三上日本料理 (已搬遷) 新店位置

元朗好多日本野，不過食過好食我就會食番呢間😋😋😋食左咁多年 都係咁唔錯今晚同老公又黎食晚飯叫左幾樣野 老公中意食咖哩，點左呢個吉列豬咖哩飯一上枱見到咖哩個顏色有d驚不過食落又幾香口，唔會太奶味豬扒炸得幾好，粉唔會太厚定食仲有個麵豉湯 勁熱！今日好想食沙律，又想食三文魚所以黎個兩溝😆😆😆三文魚個份量好多呀，仲要厚切沙律菜都ok新鮮啦 個汁有d酸可能芝麻醬會好d小食點左金菇肥牛卷好香口，味道適中👍🏻😋我地最愛同每次都會叫嘅三文魚牛油果反卷今日好有水準呀整得好靚，牛油果又夠熟好好味呀！每日有優惠價一件好似8蚊，厚燒鰻魚即叫即燒好夠熱，入口即溶CP值好高👍🏻👍🏻👍🏻👍🏻大滿足

有時同老公諗唔到去食咩就唔會走黎呢到😁貪佢呢度等位快上菜快而且食物質素又唔錯不過食過咁多次都冇做佢個會員今次打食評先發現原來好多分店😂😂😂我哋次次黎都好似叫例牌緊通常都會叫一個定食或者拉麵然後就叫小食同埋刺身壽司之類😁😁😁今日叫咗一向四片嘅特大帆立貝刺身以前都成日叫質素都係好穩定👍🏻刺身肉質好清甜而且唔會有腥味加上係厚切所以好夠口感😋😋😋雖然要＄80有d貴 但係質素好又無所謂嘅😜另外一樣我哋唔會每次都order ge卷物就係三文魚牛油果反卷 因為老公好喜歡三文魚同埋牛油果嘅食物所以我都唔抗拒😁😁😁而且呢度嘅三文魚卷三文魚都好厚切而且牛油果今日好新鮮熟度剛剛好👍🏻👍🏻好味道😋另外今日嘅煮食叫咗牆上面今日嘅廚師精選不過好似有少少伏😅😅😅點左呢一個蒜香牛柳粒飯一上枱其實都幾香，牛柳粒煮得都剛剛好不過敗筆在於有一隻生雞蛋本來生雞蛋都唔係錯錯就錯在於佢個鍋唔夠熱令到我將個生雞蛋撈落去嘅時候啲蛋唔會變得熟左，反而令到啲飯好一pat pat所以口感有點兒那個。。。總括來講呢度嘅食物我覺得都冇乜問題仍然會係我同我老公嘅飯堂😛😛😛

適逢今日放假與家人共叙午餐。眼看雖然近放午飯時間，店內人數都不算爆滿。媽咪就叫左個海膽香蔥三文魚飯$62，我就要左個海膽七色刺身飯,飯內刺身全部厚切，飯量非常足。$68！細佬唔想食生野，就叫左個咖哩雞扒飯。隨餐可跟味增湯或日式蟹皇翅食完 仲附送人頭糯米糍。加錢 追加左小食。$15 /3 三文魚厚切 同埋 $6/2 炸雞翼！ 整體食物水準算穩定，店員上菜速度都快！

先嚟一客油甘鱼，劍魚腩刺身魚腩新鮮，吾腥!切得夠厚，有口感!胡麻刺身沙律，少少刺身帶岀青瓜和菜嘅清甜，醬汁恰到好處酒煮廣島蠔，酒香清甜，蠔冇沙，用雞脾菇切絲，爽口加韓国粉絲和昆布，味道好夾盬燒大虾，真係夠大，虾上面嘅黑椒好野味，鹽又帶岀虾嘅鲜味!最後食個鰻魚炒飯，裏面有好多鰻魚，落足料，毎粒飯都有汁包實，正

朋友生日，就決定去食佢喜歡嘅日本野今次就試咗嚟間三上日本料理。一坐落就叫野食，首先三文魚刺身，新鮮色澤夠靚，每一塊都大大件夠厚吞拿魚壽司，吞拿魚唔夠新鮮，飯唔夠實。 生蠔新鮮，味道鮮甜，每隻都夠肥美。牛肉石頭飯夠熱，牛肉嫩滑唔韌。鐵板和風豆腐扒，熱騰騰，豆腐好滑夠熱。鯖魚+秋刀，魚煎的好出色，皮好脆，又有鮮味。牛油果三文魚反卷，一直都唔鐘意食牛油果，所以無食到芒果炸蝦反卷，一見到就已經知道芒果會係酸嘅，真係比我估中咗不過薄薄一片芒果同炸蝦一齊食可以去油膩，食落口感覺好特別。

經過三上,睇到雙魚定食,好吸引甘喎,入到去坐低,待應姐姐安排左個勁矖既位置比我,好熱wor,而且感覺不太友善,因為到我點餐既時候,就得體驗到,佢係老遠既地方,問我要食D咩我眼都突埋,唔係牙fa!!!甘我就好大聲叫左雙魚定食(秋刀魚+鯖魚),再配小食蟹皇翅仔$50,另加$16三文魚刺身。首先,三文魚刺身先到左,總共有三片既,色澤係OK既,但係缺點係唔太夠涷既,而且隻鼓油唔得,唔可以提鮮牙,浪費左D三文魚tim 再來,就係蟹皇翅仔,味道係偏咸既重蛋味,醋亦落得重手左,但不太稀,仲接受到既最尾,雙魚定食(秋刀魚+鯖魚)來喇,先食左個秋刀魚先,好大魚腥味,而且唔太夠熱,應該係先煮定既,再食個鯖魚,鯖魚係一塊既,並不是原條上,有D失望,而且肉同皮係分開既,亦證明左係先煮定既,肉質係好大雪味,再反轉後面,原來後面係冇煎好既,至於個飯,比較大碗,但係冇米香既,麵鼓湯方面,比較淡冇味,小配菜係茄子,我見到個外觀已經唔想會,所以只係點左少少汁,個汁係偏sweet,三上依個餐埋單$66,係絕對唔合格既!

今晚食壽司為主；$80 珍寶帶子刺身 2大粒切半（睇落好似4片）新鮮唔腥，鮮甜肥美，朋友好鍾意食。$30 軟殼蟹手卷除左軟殼蟹仲有蟹子，我無食，朋友話覺得好味，佢食個陣軟殼蟹仲係暖同脆嘅。$142 最上壽司盤 （三文魚x2，章紅魚x2，蟹子x2，鰻魚x2，北寄貝x2，加州反卷x8）之前未食過章紅魚，無咩味，唔腥又唔甜；北寄貝無平時出面食咁橡膠難咬；加州反卷嘅蛋黃醬係唧响旁邊，我覺得好貼心，因為我另一位朋友正正就係會因為某d壽司有此醬而唔食；其他壽司無咩特別，正常無問題。$66 燒鰻魚牛油果反卷 有8件我覺得係全場最o岩我胃口嘅! 牛油果有d生生地，所以食到牛油果清新嘅味道；鰻魚同牛油果份量比起我以前食過嘅日本料理放得比較多，但呢個比例我覺得先至剛剛好；而且加左芝麻又淋上鰻魚汁，所以味道好特出；仲有响份量多左嘅鰻魚旁邊放青瓜，可以去除油膩感之餘，又唔喧賓奪主。今餐整體都好滿意，食物新鮮! 而且買完單先知無加一服務費？!

是日肥妹與友人同到元朗購買蛋糕材料，買好後都已經步入午餐時段，約下午一時多左右我們倆人便到達三上。餐廳雖說不上好大但容客量都頗是不錯，座位眾多但又未至於有著很大壓逼感，奶白皮面的椅子還是坐得幾舒適的。坐下來便開始看餐牌，友人想都不想要了個中華冷麵，肥妹有選擇困難症，看見午餐牌一頁兩版密密麻麻都是菜式還真是令人眼花撩亂。最後肥妹決定要了個價格中等但內容都頗豐富的壽司套餐，除了一客8伴壽司更有一碟蕎麥麵，是個相當豐盛的套餐。紫心香芋丸久等一輪先送上的是隨餐附送的五款小食，包括：是日加州卷、日式蟹皇翅、紫心香芋丸、蟹籽沙律及日式炸餃子這五款。說是說紫心，但內餡卻是黃薯，只能安慰自己說是名堂的一種吧。不過這裡的丸子做得不錯，炸得金黃香脆，也不油膩，內在是帶點微弱番薯甜味的番薯蓉和白色的煙韌麻糬餡。一旁擠得隨意的橙色千島醬相當酸，小試了一下沾著吃結果還是受不了，作為奉送的一客小食其實質素是不錯的了。蕎麥麵隨後奉上的是蕎麥麵，作為附屬品份量當然不多，小小的一碟就其實相當足夠。表面灑上些許炸過的脆脆碎還有蔥花，為平淡的麵添上香、脆口感，豐富了層次，可怕醬汁太過淡而無味，就連基本的醬汁甜味都極為貧弱，

今日收工夜左，本來宵夜諗住打冷或食粥，不過由屯門去到元朗已經太妟，所以入左依間都有食開既日本餐廳。入到去第一時間見到有唯數大約八個人既一班客，似係飲緊清酒關係，高談闊論緊，不過依樣野無阻我既食慾，自己搵位坐低點菜，三個人食，叫左五樣野。第一樣上左螺肉，依樣野大家都知去邊食都係一樣，所以我唔點講第二樣係吉列廣島蠔（4件），表面炸到過左金黃色，去到啡色既情況，過左火，不過照食，點點芝士放入口，完全無味 第三樣上卷物（8件），卷物上既三文魚睇落去無光澤，放入口，三文魚好似無雪過一樣，入面既炸蝦d粉好硬，全個野既口感就好似一早準備好，放左好耐咁 。食到依到依餐既高潮，一入門口果時見到既客人，有三四個吸煙 ，而侍應竟然視若無睹！ ，豈有此理！不過人地飲左酒，人又多，焗住啞忍！之後炒飯同豆腐一齊上，炒飯食落去一陣腥味，接住腥味係黑椒味，用左黑椒炒都feel到腥，可想而知有幾腥，成個飯無蜆味，都無蝦味，食落d蝦蜆都係一樣無味，好似烚過咁，成個飯完全唔好食，仲要係成餐飯最貴 。土佐豆腐，賣相理想，諗住有樣正常既時候，依個豆腐一夾，散晒 ，裏面兩個字型容「好水」，唔識講。總括：依間餐廳不嬲無

第一次食評獻給這間餐廳，是因為未試過叫四樣野，四樣都咁難食。我亦係第一次因為太難食，而逐一為每碟食物留影。今日中秋佳節，由於早放工，又不用跟家人吃飯，於是和老公兩人在元朗買bbq食品。買完後大概七點，商量晚餐吃什麼之際，途經三上，老公是個貪方便的人，所以迅速提議今晚在這裡吃，我對未去過的餐廳有點戒心，不過見前面得兩至三張檯，不用等太久，加上記得之前每次經過都不少人幫襯，心想這裡食物價錢不算平，如果難吃應該不會有人來吧，種種原因令我神差鬼使咁入左去。一坐低睇餐牌，都幾難揀，真係唔平，有d我仲覺得係overpriced。記得有個刺身有油甘魚，三文魚加另一種魚各三件，都要差不多一舊水。千揀萬揀終於揀左四樣，其中一樣係熱賣菜式，等我逐一連相片講講點樣由九十分減到唔合格，當中仲包含我觀察到的店員小插曲。即刻來第一道來既菜，睇清楚所謂的蛋白「大蝦」炒飯。如果利用最新既商品說明條例，佢應該會被罰錢。可惜餐牌已收回，無影到做對比。說好的大蝦變成雪藏無味蝦仔，由於我怪我自己天真，相信餐牌的展示圖片，我俾呢碟野合格50分。盛惠68大元，同酒樓差唔多。第二樣黎既真係令我無唒胃口！！半呎長既燒鰻魚壽司。由於驚

在元朗的日本料理真是有很多間，今次試了位於千色廣場旁的「三上」，下午茶時段，一個set都係大約$40，叫左2個，沙律好入味，芽菜同肉鬆蟹子個味好match，泡芙就一般般，三文魚刺身都ok，而個壽司set d壽司大部份都幾鮮味的，最抵讚係有埋沙律醬! 係元朗黎講都係算抵食同好味!

今晚我收得很夜..竟要在公司倒數T^T之後諗住去食宵夜..想了又想 還是決定了食日本料理----三上去到只見小貓兩三隻環境不錯(可惜要去洗手間麻煩了小小)睇左勁耐MEUN終於決定要了一個拉面,一個定食,2個小食地獄海鮮拉面---很喜歡那個湯底麻而不辣 材料有蝦,青口,蟹柳等除了蝦很梅,其他都OK咖哩帶子鮮蝦定食咖哩汁好味;)D蝦都OK爽口炸多春魚好好好好味勁脆 勁香送酒一流三文魚骨腩原以為系燒點知系炸..吾緊要啦..食左啖食口油....以經吾想食了....其他都OK應該會再黎

好耐無去，諗住去試下啦，一入到去叫左個燒牛肉拉麵&吉列豬扒拉麵&吉列廣島蠔卷！等左一陣佢話無吉列豬扒~~咁我咪改魷魚筒囉~~過左一陣碗燒牛肉拉麵到左~~拉麵個口感好差~~好似食緊煮耐左既公仔麵咁~~我自己果碗就等左好耐~~等到我朋友食完佢嗰碗拉麵~我地其他野依然未黎追問個侍應~個侍應就去問個經理~~個經理都無入廚房問過就答佢煮緊~~我夠知煮緊啦~~廢話~過左5分鐘~~終於黎喇~拉麵既口感一樣~~好難食~~到我地食淨少少既時候~~個侍應走過黎問我地可唔可以轉枱~~等多我地5分鐘都唔得~啲野已經唔好食~重騷擾我地~服務態度重要咁差~我真係唔會再去囉

1. 外賣1.5hr 先到! 吹左幾次自來到, 仲要送錯好多野,OMG 但佢地一句sorry 都冇2. 等佢送番岩食物又等多40mins3. 食物送來時已經凍哂, 我地各人得出巴結論係冇一樣好食4.食物難食不在話下, 仲要唔係平4. 三文魚不是一磅半磅計, 而係一片片計, 一塊正常三文魚分左3塊唉, 元朗大把好食過佢既餐廳, 點解仲要黎三上???

生完寶寅後，除了很久沒有出城，還有整整個月沒吃過日本料理了! 去到上月底，媽媽才首次重投日本料理懷抱。這間位於千色廣場對面的三上日本料理，媽媽很久前幫襯過一次，印象已模糊了；這天乘購物之便重溫了它的午市，感覺還可以，不值那麼多個劣評的。首先，店內地方雖然不大，但環境幾舒適骨子的；當日媽媽自己一個被安排就坐四人位，很寬落呢! 店內的午市定食共有十多款選擇，定價由$38-70並不收加一，並額外附送一客七選一小食，如蟹皇翅、珍寶餃子、多春魚、三文魚壽司等，組合可謂相當之豐富。媽媽很久沒吃過壽司了，但又未敢吃生魚片，在小食中就選了吉列蝦反卷，一客共有三件；雖然炸蝦、蟹籽及壽司飯質素都是普通，但因太久沒吃，媽媽突覺這個組合很滋味! 主食方面媽媽選了滑蛋豬扒定食($40)，定食份量不小，又附有湯及前菜，很抵食! 媽媽先試小小一兜的前菜，當中芽菜夠爽幾可口，ok；味噌湯就似是沒下鹽，味道很淡，又加了不相干的粟米粒在內，但還不致於討厭。至於主角的滑蛋豬扒就頗讚了，除了份量夠大，媽媽也欣賞店方用上洋蔥汁做底，令滑蛋香滑中帶有絲絲甜味，吃時滋味加倍。如果同上的白飯品質更佳，會是十分滿足的一頓，但以此價位媽