三上日本料理 (已搬遷) 新店位置

為何這間的comment會是不好居多呢?我上次去過深水埗的分店.今次帶同家人來.吃了個拉面, 就的確較差...因為面冇特別, 又等得耐.湯又係好似豬骨濃湯公仔面咁.但係d刺身飯呀, 沙律都是很好. 又多.海膽又正, 三文魚又厚又好吃.這兒是很平價日本野之精選呀.雖然這間元朗分店要填左會員form先比你入去.

一直聽過這店子，但沒去過。終於，幾日前跟老公去了一試。晚市蠻多人，幸好去的時間早，不用怎麼等就入去了。點了飯+小食+壽司。xo牛肉炒飯: 完全感受不到xo醬，是甜而不辣的炒飯。若撇除這問題，單以牛肉炒飯來說，是蠻不錯的。啖啖牛肉，不太油，熟度也適中。蕃薯天婦羅: 中規中距6大件。芝士焗生蠔: 值得推介，大大隻肥美的生蠔佈滿車打芝士，表面焗至金黃，蠔肉的鮮美加上芝士的濃郁，讓人食指大動。食完生蠔，它的殼還剩滿滿的芝士漿，可見它的芝士份量十足，我們將這些芝士倒入炒飯中，混在一起食，意外的配合~壽司: 三文魚+劍魚+鰻魚，不過不失，都ok新鮮，飯也不見是那麼差。只是…價錢方面不太抵。

同朋友去呢度食晚餐. 我地叫左四樣野, 食物既賣相唔錯, 可惜魚生唔係好新鮮, 壽司既飯硬左D, 烏冬好食可惜湯就唔熱, 只可以用溫暖黎形容, 得碟燒三文魚係我地個個都覺得滿意既. 我平時食野要求唔高, 不過今次真係覺得麻麻地, 可能太多人幫襯所以影響左質素呱

今日晚上十點幾...諗住搵野食.咁岩經過呢間野見冇乜人等諗住試下...因為前面都係等一張.都等左十分鐘..諗住下張到我地..問左門口條友confirm 左下張係我地都算...一路等..突然有3 個女人出現...好巴閉咁同d職員打招呼......跟住有枱走..應該都係我地坐先...點知個班女人一支箭就入左去坐...我地即時同門口條友理論...岩岩先話下張我地...點知有 人打尖打得咁出面...條友即時口窒室話book 左位...我地質疑佢如果有booking 頭先唔好話下張我地啦..一路佢講佢就dup低頭...好似作賊心虛咁..仲即時走入店入面逃避...我地仲即時入店同佢理論...入面個阿姐騰哂雞咁迴避我地...即時問佢地攞左投訴電話..條氣已經好唔順...打比投訴電話個經理都係係到敷衍我地...仲話如果係長期客戶可以預先book 位喎...即係表示佢地only想做長期客戶啦...生客唔駛旨意幫襯啦...不知所謂...你一早講到明熟客可以打尖我地d生客咪唔等囉/...最好貼張notice出來講明熟客優先呀笨....以后晤駛旨意我會幫襯...

今日同朋友2個人去左三上食晚 飯啦叫左牛肉飯定食 ↑唔知點解佢牛肉鍋個湯底好鬼死甜而無乜牛肉味wo劍魚腩刺身↑第一件食落口好似好水咁,腥腥地咁囉鰻魚片壽司↑好普通既鰻魚壽司最後追加左一個鮮帶子軟殼蟹反卷 ↑帶子好似乾乾地,軟殼蟹又唔脆好似"立立"地個人覺得ok啦...唔好咁大期望囉

三上依家下午有２個時段做緊３８蚊任食．．．前兩日終於去試左喇有十幾廿樣野可以任你點．．．味道雖然只係一般，但勝在即叫即整，唔似其他同樣做任食店舖咁，出度黎唔新鮮，所以係值得一試既

有人請都要諗過先去,本來諗住試金水...點知好多人排隊,就去左呢間野,去到果陣仲有三張空台，係都要逼我地搭台,間野服務態度又差,食任食,D魚生鰻魚又用超納米技術切割,得幾張普通A4紙咁幼,D飯一件抵人地其他舖頭兩件,一個手卷=半碗飯,個"食送"都唔夠我手指公大,咩三文魚皮手卷,半碗白飯＋軟淋淋紫菜＋兩塊手指甲咁大塊既四洲炸魚皮，仲要無味既,最頂癮係佢係Ｄ飯度加埋沙律醬,叫5件黎四件,4件有3件黎錯既,得件三文魚係岩,無啦啦整堆屎咁果Ｄ吞拿魚沙律,一野車落我面前,我即刻同佢講：我無嗌呢Ｄ咁既野喎!跟住條*樣又ON居居走去換，番黎又唔係我嗌果Ｄ,算啦照食，剩係等佢搓果幾粒野，等左３個字,跟住算啦,諗住食多少少走人,最後就剔左四件,個姐仔就係咁問係咪四件,我終於忍唔住同佢講:你都係黎四件架咋，你黎過５件咩?跟住佢話：我地會分開上架嘛.咁我又剔多樣,跟住心諗:你係咪一隻碟放一舊飯?點知佢又黎４件:鰻魚＋三文魚＋魷魚＋鮑魚,得三文魚係我叫既啫，其他我無叫過,佢又無啦啦係隻碟度擠Ｄ沙律醬...跟住等等等，我果件分開上既飯都無黎到,格離兩張台都已經嘈緊:Ｄ飯咁大舊，我黎食飯得啦？跟住又話,食剩每粒飯

三文魚刺身- 有6件, 切得好厚, 有口感, 不過無鮮味海膽飯- 好大碟, 數過有11款料o係入面, 不過食唔到有海膽, 好似楊州炒飯咁, 無咩味道, 只係勝在多料豬軟骨餃子- 味道一般, 同普通餃子一樣, 無咩特別, 皮炸得脆,但燶得滯

前兩日咁岩6點正到，見無人等，入去試下三文魚刺身，$65有14件，都OK平什錦刺身沙律上面都幾多刺身粒海膽甜蝦杯入而海膽唔係咁新鮮，甜蝦好細隻下帶子壽司上面係好大件帶子，$20兩件好低食燒秋刀魚就麻麻，完全食唔到秋刀魚味反而燒三文魚頭又OK，而且好大份(連魚"旗"果到)其實都無乜印象總括黎講唔係差，但都唔係好，食既野無驚喜，係元朗咁多間食日本野黎講呢間都算座得舒服，呢點可以加分~不過我地未食完(D野未黎)佢就想收野....可以出面遲左多人等啦...

每星期都要入元朗, 這次決定去試一試這家聞名已久的三上, 地方很好找, 就在千色廣場對面。星期日12點15到, 已祗剩一張枱, 剛好入座。叫了地獄拉麵、煱仔烏冬、芥辣八爪魚、三文魚及赤貝刺身、幾種壽司(黃金魷魚、海膽、魚籽、油甘魚)、半生熟牛肉、炸墨魚咀、燒雞及雞軟骨串等。拉麵OK, 烏冬煙韌有咬頭, 唔錯, 但湯底麻麻; 芥辣八爪魚同赤貝夠爽口; 三文魚就唔係好掂, 完全無魚味; 壽司過得去, 略嫌紫菜已變"淋"; 半生熟牛肉無乜牛味; 炸墨魚咀唔夠香; 燒雞及雞軟骨串正常野OK啦!整體來說不是很差, 以這個價格吃到這樣的貨式叫做可以接受了, 祗是如果你唸住食日本刺身生食的就會有些失望。

因為爸星期日唔得閒,所以我跟媽一家三口就提早為爸慶祝父親節。爸特別喜歡食刺生,而且對刺生的要求幾高,以前佢行船,成日食海鮮,所以有點研究,都幾識食!聽朋友介紹三上,所以揀左這裡!有些人有個疑問,招牌明明寫住"三伊一橋",點解俗稱"三上"呢?這點我就知啦,哈~這間店初開時,係叫"三上"...但真係做得好差,壽司竟然用超市出售的有膠紙包住那款,愈做愈差。突然有日間店圍晒板,寫住"裝修"(人人都以為係執粒)接著就開左間"三伊一橋"...但我認得老闆娘係同一人囉!它的餐牌上有些菜都有"三上"的名字。6點半去到,拎左籌要等6個位,見入面的人好似岩岩坐落黎,所以就係附近行下!半個小時後返黎,已經過左幾個number,好彩門口的侍應肯俾下一張檯我地。裝修過後的"三上",地方明顯比以前舒服,起碼唔係迫先~我地點了:三上雜錦刺生(小)--$118--最底一層係冰,中間有大堆瓜絲把冰和刺生分開,幾好。最怕吃到暖暖的刺生,幾新鮮都假啦!酒煮蜆--$38--以煲仔上的蜆,落了炸蒜,幾香!不過蜆不夠乾淨,入口有沙!三上雜錦炒飯--$40--沒甚麼期望,因為驚唔夠食先叫...很像食緊楊洲炒飯!蟹子+京蔥三文魚壽司

那天晚上同朋友吃飯, 朋友要吃日本菜, 又未吃過「三上」, 朋友其實提過不止一次, 但「三上」, 「三上」的, 但招牌分明寫著三橋一伊, 但也不深究了, 一於試試!雖然只是六點多, 但店內已座滿了人!我叫了一個豬軟骨定食, 朋友則叫了個是日的定食!我的豬軟骨定食買相雖非日式, 但心想算了, 也不能要求太多, 「將就將就」算了, 但食味就真的很難相就了, 那些豬軟骨的汁帶微酸的味道, 我知道並非變壞的酸味, 但總覺得食味當怪異, 而且豬軟骨炆的時間不足, 仍有點硬身, 份量雖然不少, 但單以食味計算, 也沒什麼胃口了!朋友的是日定食, 明顯有搵笨之嫌, 用了日式的便當盒盛著, 其實內容就是兩塊炸物, 一少塊煎雞扒, 一點的日式沙律, 份量比我的還少!看朋友樣子, 食味也好不到那裡去!我的定食好像要40多元, 朋友的是日定食更要50多, 加上環境不算太好, 很有一種人多擠迫的感覺, 而且食物不見得有何突出之處!坦白說元朗食肆競爭激烈, 日式食肆尤甚, 以如價錢及質素, 我想不會再光顧了, 但奇怪的是天天門外仍大排長龍, 想食如否, 看官真要自己定奪!

去到見到OK~諗住試下..好多人等..同佢講2位..唔應人..再同佢講..都係唔理..門口條女仲好串同D人講:都未到你!到我會叫你..嬲嬲到走左.生意好又點...門口果個係度趕客..我唔會去呢間野食..係門口d態度已經咁.真係唔敢想像入到去係點..><

尋日(即1月21日),我個fd生日,咁我哋咪約埋一齊去三上食野慶祝囉,因為我未去過ma~~哇哇哇,一ｄ都唔抵食,ｄ野食又貴喎,我哋有5個人,食咗$400都唔知食咗ｄ咩,好似冇食過咁...＠＠我地叫咗以下食物~~(1)雞軟骨~~哇哇,勁燶呀ｄ雞軟骨,又少喎,計計埋埋都係得果十幾粒,睇落好似好大碟,但係就真係一ｄ都唔抵食＞＜(2)刺身沙律~~都ok既,但係個賣相唔得(3)炸尤魚~~味道幾好,但係ｄ尤魚好dum,好難咬好開(4)軟殼蟹手卷~~哇哇哇~~~好燶呀,炸到d軟殼蟹黑蚊蚊,點＠＠(5)都係ｄ普通既壽司同卷物,冇咩特別...p.s.:除非大家真係好多$$啦,如果唔係都唔好嚟(晒)$$勒^^

週六晚，與家人及龍一起去了這間很久沒食的料理店開飯。週末的元朗很多人，我們等待約半小時才有位。四個人吃了：　炸多春魚($15)-燒多春魚吃得多，炸的都是第一遭吃。賣相似天婦羅，點了沙律醬味道就似炸魚手指，考慮價錢都食得過串燒雞串($12)-用了似鰻魚汁的甜燒汁，感覺太甜，不推介芒果蟹籽沙律($38)-份量正常，用了非常甜的芒果，不過蟹籽不多，整體而言都ok細雜錦壽司拼盤($80)-有16件正常大小的壽司，對食慣田中/一番的媽咪而言有失望。我試了三文魚加州卷、櫻花卷及墨魚壽司，是普通水準，的確不及田中的新鮮。油甘魚壽司($30)-媽咪想食油甘魚，另外點的。油甘魚幾乎入口即融，味道口感一般，沒有期望會好些燒牛肉烏冬($38)-全晚最好是這道菜!烏冬整得極其彈牙可口，燒牛肉亦味香肉嫩，非常推介!　為什麼要彈服務呢?首先店外叫飛仔的姐姐一直面黑，然後穿西裝的經埋(大概是)執檯時倒瀉醬油在龍身上，一聲道歉都沒有，反是另一侍應一直向我們道歉，才不致給咸面。　元朗的日本料理店何其多，應該近期不會再來了。