三川居酒屋 (已結業)

星期日快閃銅鑼灣SOGO，極速掃完貨搵下附近有咩食，行兩步見到有間日本餐廳，唔使等位即管試下啦。餐廳環境幾得意，雖然似足日本小型居酒屋，但又夠哂寬敞，同好乾淨。我同FRD子超肚餓，所以叫左好多食物，好在唔使５分鐘開始有得食！首先每人有碗免費沙律，但我地冇食到～極速上左三文魚腩刺身＋牡丹蝦，三文魚腩好新鮮好香魚味，肉質夠軟，食得出唔係cheap野。冇食牡丹蝦所以唔comment~飲品分別叫左巨峰提子梳打＋橙汁，唔好以為得好少，原來每杯都好大杯！巨峰提子好好味，雖然我叫左小冰，但味道剛好唔太甜，讚！再來一個燒冬菇，賣相幾好。加上大量木魚（唔記得係咪叫木魚？），味道幾得意。食完小吃，鍋物終於上場喇，叫左個日式牛肉鍋，上檯時仲滾下滾下，仲有新鮮雞蛋，香噴噴！入面有牛肉/粉絲/芽菜/豆腐/雜菜，我地兩個人食，Ｄ牛肉食極都仲有！可惜開始飽飽地同埋叫左卷物，否則一定叫碗白飯呀！最後黎埋鰻魚牛油果加州反卷，厚鰻魚啖啖肉兼勁多汁，襯埋牛油果/魚子等等，口感超豐富最後不得不提，帶眼鏡哥哥仔服務態度超好，有介紹我地食咩，同埋有問必答

午市套餐有8折優惠，包含了前菜沙律、飲品。.生菜爽脆開胃，淋上日式胡麻醬酸酸甜甜。.刺身有甜蝦、吞拿魚茸、三文魚子、三文魚、八爪魚、油甘魚。配料種類頗多，鮮味足矣，囗感爽滑。.醬汁香濃入味，丸子柔軟有咬口，回味無窮。.牛肉味濃，軟韌剛好。湯底鮮甜清香，並非坊間一股死甜的壽喜燒醬油味，配白飯香氣十足，軟膩細緻。冬菇香軟，青苖稍有草青味。.哈蜜瓜味相當驚喜有趣，推薦一試巨峰味道尚可，帶點果汁軟糖的藥水味。.地點相當方便，地鐵站一出左轉便是，環境舒適，2人座位較多。.

星期日的下午想食日本野，然後發現響sogo附近有間少少隱秘的地下居酒屋，好奇之下就落黎試試。撞岩晚市開始，開頭只得我地一枱客人，但後黎開始慢慢多人，都有六七成滿。我地坐卡位都幾舒適，唔會太嘈又坐得舒服，店員話其實有兩間房仔可以俾多人既朋友預先訂定的，非常適合想傾計既多人聚會。我地點既係二人套餐，A-F既選擇包含左沙律、鍋物、主菜同甜品等等，價錢只係$398！A-沙律：和風魚生沙律簡單以沙律菜配魚生粒，比較多三文魚，生菜紫椰菜夠新鮮，沙律醋味道剛好，因為好怕食沙律所有材料都俾個醋搶味，但呢款酸味適中，非常開胃。魚生我只食三文魚，食得出都幾新鮮，完全冇任何雪味同腥味。B-鍋物：清酒煮蜆店員響我地點餐前有話其他客人食完呢個套餐都會好飽，所以我地選擇左個比較輕盈既清酒煮蜆，事實亦立明係冇揀錯！份量不算多，大約八隻左右，清酒未不算太突出，不過蜆肉非常入味而且肉質都幾彈牙。C-味噌燒蠔串因為太多魚唔食所以燒物選左蠔，聞起黎燒汁非常濃郁，食起黎蠔肉非常飽滿，所以一串兩隻就岩岩好唔會太膩，仲有燒汁香味同淡淡海水鮮味添。D-高菜蟹膏蟹肉炒飯呢碟飯應該係成個套餐唯一飽既菜，開頭冇留意只focus左響蟹膏同

講明先，係專程去食半價晚餐set嘅，所以先會話係抵食！😂😂侍應有介紹埋清酒放題嘅，但係覺得太早所以廢事飲咁多，只係叫左一杯柚子highball。套餐就每種食物都有得order，方便哂咩都想試嘅人。柚子highball就冇乜特別啦，飲得重酒精嘅人會嫌淡。不過以我嘅口味就夠嘅。先黎個沙律，呢個係要加錢叫的。但係值架，魚生同啲生菜都幾新鮮嘅，魚生分量唔少。👌🏽清酒煮蜆老實說有點失望的。話哂係餐廳推介呀，但啲清酒味有啲淡喎。分量還可以啦。😐一聽到話有原板海膽即狗衝，但係實物同相片係有些少出入嘅。🙊不過個分量夠架啦兩個人每人都食到三四卷嘅。不過質素平平啦，勝在每件都大大件。😛燒蠔串係唔錯架，一串3至4粒，size都唔錯嘅。蠔嘅味道都濃郁，個內裡都係軟嫩嘅唔會燒到硬哂。😋炒飯就正正常常啦！整體黎講炒得幾香嘅，蟹味就唔好太高期望，始終都係炒飯黎啫。但分量就搭夠啦兩個人每人食到兩碗架。😝雪糕反而有驚喜，但係係岩我口味多。因為佢有茶味之餘亦都好香奶味。平衡得唔錯。😋😋

同朋友去cwb食下野，搵到依間居酒屋好似幾好，於是就試下先。店內環境舒適，空間頗大，食物種類都幾多。服務員有禮而反應快，值得一讚🤗鰻魚牛油果加洲反卷牛油果果味香濃，氣味清新。配合鰻魚食，帶點鮮味🤓日式牛肉鍋壽喜燒湯底香濃，略帶甜味😛牛肉質素唔錯，帶點鮮味，配合蔬菜同粉絲，帶住湯底既甜味💕要飲埋啲湯先得燒紫薯燒得幾有蕃薯香，熱辣辣，略帶甜味。表皮較乾硬，但內裏香軟，暖暖地既感覺好有口感！整體都幾高質，價格合理應該會再黎食！😛

今日同紋青去左睇舞台劇，未到中段已喊左兩張紙巾，天氣又熱，於是就話搵一間有氣氛嘅餐廳食飯涼冷氣。見OpenRice 呢間好評咁多，都話氣氛好，就黎試下。落完條樓梯就係呢度，一推門就會有人問你幾多位㗎啦😊地方唔算多位，但都幾寬躺，黎傾計都岩氣氛。我地五點九就坐低，所以都得兩三枱客，但好快就好多人！佢呢度一路播嘅日文歌都係耳熟能詳嘅香港人經典，love story，男兒當入樽等等都有播，但又唔會老土，聽落好有feel！魚生係紋青最愛之一，所以一睇menu就黎個platter先😝擺設好靚，望落都非常新鮮，魚生都層於郁切，所以都幾有滿足感㗎！黎多個近鏡望下幾靚仔！黎得居酒屋又有啤酒，點都要叫少少串燒試下！又唔錯喎！食完凍野想食下熱野暖下個肚，於是叫咗個日式牛肉鍋，牛肉質感唔錯，都有肉味，唔似其他地方用冰鮮牛肉冰都冇晒肉味👍🏻 而且入面有葛絲，勁滿足到我個人喜好！一路食一路同紋青傾計，可能早食飯嘅原因，食到中段已經坐滿哂咁滯，希望呢度可以keep住水準！

今天約了朋友在銅鑼灣行街,經過三川居酒屋,決定進來吃午餐餐廳是日式居酒居裝修,很有風味我們點了"鍋燒湯手打烏冬", 烏冬湯底鮮甜,用料富豐,有天婦羅蝦,蟹柳,冬菇,菜等等,手打烏冬吸收了湯底的鮮甜,超好味啊!"鰻魚牛油果加州反卷"是也是一道不能錯過的食品,鰻魚跟牛油果的味道很夾,再配上鰻魚燒汁,好味啊~第一次品嘗"煙肉烏賊卷"這款串燒,想不到咸香的烤煙肉和爽口彈牙的烏賊的味道是這麼的夾!下次再來絕對要encore!最後是"大蔥豬腩味噌燒",這是香口的豬腩肉配上大蔥一起烤的日式串燒

發現好吃的居酒屋！！話說因為元X 用紅鱒當三文魚後，我哋已經唔太敢食了，但當想食壽司，又唔知去邊好嘅時候，見到呢間居酒屋就入去試吓。閒日晚上都好多人下，好彩仲有一兩枱空咗，我哋無預約都有位。-叫咗明太子卷，壽司，串燒，炸魷魚，每樣都好好食，尤其係個壽司，啲魚好鮮甜好新鮮，食落去啲鮮味漿住個口，每一啖都係幸福嘅感覺。-串燒嚟講又係好高質，個牛舌勁厚，但咬落就好腍，都話牛舌要厚先好食㗎啦。個和牛同雞軟骨串燒雖然無牛舌咁Wow 但都好唔錯。-反而個明太子卷影相就靚，食落唔wow 但就中上，師傅炸得幾好，又唔厚粉，但就唔係好食到明太子味。-個炸魷魚就算係全晚最普通嘅嘢。

心血來潮事件簿 (28)🤤好耐都未試過咁得閒去食野，今日行過銅鑼灣地鐵站出口，已經留意到有間日式餐廳。本尊上週再經朋友再三介紹，終於有幸一嘗。😋餐廳格局尚算簡潔，牆上點綴著的裝潢略略渗出一絲和風。👍市場四色丼🤤經過約十分鐘的等待後，侍應送上的四色井在外觀上和餐牌上的不乏相稱性。本尊特別留意到當中的三文魚刺身油脂分佈相當均衡。刺身整體上口感柔嫩，伴隨著軟熟的米飯，顯得略為鮮甜。🤤🤤抹茶雪糕主菜後的抹茶雪糕為整個晚餐添上精彩的結局。店家的雪糕看似平凡，但奶味並非過重。綜合這一餐晚飯，材料雖然豐富，但吃下不感過膩。值得再試。一個人食賣單大約二百多，價錢合理，環境舒適，本尊覺得整體相當高質😀

母親節來到銅鑼灣shopping, 行到攰又未到晚飯時間，找到這間鄰近SOGO的地牢居酒屋。..入到店內好有日本居酒屋的味道，小小店舖，有多個小草屋的座位，另有貴賓房，牆上貼著日本風味海報。店舖雖小，但仍坐得舒適。..講返食物，我們點了一點輕食，點完無耐就上菜：點了一些壽司🍣- 三文魚、鰻魚壽司- 三文魚鮮甜、鰻魚嫩滑，壽司飯微暖，不錯啊..點了幾款串燒，包括鳥手羽燒 （雞翼）$45就有兩串，銅鑼灣價錢算平啊。雞翼燒得外脆內軟，配上少許胡椒味，很惹味..煙肉車厘茄：煙肉燒得不會太硬，車厘茄很juicy，一齊放入口，出奇地美味.汁燒雞肉丸：本身是叫來給海馬仔食，最後爸媽食得仲多🤣 因爲好好味...推介❗️日式酥炸魷魚鬚 這款炸物真係好好味、好邪惡😈 佢炸得好酥脆、魷魚鬚又好淋好易咬、不油脷，食完一條會又想食多一條！..除了以上炸物、壽司、串燒，還有好多其他選擇，例如：一品料理、飯麵、刺身⋯..下次去銅鑼灣又多一個好選擇😋😋😋

說來也真的巧合，今天下午有點事要到銅鑼灣區，想找個地方吃午餐, 途中看到一間日本餐廳, 有供應刺身丼, 正合我意, 以價格而言也算抵食, 那試試又何妨。飲品方面, 點了一杯橙梳打, 酸酸地也夠冰涼, 感覺唔錯。一款小吃是串燒甜薯，蕃薯本身燒得外層脆口, 內層食落味道粉甜, 非常滋味, 是一道唔錯的小吃。再來一客鳥手羽燒, 燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。店員送上市場四色丼, 多款刺身堆得滿滿的, 包括有三文魚、帶子、甜蝦及油甘魚, 三文魚肥美;帶子肉厚而鮮甜; 甜蝦夠大隻，吃起來鮮味也啖啖肉; 油甘魚帶點脆口, 也具魚油甘香;整體來講是有水準的。這個刺身丼有如此質素應是滿意的, 如在銅鑼灣區工作的話, 來這裡吃個午餐也不錯。

<三川居酒屋>朋友請食生日飯，佢地揀選左位於銅鑼灣Sogo隔離嘅三川居酒屋。餐廳細細，但都幾有 feel, 有卡位。個人覺得食物質數屬中規中距，質數平均，賣相好多都吾錯，我地三個人叫左勁多野:（好味指數Max 5 🥢) -池魚刺身🥢🥢🥢-食完池魚刺身加$20仲可炸埋條魚骨，炸魚骨超好味，香口惹味🥢🥢🥢🥢🥢-刺身拼盤🥢🥢🥢🥢-火之夢壽司山🥢🥢🥢 哩個賣相吾錯，有六件小壽司，上面分別有海膽，吞拿魚碎同蟹肉撈埋嚟食-魚生薄脆洋食🥢🥢🥢🥢 幾 fresh同開胃-明太子燒玉子🥢🥢🥢-炸魷魚鬚🥢🥢🥢🥢-牛舌串燒🥢🥢🥢🥢-白鱔串燒🥢🥢🥢-雞軟骨串🥢🥢🥢🥢-燒蠔串🥢🥢🥢-燒甜薯🥢🥢🥢🥢-雞翼串燒🥢🥢🥢🥢-煙肉荔枝串🥢🥢🥢🥢-雞泡魚乾🥢🥢🥢🥢-綠茶雪糕🥢🥢🥢🥢 -我地本來仲叫左特長鰻魚飯，見隔離檯叫左超吸引😍 不過好彩最後冇黎，因為大家都飽到痴線，但我地最後係吾記得check單有冇計到鰻魚飯嘅錢🤣另外，我地加左每人$250 任飲放題。成個餐牌嘅野飲都可以叫，仲有六款 Sake任飲，包可以飲飽食醉。今餐最令我印象深刻嘅係有個戴眼鏡嘅女侍應服務非常好又細心， 我感受到佢對份工作嘅熱誠❤️ 最初

雨，下得太兇了吧！還是趕快找個地方暫避，想也不想，便鑽進這間日式居酒屋。收起雨傘，拍拍身上水點，跟著店員步向用餐位置。安頓後，喝口熱茶，冰冷的身體頓時得到溫暖。環顧四周，店子的裝潢蠻特別，仿照沖繩草屋設計，充滿地道風情。肚餓了，首先喚來鰻魚牛油果加州反卷($98)。渾圓晶瑩的日本飯，包著柔潤綿綿的牛油果、腍軟嫩滑的烤鰻魚和清新爽脆的青瓜絲，表面再裹一層卜卜脆的蟹籽，及添加香濃惹味的醬汁，所有元素結合一起，味道融和。勿少看這六件反卷，頗能充飢。落雨濕濕特別覺凍，吃些熱食方為上策。汁燒雞丸($32/2串)共有六粒，拿上手即感到份量十足。本以為雞肉會較實淨，怎料鬆化多汁，又非加入大量肥膏造成的效果，討人喜愛。細心研究，竟發現紅蘿蔔的蹤影，難怪鹹香中有一絲絲甜美啦！煙肉燒年糕($42/2串)緊接出場，這是平日較少選擇的款式，今次一試，覺得甚為有趣。年糕本身清淡，主要取其煙煙韌韌的質感，味道就靠濃厚的煙肉來填補。煙肉經過燒製，除帶少少焦香，邊邊位置又有點脆口，兩種食材一凹一凸，拼出火花。大食小妹生怕不飽，於是追加了日式牛肉鍋($148)。熱鍋㷫恰恰送上，冒著白煙，材料盛得滿滿的，非常豐富，果然沒

果日同同事做野忙到lunch都未食，做完已經5-6點索性一齊食個early dinner! 於是就碌左入黎，入到去發現環境幾好，好日本居酒屋feel不過太餓喇冇影到環境相😂火灸帶子壽司 $42因為同事唔太食生野，所以一定要揀火灸類壽司，不過食落有啲燒過嘅味又幾香口，不錯～燒雞泡魚干 $78呢個好驚喜！好好味啊！燒雞泡魚有少少似燒魷魚，但更juicy咬落唔un但又幾好𡁻，用黎送酒絕對perfect match!!!!!!!!! 佢個醬汁都調味得好夾，再沾佢附嘅沙拉醬的話又係別有一番風味！高度推薦喔！味噌燒蠔串 $78呢個燒蠔都好味～味噌唔會過濃遮蓋左蠔嘅味道，而且燒嘅時間剛好，食落唔會乾，蠔迷可以一試🤤厚燒牛舌 $58成日覺得燒牛舌係人間美食🤤成串我一個人食哂！厚燒牛舌最怕燒到un，但呢度啲串燒都好出色，火喉同時間都控制得剛好👍🏻姿燒日本魷魚桶 $88賣相吸引到不得了🤤燒過後好正嘅魷魚香，不過同雞泡魚干相比，我更愛雞泡魚哈哈！燒大蔥雞串 $45大蔥真係好正🤤不過呢個略嫌有啲冇咩燒過嘅香味，不過醬汁同大蔥都加左分嘅～冇諗過輕輕鬆鬆叫啲燒物、串燒、少少壽司，再叫少少酒就已經可以食到好飽🙈而且

Thankful Week期間是女士們的搏殺期，血拼過後，同閨蜜來到這間位於Sogo附近地底的日本居酒屋，室內以日式和風設計，別有一番風味。牛油果鰻魚卷，咬一口，香甜的鰻魚肉，配搭牛油果，口感變得很軟滑。牛肉鍋，肥牛的份量都算多，還有金菇、豆腐、蔬菜、粉絲、雞蛋，以鰹魚汁做湯底與配料很夾。煙肉燒年糕，煙肉邊燒得有點香脆，夾著軟綿綿的白年糕，煙韌得來又有口感的。當我們的肚皮醫飽又滿足過後，我同朋友又再血拼過啊！