影片
更多
2013-09-19
350 浏览
第一次食評獻給這間餐廳，是因為未試過叫四樣野，四樣都咁難食。我亦係第一次因為太難食，而逐一為每碟食物留影。今日中秋佳節，由於早放工，又不用跟家人吃飯，於是和老公兩人在元朗買bbq食品。買完後大概七點，商量晚餐吃什麼之際，途經三上，老公是個貪方便的人，所以迅速提議今晚在這裡吃，我對未去過的餐廳有點戒心，不過見前面得兩至三張檯，不用等太久，加上記得之前每次經過都不少人幫襯，心想這裡食物價錢不算平，如果難吃應該不會有人來吧，種種原因令我神差鬼使咁入左去。一坐低睇餐牌，都幾難揀，真係唔平，有d我仲覺得係overpriced。記得有個刺身有油甘魚，三文魚加另一種魚各三件，都要差不多一舊水。千揀萬揀終於揀左四樣，其中一樣係熱賣菜式，等我逐一連相片講講點樣由九十分減到唔合格，當中仲包含我觀察到的店員小插曲。即刻來第一道來既菜，睇清楚所謂的蛋白「大蝦」炒飯。如果利用最新既商品說明條例，佢應該會被罰錢。可惜餐牌已收回，無影到做對比。說好的大蝦變成雪藏無味蝦仔，由於我怪我自己天真，相信餐牌的展示圖片，我俾呢碟野合格50分。盛惠68大元，同酒樓差唔多。第二樣黎既真係令我無唒胃口！！半呎長既燒鰻魚壽司。由於驚
今日中秋佳節，由於早放工，又不用跟家人吃飯，於是和老公兩人在元朗買bbq食品。買完後大概七點，商量晚餐吃什麼之際，途經三上，老公是個貪方便的人，所以迅速提議今晚在這裡吃，我對未去過的餐廳有點戒心，不過見前面得兩至三張檯，不用等太久，加上記得之前每次經過都不少人幫襯，心想這裡食物價錢不算平，如果難吃應該不會有人來吧，種種原因令我神差鬼使咁入左去。一坐低睇餐牌，都幾難揀，真係唔平，有d我仲覺得係overpriced。記得有個刺身有油甘魚，三文魚加另一種魚各三件，都要差不多一舊水。千揀萬揀終於揀左四樣，其中一樣係熱賣菜式，等我逐一連相片講講點樣由九十分減到唔合格，當中仲包含我觀察到的店員小插曲。
即刻來第一道來既菜，睇清楚所謂的蛋白「大蝦」炒飯。
如果利用最新既商品說明條例，佢應該會被罰錢。可惜餐牌已收回，無影到做對比。說好的大蝦變成雪藏無味蝦仔，由於我怪我自己天真，相信餐牌的展示圖片，我俾呢碟野合格50分。盛惠68大元，同酒樓差唔多。第二樣黎既真係令我無唒胃口！！半呎長既燒鰻魚壽司。由於驚食唔唒，加上38大元一件，我們只叫一件，老公先吃一半，分另一半俾我。見佢個面燒完燶燶地卜，幻想一定好好味，點知一入口。。。喂！！有無腥d添呀！？唔食又唔係，真係徙左佢咩。。
鎮店難食之霸，爭鮮三蚊件好食過佢，廚師味蕾失靈嗎？負分唔該。第三道菜就係熱賣菜式香蒜三文魚骨腩，個樣好似避風塘小炒，充滿蒜味，好似好正，心想自誇得係人氣食物，衰極都總有一味野煮得好掛喂。點知估佢唔到，第一口感覺唔係好吃或唔好吃，而係點解得蒜味？三文魚無三文魚味係點做到架？
由於我鍾意蒜頭，加上呢碟野不過48元，我都可以俾50分合格。食到呢個位，我真係心死，最後黎既係三文魚牛油果卷，兩樣食材都係我最愛，所以一吃便知龍與鳳。不過不失，沒有鮮甜味美的感覺，又未致於想吐返出來，但整體都是比較淡而無味，不要說兩種食材互相輝映，單獨吃味道也不鮮明。
68大元八件，好吃的當然抵，未達標的感覺是俾多有餘。而之前提到的小插曲，就係一個好似二十歲出頭既男員工拎住一袋青瓜返餐廳，俾張單收銀處的中年戴眼鏡女士，個女人不停極大聲以不好的態度說，十四蚊一斤青瓜？十四蚊一斤青瓜？呢d單我唔會簽架我話你聽，唔係嘛，十四蚊一斤青瓜？你以後唔好亂買野呀我同你講。個男員工不停點頭，不見他說話，表情不知如何回應。我不知道兩人關係和性格，也不評論事件對錯，但我第一時間同老公講，我以後唔會再幫襯呢間野，所有野印象太差，那位女士的態度頗叫我側目，我也想說你們的食物質素也不值這個價錢呀。
唯一優點：無花時間等位+無加一
张贴
