三上日本料理 (已搬遷) 新店位置

上次去左元州街既分店,覺得D野唔錯.今次同男朋友一齊來元朗間分店試下.我地叫左蟹子肉鬆沙律,好好味,有好多蟹子青瓜絲,入口清甜脆卜卜.跟住叫左個三文魚反卷,份量多,但味道一般.牛柳粒烏冬,湯底很野味,牛肉粒入口鬆化有些辣;烏冬煙\\\"刃\\\".整體來講都ok,不過就覺得d侍應生手左d.

是夜..為了慶祝朋友仔的妹妹生日, 姑且再次來臨此店品嚐....妹妹仔話要食試食日本野, 當然叫齊佢想食的食物去滿足佢的願望啦....一共叫了13 道菜式...其中當然少不了壽司啦:1) 蟹籽壽司(哎呀..點解是夜的蟹籽味道很腥...似乎用了下等貨!! 妹妹食了一口, 已經忍不住叫道: 好腥呀..唯有閉上眼完成艱辛的旅程..真是難為了)2) 煎蛋壽司(本身對呢款壽司已很抗拒, 總是覺得好奇怪, 為何要在飯上加蛋..倒不如不食為妙..試了一小口..嘩!! 味道果然很甜..難怪小朋友喜歡食)3) 吞拿魚沙律壽司(哈哈..跟普遍的三文治食法一樣, 沒有特別, 但少了沙律醬)4) 鮮帶子壽司(又是我喜愛的壽司..唔唔..缺了帶子的鮮味...且不光鮮..似乎放了很久似的, 失敗)5) 鯨龍魚壽司(嘩..以為很特別的魚類;試過才知, 果然很腥, 甚至難入口. 唯有一口氣吞入口裡, 然後狂飲綠茶去除腥味)6) 甜蝦壽司(都算新鮮, 朋友仔食了也沒有投訴)7) 立魚(朋友仔話幾好食....但何解佢不連飯一齊食呢..哈哈..因為太飽啦)8) 吞拿魚壽司(魚完全沒有色澤...且很乾身)9) 什錦天婦羅(炸

已經有好幾天想食日本料理,剛巧鴨公來電早收工....真好, 終於有機會品嘗此店的美食!!首選當然是我最喜愛的甜蝦/ 帶子壽司(味道尚可, 新鮮程度都可接受), 往後點了以下菜式:2) 三文魚刺身(可能是天氣熱的關係, 的確不夠新鮮及冰涼, 鮮味一般)3) 雜錦天婦羅(好好味,外層脆卜卜, 放久了都不會太變腍, 幾好)3) 蟹子沙津(水份太多, 似乎師父忘記將切好的青瓜絲放入雪櫃冰凍似的)4) 京燒牛仔骨(嘩..驚喜傑作, 因為太重雪味, 味道怪怪, 奉勸不要嘗試)總括來說, 相比青山道分店, 元朗分店的確達不到水準, 可以的話, 我寧願去其他分店!!其實天氣太熱, 如鴨公所言, 都是少食刺身為妙....第二天, 可憐的鴨公終於肚子痛了>o<

又黎元朗食壽司，但今次就黎試呢間。環境都算ok，我地叫o左o的刺身、反卷同鰻魚炒飯。刺身同反卷都算過得去，而個炒飯都幾好食，好多鰻魚呀！下次都會再黎！

佢ｄ野食物好差,我去了一次已經下次唔想去喇...都唔知點解咁多人去食...又貴wo

出面因為好多人等位，成日問你d野仲要唔要..都未食完架喎..就收??? 野又唔係太好食，又趕客...全元朗又唔係得你一間壽司!!!哼!!!!!!

請版主更改少少資料︰這間三上已不再是自助壽司，而是日本料理(和元州街那間一樣)。這間三上每次去都要排隊，但都唔算等太耐。今次兩個人去食叫了三文魚刺身(大，14件厚切)、三文魚軟殼蟹反卷、什錦天婦羅、燒烏冬同蟹籽沙津。三文魚刺身好新鮮，份量十足，好食！三文魚軟殼蟹反卷比較差，冇驚喜，份量和隔離抬order的同一款食物有唔同，我地少d！天婦羅炸得好鬆脆，不俗！燒烏冬的烏冬很好吃，但燒非常"鞋"，不好吃。最好食是蟹籽沙津，青瓜+蟹籽+沙津醬配合得很好，連不愛吃青瓜的同行朋友都話好食！地方細，環境自裝修之後已有改善，未算坐得好擠迫，侍應服務都算ok。相比起同區既田中同一番，三上食物份量少一些但質素高，值得推介！

四個人食差唔多每人九十，實在唔抵食咯...個日叫左三款卷物+刺身半磅+雞翼餃子x2+土佐豆腐+雞軟骨+海膽壽司+牛油金茹等咁就要每人九十蚊...最貴係佢隻雞翼餃子兩隻雞翼就25蚊...雖然呢個幾好食..但是唔係真係箱金呀..佢又唔話好出名..又唔係話特別好食...又唔係大件...但是又唔知點解咁多人等位架喎...我食和民食板前都無佢咁貴...我寧願食田中千之壽十番好過..

我同細佬同bf一齊食晚餐wo~咁我地就諗住去三上喇~咁都知要等架喇,於是,我地拎左飛之後,就行開左大約10分鐘喇點知返泥等左成粒鐘wo,都唔緊要喇,咁我當時係79號飛丫,我聽住佢由78號,下個就80號喇wo~咁我以為人地係2人,所以飛左喇。點知upup下up到去7號喇wo~唔對路wo~跟住我問佢幾時先到79號丫?點知佢好好笑容咁同我講:過左喇wo~我頂!!!我之前問佢佢又話仲差一張,而家竟然話過左?!咁我就再等多半個鐘喇,睇住都去左幾個,點知仲未到我bo~咁我就問佢仲有幾耐喇,點知佢話仲有3張飛wo~頂!!!!即走!!!咁都得架?!

昨日下午同個同事去呢度食lunch有拉麵,飯set lunch, 每款由32-5x不等,但都會配前菜~又唔收加一燒汁雞扒飯+6件雜錦刺身+面豉湯,都係$32份量唔算少,味道都唔差,D飯係日本米好好味,價錢幾抵食啊^^

都幾好味呀~~ 又唔算貴~~

我早就知道三上要排隊食飯好耐架喇.係.d野食唔算太好食.但諗住足不出戶就食到日本料理.都係呢間.我住係朗晴居既.我同店舖既距離都要2,3個字路程.當日落左外賣諗係無咁快送到我屋企.咁就出去接我個仔先.點知送外賣既時間俾我想像中快.我本身唔係屋企.但送外實果個人等左好耐都無人應.而且佢重a~h室都試吓係唔係果家人叫外賣.重有上11樓試.佢始終都搵唔到.佢係地下大堂終於等到我番嚟.而且重無發脾氣.重好好既服務態度,一個咁小既價錢好唔好食係其次.我個人覺得人對人既態度重重要.另外.我都有時會到三上食野.都大約知道咩人做咩位.廚房定壽司吧都要注意衛生就一定要架喇.但係有陣時見到壽司吧入面既人到搗垃圾.咁佢係用手搗.又要做壽司俾客人食.俾d客見到.都無哂胃口啦.如果我係老闆.呢d錢唔節省得囉.用得幾多呢.好過俾客人見到佢搗完垃圾又做壽司俾客.俾我都唔開胃啦.呢樣要多加留意了

住元朗的人對三上應該不會陌生，經常像是很出名有水準的樣子。前幾天想吃拉麵，去三上試試。店子面積並不特別細，但那些椅桌不知怎麼放的，總是讓人坐的不自在；而且我坐的位子，椅腳和桌腳有很多飯，地上有「一層」餘唾，勁嘔心…那麼食物又怎樣？三文魚壽司的尾很長，不過其中一尾有一條頭髮；牛油冬菇略嫌咸了一點，油膩了點；拉麵太咸，根本就是味精；咖哩牛肉飯的牛肉好像少了點。可能這家店子的刺生或壽司都很出名，不過熟食也要多留意吧…侍應也可以的，只是工作好像不太上心，不認真。

同男朋友兩個人食..叫左帶子壽司, 焗青口, butter 金菇同三上炒飯. 帶子壽司size一般(因為元朗d壽司出名大大件)同埋唔太新鮮..但係butter金菇好香butter味, 個焗青口d garlic 加埋煙肉碎好香! 不過唔鍾意依garlic 既就唔好叫啦! 三上炒飯有好多海鮮, 唔錯!兩個人食到飽飽都係110 !

我ｏ個日同屋企人去食壽司～我ｄ屋企人食左陣～傾左陣計～諗住一陣先再食過～點知佢ｄ侍應拎走哂我桌上既野～我同佢講我仲食～點知佢只係比返對筷子我～連茶都唔比～服務勁差～趕客咩？？