三上日本料理 (已搬遷) 新店位置

這天呢,收工後便和友人來到了三上吃夜宵,其實是朋友SUGG的.一氣呵成點呀點,,,點了芒果SALAD,炸蝦卷，三文魚刺身，燒三文魚腩，玉子燒，芝士蝦。。。正正正呀！！先來報到的是玉子燒，芝士蝦，三文魚腩ＹＵＭＭＹ，，睇到都流口水ＸＰ食落去，更是滋味～玉子燒不會燒得太焦，剛好。芝士蝦一流，食過番尋味～三文魚腩更是冇得頂，ＶＥＲＹ　ＧＯＯＤ！刺身啖啖肉，好足料！讚～ＳＡＬＡＤ為遜色了，ＳＡＬＡＤ醬不夠味，但芒果很多，ＧＯＯＤ。另外，最後點了芒果沙冰，芒果既香甜，配合碎冰，係個超ＭＡＴＣＨ既ＭＩＸ！下次再黎要試多Ｄ唔同款既野食同野飲先：）

再次光顧....反映出對呢間港式日本菜都幾忠心...對比其他....呢間水準一定唔高...始終一分錢一分貨ma....不過絕對係抵食....餃子烏冬上次黎食過...今次依然再食...因為印象唔錯...不過今次比較特別...就係個廚師冇喇喇幫我upgrade左..因為原先點ge係拉麵...正常改烏冬要加錢的...上菜時告知黎錯左...店員問介唔介意...我就緊係冇問題喇...btw...個烏冬都唔差...下次有機會都會加錢轉烏冬....豬扒拉麵豬扒拉麵ge 豬扒係另上ge...呢點做得比餃子烏冬好...配料出奇地多...食落低d紫菜多到不得了...豬扒比較下就有點失色...肉質有d老...半價散叫壽司同上次ge選擇差唔多...今次就改左要蟹子腐pei壽司...應該幾新鮮...其他都冇咩特別...鬼知三上而家裝修緊...希望佢快d開返喇...唔係又少左個平價開飯ge地方..

新年同女友屋企人黎食,服務真係幾好,起碼個位男侍應真係好有耐性serve客點知今晚就奶野,原本叫曬壽司,上桌個陣因為餐具阻住左佢上,佢叫我: 快子!!好,我諗住就我拎住碟壽司我自己放上桌,點知佢竟然大大聲喝我:快子!!!!!!!!!!老老實實,我出黎食咁耐野,就算我食碗牛腩面,D呀姐都會好聲好氣介紹好野比我好地地一個情人節,比你喝一喝真係心都離一離!次次食呢類型既餐廳,我一定都會比D tips,就算間餐廳幾難食都好,我點都會比,因為知道做待應既係好辛苦既行業但今晚真係嬲到一蚊都唔會比客多唔係籍口,我都做過飲食,但我真係一次都唔會喝D客!真係真心希望該店好好改善某待應既服務態度! 更何況D野都唔係特別好食值得一讚既只係等位時間唔會太長...只此而已我相信我唔會再去呢間所謂日本餐廳,比人嚇既我寧願去海洋公園哈囉喂

這間三上日本料理, 之前因為服務的問題, 所以原本唔打算再去. 但前幾天老婆想吃, 我唯有陪她. 雖然我對這裏的服務已經不太有期望.先說食物, 去到不用等位, 點了栗米壽司, 芝麻八爪魚壽司, 玉子壽司和螺肉壽司, 另外要了炒什菜和汁燒牛扒定食一客.壽司整體上都唔錯, 味道上比起很多我們在元朗食過的其他壽司店好, 但份量上就差些少, 我吃了全部八件都是一般飽. 炒什菜幾抵食, 唔駛30元, 而且炒得算香. 牛扒定食我之前食過一次, 幾好味, 所以今次老婆再叫, 但這次就差了些, 牛扒沒有燒得跟上次一樣香, 肉質就唔錯, 但份量則唔係好夠, 連老婆吃完都不是太飽.但服務則仍然是一般, 這兒的待應完全不太積極, 很多時只是在行行企企, 明明很多客人(包括我們)的茶都沒有了, 都沒有替客人加水, 只是經常站在一旁不知做甚麼似的, 直至後來我發現了一個穿得很好的男人進了來(應該是老闆), 她們才積極一些, 要有老闆監場才這樣, 唔怪得之平時的服務水平唔掂了.食物質素其實不太差, 但服務就真的好有改善的必要. 如你對此要求不高, 這兒還是可以一試.

因為朋友放得夜...元朗冇幾間收得夜,於是去左哩間嘗試一下...係門口話只招待會員,仲諗緊俾唔俾入啦...點知又得啊....入到去,一句講,職員多過客,不過一個二個左倚右倚冇個企直,都諗唔到有咩服務啦...點知飲左幾杯,每次都係叫先會黎full水...個個真係幾乎唔係拍住牆就係得個行,完全冇睇人客有咩需要不過食物味道都ok...不過服務就扣曬分啦....

自選散叫壽司(半價)一分錢一分貨...叫做合理....咁ge價錢冇話新唔新鮮...足料夠厚肉已經好好...下午餐料理便當 $30炒飯好香...有少少蝦粒....自選主食就揀左汁燒雞扒....個肉質都幾嫩...唔錯...沙律就出奇多...好食..蟹子夠哂多....味道都真係幾fresh....唯一失望就係個牛油粟米...又唔係咩貴價野....份量相對少...張相個份量係冇食過的....餃子拉麵 $25拉麵冇咩特別...個湯就係一般豬骨湯底....餃子味道不失不過...建議可同拉麵分開上....唔洗浸到淋哂...口感差多少少....環境冷氣真係夠哂凍....怕凍ge最好帶定外套....下午茶時段人唔多....加上係平日....特別靜....唔錯....衛生冇咩大問題...不過地下ge垃圾又真係多左少少...可以改善下...p.s. 適合駕駛人士....唔係5步就有咪標位....多數等5-10分鐘就有位....

再encore!!!!!!!!!!上次3文魚刺身太多喇所以今次叫少d叫8塊味道1樣鮮甜而且好厚上次見到鐵板牛柳粒好香所以今次就叫牛柳粒定食牛柳粒雖然冇鐵板牛柳咁香但都唔錯而且唔un份量多醬汁鹹鹹地match落牛柳粒度岩岩好超正辣味3文魚壽司encore再encore!!下次要試下第2間壽司店既辣味3文魚壽司唔知味道如何呢叫左軟殼蟹反卷反卷好細粒同同區既壽司店所標籤既大大件壽司好唔同味道唔錯食得出係即炸即做的因為熱辣辣的真係好鐘意黎間日本餐廳1定會再再再encore的!!!!!!!!!!!!!

來實好耐都冇食過三上因為佢係我既印象中係又貴又唔好食睇過食評真係好麻麻不過男友真係好堅持想試下好啦就去1次啦叫左18片3文魚刺身$108再叫左1碟辣味3文魚壽司另外外加1客蜜汁三文魚定食係menu上冇的但因為之前男友有試過所以食過返尋味3文魚刺身色澤我覺得唔錯而且都幾厚味道好鮮辣味3文魚壽司感覺冇金水既味道咁重係好fresh既感覺$1x同金水既辣截然不同燒3文魚定食$3x個汁係好香好甜3文魚燒到唔太農但又脆岩岩好而且附上1小碟粟米沙律同麵豉湯2個人本身超肚餓食黎3樣野都差小小食唔哂好豐富既1餐也食完之後我話比自己聽3上必定係元朗我地首選既日本壽司餐廳!個汁

呢日同個朋友黎元朗食飯，雖然我都經常黎元朗。不過呢間野都係第一次食，咁就試下啦。好彩，都唔係等好耐就入到去啦。刺身叫左三文魚同我鍾意既吞拿魚。兩隻都好新鮮，而且好肥美。算係咁啦，都唔錯架。炸餃子呢個真係無乜特別，不過我個fd想食。就點呢個啦。芝士海膽蟹籽烏冬估佢唔到咁好食，個海膽真係小得可憐。個烏冬好爽口，芝士味好重。而個烏冬有好多菇，呢個配搭都唔錯。芝士焗蠔個芝士汁真係好正，不過個蠔就細得可憐啦。慶幸既係，個蠔都算幾新鮮既。炸蠔反卷呢個又幾好食，好似食火龍卷咁。只不過主角係炸蠔，個味道同配搭都唔錯。貴都幾貴，不過個fd請我食。總之叫多野食啦，算啦。要為佢個荷包著想下。

這間三上今晚是第2次光顧, 但是卻給我遇上以前從未試過的經歷.話說當時我和老婆剛把食物吃完, 侍應已經很快便把東西收走, 當我們還在喝綠茶時, 那個好像是主管的女子卻很快地拿單來說因為有人等位, 所以請我們結賬!! 我們由吃完到被請埋單的時間都不超過10分鐘, 使唔使這麼心急呀 雖然明白每間食肆都想做多幾轉生意, 但這樣直接地吃完後便叫你走的情況我們還是第一次遇上, 這種服務態度, 在今時今日實在不能接受!! 不會再來希望啲人明白, 服務態度是很重要的, 即使你的食物如何好, 但無應有的服務質素, 最終也是沒有用的!!

從來都冇食過一間甘難食既壽司店今晚去左食，點左一個蟹子沙津，三文魚、海膽、軟殼蟹同埋帶子。沙津︰有一陣怪怪的酸味壽司：我食左甘多間元朗既壽司，第一次見到有人用香港米黎包壽司，而且D飯係暖既，D料勁唔新鮮，好似放左勁耐甘軟穀蟹：軟淋淋的，一陣腥味以佢地既價錢來說，係元朗區已經算係貴，(我叫左12件壽司+小沙津一客已經150)但質素連普通既壽司都不如，真係奉勸大家千祈唔好見佢間鋪大就走去試，一定會令你後悔。

燒羊扒 (2件) $48 味道OK, 但兩舊都好細舊, 唔抵食.鹽燒三文魚水撥 (2件) $30 味道OK, 但無汁點下好似爭d.南瓜牛油果反卷 (6件) $38 幾低食, 食唔出有南瓜味, 但味道幾好架喎.鐵板和風豆腐扒 $38 熱騰騰幾好食.Overall d 食物都算OK, 但係有一樣要提, 就係鋪頭入面 d 冷氣好大, 好凍, 叫佢地删細 d 都好凍.

昨天去了三上食飯, 之前試過叫外賣, d 壽司都ok 架..所以先去~ 點知今次真係好失望呀~炸天婦羅, 南瓜冇味o既..青魚冇魚味唔好食金菇肥牛卷都係一般係d 壽司正常d個軟殼蟹手卷..一黎..d 紫菜已經係唔脆, 焾架...叫左個蟹子沙律...超難食...係我食過最難食o既一個. 難食都算喇...可能係個人口味唔同....一食...初初唔覺得...d 蟹子...變壞左..朋友食話變壞, 到我食果時都覺得...直頭要吐番出黎, 同一個著黑衫唔知係經理定收銀員講..佢態度真係十分差囉...問完師傅之後話...師傅話蟹子係新開. 冇問題wo..話整過一碟冇蟹子o既比我地..我地話唔要...佢即時..黑住面大大聲同入面d 師傅講佢話唔要wo. 之後咩都冇交代...就係咁...真係食到好激氣囉...客人覺得食物有問題已經失去信心唔要唔得架咩..況且我地冇話唔比錢喎, 只係想反影下o者...點解仲好似惡過我地咁呢....反而其他員工就冇乜野..雖然MENU 上有投訴熱線, 不過唔會打囉..因為都唔接受意見O既, 我係度講只係想提醒一下大家同發洩下...

同朋友一齊到些店夜宵,見到有海膽食,平時覺得太貴而唔捨得點,今次見到2件壽司售$40,就點黎試下啦,一試之下先明白原來幻想ge野永遠都係美好的!!半夜12點都明白才料唔會新鮮得去邊,但原來海膽味道似蝦膏就真係幾失望下又點左個豬軟骨拉麵,呢個又幾好食,拉麵係一般貨色,但豬軟骨份量唔少,而且好淋好入味,可以試下~另叫多樣小吃:墨魚咀,個碗細細,但一路食一路發覺份量真係唔少,但好明顯係一叫就由雪櫃拎出黎俾客,因為真係好凍!!! 而且唔係成碗野都係墨魚咀

入親元朗都係食田中的~今次入到去~新春未開只好亂入一間set lunch~都幾多選擇我揀了火灸魚生飯定食~配雜菜蝦餅嚟到時~幾香~啱啱燒好ma~佢餐牌列明有乜魚生~幾好~而且佢面係熟左~底係生的~一陣魚油出左嚟~香~~感覺很不錯雜菜蝦餅得好少蝦~香口係好香口啦~但太油了..............另一個set叫左蒜香牛柳粒定食配三片三文魚一個鍋咁上~仲有芝麻同生蛋好香~牛柳夠冧三文魚係普通貨色~毫不特別而麵豉湯係.....有粟米的....而且唔好飲你沖水都用熱d的水啦....搞到好似唔溶咁茶係用茶包~冇乜味的煎茶............................但整體係ok的~唔會話特別想食多次~但算不錯而且等嘢食時~見到佢的溫馨提示指自助餐時段~若果食餘米飯~會一粒收你 3蚊 !!!咁我可唔可以要求一舊壽司只要29粒飯~多一粒都唔要呢 ??而且佢仲有得入會...入會食海膽係平一半的................呢一間三上...真係...與別不同