三上日本料理 (已搬遷) 新店位置

【飲食台】最近呢個星期工作忙到嘔茄🤮點都要食返啲好西補補肺氣🤧 呢間日本野腦魔由細食到大，以前同屋企人最鍾意黎食三文魚😂.薄目張魚刺身🐟上枱個時真係眼都突埋😳無諗過係成條魚咁上😨 店員介紹係日本空運到港，刺身好薄身，配上專屬酸汁（唔點豉油架），味道清淡而鮮。.蒜蓉燒生蠔好香好香好香蒜蓉味，我好鍾諗食蒜蓉😂 蠔焗完之後同蒜融係一體，無腥味，稍稍咸左啲啲咁多🙊建議真係唧下檸檬汁中和下.壽司盛🍣有加洲卷、三文魚、帶子、玉子、甜蝦等等等，飯微暖，刺身鮮甜，不過我最鍾意食加洲卷，入面好多料🤣.日式鍋仔烏冬🍲真係鍋仔🌚有一天婦羅蝦🍤兩舊叉燒、一舊蟹柳、一舊日本魚旦、一隻生蛋同烏冬，叉燒最好食，烏冬非常值得一提，好煙韌，似手打，口感好好🤩.呢到生意一值好好，店員依然維持勁有禮貌既服務態度，不過食物份量偏細份，大食既你請盡情叫多啲😌.店名：三上日本料理地址：元朗大棠路35-39號紅棉洋樓B-C舖#腦魔食記🥩

三上日本料理 (元朗)元朗大棠路35-39號紅棉洋樓B-C舖經過元朗想食日本嘢就睇到哩間三上好多好評而且位置方便到達 一於試吓餐廳寬闊 坐得舒服 一般都唔洗點等位去到叫咗幾款嘢食：牛油果柚子沙律好小人咁配搭 意想不到咁夾牛油果 海蜇 又有蟹籽佢嘅酸伴汁令佢啲菜有好新鮮嘅感覺牛油果嘅質地同沙律好灰 好特別三文魚刺身有三文魚魚背肉 質地較厚實而另外都有三文魚魚腩 舊嘢好有料到 入口會有融化嘅感覺可想而知 係新鮮嘅刺身可以一試 會愛上三文魚腩彩虹冷麵餐廳用心去諗哩嗰冷麵搵咗不同嘅刺身 如三文魚 吞拿魚等做到彩虹嘅顏色冷麵以麻醬拌勻 唔夠仲可以添可謂係大滿足 好好味 值得推介蒜蓉青口蒜搭乜嘢都好味所以個青口好好食啲蒜均勻舖係青口上共六隻 做小食一流XO醬鐵板生蠔覺得哩道菜簡直可以用私房菜嚟形容有茄子 秀珍茹 味道甜甜的好開胃 會令胃口大開 想再食多啲生蠔味道咁樣配搭下亦有所不同XO醬令生蠔變得惹味最後重要叫左個甜品

三上日本料理位於元朗千色對面，我每次搭車經過都會見到，經常見到好多人排隊，所以今日襯未開門前已過黎排隊食。餐牌有好多選擇，有刺身、壽司、串燒、燒魚、爐端燒、一品、炸物、鍋物、拉麵、冷麵、定食等等壽司-有三文魚、劍魚腩、油甘魚、北寄貝、藍鰭吞拿魚赤身、蟹籽、拖羅蓉壽司，夠新鮮、飯和醋比例剛剛好，不會一夾就散，太耐冇食壽司，好滿足沖繩黑咖哩雞飯配意大利黑醋沙律及日式味噌湯-好豐富，有一條鯖魚，吉列炸蝦3件，鯖魚燒得皮脆肉嫩，沒有太多骨，吉列炸蝦粉漿不會太厚，蝦肉非常爽口彈牙，唔會炸到好乾，而咖哩汁帶點微辣，大大件，好抵食巨峰提子梳打

早幾年住過一排元朗，成日都黎以間食，搬走左之後就冇黎過啦，今日去元朗特登過黎食。今日過黎食lunch ，由於岩岩開門，所以未有好多人。泡菜蜆肉（$36）泡菜一d 都唔辣，蜆肉沒有沙。刺身4點拼牛肉湯烏冬定食配日式蒸蛋及湯（$98）刺身有三文魚、八爪魚、油甘魚、吞拿魚，刺身非常新鮮，特別八爪魚，口感清脆彈牙，油甘魚非常厚實滑嫩。牛肉湯烏冬日式蒸蛋蒸蛋美味可口，像布丁般綿密濃郁的口感麵豉湯湯入面加了紅蘿蔔和白蘿蔔，變得湯更甜，成碗湯不會死鹹熱柚子蜜

三上就係千色廣場對面，見佢入面經常都坐滿人，今晚一於去試下。價錢合理，而且份量一D都唔細，老闆同侍應都好nice，周圍同d客人傾計。豆腐海苔胡麻沙律豆腐好滑，仲有海苔、青瓜絲和沙律菜，配埋胡麻醬，係呢D咁熱既天氣食最岩。一上刺身刺身非常新鮮，有我最愛的赤貝，仲有三文角、吞拿魚、油甘魚、八爪魚同甜蝦。澳洲牛小排他他沙律牛肉有口感得來又唔韌，牛味好香，將蔥、蘿蔔蓉同蒜蓉撈埋落個特製醬汁到，酸酸地又甜甜地咁，好惹味。什錦天婦羅天婦羅新鮮炸起，炸粉夠薄，有蝦、蟹柳、茄子、蕃薯等。三文魚芝士焗烏冬食落有芝士味但又唔會太濃，唔會覺得好膩。

同男朋友行完山，咁岩係元朗附近，是但搵啲野食，就黎左三上。記得三、四年前同屋企人黎食過一次，不過已經無咩印象好唔好食🤣。主食我嗌左魚生飯，有一細舊海膽同OK多魚生（青瓜都好多），食到底都仲有魚生送飯既份量👍🏻味道方面就正正常常，無話特別好食。男朋友嗌既主食係牛扒飯（已經唔記得叫咩名），個汁唔錯既。另外仲嗌左吉列蠔、帶子手卷，同炒雜菜。吉列蠔炸粉太厚，味道唔出眾，唔推薦。炒雜菜我就幾鐘意，炒得好香，上碟仲有柴魚片。望住佢地郁黎郁去，好治癒😹。

小人之前在西環店吃過大盤壽司覺得又大又抵，還推介朋友到此，怎料今次落差竟是如此之大……先說壽司，絕非普通的貨色，元X連鎖店的還要好上多倍，價錢還要便宜很多呢……做不好就別要勉強。現今在香港出色的日式拉麵店比比皆是，況且小人乃拉麵控一名，是龍是鳳怎試不出。這碗拉麵湯淡麵少料瘦，一言以蔽之，完全不合格。日式餃子的脆皮亂到似一堆假髮般淩亂不堪，幸仍是脆底，將功補過 。今次一試，比較第一次在西環食過的，差極太遠矣。

晚飯時間黎到 見唔洗等位就入左去 兩個人叫左個蒜香牛油炒什菌  汁燒雞扒定食 同海膽粒粒魚生飯蒜香牛油炒什菌同 汁燒雞扒定食味道都唔錯 但係個海膽粒粒魚生飯 竟然無海膽!!?很老實說  當時我地既目標係魚生而非海膽 而且掛住傾計  所以完全冇留意到沒有海膽這回事! 直到再拿相片出來看才發現  海膽呢??!  所以我們當下並無向侍應提出疑問事實上, 這個魚生飯料是很足的! 魚生也夠新鮮  但沒有海膽這回事 就不予置評了反正對這餐廳很失望

今日由荃灣行山行左去河背水塘，再出番元朗大概下晝六點幾已經超級肚餓，即刻搵下有咩好食見到呢間三上日本料理好似唔錯，價錢唔算高啲食物又吸引，結果就入左去。首先叫左個石鍋滑蛋芝士鰻魚飯，雖然等左耐左少少，不過係值得既，整條鰻魚上加埋滑蛋同芝士係燒紅嘅石鍋上面簡直令人食指大動味道唔錯，鰻魚燒得啱啱好，嫩滑香甜，但成個飯略嫌淡口咗少少，估計係唔想搶左主角鰻魚嘅味道而另一個主角玉子燒汁牛肉飯就反而比預期出色，香甜燒汁加埋唔會過老牛肉配上玉子令成個飯嘅味道好豐富!

不嬲都去開元朗經過見到依間日本餐廳㗎啦,因為平時補習都會經過呢間餐廳,但係平時都係匆匆咁經過就未試過去呢間餐廳度食嘢。次次經過都見到有好多人幫襯，所以其實都想試好耐咁咁岩今日就喺元朗附近同屋企人行完山啦，見時間尚早，應該就未到七點八點最多人食飯嘅時間，所以就帶咗屋企人黎三上到食啦咁一去到就唔使等位，已經有得入。然之後睇吓餐牌，唔知係咪因爲今日係年初三ge關係冇晚餐叫，咁都係散叫啦。咁我哋就見到佢有幾個菜式幾吸引，就係佢貼咗出嚟話半價嘅兩個菜式-分別就係一個玉子糖心蛋韓式牛肉拌飯,同埋一個係鰻魚芝士蛋包飯嘅，之後我哋都嗌咗一個三文魚壽司組合，咁就有五件嘅咁應該都夠食㗎啦。咁講咗個飯先啦，一開始嚟到就係玉子糖心蛋韓式牛肉拌飯嘅。咁一嚟到就已經香噴噴，十分之吸引，見到佢啲煙係噴出嚟。同埋佢啲牛肉同埋啲醬汁仲有啲蒽係充斥着香味，簡直令人垂涎三尺。咁試吓先啦撈勻左去之後再食呢簡直冇令人失望，十分之入味，而且個飯唔會話好淋，再加埋個底嗰度因為佢係類似石頭鍋咁樣啦咁都有啲飯焦嘅，真係好好食，而且份量都很大第二個飯-鰻魚芝士蛋包飯，咁佢係原條鰻魚上嘅，蛋包飯中間係有啲芝士，咁鍾意食呢個配搭嘅朋友呢就一

尋晚接母親大人收工，由於已經過咗夜晚九點，喺元朗區就近近地塭咗一間日本嘢食，媽咪間之前食個lunch都幾扺又好食，所以今次再回頭試吓佢嘅晚餐。夜晚9點後去到，雖然門口冇人排隊，但入面嘅台基本上滿座，剛好仲有一個二人位淨，我同媽咪就坐喺嗰個位置。打開Menu，除咗定食係有set之外，其他全部都係散叫，咁啱見佢哋做緊個推介。最後我哋就叫咗幾樣嘢食，小妹誠意推介牛肉飯，又香又熱，個汁仲好好食價廉物美，必試另外鯖魚味道亦非常不錯，魚皮做得好香脆，點個埋個juice一流反而令我覺得一般嘅係刺身定食，同芥辣八爪魚軍艦，冇乜特別驚喜，刺身亦未覺得去到好新鮮，令人有想再添食嘅衝動，反而熱食就做得非常到位。兩個人食咗三百幾蚊埋單，呢個價錢來講我已經覺得係幾值得

今晚同朋友落咗去食宵夜叫咗三文魚腩刺身8切油脂味入口即溶 啱啱好 正 好食！仲有特價厚切鰻魚壽司先係＄10一件( 不過每人限叫一件)雖然佢寫住厚切 但我覺得無分別普普通通 同出邊嘅size差唔多但佢燒到有少少脆口 味道亦唔錯 所以都推介之後滿心期待咁叫咗個海膽壽司但係食落都失望下佢嘅海膽味唔重 跟住唔知係唔係紫菜嘅問題定係海膽唔夠新鮮唔好味之餘 食落仲覺得怪怪地重點係價錢都唔平 所又下次一定唔會叫呢個由於唔太好其他刺身既關係所以其他壽司我就覺得不過不失不過我朋友就覺得幾好食

今朝忙完一輪⋯⋯好早起身，需要補充番啲體力經過見到元朗三上日本料理，好想食日本菜就點了份魚生海膽飯套餐，真係好豐富嘅午餐，又唔係貴喎＄118仲有呢個甜蝦，真係好新鮮，啲海膽包住紫菜食食完之後真係，充滿活力去開工了！！！正所謂： 「辛苦搵嚟志自在食」 久不久奬勵賞下自己食晏真係好，唔使等位又唔使同人迫，自己一個食飯坐卡位，真係夠晒闊落食咗甜蝦刺身飯，當然唔少得面鼓豆腐湯啦！亦都係我嘅至愛，飯同埋湯真係分量～(^^)おいしいOishi

相信很多人都知道元朗區有很多出名的日本料理店，在元朗區能夠企得穩陣腳的，一定要有自己的突出之處，三上日本料理算是在元朗區其中一間比較歷史悠久的日本料理店，住元朗區的居民一定試過。 厚切鰻魚壽司十蚊件 十蚊來說也不要太過要求了 三文魚肉燒得頗為香脆 青魚大大分香口 價錢亦不算在區內特別便宜 帶子壽司帶子的帶子也鮮甜 酒煮文蛤分量不多總體來說三上並不是一所特別抵食或好有的特色的店，只是店的地理環境比較方便，在元朗區日本料理店競爭劇烈，以現時的水準來說不算突出，真替這間歷史悠久的日本料理店將會擔心。

叫左午餐定食 香蒜牛柳粒定食 附送 所為日式天王翅 (原來係超級普通粉絲翅) 我以為定食 係餸和飯分開 點知原來撈埋一碗 都叫定食 味道一般 牛柳粒韌 醬汁少 今日無食早餐 所以非常肚餓 但我都只係只左一半已經停手埋單走人。