三上日本料理 (已結業)

老公生曰，仔女＆女婿一行五人去慶祝，叫左一條金目鯛（半條刺身，半條燒魚）美味，三文魚腩十二件肥美新鮮，串燒：牛舌丶牛柳丶牛筋，黑䐁腩丶雞軟骨丶雞翼⋯好食，北寄貝丶海膽丶帶子壽司正常丶火炙左口魚壽司超正丶活赤貝壽司少有好食，什錦天婦羅可以啦，有個叫石哥的肥哥哥好好服務，介紹當天的新鮮魚（有一個冰櫃上放左魚係度可以選擇），這間店刺身新鮮，串燒唔錯，壽司也不錯。埋單$2149即時入會只須付$2000元又幾好喎。得閒又去食下先><

估唔到深水埗會有咁新鮮嘅日式刺身居酒屋佢個三上刺身盛合包括有三文魚，甜蝦，白身魚，赤背，同埋劍魚，全部都好新鮮，係厚切，好肥沃甜美。揀咗兩款特調飲品係金橘檸檬同埋鮮白桃汁，唔係太甜幾好味另外點左個芝麻豆腐沙律，只係$42大大碗，除咗芝麻醬同埋冷豆腐之外，仲有海帶同埋一啲沙律菜，好清新主菜點左個鹽燒吞拿魚鮫，因為好大件所以要等比較來時間。佢笑得表皮好香脆，吞拿魚鮫肉質比較結實亦都充滿油脂非常香口另外仲有一個叉燒石鍋鮮茄烏冬啲烏冬好彈牙鮮茄湯底亦都好好味

是日同同事興致想食日本嘢，聽講呢間唔錯，就來試試，果然沒有令我們失望，食物質素高！店面沒有太大，外面有一張露天檯，可以座8個人左右，也接受訂位，這個非常適合我們不想等位食飯的打工仔。同行的同事都有點魚生，她們的評價是很好！性價比高。自己點了照燒雞扒番茄烏冬，烏冬質素很好，對於有韌硬嘅食物有莫名執著的我，很喜歡這裡的烏冬，質感很滑，韌硬程度剛好，口感好好，即時食到最後烏冬也沒有變淋，照燒雞扒也做得好好味，有炭燒的口味，肉質不‘’鞋‘’，雞扒醃製的剛剛好，雞皮烤得很脆，本不食雞皮的我也忍不住要試幾口！精華是燒汁，味道剛好，不咸，非常配上雞扒。值得一提的是番茄湯，很濃郁，也很足料，讓整個湯烏冬味道更昇華，超級滿足

深水埗是我的平民飯堂，這家「三上日本料理」價錢也是比較平民，餐廳位於大埔道，從深水埗地鐵站走5分鐘左右便到，餐廳裝潢樸實，裡面裝潢也帶和風，有居酒屋感覺的日式料理餐廳。餐牌的日式料理款適多，價錢也相宜。餐紙的壽司大圖鑑講解各款壽司的味道和口感，一邊吃一邊長知識，相當有趣。 松葉蟹肉蟹籽沙律 清新健康的前菜，蔬菜配上沙律醬和蟹籽鮮甜，蟹柳絲份量都不少，又香又開胃！三上壽司盛合壽司盛合有三文魚、白身魚、帶子、甜蝦、火炙左口魚邊、穴子、 香蔥拖羅卷。火灸左口魚邊壽司表面微微燒至焦黃油亮，外層香口，肉質嫩滑，滲出了濃郁的魚香，鮮美多汁。三文魚不算太肥美，魚肉色澤橙紅剔透，沒有魚腥味，入口彈牙，口感飽滿。香蔥拖羅卷鮮甜，魚肉配上蔥花，味道很清新和新鮮，食落鮮甜美味。雜錦天婦羅有南瓜、番薯、甜蝦、冬菇、蟹柳天婦羅炸得香脆可口，外脆內軟，很有口感，都是是不錯的小吃！再蘸上沾醬汁一起吃，更加惹味。 瑤柱帆立貝炒飯 賣相可以，帆立貝份量都不少，但比較乾身，炒飯上的xo醬餵整碟飯提鮮。價錢相宜，飽肚之選。

深水埗呢間日本🇯🇵料理 價錢好抵食 午市唔收加一☺️但定食都大大份 每款定食🍱都係包 味噌湯、沙律🥗同蒸滑蛋仲可以不停追加壽司🍣、刺身、雞翼.#香蔥拖羅蓉帆立貝飯 $68面層嘅拖羅蓉都算幾厚😌 下底有少少紫菜碎墊底 上面就加咗香蔥同芝麻 帶出咗拖羅嘅鮮味🤩但拖羅就唔算太鮮甜 但絕對係新鮮👍🏻有三粒帶子 夾住青瓜🥒 所以帶子都有少少好淡但清新嘅青瓜味帶子反而幾鮮甜😋口感滑脫脫.#照燒雞扒茄湯烏冬 $52用咗原個鮮番茄🍅熬製湯底 仲有蕃茄蓉同蕃茄碎可以食😛個湯真係超級濃番茄味‼️雖然烏冬唔會掛湯 但烏冬都幾入味 味道唔會淡照燒雞扒分開上 個皮幾脆👍🏻同埋好Juicy .我同寶寶瘋狂加小食 太抵啦🍣三文魚刺身 加$16三文魚新鮮 脂肪分布唔算多 但夠晒鮮甜👍🏻🍙加州卷 $8包住青瓜、蛋、蟹柳 冇乜特別 主要淋上沙律醬係更好食🐥鹽燒雞翼 加$8雞翼個皮好脆😼 唔會太過鹹味道 做得啱啱好略嫌肉質唔夠juicy 乾咗小小.我覺得以呢個價錢食到咁多野 質素中上 性價比都高👍🏻

服務員質素很差,送錯餐請他拿走,背後說一句不要食吧,男務服務生不停抱怨,點餐半少時一點食物也都沒有上台!這樣的服務態度這裡一定......利申我是這裡的會員這樣實在令人失望, 痛心疾首!!!

唔知點解 自從返左深水埗之後, 成日個心都想食日本野 偏偏呢一區真係唔多日本餐廳選擇… 直到有一次同事帶我黎呢一間食lunch.. 就成日黎食喇~~ 有Lunch Set menu, 亦都有a la carte item供應 : ) 我同同事各自叫左一個lunch set, 再加2個小食share食~ 未上主食, 先上跟餐的鮮果沙律, 日式蒸蛋, 味噌湯 沙律係柚子沙律, 夠多汁, 菜亦新鮮, 配埋西瓜好fresh 蒸蛋同味噌湯就正常水準 ~ 先黎既係 豬軟骨茄湯烏冬餐 $56 (配: 鮮果沙律, 日式蒸蛋, 味噌湯) 賣相平平, 但味道有驚喜 ! 最深刻係佢個鮮茄湯底! 真心濃郁, 同埋係有蕃茄既”鮮味”, 唔係”腥味” ! 望返MENU見到店家都標榜佢地係用100%鮮茄製作, 難怪真係食得出 比平時食到既高質! 豬軟骨每件都好大件, 好腍身易咬~ 最後, 烏冬完全索晒蕃茄鮮味, 軟硬亦都適中, 整體係值得推介 珍寶滑蛋豬扒飯餐 $68 (配: 鮮果沙律, 日式蒸蛋, 味噌湯) 呢個份量比想像中大! 其實食完呢兩個主食都夠飽了… 早知唔叫咁多小食 滑蛋同醬油鋪滿面, 蛋香幾

係深水步呢個地方食野都開始愈來愈貴食既種類也多了要食日本菜也有不同選擇今次選了三上餐廳食物種類多價錢性價比較高中意去🙌🏿個炒菇味濃呢個軟學蟹壽司配芒果都好味 芒果都好甜都大舊 值得食

今日同朋友就去咗深水埗嘅三上食日本菜，深水埗好多嘢食，不過好坐嘅地方就未必咁多。呢度就係其中一個幾好嘅選擇。平日晚上呢度唔係太多人，所以朋友傾計又唔會覺得太嘈。食物味道吾錯，而且份量都算幾多。

三上水產喺深水埗已經有一段時間，舊舖位於大埔道油站格離，以前食過都覺得唔錯，於是去新鋪頭再試下。點知極度失望！我同女朋友九點零鐘去，發現鋪頭一半都坐唔滿，仲有兩台係員工食飯，已經覺得伏伏地，諗住唔太肚餓，求其點啲嘢試吓。叫兩樣餸，等左20分鐘都未有，職員態度仲要唔係太好。我叫咗四件三文魚，想叫三文魚腩，但賣哂。呢四件三文魚，一食落口已經覺得啲肉質好唔新鮮，感覺雪左好耐，食到冷藏嘅味道。另外叫咗10件壽司拼盤，完全係劣質，唔新鮮，同爭鮮買嗰啲無分別！🤮仲要唔知點解等左成半個鐘先至上菜。總括來講，最正路就係波子汽水，最後埋單仲要二百幾蚊，以後都唔會黎呢間劣質日本刺身餐廳！👎🏽

刺身唔新鮮！14：15坐低， 已經話last order， 要一次過落單， 唔係就冇得落， 侍應極度 度趕住 落場， 態度又極之差， 沙律油又極度唔新鮮， 精滑蛋又有怪味， 食完今次之後絕對唔會返轉頭！

深水埗食日本野既地方唔多，咁岩揾到呢間三上，之前食過西環分店，印象中唔錯，食lunch就黎食呢間。午市有套餐，平均$50-$70一set，有魚生飯，壽司，烏冬等等，套餐仲包沙律，味噌湯，日式蒸蛋，都幾抵喎，包咁多野。我叫左一個照燒雞扒茄湯烏冬，茄湯好濃味，愈食愈咸，食到好口渴，不過份照燒雞扒唔錯，燒得好脆，好入味。朋友叫既魚生飯，可以揀要細烏冬或者味噌湯，朋友既comment都係好咸。總括黎講，如果食物無咁咸就好好多啦！

約左朋友去西九龍行街街，問朋友附近有冇日本嘢推介，朋友話三上係佢屋企樓下，仲有朋友原來join左member好耐，可以積分之餘部分嘢食仲有會員discount ，同埋嘢食唔會令我失望咁話😆，yeah～又食日本嘢😬首先order味噌湯，味噌味夠濃但又唔會過鹹～鯖魚香口之餘一d都唔腥，配上檸檬汁完全帶出魚嘅甜味～素炒雜菇夠清新健康，爽口😍三文魚刺身好肥美，超讚👍天婦羅炸到恰到好處、入口鬆脆😋配上前菜蟹籽沙律，幾Jeng😬我同朋友share左兩個麵食，拉麵配料有日式叉燒和大大隻炸蝦，拉麵湯底濃度亦恰到好處～價錢適中唔算平，但總括黎講cp值唔錯。朋友話食三上食左好多年，以前更加好味😆haha希望下次有機會請返朋友食啦😆

山竹帶嚟香港人很多的不便，如四處破壞，交通癱瘓及許多樹林倒塌， 趁住風勢不大才敢踏出屋企門口，走到大埔道三上日本料理食午餐。我剛到餐廳時間為12點，暫時還未有客人到臨，我是當天的第一位，打開餐牌就已看到午市套餐食物選擇很多，而且壽司套餐、刺身丼、日式飯或烏冬及麵類等都應有盡有，價錢也十分合理。午餐套餐包括我最愛的茶碗蒸蛋，以及蔬菜沙律及麵豉湯，配搭十分豐富。今次我叫來珍寶吉列豬扒定食，豬扒大大份，味道算合格，而我比較失望是佢哋嘅茶碗蒸蛋，沒有雞蛋香，仲有雞蛋蒸得不結實是水汪汪的，根本不像我最愛的蒸蛋口感，呢個蒸蛋就令我大打折扣了。

這個晚上約了兩個朋友一齊晚餐大家都喜歡食日本嘢，所以就膽粗粗試下這間，打開菜單，深水埗區算略貴，心諗應該有水準。一開始先上了刺身，確實好新鮮 ，有期望。但之後的食物就差了，又咸，最基本的壽司d飯粒硬的，d蛋完全吾滑帶咸。其他不用多説。兩個字失望。成餐飯大家勁飲茶。枱上又有几隻蚊飛來飛去。最後賣單1172 每位390 貴而難食 。上菜時間慢。現場食客吾爆場，吾明d野等咁耐。貴店應該好好改善下，在深水埗區定價貴，但食物質素完全不成正比。