一鳴拉麵

营业中

休息中

難得大埔有被籲為似樣少少既日式拉麵，當然要黎試試！裝飾有少許似日本拉麵店，但店員、廚師亦不是日本人！儘可能係仿日本店。下午沒有串燒、玉子，只有拉麵，有點失望！點了兩個拉麵，黑蒜湯，湯很淡，連黑蒜出前一丁也俾佢好！辣湯可以接受，但沒有豬骨味，沒有特別。如果是拉麵湯底的話，就不合格，但如果是普通粉麵，就可以接受！唯一可取，是叉燒！燒過，夠香！半肥瘦，口感不錯！試過一次就足夠了，不會再來

系openrice見倒甘多好評，一於過來試下。餐廳裏面裝修好有日本feel。有些搞笑既地方就系好明顯知道誰是老闆，因爲他既態度，服務都非常好，同其他侍應好大分別。食物方面系真心正，食過甘多拉麵，都會分得出邊d系豬骨精，邊d系真才實料。叫左個焰鳴拉麵，愛食辣既一定要試。湯夠濃，入味，飲曬成碗都唔覺口渴。唔計用味精煲出來既湯，里度既湯絕對系數一數二！下次一定再翻來，試埋其他野。

大埔出色既茶餐廳小食店就大把，估唔到小巷入面都有好食既拉麵～Dinner呢 同事推介一鳴拉麵，位置都唔算難搵既係出面睇menu個陣，店員好熱情咁sale我地，介紹佢地既拉麵。最後我地每人都叫左碗拉麵我揀左直身既拉麵，配半隻溏心蛋加一大塊叉燒湯底非常濃郁啊！！叉燒唔太肥唔太瘦 正！拉麵軟硬適中，溏心蛋亦好出色～碗旁仲有兩大片紫菜索埋d湯一齊食好好食啊！整體唔錯，但價錢略貴...

大埔開了一家日本拉麵店，店面跟那些日本過江龍拉麵店差不多，於是我們決定一試高低。星期天晚上客人挺多，但等候時間不耐。我們叫了拉麵，燒牛利，日式炒菜先來炒菜，味道可以，但胡椒粉味勁重。燒牛利，肉質可以，很軟，生熟程度剛好。主打拉麵，失望！湯底很有味，但不像熬出來，像是加了很多味精。吃罷很渴。HK78一碗，對我來說，不值。

一鳴，估唔到係香港竟然尋找到日本正宗的味道！地方雖然窄但設計風味十足，廚房配以長巴枱，日本街頭風味！黎到呢度，梗係要食拉麵啦，有曲麵同直麵選擇，曲麵即是一般食到的日本拉麵，連鎖店果種，直麵有少少似蝦子麵，我個人就比較喜歡直麵，特別d麻！今次品嚐既有黑蒜同焰鳴，黑蒜係人氣之選，即豬骨濃湯，呢個就係日本拉麵的靈魂，係香港食過大大小小自稱日本正宗的，去到日本真係求其一間都好食過佢地，原因好簡單，又係師傅（味精）作怪，而一鳴就俾到我係日本的味道，簡單d講一飲湯底已經飲得出濃烈豬骨味，唔肥利，好似飲緊阿媽的老火湯，絕對唔會飲到口渴，麵方面都可以選擇軟硬程度，人性化得很，加埋配料，尤其隻溫泉蛋，整體黎講絕對令人再三回味。焰鳴，即是我地平時食開的血池地獄拉麵，同黑蒜比較，多左份麵豉湯的味道，湯底較杰，濃味好多，喜歡辣加濃味的朋友千期唔好錯過。拉麵好食，小食亦非常美味，炸物新鮮炸，脆卜卜又唔會有油益味，唯一要扣分就只是地方真係迫左少少，坐得唔係咁舒服，或許就係咁，個個好快食完就走，枱數唔多但都唔駛等好耐已經有位了，不過我敢講，你是值得等的

上星期日到了大埔的教會,跟該區的教友進行交流有意義的活動當然帶同女兒一起前往活動完成後,其中一位教友帶我們到區內一家拉麵店吃飯從前的我十分喜愛拉麵,現在則因為女兒出生了,不太方便到座位不適的拉麵店,所以小吃了不過這一家拉麵店看起來還不錯食物選擇不多,女兒喜歡蕃茄,便點了蕃茄湯拉麵湯十分濃郁,蕃茄味濃,家庭式感覺,味道不錯,我和女兒一人一口也相當喜歡麵底不算太好,但入口還是不錯,不過不是日本正式味道而已豬頸肉的感覺有趣,入湯後好像濕濕的口感,又是家庭式的味道飲完湯後十分飽,還算抵吃,因為相當飽結論:適合一家大細來吃的悠閒餐廳

同屋企人平日放工dinner，約左去食一鳴拉麵! 依間拉麵店係我第3次去，第一次同男朋友去，第二次自己一個人去，今次同屋企人去! 點解咁中意依間拉麵店!? 因為佢裝修好似日整居酒屋，令我好似去左日本旅行既感覺，而且佢啲拉麵又好味，又抵食!一鳴啲拉麵真係好正，佢啲湯好濃，拉麵既麵質岩岩好，唔太軟，又唔太硬，好岩我既口味! 而豬軟骨同拉麵一樣都係軟硬適中，加上煮得好入味，所以係一間會想再去既拉麵店!碟雞翼燒得好香口，雖然有雞皮，不過一啲都唔油膩!

大埔區不定期會有好吃的餐廳,最近聽得多的是這一家一嗚拉麵,不過好像壞評語跟好評語的數量差唔多今天難得有時間入大埔, 跟友人試試實際味道如何來到後發現地方不算太大,位置不算舒適,不過食物賣相看似不錯坐下後立刻點了拉麵,我要黑蒜油拉麵賣相雖然跟正宗日式的有點高下立見感覺,但有種家庭味,算是帶點驚喜麵底不算一流但入口尚可,配合湯底味道感覺不錯湯底是家庭式那一種,不算太濃又不太油,吃慣傳統拉麵的可能會不習慣,不過作為新嘗試也不錯叉燒不太肥,值得一試溫泉蛋太膩了不過整體感覺還是不錯

一鳴雖然主食是拉麵，但亦有很多款式食品如前菜、小食、燒物及炸物提供。一鳴拉麵營業時間都去到半夜，較適合夜鬼一族。一鳴所提供的拉麵共有五款都是豚骨湯頭，計有原味、辣、黑蒜油、黑椒及牛油。我點了最簡單的一鳴拉麵、一串汁燒雞肝及一串盬燒雞腎。小店提供廿個座位，鋪面較像拉麵來或麵家山下，有懷舊日風的陳設，舖頭播著日本流行曲，感覺不俗。由於坐在bar枱，看到廚師很用心製作，拉麵吃過後要讚的是湯頭，因為一啖已知是自家烹調，湯較清亦有陣陣的豚骨味，不口喝。豬軟骨及叉燒都不俗，賣相較遜，入口有味不難咬，叉燒略炙，算是不錯。

最近以低於市價簽了Ｐ字頭的健身中心，本來滿心歡喜，怎料在新聞中聽到某男士炫耀某Ｃ字頭的健身中心有美女幫忙拉筋，頓時悲從中來，為什麼我總是跟美女緣慳一面！為了平息未能拉筋的悲憤，我就由大埔的Ｐ記走向火車站方向，在這家只開業一年多的一鳴拉麵化悲憤為食量！小小的日式招牌，加上木製的和式桌椅，裡面卻掛著不少英式啤酒掛畫，跟一般的拉麵店略有不同，有些ＦＵＳＩＯＮ的感覺一看點菜紙就知道了，串燒的比例佔８成，看來拉麵只是幌子，小食才是主角洋柿●嗚（＄６８）　－　沒有美女姐姐幫忙拉筋，就點一碗豬骨湯拉麵補一補（？），而洋柿是什麼呢？即是西紅柿（蕃茄呀）囉！吃拉麵先呷湯底是常識吧！湯底濃而不膩，藏有淡淡的蕃茄鮮甜，實在不錯。至於叉燒肥美得來，亦有相當的厚度，雖然不像豚王般一進口中就化掉，卻有著煙韌的口感。曲麵的麵質本來就比較彈牙，不過溏心蛋醃得不夠，味道比較淡。而芝士跟粟米就令我想起了拉麵始祖＂味精拉麵＂，實在跟拉麵有點違和感一名創作醬伴炸香雞（＄４２）　－　如圖所示，炸雞的用油真的麻麻，雞表皮炸得昏暗，裡面亦不夠肉汁。所幸這創作的蜜糖芥末醬甜而不刺鼻，口感非常順滑，令突兀的炸雞皮頓時軟化了。醬汁把主食

食左好多次一鳴拉麵，今次午市去竟然好失望，無左焰鳴、魚湯，價錢仲貴左，碗麵湯頭小、湯又唔夠熱、又唔記得落叉燒，完全唔同哂件事，之前55蚊一碗拉麵，有咁嘅質素，實在唔洗走出去香港九龍食，而家真係唔會想返轉頭再幫襯！

救命,好多篇食評都被REJECT,原因係重覆濫發食評,請編輯睇睇,每間餐廳我都係第一次出文咋,篇食評打得好辛苦,而且內容中立,無偏坦餐廳或係攻擊成份!!!之前去日本試過當地正宗既拉麵,食完之後味道依然念念不忘,返黎香港一直想搵返果種味道但係試過幾間係日本過黎香港開業既拉麵店,同日本既味道都爭好遠點知今日比我係大埔搵到間之前係日本食過既感覺依間係大埔窄巷既拉麵店,相當唔顯眼,如果唔係朋友帶路應該搵唔到食左個蕃茄拉麵,蕃茄湯底好濃好夠味,同埋好新鮮湯味,証明係整日煲出黎,唔係之前整定既湯底麵條都幾煙韌,食出黎都係嘟嘟聲同埋個糖心蛋真係好好食,個蛋煮得林小小,入口即溶,糖心蛋係半熟,所以好好食最近飲曬全個湯,因為真係好好飲,係日本飲曬個湯代表對餐廳既敬禮

這是第二次來到一鳴拉麪，上次與朋友午飯來吃過拉麫後，念念不忘，相約再來吃晚飯。        這裡的裝修透著濃濃的日本居酒屋味道，無論是格局、貼著的海報、播放的歌曲，都充滿日本風。        上次坐的是吧檯，今次坐小方桌。座位雖然稍為擠迫，但還算坐得舒服。        一鳴拉麪的招牌是拉麫，我也是衝著她的拉麫再回頭的。點餐紙上，可以要求拉麫軟硬、多少葱量，這是十分貼心的，尤其是對那些要走葱的朋友而言。要說最特別的，應該是拉麫的選擇，有直麪和曲麫可選。問過店員，直麫是傳統拉麫，口感較為綿，曲麫則口感較為爽口。        我點了一碗一嗚曲麫，朋友則要了黑蒜直麫。我偏好曲麫，覺得比較爽口，也能吸更多的湯，但朋友比較愛直麫。拉麫湯底是豬骨湯底，濃濃的豬骨湯，不像有些拉麫店只有死鹹，而是真的濃郁淳厚。曲麪相對來說是較爽身的，但卻吸了濃濃的湯汁。三片薄薄的叉燒也是肥瘦適中，不會過肥，也不會過澀，軟嫩但又有咬勁。還有那嫩嫩的溏心溫泉蛋，配合起來，真的是剛剛好！        除了拉麫外，芝士粟米厚燒玉子也很不錯。玉子軟嫩，粟米清爽，配上濃淳的芝士，難怪也成了店鋪的招牌。        燒雞

突然好想食拉麵，於是就搵咗呢間一鳴唻食個午餐一睇menu 有啲失望，本來有四款拉麵但午市只可以揀兩款，店員解釋因為午市做唔到咁多款，最想試既焰鳴無得試於是就各叫咗一碗湯都算濃郁，麵叫咗直麵，豬軟骨比叉燒味道好，總括唻講不過不失店既裝修就好有日式拉麵店既味道，值得欣賞

大埔的隱世拉麵店，店舖位置大約有２０個，雖然坐得不是有舒服，店內播住日文歌，可以相像自己去左日本清酒煮花甲：＄５８，是日精選。份量大約有十三隻花甲，好鮮甜。不過唔知係咪未洗乾淨，每一口都有"屎屎"。湯底有幾種口味選擇，我記得有原味豬骨、黑蒜同番茄。肉可以選叉燒或豬軟骨，而麵亦可以選擇曲麵或者直麵～麵既煮法都有軟／硬。多種選擇可以自由配搭。因為我叫左原味豬骨＋黑蒜，所以特別有印象原味豬骨叉燒曲麵：濃濃既豬骨湯，乳白色，一睇就知係煲左好耐，叉燒厚薄平均，我覺得２塊紫菜係妙筆生輝！黑蒜豬軟骨麵：我至愛既黑蒜湯底，粒粒粟米好鮮甜。豬軟骨好軟，入口咬２啖Ｄ肉就脫骨，味道適中，＄６８，價錢好公道。