濕不想食太多熱嘢，要轉一下口味，點了一個冷麵。清爽的口感另整個人都好舒服。冷麺汁是整個靈魂所在，有麻油香，微酸，微甜，開胃。配材有蛋絲，青瓜絲，芽菜，魚蛋，蟹柳。麵條帶有韌性彈性，加入配菜，爽口有嚼勁，我非常喜歡這個。

💁🏻‍♀️三川居酒屋 (銅鑼灣)🍴-你間餐廳好有日本居酒屋嘅味道喺銅鑼灣嘅地庫，餐廳播住好多出名嘅日文歌，好似返咗日本咁。我哋兩個人叫咗四樣嘢食，食物精緻😍服務質素亦都唔錯日式牛肉鍋（$148）好足料，除咗新鮮嘅牛肉之外，仲會加多一隻蛋，有金菇，蔬菜，同豆腐😆而且湯底亦都好鮮甜，食完都已經有啲飽三川名物丼（$198）雖然價錢唔算平，但係質素確係唔錯，啲刺身全部都好大塊同埋好新鮮，有三文魚，孩子，甜蝦，同埋吞拿魚。個人最鍾意甜蝦，大隻得來又好鮮甜☺️三文魚🍣腩刺身（$68）超厚切！一食落去已經食到好重嘅油脂味，絕對唔係外賣壽司咁嘅貨色，口感亦都厚實油甘魚壽司（$35）壽司飯調味適中，油甘魚亦都好新鮮，係高級嘅手握壽司👏🏻-📍三川居酒屋 (銅鑼灣)#銅鑼灣 軒尼詩道499號永光商業大廈地庫