三川居酒屋 (已結業)

Restaurant was easy to find just located by SOGO and the decoration was great too, feels like you are in Japan! We ordered a couple of starters and some dishes for our main course. 1st in the table was the mash potato salad in sesame dressing, The potato was well mashed and salad was fresh along with the crabsticks, 8/10 🙌.Next we had the mixed sushi roll with Tuna, Uni and Crab Meat. This was excellent and you could tell the freshness and the quality with the ingredients used. 9/10!!!We then h

突然落大雨☔️，同友人避雨時就發現咗依間地庫居酒屋🏮，既然都有小小肚餓就索性入咗去試一試🙊。一落去就見到一大幅橫額寫住新鮮刺身，好搶眼👀。而店家仲好細心安排咗有鎖嘅遮架比客人使用，咁就唔洗再擔心唔見遮嘅情況啦☂️入到去就見到充滿日式風格，卡位仲佈置到草屋feel，好得意我哋一坐低就即刻諗住叫嘢食，但見到咁多刺身壽司🍣都唔知叫邊款好😂店員好好心機咁走過黎同我哋逐項介紹，見我哋都冇意見就提議不如叫一個廚師發板。我哋見價錢都OK咁就決定試吓啦！等左一陣就上菜啦! 廚師發板:-拖羅肉蓉好甘香再加上蔥好香，入口即融-大池魚則口感輕盈爽彈-劍魚腩同平時食魚刺身有D唔同，口感有少少似熟魚，油脂好足夠，魚香味出哂黎😻-左口魚裙邊有焦香而且鋪上黑松露，味道十分濃郁又不會蓋過魚味-海膽，非常新鮮，口感濃郁。海膽軍盤係我哋另外加一客的而店員仲講解咗鰤魚同油甘魚有啲咩分別👅咁我就係略略介紹一下啦-鰤魚同油甘魚最大分別就係前者脂肪分佈較平均，油分較重同魚味較濃郁。而最易分辨就係鰤魚魚肉會比油甘魚魚肉色澤較為紅潤☝🏻果然粉紅嫰滑肉質食落夠彈牙!扮完食家啦😆再叫少少串燒食先我哋就叫咗雞翼串燒，雞軟骨串燒，煙肉年糕串雞翼

日式牛肉鍋🍲🥓生蛋臨上菜前打落鍋裏蛋白和蛋黃慢慢變微熟 牛肉還趕及沾上蛋汁食法有點像壽喜燒 令牛肉很嫩滑鍋裏有蔬菜豆腐還有後彈牙的粗粉絲京都玉子鰻魚飯🍳🍚原來是蛋包飯 打開蛋塊 入邊有整整半條鰻魚和燒汁飯分量挺大 吃得很飽火之夢壽司山🍣🍙壽司上有木魚絲 三文魚籽 蟹肉 海膽 味道還不錯 蠻新鮮略嫌飯多了點吧眼見隔離枱點清酒放題🍶好似好正店員細心解釋 可惜小編今日個胃差得很唯有下次先再點清酒放題吧這裏的裝修很特別 有六間和風小屋子 用稻草同木條搭成喺呢度食飯特別似去咗傳統日本地方 有味道!☺️🎏🏮———————————————————————#cwb #銅鑼灣 #causewaybay #居酒屋 #三川 #壽喜燒 #牛肉鍋 #sake #清酒放題 #鰻魚 #鰻魚飯 #壽司 #刺身 #sushi #sashimi #食左先講 #香港好去處 #香港美食 #銅鑼灣美食 #吃貨 #omakase

鰻魚牛油果加州反卷壽司飯整得實左少少，不過唔影響味道，裏面包住牛油果同鰻魚，而且都有好多舊份量幾多。日式牛肉鍋我最鍾意就係食鍋物，基本上每次食日本野都一定會點，今次都唔例外。Menu上面有牛肉鍋同泡菜豚肉鍋選擇，我就選擇咗牛肉鍋。鍋物size正常，裏面有豆腐，金菇，冬菇，娃娃菜，同埋牛肉片。牛肉片大概有四至五片，份量都OK。厚燒牛舌牛舌燒得幾好食，調味唔會太鹹，亦都冇燒到變硬，好容易就咬得到。市場四色丼朋友胃口比較大，所以後來就加咗呢個市場四色丼。分別有三文魚，帶子，甜蝦，同埋一種魚。

返完教會，兩個人去咗銅鑼灣行街街，去到銅鑼灣泊完車，已經係一點幾，要搵嘢食醫下肚先！ 行到SOGO附近，發現一間居酒屋，係喺地牢，冇乜人喎⋯⋯於是就入咗呢間試下！ 佢嘅環境好寧靜，播嘅歌係一啲日本嘅80年代金曲。。。全部都係翻譯金曲！真係好正！睇吓有乜食先。。。最後揀左三樣野share食 😋明太子燒玉子 $88個蛋都幾厚，加上熱辣辣，仲有明太子，鹹鹹地，又少少甜， 加上我哋太肚餓，所以好快我地就K.O.左佢！火之夢壽司山 $148有海膽，吞拿魚蓉，蟹肉既壽司材料鮮美，海贍份量夠一次過可以試晒幾種口味，值得推薦！汁燒銀鱈魚 $148燒得好香，魚皮夠脆口仲可以保留魚嘅肉汁，好juicy! 點埋個沙律醬，一流！

今日一個人行銅鑼灣，日日都落雨，真係好煩悶，街上面人又多又迫，係時候要搵個地方食午飯。行行吓，見到一間居酒屋，近SOGO，位置係在地牢。 唔理咁多，入去呢埋一陣先！好似好神秘。。。鋪頭開12點，所以暫時都冇人。。。啱晒我，靜靜地唔使煩！叫嘢食先。。。今日叫個稻庭手打烏冬先 $98食物好快就到了，熱辣辣，賣相唔錯！材料都好豐富！份量都幾大！有一隻天炸婦羅蝦，兩粒雞肉丸， 蟹棒，冬菇，大葱，溫室豆苗， 日本魚蛋，紅蘿蔔等等。。。佢個烏冬好滑，雖然唔係粗身嗰隻，煙煙un un, 食落去都好有質感！呢度嘅環境的確舒服，播左好多懷舊嘅日本金曲，好有共鳴，好多回憶！

今日同友人去行Sogo，想食日本野，佢話有一間居酒屋直情喺Sogo隔離，咁就一於試吓啦！真係好近喎30秒都唔使就到喇本家薯仔沙律：好特別，好少薯仔沙律係用薯蓉整，佢個薯蓉食得出係用薯仔整而唔係用粉，唔錯火之夢壽司山：好大碟，外觀已經贏晒，有蟹肉海膽同埋吞拿魚蓉明太子燒玉子：新鮮整好嘅玉子，睇落層層分明，但係食落又唔會散開，加埋滿滿嘅明太子同埋紫菜，十分夾姿燒日本魷魚筒：熟度啱啱好，所以一啲都唔韌，正極上和牛串：啲牛肉粒係真係蝸牛和牛，而唔係平時串燒嗰啲普通牛柳，好難得，好好味日式牛肉鍋：啲牛肉又係靚牛，仲有好多配菜，湯底唔鹹，食完唔會好口乾店舖裝修都好有特色！

早已知道這間居酒屋的存在Gathering 時每每縂時想不起它今天終於一試了先來個牛肉烏冬一來到有點小失望先嘗一口便除即收番牛肉湯是較清的湯頭 不濃也不油湯上有數塊牛肉 趕緊兒吃 一點也不老相信是才端上前數刻才放下的烏冬滑得有點過份QQ彈牙是一碗出色的面雞肉粒串看見了不少人推介的串燒共六粒 十分抵食每粒吃起來有肉口感不一 相信是手打的不是juicy 但吃起來充滿肉味海鮮壽司一看到便已經口水直流是海膽蟹肉吞拿魚蓉的完美結合呀一碟共有八小件 一口一件十分滿足原來成日經過都走寶會再來encore!!

感謝祭嘅銅鑼灣真係比平時多好多人，排隊都排到腳軟，咁啱比我揾到間地底居酒屋。銅鑼灣樓上舖就去得多，地底真係第一次，有種遠離人多地方感覺。市場四色丼有三文魚、油甘魚、帶子同埋甜蝦甜。三文魚同油甘魚都肥美，omega 3!!! 😂 帶子ok冇急凍味，甜蝦新鮮蝦肉鮮甜。鰻魚牛油果加州反卷好足料同飽肚！外層有爽口有趣嘅飛魚籽，𥚃面有味道特出嘅牛油果同鰻，配搭唔錯。厚切牛舌牛舌好有口感同juicy，必食！日式牛肉鍋sukiyaki湯底唔太咸，牛肉肥瘦適中(不過趁熱食唔好全熟)，鍋入面仲有日式豆腐(係滑啲)同波菜，呢個鍋有蛋白質同纖維，體力recharges! 血拼!😆

朋友推介Sogo 附近既三川居酒屋，位於軒尼詩道，銅鑼灣B 出口，好易搵到，三川居酒屋位於地庫。餐牌有好多選擇，好多元化、有刺身、壽司、沙律、定番料理、一品料理、揚物、燒物、串燒、丼物、拉麵、還有每日空運到港既靚海鮮。牛肉湯手打烏冬-牛肉厚薄適中，非常軟腍，而且烏冬煙韌彈牙。炸大蝦天婦羅-大蝦真係好大隻，即叫即製的天婦羅酥脆可口，蝦肉爽口彈牙，配菜不是裝飾，原來都可以食，仲整得好靚，好有心思~~~~~

女人就最鍾意shopping ，去完sogo 戰鬥完，一路行一路睇下有咩岩食，就在Sogo 附近，最後我地黎左三川居酒屋食晚飯。7:30到達，已經9成滿座。餐廳裝潢以木為主，日本感覺返晒黎。太肚餓，點了市場對四色丼（$168）四色丼有三文魚、帶子、甜蝦、油甘魚，刺身新鮮，甜蝦大大隻，好鮮甜，飯上加了蟹籽，脆卜卜，口感更豐富玉子壽司（$18）玉子輕輕火炙過，飯和醋比例剛剛好，不會一夾就散燒飯團（明太子）（$38）燒飯團，燒得非常蕉香，外脆內軟

假日想揾間餐廳靜靜的和友人相聚牛肉湯手打烏冬友人是牛肉愛好者烏冬是滑嘟嘟的稻庭款式湯底香面不濃 不是味精混和而成的數片牛肉半熟的秒清鰻魚牛油果加州反卷飯與鰻魚的比例恰到好處飯粒沾到鳗魚的味道 加上碎切生菜的爽口一口便嘗到各種食物的味道汁燒雞丸有兩串 每串有三粒吃得出是手打的雞肉 中間還有雞軟骨增添口味記得要襯熱食才juicy 店內除了裝修充滿日式味道還播著不少日本歌大愛

行完thankful week 之後 要搵餐好食嘅行行吓經過呢間日本菜 位於地牢 平時好少留意 今日就俾個機會佢啦一入到去原來佢裝修得好靚㗎好有日本嘅懷舊風味點完餐之後 好快佢就會送 免費嘅餐前沙律不得不提餐廳嘅服務態度好好同啲嘢食真係來得好快📌三文魚腩刺身 牡丹蝦刺身刺身真係好新鮮 三文魚腩仲要係好似嘅添至於隻牡丹蝦雖然要$70 一隻 但係真係好大隻 個蝦頭仲好多蝦膏添📌鰻魚牛油果加州反卷呢個真係好好味呀 鰻魚搭牛油果呢個真係perfect match! 佢上邊仲會加咗啲木魚 呢個配搭感覺幾得意 📌燒冬菇之後就試吓個燒冬菇 味道剛剛好📌牛肉鍋 最後仲食咗佢個鍋物 材料十足 絕對唔係得幾片牛肉敷衍你 食得過！📌飲品方面 我哋就叫咗一杯橙汁同一杯巨峰梳打好大杯！抵飲總括而言 食得咁豐富兩個人都只不過係食咗二百幾蚊 值得大家去試

經過覺得門面好似日本就試試，內裏裝修同日本居酒屋冇分別，一個人食飯的我想起一套日劇「孤獨的美食家」😂，地點位置亦極方便地鐵站一上去行幾步就到，咁岩琴日又落大雨冇帶遮嘅我都唔怕淋雨。首先叫咗個赤背刺身、海膽壽司同蟹膏蟹肉壽司🍣 鮮甜又爽口 特別一提個飯係微暖 每口吃下都好滿足因為環境太似日本所以特登叫串牛舌串燒 配梅酒 ，當自己放左假去旅行咁。牛舌夠厚有口感，再配梅酒真係一絕 💯最後 由牛肉鍋畫上完美句號。甜甜嘅湯底 嫩滑嘅牛肉 新鮮嘅蔬菜🥬若不是太飽真想再多要個飯 ☺️真心要稱讚一下有位新來的女店員，有禮貌又細心👍🏻

去完 sogo thankful week, 近近地去咗附近呢間日式居酒屋食 lunch，地理位置超正，去 sogo 只係兩三分鐘路程，絕對係shopping後回復戰鬥力嘅好地方。入到去，地方唔算大，不過銅鑼灣黃金地段都正常，好特別地佢係有卡位，不過已經俾人坐哂。打開 menu, 唔同款式嘅日本料理都有，刺身，壽司，海鮮丼，燒物，炸物等等，你諗到都有。第一眼就揀咗明太子蛋卷，蛋卷蛋味濃厚，配搭鮮咸嘅明太子再加上日先醬汁，味道一流。另外亦都想食三文魚，所以就叫咗個三文魚腩壽司，三文魚腩十分新鮮，入囗即化，再配溫熱嘅飯團，口感一流。最尾主食要咗個大阪難波牛肉石頭鍋飯，牛肉鮮嫩多汁，配埋脆脆嘅飯焦，好香好惹味，而且石頭鍋夠熱，完美地製造飯焦口感 。總結，物有所值。