三川居酒屋 (已結業)

今日去銅鑼灣工作，因為時間比較緊迫，於是就黎左呢間鄰近地鐡站既居酒屋食野，貪佢就腳方便。本來想食冷東風螺，可惜店員話已經售罄，唯有轉食螢光魷魚🦑。螢光魷魚份量十足，口味較濃，兩個人食實在有點吃力。烏冬以鐵鍋盛載，保持熱辣辣。湯底甜甜地，蛋絲同烏冬合二為一，口感彈牙，值得一試！配料有蟹柳，肉丸，炸蝦及魚蛋。食日本野當然唔少得魚生丼，味道新鮮，三文魚籽爆曬汁，令人回味。壽司同刺身都幾吸引，可惜兩個人實在食唔曬，唯有下次再食！