三上日本料理 (已搬遷) 新店位置

一肚氣同阿女一人一個牛肉鍋壽司套餐，手沖飲品可享買一送一優惠。我叫咗兩杯熱飲，柚子蜜同柑桔檸檬。點知嚟咗兩杯凍飲，我就同男侍應反映，我係叫熱飲。而家食市生意難做，都唔想老細浪費食材。樓面又得男侍應一個，我就覺得要體諒下。我：「算啦，淨係換我小朋友嗰杯，因為佢病一定要飲熱野。我嗰杯都沖左，唔好浪費。我畢走啲冰再加熱水。」但原來真係「人善被人欺」。埋單亦係男侍應。我見單上我各個餐都計咗我一杯凍飲錢。我表明：手沖係買一送一，我叫熱飲。然後佢就叫位疑似「老闆娘」定女經理幫佢改單。呢位老闆娘就話，一定要要計番我凍飲。最難聽：「錯咗你可以要求我哋再做過架。而家已經係買一送一，凍飲都只係差幾蚊啫！」得！幾蚊我豪俾你呀！我走。如果我想要凍飲，我點解即刻畢走晒啲冰？仲要係個老闆娘親自加熱水俾我。呢間野咁樣做生意，真係自求多福。下次我知：第一，千祈唔好包容落錯單。餐廳人手短缺，忙住招呼緊幾台客，關我Q事？諗住佢沖一杯，好過阻佢沖兩杯，自己on居。第二，絕對唔需要體諒香港食肆生意難做。北上消費真係有原因。我應該堅持要求換曬兩杯。由得佢倒，由得佢浪費，使乜為佢設想？第三，買一送一講到豪畀你！早知唔加飲品，飲茶

元朗多野食已經是街知巷聞，當中日本料理的選擇更是非常多。位於大棠路的三上日本料理，在區內已有十數年歷史，可以用「平、靚、正」來形容。午市更有套餐供應，有熱食的，也有壽司魚生等不同款式。今次點了一個牛肉湯烏冬併壽司套餐，一次過滿足不同的欲望。套餐還有前菜及味噌湯，相當超值。特別欣賞前菜，是菠蘿雜菜沙律，沙律汁是陳醋，非常美味，沙律菜非常新鮮，是一個驚喜。壽司有六件，再加上一碗不算太大的烏冬，足以令你有一個豐足的下午。

食物款式種類多, 有定食、便當、剌身、壽司、沙律、小食、一品、拉麵烏冬今日點了日式牛肉鍋跟飯配味噌湯另追加了加州卷及三文魚刺身三切日式牛肉鍋份量很足料, 非常豐富, 有雞蛋、青菜、冬菇、粉絲及豆腐, 壽喜燒湯底甘甜濃郁, 肥牛片質素不錯, 肥紋均勻，肉汁豐富味噌湯夠濃味, 非常暖胃又開胃加州卷正常水準, 三文魚刺身厚身肥美, 油脂分佈剛剛🧍🏻‍♀️小店服務態度親切有禮, 主動加茶及收碟, 上菜快, 餐廳坐位寬敞舒適, CP值高

上次佢就食咗特盛海鮮丼，$158個人認為份量就偏小，魚生六至七塊唔係好蓋得晒個飯，飯嘅份量亦唔算多，但勝在用料都算新鮮。芝士生蠔三隻$78表面有焦，好重芝士香。串燒牛舌咬落好有油香，識落質地偏林一啲，但係就略嫌唔夠焦香。雜錦天婦羅拼盤都唔錯，食材新鮮出嚟酥脆。

8號風球(圓規)吹襲，好多餐廳都無開。於是入左年中無休既三上今次叫左一盤魚生 一碟18件壽司 一個酒煮蜆 叉燒拉麵 🍜味道係唔錯 但價錢略貴 Ps 餐廳可以用消費卷翻食指數

首先真系等到燥等外賣都成40分鐘但得果幾件壽司同冷麵最後佢整個冷麵D壽司都暖曬啦講真 無人都整到咁慢等到d野暖曬 咁你地既壽司刺身都已經吾好食！完全員工懶懶閒咁！差差差 正常黎講好心你地就整左冷麵先啦搞到d壽司暖曬 不個所謂

🤤有冇人可以估下呢個壽喜燒同埋三文魚刺身幾多錢? 💛 好正好抵食👍🏻👍🏻👍🏻👍🏻😍😍...壽喜燒可以四個人一齊食$98😍👍🏻呢個三文魚刺身嘅份量會唔會太誇張🤣$115.👍🏻元朗一間又好食又平嘅日本餐廳..聽人講佢開咗10幾年👌🏻👌🏻👌🏻👌🏻屹立不倒一定有佢嘅原因😍..Return ♾♾♾♾♾9/10Food 🤤🤤🤤7.5/10Price Super good deal!

其實我真係好鍾意食嘢，所以就算返工lunch time都會食日本嘢，今日lunch揀咗三隻日本料理，佢哋嘅lunch set都OK嘅。由於我係吞拿魚控，所以我今次揀咗帆立貝吞拿魚茸當丼，個set 包咗麵豉湯、蒸蛋同埋個丼。基本上都冇問題嘅，吞拿魚茸OK、帶子亦新鮮。不過個份量就唔係太多啦，解釋嘅男士可能都唔夠嘅。

昨晚到三上元朗店晚飯，一直相安無事，但有位疑似經理，到來幫忙加水，她突然使用五爪金龍攞起我們的柸上方位置（即飲水位置），其實當刻我都突晒眼，眼見她的手比menu客人，執枱，攞餐，基本上不太衛生；我當刻即時清潔番隻柸……第2次她再次加水，再一次用五爪金龍，攞住我的柸上面，當刻我即時出聲，靚女，妳這樣攞柸，如妳的手有菌，我就會食晒落肚；當時她即時回應，我們一直都是這樣……我之後不再飲水及埋單去人。在這疫情時候，仲唔小心處理衛生問題，這樣的服務水準，以後不了……

《港式日本嘢🤪》———————————————-#三上日本料理 🇯🇵-呢間日本嘢位於元朗大棠路街口，一眼就會見到佢😂坦白講就唔可以咁高要求啦，個人覺得佢勝在口味大眾化，選擇夠多👍🏻基本上係咩日本嘢都有啲，壽司、熱食、刺身、炸物都有，而且價錢非常實惠，街坊價～-我哋叫咗個牛肉鍋配八件壽司定食，份量十足，基本嘅三文魚/蝦/蟹柳壽司表現正常🍣夠大份，完全可以兩個人分！三文魚軟殼蟹卷都唔錯，用料都算新鮮，值得一試😆-⭐ 參考價錢︰牛肉鍋配八件壽司定食：$98三文魚軟殼蟹卷：$85牛舌：$48雞軟骨餃子：$48🍌 抵deal 指數：6/10💰 人均消費：$70

今晚同男朋友去食，叫咗一個壽司盛同一個芝士三文魚焗烏冬。先黎芝士三文魚焗烏冬，呢個真係值得推介鐘意食芝士既大家，好好味🤤之後壽司盛都好好食，會再幫襯呢間日本餐廳👍🏻

好耐以前喺元朗工作過，試過食呢間餐廳，印象唔錯，今日咁岩嚟開元朗，想重拾昔日味道。星期日都有午市套餐，價位正常，款式都係普通日本餐廳可以叫到既食物。點左一個自家製叉燒拉麵跟沙律同埋一個滑蛋豬扒飯跟沙律麵豉湯。店員忘記俾熱茶我哋，要提佢先俾番。餐廳環境唔算迫，但檯同檯之間完全無放隔板，亦無足夠距離。講番食物，跟餐沙律有點驚喜，有足料蟹子同埋沙律醋，幾開胃。拉麵湯底好重麻油味，但叉燒勁大陣豬騷味。豬扒飯亦一般般，但就夠熱。總結，餐廳食物質素比記憶中差左好多，希望可以佢有所改善啦～

三上喺元朗呢個位都開咗好多年。其實我以前冇食過，見到而家疫情嚴重，本身都諗住嗌外賣，外賣有九折，但見入面睇落好乾淨，職員又做齊探熱、用酒精搓手液，同埋消毒枱枱凳凳，就入去食啦。呢度嘅嘢食價錢其實係幾平，一個lunch set，講緊$50就可以落到樓。如果想食壽司就要$60多啲。咁所以我哋嗌左一份$50嘅定食，同埋一份$68壽司定食。吉列豬扒定食$50吉列豬扒嘅味道一般，炸粉唔多，但係豬扒好韌同埋好鞋，唔太好食。另外配嘅一碗飯，真係得一碗飯，一啲飯素啊或者其他少少配料都冇，食落去非常之dry。所以係唔會食得完碗飯。定食就會配個湯，鹹味適中。壽司10件，五件係魚生，五件係熟食。壽司睇落乾淨，但望落冇咩油，脂肪少，大部分食落都新鮮。碗一份茶碗蒸，唔太滑，聞落腥，好一般。

叫左個大葱雞肉串燒，出菜已經唔熱，入面仲係唔熟！話比侍應知，佢拎番入㕑房，居然係原碟拎去叮番比我。。。。我無言！元朗咁多好嘢食，唔係深夜無嘢食都唔會揀佢囉🙄🙄🙄

今日去完大棠行山 落返元朗市中心食嘢見到呢間三上日式料理咁多人食於是就入去試下啦 豆腐海苔胡麻沙律 豆腐嫩滑配上滿滿嘅和風胡麻醬 非常清新 上面再加上粒粒三文魚子 口感豐富 鹽燒三文魚頭 好多地方都有三文魚頭 呢度做得都唔差 外皮燒得香口 入面魚肉嫩滑多汁壽司盛18件 魚生新鮮 有肥美嘅三文魚 厚肉嘅新鮮帶子 巨型甜蝦等等原板海膽芝士沾麵 意想不到更豐富 原板海膽鮮橙色顏色非常新鮮 食落甘香無比鮮甜可口 而且芝士沾醬非常濃郁芝士味 入面仲有好多海膽真係估你唔到 將麵條點上芝士汁 加上新鮮嘅海膽 生熟兩種不同口感配搭得天衣無縫 十分推薦