三上日本料理 (已結業)

這天，突然想選質素好又坐得舒適的餐廳，最後想起了這一間日本餐廳─之前我在這區返工時，想食得好時就會和同事來吃午飯。 選擇魚生飯，因為又能吃到魚生，又比較飽肚，符合我這個大胃王的需要。在多個魚生飯的選擇中，這個是價錢偏高的一個，但不是最貴。沒有海膽，有的是帶子，三文魚，魚子，不知名的魚及甜蝦-經理說這天的赤蝦(本應有2隻)不夠新鮮所以給我換了4隻甜蝦。所有食材都很新鮮，很有海鮮的鮮味，值得一讚。對男生來說一個魚生飯仍不夠，所以加點了一個菜─份量很足很大碟，味道正常，沒有很大驚喜。晚市需加一，埋單176元，吃得很滿足，值得。

平日星期1 去食晚上7點左右，人流不太多唔需要等位，上食物速度還ok、價錢略為貴、份量ok、味道普通、刺身新鮮程度普通。（最尾我極度不滿意我都未食完我碗噶野，距地已經收曬我d檯面上噶野、然後跟手比張單據我埋單。埋單時候根本個場有幾張空檯，無人等位，都要咁樣趕客。真係祝你地生意興隆。）

之前都黎食過，不過都係好多年冇食過～記憶中食物係唔錯，今次再黎都冇失望我地係星期六中午到訪，人唔算好多，坐得好舒服～首先食到係跟餐加８蚊既燒雞翼　雞肉嫩滑　抵！跟住我地叫左１０件壽司餐魚生用料新鮮，玉子燒都厚實嫩滑！特別係食到三文魚魚腩位，油脂豐富，比一般三文魚口感更佳！套餐仲有跟麵鼓湯、沙律同茶碗蒸蛋～十分豐富特別值得一提，沙律會有唔同水果，今次食到西瓜沙律，味道清新有驚喜茶碗蒸蛋，蛋特別滑，加分！（有影到相，影片有提及，想睇可以睇片）仲可以跟指示正確食壽司另外我地仲有點一個黑咖哩珍寶豬扒飯！少少微辣，但冇一般日式咖哩咁甜～吉烈豬扒脆，炸粉唔算厚，肉質厚實而咖哩入面的配料：紅蘿蔔好腍，冇土腥味～但唔見有我最鐘意既薯仔再加上份量其實唔係「珍寶」咁大份，唔洗大胃王都會食得晒！女仔唔洗怕太大份食唔晒～總結黎講都值得再黎食！午市套餐有主食、沙律、茶碗蒸、麵鼓湯，份量足，價錢大概60-70蚊，都將抵食！

多年前嚟食個， 今日有幸，買開電腦再食。一樣先來沙律前菜 田園沙律一樣洗得咁乾淨， 配合埋少少細細粒嘅火龍果，感覺更加清新。一個獨獨食， 梗係要食返啲好嘢， 唔使諗叫魚生飯， 三文魚帶子魚生飯， 三文魚一共有六片， 但係相比以前而家已經成為薄切， 同以前真係冇得比，帶子一粒開三份， 味道都係咁新鮮，不過性價比已經冇以前咁高。幾時都話以前好， 個人老土點都好!!!仲有個前菜燉蛋，不過係後上， 燉蛋質感唔夠企身， 不過一樣咁滑。最後上埋麵豉湯， 普通嘅麵豉湯， 勝在夠多海帶。希望可以回到舊時， 不過依然都要讚嘅，用料係好新鮮。

其實不嬲鐘意食日本野，一直都食開油站對面個間，不過間野近期加租執左，所以行多兩條街去大埔道間三上。間野有上下層既，如果你有十個朋友黎 上面都有個他他me位比你坐 幾得意呢間三上同之前個間menu 有啲分別 ，多左好多季節刺身選擇，簡野期間仲會有人黎推薦野食甘最後我地叫左一板海膽，一條池魚刺身，12切三文魚魚腩，帶子炒飯同焗三文魚烏冬等左十分鐘就上哂刺身😍成個盤幾有氣勢三文魚腩好厚幾大舊下,入口好滑有油而唔會覺得漏呢到98蚊加20蚊就有全腩至於條池魚，佢會有特別既汁比你點黎食，酸酸地好開胃，條魚啲骨會一齊放係個盤到，食完可以叫佢炸左佢黎食另外重點海膽，韓國海膽黎既，入口即溶，好鮮甜無異味不過唯一有啲不足既係要食得快，因為佢底啲冰溶得快，如果食得慢啲冰溶左啲水會浸到啲海膽🙈跟住上左炒飯，都幾足料有唔少帶子，珍珠米炒到一粒粒乾身既，好香又熱辣辣。唔好意思呀因為太香，所以筆左一人一碗先記得影相最後上左焗烏冬，好濃芝士岩岩煮好，撈雲黎食真係幾正，仲要啲烏冬好彈牙份量一般但真係好食會再叫整體黎講唔錯，無論一家大細定同朋友黎都岩食岩坐，樓下熱鬧啲樓上就靜啲，同埋有戶外位岩哂吸煙人士

香港人普遍鍾意食日本嘢，我都唔例外， 今晚太太開要開會，我就留喺學校工作， 直至到晚上9點幾先至食晚飯，隨便喺深水埗揀咗一間食日本嘢嘅舖頭。我鍾意食手打烏冬，所以嗌咗男女都有一碗燒牛肉手打烏冬，太太鍾意食牛油果，所以點咗一個 鰻魚牛油果反卷，餐牌原來有十蚊一件嘅厚切鰻魚壽司，每人限點一件，我哋亦都點咗兩件。燒牛肉手打烏冬味道相當唔錯，我最欣賞 烏冬嘅質地好煙靭，非常有口感，而 燒牛肉好香， 我非常鍾意食，鰻魚牛油果反卷味道都好好，鰻魚好香，牛油果健康，口感同味道都唔錯，食埋好味嘅厚切鰻魚壽司， 埋單都係149蚊 。在香港日本嘢，呢間三上 既 性價比十分高，值得推介，唯一嘅缺點係距離 最近嘅地鐵站深水埗或石硤尾，都要行最少十至十五分鐘。 整體來說相當值得推介。

雖說宅女的工作不算是常常要面對客人, 但有時候同事的對應, 繁複的工作加上無形壓力, 總會令自己情緒起伏不定, 這時候就要找找方法去發洩一下. 每個人的發洩方式不一樣, 有的會做運動, 有的會瘋狂打機, 而我自己的方式就是去吃好西! 雖然朋友不多, 慶幸總有幾個義氣仔女. 發了個短訊給朋友J: 她幾秒就回: 問問朋友J餐廳的地址, 她回了餐廳名叫三上水產, 這家店在西環, 元朗及馬鞍山都有分店. 吃的主要都是日本料理. 而這晚她訂了的是在深水埗大埔道那邊的店, 只要由地鐵站B2出口一直沿著北河街走到大埔道那條大街轉左直行幾個鋪位便看到. 還叮囑宅女說這家三上日本料理在深水埗有兩家, 另一家在元洲街她吃過水準比較差, 所以千萬不要去錯.宅女聽到在深水埗吃日本菜...馬上有些猶豫, 他們的質素真的會好嗎? 朋友J隨即說她吃過香港不少日本餐廳, 但這家她每星期都起碼會來吃一次, 除了他們的食材有不少是飛機貨直送來之外, 同等質素價錢比起鬧市區更便宜. 來的時候是平日晚上7時多, 餐廳雖然位在大街上但果然如朋友說這邊人流不太多, 眼看這個時間食客坐滿了6-7成. 店內地方比想像中大, 內

不知有沒有人也跟我有同樣的想法，總覺得日本菜百吃不厭。這次嘗試位於深水埗區的日式料理餐廳。16件壽司拼盤：壽司件不同款式的壽司整齊地排列在盤子上，面頭的魚生色澤亮麗，吃起來尚算新鮮。可惜價格定位偏高，性價比低。一口炸芝士：芝士炸得香脆可口，咬下去也有流心的效果。蟹肉櫻花蝦蛋卷：蛋卷面頭舖了蟹肉，切開則看到中間藏着份量不少的櫻花蝦，味道甜甜的很易入口。不過蛋煮得偏老不夠嫩滑，有待改善。咖哩芝士雞扒飯：芝士足料但咖喱的味道不夠特出，飯身偏濕偏軟，吃起上來比較膩。蜜桃果汁：味道濃郁而且喝得到粒粒的果肉，比起坊間味道很假的蜜桃飲料略勝一籌。整體不過不失但沒有太大驚喜。壽司和刺身的定價稍高，炒飯或粉麵類定價相對合理。

深水埗食晚飯可以有好多選擇，但好多有人氣既都要排隊等位，當唔想等位又加上已經好餓，三上係一個好選擇，唔洗等位又可以坐得舒服。每次黎都會點鍋仔烏冬再搭其他食物，鍋仔烏冬夠熱又濕濕地容易入口，臨尾仲可以飲兩啖湯，配料加烏冬足夠一個人食飽飽。另點了蟹籽沙律，青瓜絲甜甜地非常清爽，可以當菜食夠晒清新。壽司點了牛油果軟殼蟹卷再加燒牛舌，兩者賣相及味道也可以，唯牛舌較薄身亦要襯熱馬上食，凍左就會變硬身。

星期六中午在附近買完東西，和老公來了三上吃午餐。12 點初，店內客人還不算多，一進去店員就可以安排我們入座。我點了一個 汁煮豬軟骨定食 ，食物很快不用10 分鐘就送到枱上，有一碗 味噌湯、小吃（紅蘿白+蓮藕、一碟主菜 豬軟骨、一碗白飯。豬軟骨份量十足，一共有五大件，仲有一些配菜，煮得好入味又夠淋，不過我一個人吃不完，食剩左少少飯。平日星期一至五午餐仲有D平D的特惠午餐，不過星期六日假期就冇，不過一個定食都係$65 ，有咁嘅份量我覺得很合理。

每次晚市經過大排長龍，今天路過見人少少，午餐menu好吸引，而且不收加一服務費便入去試試～點餐後先送上前菜, 日式沙津嚐到火龍果的甜，醋的酸，菜的鮮，還有日式醬油的鹹，彼此味道沒違和感，不錯又醒胃；日式蒸蛋，質感滑溜，入口即化；味噌湯尚算足料，不過不失。三文魚帆立貝飯，厚切三文魚及帆立貝嚐到微微的海水味，體驗到海鮮的原汁原味，矜貴又滋味～美中不足是飯雖採用珍珠米但水比例過多變黏稠，沒有做到粒粒分明飽滿的效果。加州卷，尚算足料，內餡有蟹柳／玉子／青瓜，外面頗多粒爽脆蟹籽包圍，重點是沾上我最喜歡的日本丘比特沙津醬，鮮味又滋味～$70嘆到豐富前菜及鮮味主菜，抵食又飽肚～不過，我貪心Ｄ希望呢間舖遲Ｄ推出日式甜品，咁就Perfect!

收工約深水埗之友食飯，一行五人搵到三上落腳。門面與一般平民日本居酒屋差不多，並不離地，始終做深水埗區街坊生意嘛。唯一不同場牌是店內有個魚檔，擺放每日的原條魚生，供客人睇過再點。店員稱每天返既貨都可以唔同。朋友請客，由佢發板。年輕企業家月巴兄沒花太多時間看餐牌，就叫侍應預人頭食物三百蚊Budget，着其介紹介紹。侍應工作了一整天，難得見到如此有大將風範的老細，藉詢問口味為名黎R水吹幾句。自此整晚都變得專人服侍，要跟月巴兄學習學習。老細先點一枝清酒，餐廳所有清酒七折，一枝上善如水折實210蚊，超市都要賣199元。上枱時清酒盛在特別容器內保持低溫，霸氣非常。店員先上原條黃羽太刺身加韓國海膽。魚身片肉，骨架和魚頭托底，淨係影相都有排影，充飢之餘尚有視覺享受。魚肉沒有片得太薄，而且介乎濃味和爽口之間，感覺清新爽口新鮮。刺身跟自家製酸汁亦配搭。海膽味道濃郁，賣相吸引，食落沒有苦味怪味，亦算新鮮。加一塊紫菜和青瓜絲食，可豐富口感。食過翻尋味，店員話再上啲劍魚腩三文魚，全部厚切啖啖肉，入口滿口魚油，好食之餘擺設精美，視覺味覺一同享受。［清酒煮大蜆］砂鍋上大蜆，大隻無沙，爽口有咬口，亦算鮮甜。清酒另上，

是日放假，到了深水埗跟舊同事午餐。深水埗是一個舊區，向來多廉價、特色的食物。舊同事提議三上，離公司不遠，坐得舒適，食物不俗。午市套餐選擇不少，有飯類、炒炒、魚生、壽司、拉麵等等，配味噌湯及小食。 雜錦魚生沙律 - 三文魚粒加上沙律菜，沙律菜尚算新鮮，配上沙律醋，酸酸的很開胃。 炸餃子 - 餃子皮炸得香脆，不會過硬，餡料足，但略嫌太乾。 燒汁牛肉飯 - 牛肉煮得恰到好處，不會過韌，脂肪比例亦好。加上洋蔥、青椒、蘿蔔、紫菜等配料，淋上帶甜的日式燒汁，頗為惹味。 自家製豬軟骨拉麵 - 豬軟骨煮得軟硬適中，不會過淋沒有咬口，豬肉軟軟的容易咬開，軟骨位置爽口。豬骨湯底味道普通，不會過咸。 以五十多元的價錢，可以舒舒服服的跟舊同事聊聊天，食物味道還好，是當區午餐的不錯選擇。

講開深水埗的日本菜，大家一定會聯想到挑戰劣食壽司，又或者外帶壽司，但能說得上好吃的應該寥寥可數…這家三上就是其中一間了。七點半到，都坐了八成的位置，幾旺場呀！日式炒野菜味道較清淡，伴木魚絲咸味已足夠，不太油膩，卻不失美味，健康首選。吉列廣島蠔的蠔比較細隻，但一咬就爆汁，很juicy，有咸香，蠔很新鮮。炸粉份量適中，配蛋黃醬很好吃。這個是最平的雜綿壽司set，我忘記了價錢，但平過$169的一人盛。當然這個拼盤的選料相對地便宜，但我覺得都很不錯啦。三文魚油脂肥美，又大片。鱆紅魚很新鮮，完全沒有腥味。北寄貝肉質鮮嫩，有彈性得來卻不會太韌。蟹籽軍艦的蟹籽多得要跑出來了。鰻魚壽司的飯握得較鬆散。另外那個說不上是加州卷吧…因為中間沒有蟹柳棒的！海膽和鵝肝都是我男朋友的最愛，所以看到這個炒飯二話不說要點一個。賣相好像不太好…不過味道不錯。海膽的份量，就是如圖的一小口…（有被騙的感覺）鵝肝也不見得多份量，切得很小粒的，跟粟米一樣細粒…不過吃下每口都有鵝肝的咸香，炒飯是用珍珠米，還是能炒得粒粒爽身香口。走的時侯有三枱人等位。整體的味道不錯，而且不收加一，感覺明碼實價，很老實。必會再來。

去完迪士尼，又累又肚餓，朋友又岩岩係西藏返黎好掛住日本菜，就去食三上啦!真係太肚餓，叫晒d飯黎食!三文魚加洲反卷，幾厚既三文魚係中間，啖啖肉，唔錯元貝軟殼蟹反卷，蟹幾脆配埋面頭舊新鮮帶子都唔錯可惜反卷都係細細舊，一啖擺晒入口，好似唔夠過癮海鮮鍋定食，中中挺挺無特別，都算幾多海鮮既，蝦帶子青口尤魚，加埋雜菜幾清淡和式牛柳粒定食，個醬好好食送飯一流! 而且唔會太硬，幾好食定食仲有一個白飯，凍芝麻豆腐，麵鼔湯係深水埗呢個價錢既日本菜都ok既~