三上日本料理 (已結業)

多年前嚟食個， 今日有幸，買開電腦再食。一樣先來沙律前菜 田園沙律一樣洗得咁乾淨， 配合埋少少細細粒嘅火龍果，感覺更加清新。一個獨獨食， 梗係要食返啲好嘢， 唔使諗叫魚生飯， 三文魚帶子魚生飯， 三文魚一共有六片， 但係相比以前而家已經成為薄切， 同以前真係冇得比，帶子一粒開三份， 味道都係咁新鮮，不過性價比已經冇以前咁高。幾時都話以前好， 個人老土點都好!!!仲有個前菜燉蛋，不過係後上， 燉蛋質感唔夠企身， 不過一樣咁滑。最後上埋麵豉湯， 普通嘅麵豉湯， 勝在夠多海帶。希望可以回到舊時， 不過依然都要讚嘅，用料係好新鮮。