三上日本料理 (已搬遷) 新店位置

今日由荃灣行山行左去河背水塘，再出番元朗大概下晝六點幾已經超級肚餓，即刻搵下有咩好食見到呢間三上日本料理好似唔錯，價錢唔算高啲食物又吸引，結果就入左去。首先叫左個石鍋滑蛋芝士鰻魚飯，雖然等左耐左少少，不過係值得既，整條鰻魚上加埋滑蛋同芝士係燒紅嘅石鍋上面簡直令人食指大動味道唔錯，鰻魚燒得啱啱好，嫩滑香甜，但成個飯略嫌淡口咗少少，估計係唔想搶左主角鰻魚嘅味道而另一個主角玉子燒汁牛肉飯就反而比預期出色，香甜燒汁加埋唔會過老牛肉配上玉子令成個飯嘅味道好豐富!