一鳴拉麵

营业中

休息中

原本食lunch 好少寫食評！但係呢間一嗚拉面真係不得不推薦！餐牌比較簡單！可以選擇既野唔多！但係可能咁樣先證明佢可以專注煮拉面！我地兩個人一人一碗。分別叫湯底-面軟硬度-配料-追加-飲品！我叫左翠。嗚配叉燒！翠代表菠菜湯底！好香濃既菠菜味！減低左豬骨湯既濃度！比豬骨湯既清淡d! 叉燒肥瘦適中！而且份量超多！唔似第二d拉面鋪得2塊！岩曬肉食者黎食！配既餃子炸得好鬆脆！新鮮熱辣！值得推薦！我朋友叫左黑蒜。嗚！黑蒜味重，豬骨湯味好濃！一樣叉燒份量極多！好味！值得一題烏龍茶大大杯！仲送左兩隻溫泉蛋！唔知係人人有份定係咁岩得我地有！非常推薦大家黎食呢間！性價比高又好味！每樣野份量又多！兩個人食到好飽都係百幾蚊！

今日唔洗返工所以冇出九龍咁但係突然間好想食拉麵點都唔會要食老千拉麵掛所以跟朋友散步去大埔墟支持小店原來就係係我以前睇中醫嗰條街基本上唔係地頭蟲都唔會行入嚟小店好有橫町氣氛坐低即刻已經有心水黒蒜。鳴 $75比九龍平¼價錢賣相好有日本feel感覺好有 heart我自己就鍾意特別啲食太麵即係彎彎曲曲嘅拉麵喜歡普通硬度入口更加彈牙黒蒜湯底十分濃郁每一啖湯都充滿蒜油香味小蔥要叉燒叉燒係 more than 半肥瘦入口即化而且都算大大塊當然我好享受隻半熟蛋啦好味而且好有幸福嘅感覺一碗麵真係唔夠喉所以再點啲心水小食鹽燒牛柳粒 $48鮮嫩而且肉汁多是拉差醋汁炸雞翼 $38我直情覺得佢係 Japanese style 既 Buffalo wings好好味呀下次再嚟幫襯

都說我是一個不折不扣的拉麵狂迷，吃拉麵吃到專程走入大埔去食，於我這個九龍人來說的確是十分crazy的一件事....久未嚐拉麵已有一段時間，一場嚟到自不然是要大點特點了....竟然在一間日式拉麵居酒屋之內遇到了同樣久未有喝到的港式忌廉溝鮮奶 而且一來就是一大瓶加冰的，喝得十分過癮....在這裡，特別的一件事是在拉麵未奉上之前先是送上一小杯水以及一隻半熟蛋。 半熟蛋的蛋黃的確是名副其實地呈半流心狀態，入口甘甜....一碗豬骨湯拉麵配上叉燒或豬軟骨都只是收您六十八塊錢，我想這一個價位如在市區的日式拉麵店的話，相信只能叫半或大半碗而已(現在出外吃一碗拉麵加小食，如沒有一張紅衫魚也真的辦不到，確實貴到離曬譜)。今天在這兒，既叫了麵又再在麵內加料及另添小食，埋單亦只是百多大洋而已....光只點豬骨湯拉麵似乎是有點太單調了，於是決定選擇下了黑蒜油進湯底内。 這裏的豬骨湯麵是走偏濃味的路線，再加上黑蒜油上去它的味道就變得更濃重了; 蒜油的香味的確很盛，蠻惹味及刺激味蕾的....麵方面點了我個人最喜歡的曲麵，貪其有咬勁之緣故也。 這裡的麵除了有咬口之外也沒有太重的鹼水味，我個人是甚喜愛的....豬軟骨同

朋友生日 ，佢話想食拉麵，所以我地陪佢去 ，近近地就一鳴拉麵啦去到都要排左一陣隊，15分鐘左右，好多人下我食左個焰‧鳴拉麵，濃底淡淡地唔錯，仲有D櫻花蝦係裡面，而且食得出係自己煮無添加劑！櫻花蝦幾好咬口，口感幾好。拉麵份量幾大下，爭d食唔曬，朋友同我一樣，都好滿意 佢食左一個豬骨叉燒拉麵，湯底味道濃郁而唔油膩，唔錯依度湯底好天然，每一款味道都好好飲麵底一樣好好咬口，因為廚師煮既時間教得岩岩好，而且都係好大碗，女仔食實飽❤️食完再帶佢附近食甜品，實行黎個全天吃好西旅程，生日快樂！

睇完食評就打算試下呢間大埔拉麵。唔清楚係我對拉麵要求高，定係寫食評個d 人口味有問題：拉麵：湯底》湯底算係拉麵靈魂吧，好淡好水，d 湯雖然好似膠膠地，但似係落"hin" 料整"傑"。拉麵同肉：質感一般，質素below average仲叫左串燒和胶子，串燒只可用難食形容，價錢亦唔平

同朋友落大埔唱k，唱k前食小小野，聽人講近工聯會果頭有間拉麵唔錯，就2個人去食d野先去到食左個黑蒜油拉麵，平時食麵都鍾意食黑蒜口味，今次都試試呢到睇下感覺如何食落拉麵麵底比其他拉麵店煙韌，口感極好，唔會過林。見到湯底黑炆炆，見到都幾驚食到個嘴變烏卒卒，覺得幾得意湯底唔太濃但夠味，純湯底無味精，食完唔會成嘴油林林，亦都唔會變黑色，哈哈，唔錯。叉燒夠曬肥同大舊，食落都頗香油脂味，食完一定夠飽夠滿足。仲有糖心蛋同荀片，一齊夾埋拉麵食好正另外炸雞炸出黎好香好脆，肉好滑仲好多汁，而且炸得乾身唔多油，仲好多舊tim價錢唔太貴，幾抵食，下次同朋友再黎

悠閒的星期日，晚餐到了運頭街搵食，見到有間拉麵店，即想試下了。 是小小的店子，同平常的拉麵店設計差不多，長方形面積，有個開放式廚房，木系枱椅，擺放了不少日式樽裝飲品。 一鳴拉麵，$72，要了軟身的太麵(曲麵)，豬骨湯底，味道濃郁不油膩，但不夠香，拉麵彈牙，有三片叉燒，口感鬆化，戴點焦香味，味道不俗呀，糖心蛋正常水準。 限定鳴，$79，是限定創作的湯底，,試了點，是牛油湯底，味道不俗，肉是豬軟骨，有大量的粟米粒呀。 鹽燒安格斯牛柳粒，$48，香口惹味呀。 拉麵份量多，有齊糖心蛋及三片叉燒，$7X都計尚算抵食呀。

1.一黎就已經催落單2.日本貓頭鷹啤酒$58 ，見個樽幾特別所以叫左一支。侍應一斟完落杯，樽都未放低就拎走左，問佢可唔可以要番個樽佢答: 唔可以，因為我地個樽好珍貴 (無言……)3. 大蔥串燒 $16 - 燒完仲係生既 辣到完全食唔落口4.特色拉麵$78 - 竟然係芝士粉+粟米拉麵，另外幾款平啲既拉麵都有既糖心蛋，佢無，落order剔"多蔥" ，黎到無蔥話本身係咁……中伏味濃總結: 唔值!

今日收工好晏，唯有自己一個去搵野食啦。行下行下見到有間拉麵鋪，於是就行左入去，今日實在太攰啦，是是但但又係一餐拉麵食過唔少店，連鎖都試過，今次試試呢間小店，以往經驗黎講，都有幾好的經歷呢間舖嘅裝修都幾日式架喎，好似去左日本咁，主要都係以木為主坐低店員拎餐牌比我，有拉面，煮物，素食，燒物等等。於是我點左一鳴拉麵即係 豬軟骨拉麵香濃嘅豬骨湯底，半肥瘦嘅豬軟骨，再加上糖心蛋，非常之美味，麵既軟硬度應控制得好好，係我最鍾意嘅口感，不過份量不是很多於是我在點了 燒雞翼和燒粟米牛油燒粟米粟米鮮甜多汁最特別就係燒完之後上面再加上芝士粉，之前我從未咁樣食過原來咁樣食有另一番嘅風味燒雞中翼雞皮燒得好脆，內裏肉質鮮嫩，加上老闆特製嘅醬油同辣椒粉，令到平凡嘅燒雞翼變得一點都不平凡總括來言，依間拉麵店，有驚喜，不錯不錯~

舊時住係大埔，大埔咁多美食，久唔久都去試一試今日有d想食日本拉面，所以就去左位於大埔的一嗚拉面店面好有日本既風格，7點黎到，吾洗等位，但遲dd到0730就開始要等lu黑蒜 鳴@豬骨濃湯配以自家製黑蒜油 $68講到食日本拉面，我就比較鍾情於黑蒜油呢間既黑蒜油同豬骨濃湯既味道配搭十分適中黑蒜油既味比起外面連鎖既拉面店淡d，所以吾會搶左豬骨濃湯既味道同時黑蒜油既份量吾會太多，吾會食到個咀好油，抵讚！面底方面我揀左直面，直面就相對幼身d，口感都幾好拉面既配料有: 紫菜,、糖心蛋,、叉燒(可轉豬軟骨)、木耳、粟米對其他配料冇咩特別意見，但我覺得加左木耳絲，食面既時候會有多一種口感，吾錯吾錯另外,都點左個芝士玉子燒 $58呢個真係十分推薦熱辣辣上台，一切開d芝士流出黎玉子燒中間有幾粒粟米，面頭有d木魚絲，呢個組合簡直冇得輸！總結黎講，一鳴拉面既拉面價錢合理，而味道亦佳，值得再食

最近比大埔嘅朋友叫咗上去大埔，去佢屋企坐陣之後就落街食飯。佢話附近有一條巷仔有間拉麵店都幾抵食，幾多人，我哋就去咗食個拉麵。見到佢個餐牌真係嚇我一跳，平時同朋友去銅鑼灣食拉麵真係好鬼貴，一碗普普通通乜都冇嘅拉麵都要＄80起跳！！好抵食呀！就算每人食個拉麵再加個小食都係＄100多少少，就好似去咗旺區嘅拉麵店食一碗拉麵差唔多。我個人就好鍾意食蕃茄嘅，所以就揀咗蕃茄湯底嘅拉麵～洋柿。鳴 番茄豬骨湯拉麵＄68可以選擇叉燒或者豬軟骨，因為擔心豬軟骨嘅骨會好硬食唔落（之前試過），所以都係揀咗叉燒。原來本身碗拉麵已經包左幾樣野，包括糖心蛋，紫菜兩塊，幾塊瘦叉燒仲有芝士。未食拉麵先飲一下個湯，濃郁度都可以接受，而且酸酸地好開胃喎。另外拉麵我哋揀咗直麵，爽口彈牙，比較幼身唷。糖心蛋個溫度整得啱啱好，所以見到中間呈現半熟狀態，蛋白亦如是。所以食起嚟甜甜地，入口即溶。紫菜冇咩特別，叉燒就吸左蕃茄湯底嘅香味，口感都算軟熟。表面嗰個芝士撈勻咗之後好香呀，好似食緊平時芝士撈麵或者芝士火鍋～鹽燒牛舌＄38牛舌原來係一粒粒的，非常爽口，鹹香十足，不過需要加上青檸來中和鹹味。吃得出新鮮味道，不過就有一兩粒系筋位所以就比

今日同班好耐冇見ge同學食飯佢地話大埔有間拉麵又抵又勁好食 話一定要食咁我都好鍾意食拉麵 就梗係要去試下啦去到雖然有d多人但係都唔洗點等位就入得去lu一鳴拉麵豬骨濃湯拉麵 $68揀左人氣款式拉麵而且自已又比較鍾意傳統ge拉麵口味所以就揀左呢個落單果陣可以揀要咩麵同幾多蔥至於可以揀叉燒定豬軟骨真係第一次見 鍾意食豬軟骨ge朋友可以試下我就都係揀返叉燒ge 因為比較鍾意食肉一見到碗拉麵兩塊紫菜覺得好開心(個人比較容易滿足)因為浸稔左ge紫菜吸晒湯底ge味真係好正而平時食其他拉麵都係得一塊紫菜但今次有兩塊 另外個溏心蛋係勁滑 唔會太熟個湯底唔會太鹹或者太油 味道都唔錯叉燒亦都唔太肥 唔會有好多肥膏 算係偏瘦 而且唔會太薄覺得好滿意燒甜番薯＄20咁多朋友一齊食飯就當然要叫返d小食開share呢個燒甜番薯細細粒一口size 一啖一粒 食落一d都唔麻煩 同埋佢加左少少蜜糖汁一齊上本身番薯ge甜味再加埋呢個汁就更加好食但係又唔會甜到過左龍 覺得啱啱好個份量就算一個人食晒都唔會太飽 鍾意食番薯ge朋友絕對可以自己叫一份自私食呢間拉麵真係幾抵 一來價錢唔算貴 二來環境唔錯好有氣氛 有時間都會再去試下佢其

趁着今天天氣很好，我男朋友來到大埔踩單車。踩完單車，感到非常飢餓於是來到單車店附近走走，看看有什麼餐廳。當我們走到大埔墟附近，發現了一條小巷裏面有着一間看着隱蔽又很具日本風的拉麵店，於是決定來都試一試。日式咖喱豬頸肉飯$58由於前幾天已經吃過好幾碗拉麵，今天打算試點別的，所以選擇了日式咖喱豬頸肉飯。平時在午餐時間香辣的咖喱吃得很多，但日本咖喱卻是很少嘗試。豬頸肉的質感令我有喜出望外的感覺，吃下去香濃的油香溢出，但卻一點也不覺油膩。配合又香又甜的日式咖喱汁十分搭，我和男朋友都是十分喜歡，份量也十分足夠。芝士蟹肉玉子燒$78玉子燒平時於壽司店也嘗過不少，但有不同涵的玉子燒卻從未試過，於是就點來試試了。玉子燒的賣相非常吸引，表層鋪了一層滿滿的木魚絲。當牌玉子燒切開後便看到裏面包着滿滿的蟹肉，便沾上日式醬油吃了。吃上去的感覺並沒有十分香濃卻帶着淡淡的蟹肉香味，和芝士味。日式醬油的鹹香配合上這款玉子燒卻意外的合襯，很特別。墨魚咀串燒$18過了沒多久，燒物便來了。這是我第一次吃墨魚咀串燒，我以為墨魚咀串燒的醬會很咸但是吃下去一點也不會，也不會被那醬汁掩蓋掉鮮味。雞翼串燒$18雞翼內的肉汁保存得很好

話說今晚成班朋友臨時約去大埔食晚餐，行行下見到有間拉麵店幾多人排隊，決定試下新野，於是入去睇睇。望到餐牌，款色都多，價格中上咁，但見反正夜晚食老茶都貴啦，最緊要好食咪得！原本點左蝦肉粟米球，但咁岩無蝦肉，就點左另一個推介既一口粟米球（$38/四粒）。食落，咸咸地（應該係芝士粉）但又有粟米既甜味，同埋炸到岩岩好，都幾有口感，good! 然後就諗，如果加埋蝦肉陣鮮味會唔會再正啲，下次過黎再試下！主菜呢，我就點左黑川·鳴 即黑椒豬骨濃湯拉麵（$68）一般拉麵size，但呢款拉麵幾重黑椒味，同埋湯底既豬骨濃湯都唔錯，值得推介。我自己就選小蔥，麵就普通，再選叉燒而唔係叉燒，純個人喜好，但呢間既叉燒又幾入味。一啖叉燒，一啖拉麵，正！Btw 呢款拉麵都有埋糖心蛋和紫菜，幾經典，唔似普通餐廳咁，純粹得個名叫拉麵，所以個味道同價錢既性價比，我覺得幾高。

一鳴位於大埔墟一條小巷內，但巷子上卻全是食肆，不算難找，而且大埔區內甚少小店，於是決定一試。點了兩個拉麵，牛油拉麵挺香而且有粟米粒，但沒有玉子，黑蒜拉麵比想像中味淡，不喜歡太濃味的拉麵的朋友應該會較喜歡後者，吃完也沒有口渴感。拉麵麵質有待改善。點了兩款小食，中規中矩吧。總體而言，這小店是不錯的，還提供多款燒物和小食，下次會再試。