一鳴拉麵

营业中

休息中

Overall it's not a bad place but they don't have a full menu in English and luckily i can understand cantonese so i could converse with the staff but the taste was not bad, i would definitely go back. 

見今日天氣咁好～就去沙田踩單車啦～既然唔知有冇力踩去大埔再踩返沙田，不如揀大埔交車，順便入去行個圈啦～其實附近都好多野食～但呢間就好似好出名～連名星都會黎食野架！呢個位置真係好似日本拉麵店！而呢度既裝修都真係花左心思落去！每個座位都有一份點菜單。仲可以感受到師傅既認真。餐牌～餐廳服務細心，店員亦好有禮貌！整餐晚飯起碼加了五次水！海鮮大阪燒！用料豐富！有蛋、菜、蝦、魷魚等等～普通SIZE，比在大阪食到既細少少。係面頭撒上沙律醬同鰹魚乾，份外好味！炸原隻軟殼蟹上檯時引來其他食客既目光！剛剛炸好，有濃濃蟹膏香味～配新鮮青檸汁同碟上少少既鹽～好食！燒日本甜蕃薯黃心既小蕃薯～ 外面再淋上糖醬～ 甜上加甜！食唔停口！燒雞泡魚乾即叫即燒！香噴噴！點埋美乃滋醬食就一流啦！香蕉冰卷呢個真心好食！有咬口，又香又甜！

好傳統既日本餐做法！午市晚市之間休息～我地踏完單車未到六點去係未開門架～所以係附近行個圈，六點再返黎～返黎已經坐左好多人啦！要黎既朋友記得預早book ! 未到6:30就已經坐滿人LU～好喜歡呢度！好有日本居酒屋既感覺！所以我都特意要坐係近廚房既檯！從拉麵碗同清酒中可以望到師傅既制作過程～先點菜！我要食拉麵～呢道有一嗚拉麵(豬骨濃湯)＄72、黑蒜。嗚(豬骨濃湯配以自家製黑蒜油)＄75、焰。嗚(秘製地獄醬豬骨湯底)＄75、翠。嗚(清新菠菜醬混入豬骨湯底)＄75和限定。嗚＄88！我地擇左黑蒜。嗚 ， 叉燒太麵(曲麵)，普通硬度麵質，少細蔥聞落都好香黑蒜味，當然要先呷一啖混合了黑蒜和豬骨湯的湯底：不太咸不太重不太油膩，沒有味精，很好！碗內還有半隻半熟卵、兩片紫菜、幾片筍和叉燒。叉燒軟淰，肥瘦適中！燒雞泡魚乾＄38 配美乃滋醬，好香口～燒日本甜蕃薯＄24 平時放題必叫既甜蕃薯，呢度都好甜啊！炸原隻軟殼蟹＄48 好有蟹味，炸粉唔太油淋淋！正！海鮮大阪燒＄68 不算太大份，可過過口癮！好喜歡鰹魚同沙律醬既配搭～好有大阪風味～香蕉冰卷＄18 好好食！望落去完全想像唔到係點樣，食落去⋯⋯ 好似西米糕既

都幾多人，間野都幾大陣味，因為open kitchen! 食完會成身所有衫都係味！紫菜嬰花蝦！超好食！好滑，好夠味！微微帶甜！拉麵好失望，湯夠濃，有質感但唔夠咸！完全唔夠咸，又冇野可以比人落....豬軟骨好淋！唔錯！拉面唔算貴！讚，如果可以有dd鹽就好好多！黑蒜，都幾香，但都係一樣嘅湯底.....所以分別唔太大。

好少去大埔舊墟，唔係好識路。去到嘅時候過咗午膳時間，肚餓唔想再行嚟行去搵嘢食，於是見到呢間拉麵店就入去食。一拉開門，侍應姐姐見我係一個大肚婆，即刻安排一個闊少少、冇咁大風嘅位比我，又即刻拎多張櫈過嚟比我擺嘢。之後好快上咗一隻雞蛋比我，我問侍應姐姐個蛋黃係咪全熟，跟住侍應姐姐話係流心嘅。我本身諗住唔要隻蛋，因為懷孕期間要小心飲食，以免貪吃引起不適，點知侍應姐姐好好人，即刻叫拉麵師傅烚過另一隻蛋比我，要全熟蛋黃。仲間唔中幫我催師傅隻雞蛋熟未 (佢主動幫我催，唔係我催佢哋)佢哋真係好好人呀，表面睇佢哋個個都好後生，估唔到佢哋咁體貼，值得一讚，因為好耐都冇遇過咁有人情味嘅食肆!!至於拉麵，我覺得都 ok，同其他拉麵差唔多!希望佢哋 keep 住對客人體貼呢一份熱心，同時亦希望大家比多啲機會年青人同埋小店，多啲幫襯佢哋!!

一鳴拉麵 經過大埔墟個熟食中心，行多陣就到喇～店面設計好日式感覺入到去店員會比杯檸檬水同溫泉蛋你(^^)／~~~午市餐牌就只有依張紙，所有拉麵同一價錢翠鳴拉麵 揀左太麵(粗麵) 揀左最硬多蔥配豬軟骨(可選叉燒)追加 帶子、櫻花蝦、蟹柳一黎到緊係試左湯底先，豬骨湯底內加左菠菜醬，好特別既味道，成個湯完全吾似平時啲豬骨湯底甘油膩(⊙ω⊙)而且又吾會好咸！係幾好既～剝開粒蛋先，原來係半熟蛋(˶‾᷄ ⁻̫ ‾᷅˵)流心程度剛好～配料方面 筍干 同 溏心蛋都吾錯追加既櫻花蝦浸湯後好好味 於是再追加一份٩(˃̶͈̀௰˂̶͈́)و反而帶子一般般 燒得過熟蟹柳有兩條 賣相非常普通 但幾鮮甜仲好食過帶子(o^^o)主角豬軟骨就非常失望o(︶︿︶)o份量係非常足夠 有六大舊但並吾係口入即溶既口感肉質好鞋 而且軟骨位置太硬( ･᷄ὢ･᷅ )好彩我啲牙仲ok 咬爛曬佢食落肚~味道一般(╯3╰)麵質方面雖然揀左最硬 但都係無乜咬口 亦吾煙韌整體感覺普通~不過吾油膩既豬骨湯底係值得一讚既*^_^*都飲左大半碗～一鳴拉麵 (大埔)地址：大埔運頭街20-26號廣安大廈地下E舖

拉麵不過不失, 湯底夠濃, 溏心蛋好味, 但叉燒好薄。大板燒即叫即整, 係好味嘅, 但份量有啲細。芝士粟米玉子燒, 非常一般, 無乜芝士味亦欠蛋香, 唔明點解會係必食之選。三樣嘢埋單$230, 係咪我食米唔知米貴呢? 我覺得呢個價錢真係有啲貴。鋪頭好細, 係你食完就會走唔會想坐耐啲嗰隻, 鋪頭設有加一, 這一點我是有點O咀的, 要搭枱, 店員全程沒有主動加水, 我食咗一個鐘都冇, 唔係介意俾, 係唔明佢憑甚麼收加一, 可能佢餐牌直接mark up個價錢我會感覺良好啲。試過就算, 大埔仲有好多好嘢食, 沒有需要再幫襯。

朋友係拉麵發燒友。呢排佢成日講「一鳴」拉麵好好食。到底有幾好食？係一個迷。今日👧🏻決定去解開呢個「迷」。牆上d畫好搞笑。拉麵有五款口味。四個係基本。一個係期間限定。除咗湯底之外。仲要揀麵喇。配料喇。蔥喇。。+$18/$28有飲品+炸雞/餃子一份。哈哈。有選擇困難症嘅朋友。你地點算好👧🏻穩陣d揀咗「一鳴」。濃厚嘅🐷骨湯底。飲完一啖又一啖。停唔到口叉燒肥瘦均勻。忌廉溝鮮奶～以為係一罐罐。點知係一大杯加冰。味道淡咗dd。炸餃子～外表炸到脆卜卜。個皮都算薄。餃子脹脹的。餡料都唔少。個「迷」解開了。拉麵確係唔錯。小食都有水準。以後食好西可以留喺大埔喇🤣

呢間拉麵幾年前食過今日再食餐牌多左好多項目！但今日無試太多 主要食返個拉麵暖下身！拉麵有5款湯底麵質 硬度 辣度等等都可以自選我揀左限定口味：廣島蠔豬骨湯！因為呢個湯底有3隻大既廣島蠔嫁😍另外仲有每碗都有既半隻蛋同叉燒 或 豬軟骨湯底👍🏻👍🏻👍🏻廣島蠔同蛋都略嫌熟左d我揀左叉燒 家人揀左豬軟骨所以兩樣都試到兩款都唔算出色 叉燒瘦既位置幾「鞋」豬軟骨既骨係脆口既食法另外叫左南瓜秋葵沙律味道幾好 但太多洋蔥下次試下其他小食甜品先～

之前同朋友去大埔墟睇中醫後，行過見到佢裝修同係日本見到嘅拉麵店差不多，天寒地冬食個拉麵暖吓先！座位唔係太多，咁啱冇人等位，張拉麵紙好大張，4種口味加一個限定，五款選擇，我喜歡濃湯，就點了黑蒜．鳴$75，湯底係用豬骨濃湯加埋自家調製嘅黑蒜油！加多份炸雞落單一陣，個拉麵就上枱，有效率！最緊要係熱盪盪咁先至可以保持到食物嘅質素！大大碗，香噴噴嘅黑蒜油香味已撲鼻而來，選擇時已經選了叉燒，平時食開兩塊，這裡有三塊，重要係肉質軟滑，入口個啲肉同脂肪一齊溶化嘅感覺真好！而唔少得嘅半熟蛋，雖然入口好滑，但感覺始終都係係日本吃過的唔同！返正有排都未有機會在日本吃，止渴先啦！終於要到個湯了，正如張紙寫嘅一樣，個湯真係夠晒濃，正！配埋黑蒜油真係冇得輸！個湯邊吃煙韌彈牙嘅拉麵邊飲個湯！個炸雞都好香脆，外脆內軟，份量亦十足，加埋個醬吃真係感覺沒有咁肥膩同熱氣！雖然看完中醫都要吃啦！食完真係好似成個人好了！

有好野我都益朋友既，不過今次我先自私食，拉麵店外好多人，好在我一個人，搵到個居酒屋位，即係對住廚師食那隻，呢度拉麵分幾種，我就叫左「黑蒜。鳴」，係黑蒜油加上豬骨濃湯內，碗麵帶給我驚喜，先說賣相，黑蚊蚊的拉麵，我沒有想過會咁多黑蒜油，飲兩啖，有蒜味有油味，難得地中間還有豬骨味，大家的比例是50，50。（起初睇有點似墨魚汁），麵底我揀左幼麵同曲麵，曲既拉麵我真係第一次食，睇賣相好似公仔麵，但食落唔似，幼身好多，質地上公仔麵比較粗，又比較油，曲麵有d似「簡水麵」咁，有少少鞋口，配料我沒有選擇一般會食既叉燒，選了豬軟骨，豬軟骨本身已經有味，仲有半隻流心蛋，凍凍的蛋漿流出，融入麵中，凍熱交融呀！見到我喜愛既玉子燒點可以錯過？叫左個芝士蟹肉玉子燒，話時話呢個仲貴過一碗拉麵，是關要$78，拉麵都只是$75，所以都幾期待，果然係無令我失望的，黎到已經好生動，有堆木魚係度飄呀飄，我切開左幾件慢慢食，一切開啲蛋漿就爆出黎，夾層內睇到有好多蟹肉，足料上碟，呢個玉子燒似普通蛋卷，因為蛋味好足，又香又濃，反而傳統的甜蛋味較少，都好，我都怕太甜。～完，推介指數：10～

非常失望的居酒屋，地方很細，清酒没有 300 or 720ml, 只能叫一大支，收费 $268, 超級唔抵。坐位又唔舒服，2個人食咗 700元，串燒只有一串，收 $18，超貴，上環、觀塘都有 2串啦，勁唔抵食。我以後一定一定唔會再去。

早兩日舊同事forward左個facebook fan page比我，係一間拉麵店既facebook，一睇就睇到張繼聰同阿Kay喎！咁岩過兩日都會入大埔探個fd，即刻search地址去食個一人前！餐廳成間居酒屋咁，除左面壁位仲有d卡位，我有幸坐到卡位，拉麵價錢唔貴，都係$72-78，我叫左個好特別既翠鳴，翠鳴係將菠菜醬加入豬骨湯底裡面，大約等10分鐘就到啦！黎到起初嚇一嚇，因為湯底係綠色架！好特別，因為有菠菜醬，試兩啖，好濃既豬骨味！豬骨味中間真係feel到蔬菜味，筆起d湯睇，唔係清湯咁清晰，真係見到有d菜碎，足料！麵底我揀左幼既直麵，呢度有直麵同曲麵揀，直麵就係我地平時食既麵，麵幾有彈性，難得地成碗湯我都唔覺得油，配料揀左豬軟骨，幾特別，唔似平時的只有叉燒，豬軟骨有4件，味道偏咸，醃得好入味！食碗麵滿足唔到我既，忍唔住叫左個炸餃子，$28有五件，餃子皮炸得好脆，但高招的他，脆而不焦，即叫即炸，仲配備餃子醬油，餃子入面有滿滿豚肉，餡料豐富，豚肉無肥肉，加上厚厚脆卜卜的餃子皮，味道不錯！食埋個甜點先，隔離枱叫左兩件透明的東西，聽到個女仔話幾好味，我當然唔執輸！原來是香蕉冰卷，所謂冰卷其實

叉燒好足料，肥瘦適中，唔會好似其他鋪頭肥肉過多！豬骨湯底濃郁，加左菠菜蓉係湯底增添清新感，配搭剛剛好！糖心蛋煮到岩岩好。叫左店家多蔥佢都有多比我！另外加在份小食香煎餃子，份量都好夠，可同朋友share ~ 餃子香口料又足！炸到好鬆脆上菜個時熱辣辣！值得一試！！每個客人都送糖心蛋一隻，最後無食到，因為拉麵𥚃都有一隻～太飽飲品叫左一杯冰凍烏龍茶，勁大杯！可助減少拉麵同餃子既油膩感！總結好抵好豐富既午餐！

今天啱啱約咗幾個朋友去踩單車，租單車舖附近見到🈶️間日式拉麵店，咁我地幾個人還完單車就去食。店內裝修係日式拉麵格局。咁我地開始點嘢食，呢度拉麵🈶️幾款叧加1⃣️款限定選擇，我就點咗焰。鳴呢款。焰。鳴 湯底刺激呢度仲可以選麵條&麵質&配料，我要咗直麵普通豬軟骨。拉麵配料多湯底夠香開胃刺激&豬軟骨夠淋入味小食點咗一名炸香雞&日式炸餃子。炸雞鬆軟又香脆，點醬汁仲嘢味，餃子內🈶️肉汁夠香。服務員還不時幫客人杯浸水唔錯，🈶️機會會再來試其他囗味。